Ethio Radar|ኢትዮ ራዳር
رفتن به کانال در Telegram
Welcome to Ethio Radar, a professional news analysis platform brought to you by a dedicated team of experienced journalist. stay informed,stay on radar! እንኳን ወደ ኢትዮ ራዳር ቻናል መጡ,ሀሳብ፣አስተያየት፣ መረጃ ለማጋራት ማስታወቂያ ለማሰራት በ @Ethioradarr01 ያናግሩን
نمایش بیشتر📈 تحلیل کانال تلگرام Ethio Radar|ኢትዮ ራዳር
کانال Ethio Radar|ኢትዮ ራዳር (@ethioradarinfo) در بخش زبانی امهری بازیگری فعال است. در حال حاضر جامعه شامل 56 958 مشترک است و جایگاه 169 را در دسته بازاریابی و PR و رتبه 558 را در منطقه أثيوبيا دارد.
📊 شاخصهای مخاطب و پویایی
از زمان ایجاد در невідомо، پروژه رشد سریعی داشته و 56 958 مشترک جذب کرده است.
بر اساس آخرین دادهها در تاریخ 26 ژوئیه, 2026، کانال فعالیت پایداری دارد. در ۳۰ روز گذشته تغییر اعضا برابر -1 366 و در ۲۴ ساعت گذشته برابر -193 بوده و همچنان دسترسی گستردهای حفظ شده است.
- وضعیت تأیید: تأیید نشده
- نرخ تعامل (ER): میانگین تعامل مخاطب 2.05% است و در ۲۴ ساعت نخست پس از انتشار، محتوا معمولاً 0.84% واکنش نسبت به کل مشترکان کسب میکند.
- دسترسی پستها: هر پست به طور میانگین 1 172 بازدید دریافت میکند. در اولین روز معمولاً 479 بازدید جمعآوری میشود.
- واکنشها و تعامل: مخاطبان بهطور فعال حمایت میکنند؛ میانگین واکنش به هر پست 3 است.
📝 توضیح و سیاست محتوایی
نویسنده این فضا را محل بیان دیدگاههای شخصی توصیف میکند:
“Welcome to Ethio Radar, a professional news analysis platform brought to you by a dedicated team of experienced journalist.
stay informed,stay on radar!
እንኳን ወደ ኢትዮ ራዳር ቻናል መጡ,ሀሳብ፣አስተያየት፣ መረጃ ለማጋራት ማስታወቂያ ለማሰራት በ @Ethioradarr01 ያናግሩን”
به لطف بهروزرسانیهای پرتکرار (آخرین داده در تاریخ 27 ژوئیه, 2026)، کانال همواره بهروز و دارای دسترسی بالاست. تحلیلها نشان میدهد مخاطبان بهطور فعال با محتوا تعامل دارند و آن را به نقطه اثرگذاری مهم در دسته بازاریابی و PR تبدیل کردهاند.
