UYFC Phnom Penh

📝 ដំណើរការសំណេរព្រឹកថ្ងៃទី១ នៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ១០ សីហា ២០២៦ ព្រឹកនេះ ខណៈពេលដែល ប្អូនៗបេក្ខជនកំពុងខិតខំបញ្ចេញសមត្ថភាពរបស់ខ្លួន តាមកាលវិភាគប្រឡងដែលបានកំណត់ នៅតាមមណ្ឌលប្រឡងនីមួយៗ ឪពុកម្តាយ និងអាណាព្យាបាលរបស់បេក្ខជន កំពុងអង្គុយរង់ចាំនៅក្បែរមណ្ឌលប្រឡង ជាមួយនឹងអារម្មណ៍ភ័យផង អរផង និងក្តីសង្ឃឹម រង់ចាំកូនៗដែលកំពុងប្រឡងនៅខាងក្នុង ទោះបីមានភ្លៀងរលឹមតិចៗក៏ដោយ។ សម្រាប់កូនៗ វាគ្រាន់តែជាការប្រឡងរយៈពេល ២ថ្ងៃ ប៉ុន្តែសម្រាប់ឪពុកម្តាយ វាគឺជាពេលវេលាដែលពួកគាត់ទន្ទឹងរង់ចាំចង់ឃើញកូនៗទទួលបានលទ្ធផលល្អកើតពីការខិតខំអស់រយៈពេលជាច្រើនឆ្នាំ។ ជូនពរប្អូនៗទទួលបានលទ្ធផលល្អគ្រប់ៗគ្នា។ ប្រភព៖ AMS Education JOIN 🌐@UYFC Phnom Penh 🌐 | FACEBOOK 🌐 | TIKTOK

ស្ថាបត្យករ អាចចូលរួមជួយបង្កើននូវគុណភាព​ និងសមត្ថភាព ធនធានមនុស្សកម្ពុជាជំនាន់ក្រោយបានតាមរយៈការផ្សារភ្ជាប់វិស័យស្ថាបត្យកម្ម ទៅនឹងវិស័យអប់រំ។ #សសយក​ #សសយក​រាជធានីភ្នំពេញ​ #MLMUPC #ការរៀបចំក្រុង​ #សាលារៀនកម្ពុជា #ស្ថាបត្យកម្ម​ JOIN 🌐@UYFC Phnom Penh 🌐 | FACEBOOK 🌐 | TIKTOK

សូមចូលរួមអបអរសាទរ និងកោតសរសើរដល់កុមារតំណាងកម្ពុជាចំនួន ៥៤រូប ក្នុងឱកាសទទួលបានមេដាយ និងពានរង្វាន់សរុប ៧៩គ្រឿង ពីការប្រកួតគណិតវិទ្យាអន្តរជាតិ និងគណិតវិទ្យារហ័ស (IMMAC-2026) នៅប្រទេសសិង្ហបុរី 🎊 ជោគជ័យដ៏គួរឱ្យកោតសរសើរនេះ បានបង្ហាញពីសមត្ថភាព ទេពកោសល្យ និងការខិតខំប្រឹងប្រែងរបស់កុមារកម្ពុជា ដោយមានការគាំទ្រពី សហភាពសហព័ន្ធយុវជនកម្ពុជា រាជធានីភ្នំពេញ ក្នុងការលើកកម្ពស់ និងគាំទ្រការអភិវឌ្ឍសមត្ថភាពយុវជនជំនាន់ក្រោយ ដែលជាទំពាំងស្នងឫស្សីដ៏រឹងមាំសម្រាប់អនាគតកម្ពុជា។ JOIN 🌐@UYFC Phnom Penh 🌐 | FACEBOOK 🌐 | TIKTOK

