ក្លឹបយុវជនកាកបាទក្រហមកម្ពុជា-RUPP (ព័ត៌មាន🔔)

ថ្ងៃចន្ទ ៩រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែតុលា ឆ្នាំ២០២៦ សមាជិក សមាជិកា ក្លឹបយុវជនកាកបាទក្រហមកម្ពុជាប្រចាំសាកលវិទ្យាល័យភូមិន្ទភ្នំពេញ បានចូលរួមកម្មវិធី អបអរសាទរខួបលើកទី២៩ ទិវាគ្រូបង្រៀន ០៥ តុលា ២០២៦ ក្រោមប្រធានបទ «គ្រូបង្រៀនជាសសរទ្រូងនៃការកែទម្រង់ទំនើបដើម្បីកសាងធនធានមនុស្សសតវត្សរ៍ទី២១» ក្រោមការអញ្ជើញចូលរួមរបស់ ឯកឧត្តមសាកលវិទ្យាធិការ នៃសាកលវិទ្យាល័យភូមិន្ទភ្នំពេញ សាស្រ្តាចារ្យ លោកគ្រូអ្នកគ្រូ ព្រមទាំងនិស្សិត ចំនួន១០០នាក់។ កម្មវិធីធ្វើឡើងដើម្បីរំលឹកគុណូបការៈដ៏ថ្លៃថ្លាគ្មានអ្វីប្រៀបផ្ទឹមបាន និងសម្តែងនូវកតញ្ញូតាធម៌ដ៏ជ្រាលជ្រៅបំផុត ចំពោះលោកគ្រូ អ្នកគ្រូ និងសាស្រ្តាចារ្យទាំងអស់ ដែលបានលះបង់កម្លាំងកាយ ចិត្ត និងប្រាជ្ញាស្មារតី ក្នុងការផ្ទេរចំណេះដឹង និងបណ្តុះបណ្តាលធនធានមនុស្សសម្រាប់សង្គមជាតិ ។ សមាជិក សមាជិកា ក្លឹបយុវជនកាកបាទក្រហមកម្ពុជា នៃសាកលវិទ្យាល័យភូមិន្ទភ្នំពេញ សូមគោរពជូនពរដល់លោកគ្រូ អ្នកគ្រូ និងសាស្រ្តាចារ្យទាំងអស់ សូមមានសុខភាពល្អបរិបូរណ៍ កម្លាំងមាំមួន និងជួបតែពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។