56 958
مشترکین
-19324 ساعت
-1 0727 روز
-1 36630 روز
آرشیو پست ها
56 807
የንግድ ሱቅ በመሃል ሳርቤት
ከ 11 ካሬ _43 ካሬ የንግድ ሱቆች ማግኘት ይችላሉ
✅ground _3,500,000 ብር ቅድመ ክፍያ
✅1st floor _2,500,000 ብር ቅድመ ክፍያ
✅2nd floor _ 2,000,000 ቅድመ ክፍያ
✅3rd floor _1,300,000 ብር ቅድመ ክፍያ
✅4th floor _ 900ሺ ብር ቅድመ ክፍያ
✅5th floor _900 ሺ ብር ቅድመ ክፍያ
🎯ይህ የማይደገም እድል ነው
🎯ሳርቤት አደባባብዩ ፊት ለፊት
🎯ዘመናዊ እና ማራኪ የንግድ ሱቅ
☎️0938-04-99-22
☎️0990-22-09-02
56 807
ሀገራዊ የምክር ጉባኤ ሰባተኛ ቀኑን ባስቆጠረበት ሐምሌ 14 ቀን 2018 ዓ.ም፤ ተመካካሪዎች በተመደቡበት አጀንዳ ዙሪያ 10 ተመካካሪዎችን በሚይዘው “ጥቃቅን” ቡድን ደረጃ የሁለተኛ ቀን “ምክክራቸውን” አከናውነዋል።
ይህ የምክክር ሂደት ለሦስት ቀናት ያህል እንደሚቆይ ሀገራዊ የምክክር ኮሚሽን ለተመካካሪዎች ባቀረበው “የሥራ ቡድን የምክክር ስልት” ሰነድ ላይ የተመላከተ ቢሆንም፤ ከስድስት በላይ ንዑስ አጀንዳዎች ያሏቸው አጀንዳዎች ላይ እየተመከካከሩ የሚገኙ “ቡድኖች” በተቀመጠው ጊዜ ሂደቱን ላያጠናቅቁ እንደሚችሉ ተዘግቧል።
በሰነዱ የቀረቡት አራቱ የአዲስ አበባ ሕጋዊ አቋም አማራጮች፦
ኮሚሽኑ ለተመካካሪዎች ባቀረበው “የሀገራዊ ምክክር አጀንዳዎች – የውይይት መሪ ጥያቄዎች” ሰነድ መሠረት፤ ተመካካሪዎች አራቱን አማራጮች በመገምገም የከተማዋን “ሕጋዊ አቋም” የተመለከተ ምክረ ሐሳብ እንዲያመነጩ ይጠበቃል። የቀረቡት አማራጮችም፦
ሲቲ ስቴት (ራስ ገዝ) ማድረግ
የፌደራል አካል ማድረግ
ራሷን የቻለች ክልል ማድረግ
የኦሮሚያ አካል ማድረግ
በተጨማሪም በሰነዱ ከተዘረዘሩት አማራጮች ውጭ ተጨማሪ አማራጭ ማቅረብ ስለመቻል አለመቻሉ ሰነዱ አያመላክትም።
የቀረቡ ንዑስ አጀንዳዎች፦
አዲስ አበባ ከኦሮሚያ ክልል ጋር ያላት ግንኙነት
የከተማዋ በጀት ድርሻ ጉዳይ
የፌደራል ዋና ከተማ ጉዳይ
የአዲስ አበባ ፖሊስ እና ፍርድ ቤት ጉዳይ
የከተማዋ ወሰን እና የቦታዎች ስያሜዎች
የከተማዋ የሥራ ቋንቋ
የከተማዋ ታሪካዊ ቅርሶች አካታችነት ጉዳይ
በሌላ በኩል አዲስ አበባ በፌደራል መንግሥት ላይ ስለሚኖራት ውክልና እና የፌደሬሽን ምክር ቤት ውክልና ጉዳይ ግን በንዑስ አጀንዳነት ሳይካተቱ መቅረታቸው ተጠቅሷል
56 807
ዝነኛዋ ወጣት ተዋናይት በድንገተኛ አደጋ ሕይወቷ አለፈ