អបអរសាទរ ខួបអាស៊ានលើកទី៥៩ (៨ សីហា ១៩៦៧ - ៨ សីហា ២០២៦) 🎉🎊 សមាគមប្រជាជាតិអាស៉ីអាគ្នេយ៍ ដែលហៅកាត់ថា អាស៊ាន ត្រូវបានបង្កើតឡើងនៅថ្ងៃទី ៨ ខែសីហា ឆ្នាំ១៩៦៧ ក្នុងគោលបំណងរួមគ្នាពង្រឹង សន្តិភាព និងស្ថិរភាពក្នុងតំបន់ ជំរុញកំណើនសេដ្ឋកិច្ច វឌ្ឍនភាពសង្គម និងការអភិវឌ្ឍវប្បធម៌ ព្រមទាំងពង្រឹងកិច្ចសហប្រតិបត្តិការ និងការជួយគ្នាទៅវិញទៅមក ដើម្បីលើកកម្ពស់ជីវភាព និងសុខុមាលភាពរបស់ប្រជាជនអាស៊ីអាគ្នេយ៍។ ក្នុងរយៈពេល ៥៩ឆ្នាំ អាស៊ានបានពង្រីកសមាជិកភាពជាបន្តបន្ទាប់ រហូតដល់មាន ១១ប្រទេសសមាជិក រួមមាន ប្រ៊ុយណេដារូសាឡឹម កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ វៀតណាម និងទីម័រឡេស្តេ។ JOIN 🌐@UYFC Phnom Penh 🌐 | FACEBOOK 🌐 | TIKTOK

សល់តែ ៣ថ្ងៃទៀតប៉ុណ្ណោះ... ដំណើរនៃការសិក្សារៀនសូត្រអស់រយៈពេល ១២ឆ្នាំ កំពុងឈានដល់ពេលវេលាដែលប្អូនៗបេក្ខជនត្រូវបង្ហាញនូវចំណេះដឹង សមត្ថភាព និងការខិតខំប្រឹងប្រែងដែលបានសន្សំកន្លងមក។ ខាងក្រោមនេះ ការត្រៀមខ្លួនទាំង៦យ៉ាង សម្រាប់ការប្រឡងបាក់ឌុប ១. ពិនិត្យមណ្ឌលប្រឡង បន្ទប់ប្រឡង និងលេខតុ ២. រៀបចំសម្លៀកបំពាក់ឱ្យបានត្រឹមត្រូវ ៣. រៀបចំសម្ភារសិក្សាសម្រាប់ការប្រឡង ៤. រៀបចំកាតសម្គាល់ខ្លួនរបស់បេក្ខជនប្រឡង ៥. ថែរក្សាសុខភាព សម្រាកឱ្យបានគ្រប់គ្រាន់ និងបរិភោគអាហារដែលមានជីវជាតិ ៦. ស្វែងយល់ និងគោរពបទប្បញ្ញតិ នៃការប្រឡងឱ្យបានខ្ជាប់ខ្ជួន សូមប្អូនៗតាំងចិត្ត តាំងស្មារតី និងប្រើប្រាស់ចំណេះវិជ្ជាដែលបានខិតខំសិក្សារៀនសូត្រអស់រយៈពេល ១២ឆ្នាំកន្លងមក ដើម្បីបញ្ចេញសមត្ថភាពឱ្យបានល្អបំផុតក្នុងការប្រឡងខាងមុខនេះ។ សូមថែរក្សាសុខភាព សម្រាកឱ្យបានគ្រប់គ្រាន់ និងត្រៀមខ្លួនឱ្យបានរួចរាល់ ដើម្បីសម្រេចបានជោគជ័យ និងទទួលបានទិន្ទេសល្អគ្រប់ៗគ្នា។ JOIN 🌐@UYFC Phnom Penh 🌐 | FACEBOOK 🌐 | TIKTOK

សិស្សានុសិស្ស និងអាណាព្យាបាលអាចចូលរួមកម្មវិធីស្វែងយល់ពីជម្រើសសិក្សាសម្រាប់សិស្សបាក់ឌុប ដោយឥតគិតថ្លៃដើម្បី៖ • ការស្វែងយល់អំពីជម្រើសមុខវិជ្ជាសិក្សាពីនិស្សិតឆ្នើម និងអ្នកជំនាញ  • ព័ត៌មានសិក្សា និងឱកាសអាហារូបករណ៍ រហូតដល់៥០% នៅប្រទេសអូស្ត្រាលី កាណាដា ណូវែលហ្សែឡង់ អៀរឡង់ អង់គេ្លស និង អាមេរិក តាមរយៈ​ IDP  • ការធ្វើតេស្តសមត្ថភាពភាសាអង់គ្លេស ថ្នាក់សិក្សាសាកល្បង និង ការប្រឹក្សាលទ្ធផលដោយឥតគិតថ្លៃពីសាលា​ ACE  • ព័ត៌មានលម្អិតអំពីតេស្ត IELTS និង ការធ្វើតេស្តសាកល្បងដោយឥតគិតថ្លៃ 🔗ចុះឈ្មោះ និងចូលរួមដោយឥតគិតថ្លៃនៅទីនេះ៖ https://infosession.idpevent.org/Reg?id=60&c=t 📆ថ្ងៃសៅរ៍ទី 15 និងអាទិត្យទី 16 ខែ សីហា | ម៉ោង 9:00 ព្រឹក – 4:00 ល្ងាច នៅសាលា ACE សាខាទួលទំពូង (https://maps.app.goo.gl/LSpKc8aD7vcwcjnbA) JOIN 🌐@UYFC Phnom Penh 🌐 | FACEBOOK 🌐 | TIKTOK

