ក្លឹបយុវជនកាកបាទក្រហមកម្ពុជា-RUPP (ព័ត៌មាន🔔)

ថ្ងៃសៅរ៍ ១កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១២ ខែកញ្ញា ឆ្នាំ២០២៦ ក្លឹបយុវជនកាកបាទក្រហមកម្ពុជាប្រចាំសាកលវិទ្យាល័យភូមិន្ទភ្នំពេញ បាននាំយកថវិកាចំនួន ២ ០០០ ០០០ រៀល (ពីរលានរៀលគត់) ទៅចូលរួមឧបត្ថម្ភជូនភរិយារបស់លោកសាស្ត្រាចារ្យ ពន់ ឆាយ អតីតទីប្រឹក្សាយុវជនកាកបាទក្រហមកម្ពុជាប្រចាំសាកលវិទ្យាល័យភូមិន្ទភ្នំពេញ ដែលបានចូលសម្រាកព្យាបាលជំងឺនៅមន្ទីរពេទ្យកាលពីពេលថ្មីៗកន្លងទៅនេះ។ ការឧបត្ថម្ភថវិកានេះ ធ្វើឡើងក្នុងគោលបំណងចូលរួមចំណែកជួយសម្រាលបន្ទុកគ្រួសារ និងជាវិភាគទានសម្រាប់ជួយសម្រួលថ្លៃព្យាបាលក្នុងអំឡុងពេលសម្រាកនៅមន្ទីរពេទ្យ។ សកម្មភាពដ៏មានអត្ថន័យនេះ មិនត្រឹមតែជាការជួយសម្រាលបន្ទុកផ្នែកហិរញ្ញវត្ថុប៉ុណ្ណោះទេ ប៉ុន្តែថែមទាំងបានឆ្លុះបញ្ចាំងយ៉ាងច្បាស់ពីស្មារតីមនុស្សធម៌ ការចែករំលែកក្តីស្រឡាញ់ និងការយកចិត្តទុកដាក់យ៉ាងកក់ក្តៅបំផុត ដោយមិនបោះបង់គ្នាក្នុងគ្រាលំបាកឡើយ។ #យុវជនកាកបាទក្រហមកម្ពុជា #RUPPRedCrossYouth #RUPP