በሆሊውድ ዝነኛ የብሎክባስተር ፊልሞች "Godzilla vs. Kong" እና "Godzilla x Kong: The New Empire" ላይ “ጂያ” የተሰኘውን ቁልፍ ገጸ-ባህሪ በመወከል የምትታወቀው የ18 ዓመቷ መስማት የተሳናት ወጣት ተዋናይት ኬይሊ ሆትል ማክሰኞ ጠዋት በደረሰባት ድንገተኛ የመኪና አደጋ ሕይወቷ ማለፉን ፎክስ ኒውስ አረጋግጧል።
የተዋናይቷ አባት ጆሹዋ ሆትል በሜሪላንድ ግዛት ውስጥ ስለደረሰው አደጋ በሰጠውና በፌስቡክ በኩል ባስተላለፈው የ23 ደቂቃ የአሜሪካ የምልክት ቋንቋ ቀጥታ ስርጭት መግለጫ፣ ልጁ ወደ ሆስፒታል በመጓዝ ላይ እያለች ልቧ መቆሙን በለቅሶ አስታውቋል።
ከተከታታይ መስማት የተሳናቸው ትውልዶች በተገኘችውና የቨርጂኒያ ተወላጅ በሆነችው ኬይሊ ሆትል ሞት ሳቢያ መላው የሆሊውድ የኪነ-ጥበብ ማኅበረሰብ በከባድ ሐዘን ውስጥ ወድቋል።
ይህንን ልብ ሰባሪ ክስተት እና የተዋናይቷን አጭር የሕይወት ጉዞ በጥልቀት ስንመለከተው፣ ኬይሊ በሆሊውድ የፊልም ኢንዱስትሪ ውስጥ መስማት ለተሳናቸው አካላት እውነተኛና ተጨባጭ የውክልና መድረክ የፈጠረች ስልታዊ ተፅዕኖ ፈጣሪ ነበረች።
በዚህ ታላቅ ፊልም ላይ ከግዙፉ “ኮንግ” ጋር ልዩ የልብ ትስስር ያላትን የጂያን ገጸ-ባህሪ ወክላ ስትወጣ፣ በሆሊውድ ታሪክ ውስጥ መስማት የተሳናቸው ተዋናዮች በትልልቅ የሳይንስ ልብወለድ ፊልሞች ላይ የመሪነት ሚና መጫወት እንደሚችሉ በተግባር ያሳየች ድንቅ ተሰጥኦ ነበረች። በሁለተኛው ፊልም ላይም የምልክት ቋንቋን በፊልሙ ውስጥ በስፋት በማስተዋወቅ የራሷን ደማቅ አሻራ ማኖሯ ይታወሳል።
#ethioradar
56 807
ታጥረው የተተው መሬቶች ላይ እርምጃ ይወሰዳል ❗️
የአዲስ አበባ ከተማ አስተዳደር ታጥረው ያለምንም አገልግሎት የተቀመጡ መሬቶችን በማጣራት በሚቀጥሉት ሁለት ወራት ውስጥ ጥብቅ እርምጃ እንደሚወስድ ከንቲባ አዳነች አቤቤ አስታወቁ።
ከንቲባዋ ይህን ያስታወቁት በከተማ አስተዳደሩ የአምስት ዓመት ስትራቴጂካዊ ዕቅድና የ2018 በጀት ዓመት አፈጻጸም ግምገማ ማጠቃለያ መድረክ ላይ ነው። እንደ ከንቲባዋ ገለጻ፤ አዲስ አበባ መሬት ታጥሮ የሚቀመጥባት ከተማ መሆን እንደሌለባት ቀደም ሲል የተደረሰውን ስምምነት የሚጥሱ አካላት ተጨማሪ ዕድል እንደማይሰጣቸው አስጠንቅቀዋል።
በመድረኩ የተነሱ ዋና ዋና ነጥቦች፦
የሰላምና ደህንነት ሁኔታ፦ በከተማዋ የሰላምና ደህንነት ሁኔታ የተረጋጋ መሆኑን በመግለጽ፣ በርካታ ሀገር አቀፍና ዓለም አቀፍ ዝግጅቶች ያለ ምንም የደህንነት ችግር በሰላም መጠናቀቃቸውን አስታውሰዋል።