និស្សិតជ័យលាភីអាហារូបករណ៍ ចំនួន​ ៥ប្រទេស​ សរុប ៩០​រូប បានចូលជួបសម្តែងការគួរសម​ និងស្តាប់ប្រសាសន៍ណែនាំពី ឯកឧត្តមប្រធាន ស.ស.យ.ក. រាជធានីភ្នំពេញ​ ក្នុងឱកាសនោះ ឯកឧត្តមប្រធាន បានសម្តែងនូវការអបអរសាទរ និងវាយតម្លៃខ្ពស់ចំពោះការខិតខំប្រឹងប្រែងរបស់និស្សិតជ័យលាភីទាំងអស់ ព្រមទាំងលើកទឹកចិត្តឱ្យបន្តអភិវឌ្ឍន៍ចំណេះដឹង ជំនាញ និងសមត្ថភាព ដើម្បីក្លាយជាមូលធនមនុស្សដ៏មានសក្តានុពលរួមចំណែកដល់ការអភិវឌ្ឍប្រទេសជាតិ។ ទីស្តីការក្រសួង​ដ.ន.ស., ថ្ងៃទី៣ ខែសីហា ឆ្នាំ២០២៦ JOIN 🌐@UYFC Phnom Penh 🌐 | FACEBOOK 🌐 | TIKTOK

☕ ការចែករំលែកបទពិសោធន៍ពោរពេញដោយតម្លៃ លើវិស័យ «កសិធុរកិច្ចកាហ្វេកម្ពុជា»! 🌱 សិក្ខាសាលាស្តីពី «កសិធុរកិច្ចវិស័យកាហ្វេកម្ពុជា សម្រាប់ជីវភាពប្រចាំថ្ងៃ»​ នៅវិទ្យាល័យព្រែកលៀប​ ការចែករំលែកបទពិសោធន៍ពីម្ចាស់អាជីវកម្ម និងវាគ្មិនជំនាញ ធ្វើឱ្យយុវជនយើងទទួលបាននូវទស្សនវិស័យថ្មីៗ និងការយល់ដឹងកាន់តែច្បាស់អំពីសក្តានុពលនៃកាហ្វេខ្មែរ! 🇰🇭✨ ប្រភព​៖ ស.ស.យ.ក. ខណ្ឌជ្រោយចង្វារ JOIN 🌐@UYFC Phnom Penh 🌐 | FACEBOOK 🌐 | TIKTOK

អបអរសាទរ ខួបលើកទី១៩ ទិវាឧទ្យានុរក្សពិភពលោក ឆ្នាំ២០២៦ 🌳 ឧទ្យានុរក្ស មានតួនាទីយ៉ាងសំខាន់ក្នុងការល្បាត និងការពារតំបន់ការពារធម្មជាតិ អភិរក្សប្រព័ន្ធអេកូឡូស៊ី ជីវចម្រុះ ព្រៃឈើ និងសត្វព្រៃ បង្ក្រាបបទល្មើសធនធានធម្មជាតិ ព្រមទាំងសហការជាមួយសហគមន៍ក្នុងការគ្រប់គ្រង និងប្រើប្រាស់ធនធានធម្មជាតិប្រកបដោយចីរភាព។ សូមថ្លែងអំណរគុណ និងកោតសរសើរយ៉ាងជ្រាលជ្រៅចំពោះមន្ត្រីឧទ្យានុរក្សគ្រប់រូប ដែលបានលះបង់កម្លាំងកាយ កម្លាំងចិត្ត និងបំពេញបេសកកម្មដោយស្មារតីទទួលខុសត្រូវខ្ពស់ ក្នុងការការពារ អភិរក្ស និងថែរក្សាធនធានធម្មជាតិ និងបរិស្ថានរបស់កម្ពុជា។ JOIN 🌐@UYFC Phnom Penh 🌐 | FACEBOOK 🌐 | TIKTOK

