ماذا بعد! 🖤

يا رب أنا خايفه من نومة القبر جداً، ف أجعل قبري واسع ومنير وصاحب عملي طيب وجميل ، عشان بالله أنا خايفه جداً من الليلة الأولى اللي ف القبر.

و يا رب لما أموت ألاقي اللي يفتكرني دايما ويدعيلي ، وصحابي يفضلوا فاكريني بالدعوات والصدقات .

يا رب قبل ما أموت ، أكون توبت توبة نصوحه من القلب والعقل، وفعلي كله يبقى فعل عابد تائب .

يا رب قبل ما أموت ، أكون عملت حاجات حلوة كتير عشان الناس يفتكروني بيها ، ويقولوا كان أثرها حلو .

نفسي أحكي ع كل اللي مريت بيه ، كل اللي مخبياه ، بس مينفعش ، مفيش حد آمين دلوقت ولا حد بيفهم حد .

يا رب قبل ما أموت ، أكون ف مره حكيت ع كل اللي ف قلبي بجد .

نفسي أبطل أفكر وألوم نفسي على حاجات لا كانت بإيدي ولا كان ليا ذنب فيها.

محاولتك ف قلبي ، يا رب يا رب .

‏عايزة أتكلم عن الصمت المُصاحب للهزائم الثقيلة ولكن مش دلوقتي، لما أبقى أطلع من الصمت المُصاحب للهزائم الثقيلة.

عليه أفضل الصلاة والسلام ، الموضوع أكبر من اللي انتي بتتكلمي فيه ، أنا فقدت عزيز ع قلبي يعتبر أخويا ومش هقدر اقول فقدته ازاي ، أنا لو حد خذلني مبزعلش غير ع المكانة اللي حطيته فيها ، أنا بمر بأسوء فترة ، مفيش حد بعينه زعلني ، بس الدنيا دي صعبه جداً ، أنا لو اتكلمت ع اللي حصل واللي بمر بيه هتعرفوا أنه من حقي ازعل بجد . وحقيقي شكراً لكلامك ، و حرفياً أنا بجاهد بشكل كبير جداً أنه الحزن ميسطرش عليا اكتر من كدا بس غصب ، اهو فانيه ، دعواتكم.

قومت عيوني وارمه ، وملامحي متغيره 180 درجه ، فعلاً الحزن قادر يغير الملامح كأنك شخص تاني .

‏كان الرسول ﷺ إن ضاقت دنياه يُردّد ، يا حي يا قيوم برحمتك أستغيث أصلح لي شأني كلّه ولا تكلني إلى نفسي طرفة عين .

لولا القرآن والصلاة كان زماني اتجننت .

معلش ،محدش بيحس بالوجع غير صاحبه.

متفاجئ رغم أنك عارف إن ده السيناريو اللي كان هيحصل بس أنت كان عندك أمل!

‏ماليش غيرك مترُدنيش بعد الدُعا مهزوم!

أنا مش عارفه ابطل عياط .

متحرمنيش منها يا رب .

أنا زعلانه أنه زعلانه، عشان أنا محاطه بنعم كتير من ربنا ، ف مدايقه جداً جداً أنه زعلانه.

و الحتة دي علمتني الاستغناء ، أصلا مكنتش محتاجه وجودك وأنا ف أسوأ حالاتي ، ف مش هتفرق لو مشيت .