ថ្ងៃនេះ គឺជាខួប ១៧ឆ្នាំ ដែលបណ្ណសារឧក្រិដ្ឋកម្មប្រល័យពូជសាសន៍ទួលស្លែង ត្រូវបានចុះក្នុងបញ្ជីស្មារតីចងចាំនៃពិភពលោក របស់អង្គការយូណេស្កូ (៣១ កក្កដា ២០០៩-៣១ កក្កដា ២០២៦) 🇰🇭 បណ្ណសាររួមមាន បណ្ណសារឯកសារ ដែលមានចម្លើយសារភាពរបស់ជនរងគ្រោះចំនួន ៤,១៨៦ ច្បាប់ ប្រវត្តិរូបជនរងគ្រោះ និងកម្មាភិបាលរបបកម្ពុជាប្រជាធិបតេយ្យចំនួន ៦,២២៦ ច្បាប់ ទស្សនាវដ្តី ទង់បដិវត្តន៍ ចំនួន ៥៦ ក្បាល សៀវភៅកត់ត្រាចំនួន ១៨៥ ក្បាល និងឯកសារពាក់ព័ន្ធផ្សេងៗចំនួន ៥,១៣៦ ឯកសារ។ បណ្ណសារសោតទស្សន៍ រួមមានរូបថតជនរងគ្រោះ និងរូបថតពាក់ព័ន្ធចំនួន ៦,១៤៧ សន្លឹក ហ្វីលរូបថតចំនួន ៥,៨៤៧ ហ្វីល និងមីក្រូហ្វីលចំនួន ២១២ ខ្សែ។ ក្រៅពីនេះ សំណុំវត្ថុតាង ដែលពាក់ព័ន្ធនឹងការធ្វើទារុណកម្មនៅមន្ទីរសន្តិសុខ ស-២១ រួមមានខ្នោះ ដែកច្រវាក់ គ្រែសម្រាប់ធ្វើទារុណកម្ម និងឧបករណ៍ពាក់ព័ន្ធផ្សេងៗ ត្រូវបានគណៈកម្មាធិការប្រឹក្សាអន្តរជាតិរបស់អង្គការយូណេស្កូ បានសម្រេចដាក់បញ្ចូលក្នុងបញ្ជីស្មារតីចងចាំនៃពិភពលោក ជាផ្លូវការនៅទីក្រុងប្រ៊ីតថោន ប្រទេសបារបាដូស នៅថ្ងៃទី៣១ ខែកក្កដា ឆ្នាំ២០០៩។ JOIN 🌐@UYFC Phnom Penh 🌐 | FACEBOOK 🌐 | TIKTOK

សូមអនុមោទនា ពិធីបុណ្យចូលព្រះវស្សា 🙏🪷 ពិធីបុណ្យចូលព្រះវស្សា គឺជាព្រះវិន័យ ដែលព្រះសម្មាសម្ពុទ្ធទ្រង់បញ្ញត្តិឡើង ដើម្បីឱ្យព្រះសង្ឃសាវ័កគ្រប់អង្គប្រតិបត្តិតាម ដែលមានរយៈពេល៣ខែ គឺចាប់ថ្ងៃ១រោច ខែអាសាឍ ដល់ទី១៥កើត ខែអស្សុជ។ ព្រះបរមសាស្តាទ្រង់បញ្ញត្តិឱ្យព្រះភិក្ខុសង្ឃគង់ចាំព្រះវស្សារយៈពេល៣ខែ ព្រោះមានមូលហេតុសំខាន់២ រួមមាន៖ ១-ព្រះភិក្ខុទាំងហ្លាយត្រាច់ចរទៅកាន់ទីកន្លែងផ្សេងៗមានគួរខ្លះ មិនគួរខ្លះ មាននិមន្តជាន់លើភូតគាម ពីជគាម និងធញ្ញជាតិផ្សេងៗ ជាហេតុនាំឱ្យអ្នកស្រុករិះគន់ តិះដៀល និងពោលនូវទោសដល់ព្រះភិក្ខុសង្ឃ ទី២-ព្រះពុទ្ធអង្គមានបំណងអនុគ្រោះដល់ព្រះភិក្ខុសង្ឃក្នុងសាសនា កុំឱ្យលំបាកក្នុងការធ្វើដំណើរនៅ រដូវវស្សាដែលមានភ្លៀងជោកជាំ។ តាមទម្លាប់ ពុទ្ធបរិស័ទក្នុងប្រទេសកម្ពុជា តែងតែនាំយកនូវទេយ្យទាន ដូចជា អង្ករ ទៀន ធូប ប្រេង ស្បង់ ចីវរ សំពត់សាដក និងគ្រឿងសម្ភារដទៃទៀត ទៅប្រគេនព្រះសង្ឃតាមវត្តអារាម ដើម្បីផ្គត់ផ្គង់ព្រះអង្គក្នុងអំឡុងពេលនៃការចូលព្រះវស្សានេះ។ ថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ JOIN 🌐@UYFC Phnom Penh 🌐 | FACEBOOK 🌐 | TIKTOK

លោកជំទាវ ម៉ាណ ណាវី សមាជិកគណៈអចិន្ត្រៃយ៍ តំណាងឯកឧត្ដមប្រធាន​ ស.ស.យ.ក​ រាជធានីភ្នំពេញ និងឯកឧត្តម សុខ ពេញវុធ អភិបាលរង តំណាងឯកឧត្ដម អភិបាលនៃគណៈអភិបាលរាជធានីភ្នំពេញ បានអញ្ជើញជាគណៈអធិបតីក្នុងកម្មវិធីប្រកួតប្រជែង «ទិន្នផលបន្លែបង្ការ និងស្នាដៃធ្វើម្ហូប» ឆ្នាំ២០២៦​។ ក្នុងគោលបំណងបណ្តុះបំណិនជីវិត លើកកម្ពស់ការដាំដុះ និងការបរិភោគបន្លែធម្មជាតិ បង្កើនស្មារតីស្រឡាញ់បរិស្ថាន គំនិតច្នៃប្រតិដ្ឋ និងសហគ្រិនភាពដល់សិស្សានុសិស្ស។ #សហភាព​សហព័ន្ធ​យុវជន​កម្ពុជា​ រាជធានីភ្នំពេញ​ #បំណិន​ជីវិត​ #សិស្ស​កម្ពុជា​ #សាលារៀន​កម្ពុជា​ JOIN 🌐@UYFC Phnom Penh 🌐 | FACEBOOK 🌐 | TIKTOK

ធម៌កំពូល ៣ យ៉ាងរបស់មនុស្សត្រូវមានគឺ ១. សច្ចំ ពោលពាក្យទៀងត្រង់ ស្មោះត្រង់ជាមួយគ្នានិងគ្នា ២. ខន្តី អត់ធន់ អំណត់គ្រប់យ៉ាងចំពោះកិច្ចការងារផ្សេងៗ ៣. កតញ្ញូ ដឹងឧបការគុណរបស់អ្នកដទៃ ចំពោះខ្លួន ហើយត្រូវធ្វើតបវិញ ធម៌ទាំង៣យ៉ាងនេះមានចំពោះបុគ្គលណា ហើយ រមែងចម្រើនសេចក្តីសុខគ្រប់កាលទាំងពួង សូមអនុមោទនាថ្ងៃឧបោសថសីល🙏🏻🪷 JOIN 🌐@UYFC Phnom Penh 🌐 | FACEBOOK 🌐 | TIKTOK

សូមអនុមោទនា ពិធីបំបួស​នាគ​ខ្នាន ពិធីបំបួសនាគ គឺជាពិធីបុណ្យប្រពៃណីដ៏សំខាន់មួយក្នុងព្រះពុទ្ធសាសនា ដែលមានប្រវត្តិបន្តតាំងពីបុរាណកាលមក និងផ្សារភ្ជាប់យ៉ាងជិតស្និទ្ធជាមួយជំនឿ វប្បធម៌ និងអត្តសញ្ញាណរបស់ប្រជាជនខ្មែរ។ ពិធីនេះរៀបចំឡើងសម្រាប់កុលបុត្រដែលមានសទ្ធាចិត្ត និងបំណងសាងផ្នួស ដើម្បីចូលសិក្សា និងប្រតិបត្តិតាមព្រះធម៌វិន័យ។ តាមទំនៀមព្រះពុទ្ធសាសនា បុគ្គលដែលត្រៀមចូលសាងផ្នួស ត្រូវបានហៅថា «នាគ» ដែលសំដៅលើបព្វជ្ជាបេក្ខៈ និងឧបសម្បទាបេក្ខៈ មុនពេលទទួលបព្វជ្ជា ឬឧបសម្បទាជាផ្លូវការ។ តាមពុទ្ធប្បវត្តិ ទំនៀមហៅអ្នកសុំបួសថា «នាគ» មានប្រភពពីរឿងនិទានអំពីនាគរាជមួយអង្គ ដែលមានសទ្ធាជ្រះថ្លាចំពោះព្រះពុទ្ធសាសនា បានកាឡាខ្លួនជាមនុស្ស ដើម្បីសុំបួសជាភិក្ខុ ប៉ុន្តែមិនអាចទទួលឧបសម្បទាបានតាមព្រះវិន័យ។ ដោយសារសេចក្តីស្មោះត្រង់ចំពោះព្រះសាសនា ទើបព្រះពុទ្ធទ្រង់អនុញ្ញាតឱ្យហៅបព្វជ្ជាបេក្ខៈ និងឧបសម្បទាបេក្ខៈថា «នាគ» ជាបន្តបន្ទាប់រហូតមក។ តាមទំនៀមប្រពៃណី ពិធីបំបួសនាគមានលំដាប់ពិធីជាច្រើន រួមមាន ពិធីកោរសក់ ពិធីជូនត្រ័យ ពិធីក្រុងពាលី ពិធីបង្វិលពពិល ពិធីធ្វើធ្មេញនាគ ពិធីកួចចំណងដៃនាគ ពិធីលាបប្រេងម្សៅ ពិធីចម្រើនព្រះបរិត្ត ពិធីហែនាគជុំវិញព្រះវិហារ ពិធីចូលព្រះវិហារ ពិធីនាគវន្ទាព្រះពុទ្ធរូប និងព្រះឧបជ្ឈាយ៍ ពិធីសុំនិស្ស័យ និងពិធីបំបួសតាមព្រះវិន័យ។ រាល់លំដាប់ពិធីទាំងនេះ សុទ្ធតែបង្កប់នូវអត្ថន័យនៃការត្រៀមកាយ វាចា និងចិត្ត ឱ្យបានបរិសុទ្ធ សមគួរចំពោះការសាងផ្នួស ព្រមទាំងបង្ហាញនូវសេចក្តីគោរពចំពោះព្រះរតនត្រ័យ ការដឹងគុណចំពោះមាតាបិតា និងលោកអ្នកមានគុណ និងការរួមចំណែកអភិរក្ស លើកតម្កើងព្រះពុទ្ធសាសនា និងមរតកប្រពៃណីដ៏ថ្លៃថ្លារបស់ជាតិឱ្យស្ថិតស្ថេរគង់វង្ស។ ថ្ងៃអង្គារ ១៤កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែកក្កដា ឆ្នាំ២០២៦ JOIN 🌐@UYFC Phnom Penh 🌐 | FACEBOOK 🌐 | TIKTOK

សាលា ACE នឹងផ្តល់អាហារូបករណ៍ 100% ចំនួន ៣៤ កន្លែងសម្រាប់ការសិក្សាមួយឆាំ្នដល់សិស្ស និស្សិតដែលមិនធា្លប់មានឱកាសសិក្សា មកសិក្សាភាសាអង់គ្លេសនៅ ACE។ 🔗តំណភ្ជាប់សម្រាប់ការដាក់ពាក្យស្នើសុំអាហារូបករណ៍៖ acecambodia.org/ACEscholarship ចូលរៀនថ្ងៃទី 16 កញ្ញា 2026

ថ្ងៃទី២៤ ខែកក្កដា ឆ្នាំ២០២៦ គឺជាខួប ១ ឆ្នាំ នៃការចាប់ផ្តើមអំពើឈ្លានពានប្រដាប់អាវុធយ៉ាងកម្រោល និងអមនុស្សធម៌ជាទីបំផុតមកលើព្រះរាជាណាចក្រកម្ពុជាបន្ទាប់ពីពួកគេបានបង្កនូវសកម្មភាពដែលនាំឱ្យមានភាពតានតឹង និងការបង្កហេតុជាបន្តបន្ទាប់ជាច្រើនលើកច្រើនសា។ ថ្ងៃនេះ ឆ្នាំមុន យោធាថៃបានបើកការវាយប្រហារមកលើទឹកដីកម្ពុជា ដោយបាញ់ប្រហារទៅលើកងកម្លាំងកម្ពុជា ដែលកំពុងបំពេញភារកិច្ចការពារបូរណភាពទឹកដី ក្នុងដែនអធិបតេយ្យស្របច្បាប់របស់ព្រះរាជាណាចក្រកម្ពុជា ដោយចាប់ផ្ដើមពីចំណុចប្រាសាទតាមាន់ធំ និងបានពង្រីកការវាយប្រហារនៅពាសពេញខ្សែបន្ទាត់ព្រំដែនកម្ពុជា-ថៃ។ អំពើឈ្លានពានដ៏កម្រោលនេះ បានបង្កឱ្យមានការបាត់បង់ជីវិតវីរយុទ្ធជន និងប្រជាពលរដ្ឋស្លូតត្រង់ ការរងរបួស ការបង្ខំឱ្យប្រជាពលរដ្ឋចាកចេញពីលំនៅឋាន និងការខូចខាតដល់ទ្រព្យសម្បត្តិ ហេដ្ឋារចនាសម្ព័ន្ធ ព្រមទាំងប្រាសាទបុរាណខ្មែរដែលជាសម្បត្តិបេតិកភណ្ឌវប្បធម៌ដ៏មានតម្លៃរបស់មនុស្សជាតិ។ ការឈឺចាប់ និងការបាត់បង់ដែលបន្សល់ទុកពីសង្គ្រាមឈ្លានពាននេះ នឹងនៅតែដក់ជាប់ក្នុងក្រអៅបេះដូងរបស់ប្រជាជាតិកម្ពុជា ហើយនឹងក្លាយជាពន្លឺដាស់ស្មារតីស្នេហាជាតិដ៏អមតៈ ដែលនឹងបន្តដុតបញ្ឆេះឆន្ទៈកូនខ្មែរគ្រប់ជំនាន់ ឱ្យក្រោកឈររួមសាមគ្គីគ្នាការពារអធិបតេយ្យភាព កិត្តិយស និងសេចក្ដីថ្លៃថ្នូររបស់ជាតិខ្មែរជារៀងរហូត។ សូមសម្ដែងនូវការដឹងគុណយ៉ាងជ្រាលជ្រៅចំពោះវីរយុទ្ធជនគ្រប់រូប ដែលបានលះបង់កម្លាំងកាយចិត្ត និងអាយុជីវិតក្នុងបុព្វហេតុការពារជាតិពីសត្រូវឈ្លានពាន។ សូមបួងសួងឧទ្ទិសមហាកុសលជូនចំពោះវិញ្ញាណក្ខន្ធវីរយុទ្ធជន និងប្រជាពលរដ្ឋស្លូតត្រង់ដែលបានបាត់បង់ជីវិតក្នុងសង្គ្រាមឈ្លានពាន និងសូមឱ្យដួងវិញ្ញាណក្ខន្ធបានទៅកាន់សុគតិភពកុំបីឃ្លៀងឃ្លាតឡើយ។ JOIN 🌐@UYFC Phnom Penh 🌐 | FACEBOOK 🌐 | TIKTOK

ថ្នាក់ដឹកនាំ សមាជិក សមាជិកា និងក្រុមគ្រួសារ សហភាពសហព័ន្ធយុវជនកម្ពុជា រាជធានីភ្នំពេញ សូមអបអរសាទរ និងកោតសរសើរចំពោះ សមាជិក និងសមាជិកា ស.ស.យ.ក. រាជធានីភ្នំពេញ ក្នុងឱកាសទទួលបានអាហារូបករណ៍ និងការអនុញ្ញាតឱ្យចូលសិក្សាថ្នាក់បរិញ្ញាបត្រជាន់ខ្ពស់ នៅ សាលាគោលនយោបាយសាធារណៈលីក្វាន់យូ (Lee Kuan Yew School of Public Policy) នៃសាកលវិទ្យាល័យជាតិសឹង្ហបុរី (National University of Singapore) សម្រាប់ឆ្នាំសិក្សា ២០២៦ រួមមាន៖ - លោក ទេព ង៉ែតពិសាល ជំនាញ រដ្ឋបាលសាធារណៈ (Master in Public Administration) - កញ្ញា ភួង សុធារី ជំនាញ គោលនយោបាយសាធារណៈ (Master in Public Policy) - លោក គី ឌីបូមីង ជំនាញ កិច្ចការអន្តរជាតិ (Master in International Affairs) JOIN 🌐@UYFC Phnom Penh 🌐 | FACEBOOK 🌐 | TIKTOK

សូមអនុមោទនា ពិធី​សិត​ទៀន​ព្រះ​វស្សា 🙏🪷 ថ្ងៃពុធ ៨កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២២ ខែកក្កដា ឆ្នាំ២០២៦ JOIN 🌐@UYFC Phnom Penh 🌐 | FACEBOOK 🌐 | TIKTOK

📣ឱកាសអាហារូបករណ៍សហភាពសហព័ន្ធយុវជនកម្ពុជា រាជធានីភ្នំពេញ ចំនួន ៣១៤ កន្លែង សម្រាប់ឆ្នាំសិក្សា ២០២៦–២០២៧ ស.ស.យ.ក. រាជធានីភ្នំពេញ នឹងផ្តល់ជូនអាហារូបករណ៍ ១០០% ចំនួន ៣១៤កន្លែង សម្រាប់ឆ្នាំសិក្សា ២០២៦-២០២៧ សម្រាប់ការសិក្សាថ្នាក់ បរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់ ទៅលើមុខជំនាញជាច្រើន នៅតាមបណ្តាគ្រឹះស្ថានសិក្សារដ្ឋ និងឯកជនជាដៃគូរួមមាន៖ - សាកលវិទ្យាល័យភូមិន្ទភ្នំពេញ - សាកលវិទ្យាល័យជាតិគ្រប់គ្រង - សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច - សាកលវិទ្យាល័យអាមេរិកាំងភ្នំពេញ - សាកលវិទ្យាល័យភូមិន្ទកសិកម្ម - វិទ្យាស្ថានខ្មែរជំនាន់ថ្មី 🔗 តំណភ្ជាប់សម្រាប់ពាក្យស្នើសុំអាហារូបករណ៍ https://drive.google.com/drive/folders/1Uqf0q3S8Jo4wvsW-mH9l2U36_vBDFFP2?usp=sharing 🔗 តំណភ្ជាប់សម្រាប់ដាក់ពាក្យស្នើសុំអាហារូបករណ៍ https://forms.gle/q2SeDVSCmoMEe8sL6 JOIN 🌐@UYFC Phnom Penh 🌐 | FACEBOOK 🌐 | TIKTOK

ក្រោមកិច្ចសហការរវាង សហភាពសហព័ន្ធយុវជនកម្ពុជា រាជធានីភ្នំពេញ និង IDP Education កម្មវិធី «សាបព្រោះគ្រាប់ពូជ» នៃ ស.ស.យ.ក. រាជធានីភ្នំពេញ បានចូលរួមផ្សព្វផ្សាយ និងផ្តល់ព័ត៌មានអំពីកម្មវិធីអាហារូបករណ៍របស់ ស.ស.យ.ក. រាជធានីភ្នំពេញ ក្នុងពិព័រណ៍ការសិក្សានៅប្រទេសអូស្ត្រាលី Study in Australia Fair នៅមជ្ឈមណ្ឌលពិព័រណ៍ និងសន្និបាតកោះពេជ្រ នាថ្ងៃទី១១ ខែកក្កដា ឆ្នាំ២០២៦។ ជាមួយគ្នានេះ IDP Education នឹងបន្តរៀបចំពិព័រណ៍ការសិក្សានៅប្រទេសអូស្ត្រាលី Study in Australia Fair នៅខេត្តសៀមរាប នារសៀលនេះផងដែរ 🗓️ ថ្ងៃអាទិត្យ ទី១២ ខែកក្កដា ឆ្នាំ២០២៦ ⏰ ចាប់ពីម៉ោង ២ រសៀល ដល់ ៦ ល្ងាច 📍 សណ្ឋាគារសុខាអង្គរ ខេត្តសៀមរាប 🎟️ ចូលរួមដោយសេរី ដើម្បីទទួលបានព័ត៌មានបន្ថែមអំពីកម្មវិធីអាហារូបករណ៍របស់ ស.ស.យ.ក. រាជធានីភ្នំពេញ សូមតាមដានទំព័រហ្វេសប៊ុក «សាបព្រោះគ្រាប់ពូជ» និងទំព័រហ្វេសប៊ុក «សហភាពសហព័ន្ធយុវជនកម្ពុជារាជធានីភ្នំពេញ»។ JOIN 🌐@UYFC Phnom Penh 🌐 | FACEBOOK 🌐 | TIKTOK