የገቢ አሰባሰብ ስኬት፦ የከተማዋ የገቢ አሰባሰብ ሥርዓት መዘመኑ ውጤታማ መሆኑን ጠቅሰው፣ በአፍሪካ ኢኮኖሚክ ኮሚሽን ጥናት መሠረት የአዲስ አበባ ገቢዎች ቢሮ በአፍሪካ ከተመረጡ ስድስት ምርጥ ከተሞች መካከል በአሠራር ደረጃ አንደኛ መሆኑ ተገልጿል።
የጤና ዘርፍ መሻሻል፦ በጤናው ዘርፍ የሕክምና ባለሙያዎች የሙያ ሥነ-ምግባርና የአገልግሎት ጥራት መሻሻሉን፣ ባለፉት አምስት ዓመታት የተከናወኑ የጤና አገልግሎትና የመሠረተ ልማት ሥራዎችም ከቀደሙት ዓመታት ጋር ሲነጻጸሩ በእጥፍ መጨመራቸውን ከንቲባዋ አክለው ገልጸዋል።
#ethioradar
56 807
ትግራይ ❗️
በትግራይ ክልል ከሚካሄደው የግዳጅ ወታደራዊ ምልመላ ለማምለጥ የየብስ መንገዶችን ለመጠቀም የሞከሩ በርካታ ወጣቶች በኬላዎች ላይ በተጣለው ጥብቅ ቁጥጥር ምክንያት ከክልሉ መውጣት አለመቻላቸው ተነገረ።
ይህንን ሁኔታ ተከትሎ ከክልሉ ለመውጣት የሚደረገው የአየር ትራንስፖርት ፍላጎት በከፍተኛ ሁኔታ እንደጨመረ ተገልጿል።
በዚሁ ምክንያት ከመቀሌ ራስ አሉላ አባ ነጋ አየር ማረፊያ ተነስተው ወደ አዲስ አበባ ለመጓዝ ቲኬት የቆረጡ መንገደኞች፣ በበረራ እጥረትና መጨናነቅ ሳቢያ እስከ ሁለት እና ሦስት ሳምንታት የሚደርስ ረጅም የቆይታ ወረፋ ለመጠበቅ መገደዳቸውን የመረጃ ምንጮች ጠቁመዋል።
#ethioradar
56 807
የንግድ ሱቅ በመሃል ሳርቤት
ከ 11 ካሬ _43 ካሬ የንግድ ሱቆች ማግኘት ይችላሉ
✅ground _3,500,000 ብር ቅድመ ክፍያ
✅1st floor _2,500,000 ብር ቅድመ ክፍያ
✅2nd floor _ 2,000,000 ቅድመ ክፍያ
✅3rd floor _1,300,000 ብር ቅድመ ክፍያ
✅4th floor _ 900ሺ ብር ቅድመ ክፍያ
✅5th floor _900 ሺ ብር ቅድመ ክፍያ
🎯ይህ የማይደገም እድል ነው
🎯ሳርቤት አደባባብዩ ፊት ለፊት
🎯ዘመናዊ እና ማራኪ የንግድ ሱቅ
☎️0938-04-99-22
☎️0990-22-09-02
56 807
የመኖሪያ ቤት ኪራይ ውል...
የአዲስ አበባ ከተማ አስተዳደር የቤት ልማት እና አስተዳደር ቢሮ በመኖሪያ ቤት ኪራይ ውል አፈጻጸም ላይ በአከራዮችና በተከራዮች ዘንድ በሕግ የተከለከሉ ዋና ዋና ተግባራትን አስመልካች መረጃ ይፋ አድርጓል።
እንደ ቢሮው ማስታወቂያ፤ በአከራይና ተከራይ መካከል በሚደረግ ማንኛውም የመኖሪያ ቤት ኪራይ ውል ውስጥ የሚከተሉትን ድርጊቶች መፈጸም በሕግ የተከለከለ መሆኑን አሳታውቋል።
ያለ ውል ማከራየት፦ የመኖሪያ ቤት ኪራይ ውል ሳያስመዘግቡ መከራየት እና ማከራየት።
የጊዜ ገደብ ማሳለፍ፦ በአከራይ ወይም ተከራይ ቸልተኝነት የኪራይ ውሉን በአዋጁ የተቀመጠውን የጊዜ ገደብ አሳልፎ ማስመዘገብ።
ውል አለማደስ፦ የመኖሪያ ቤት ኪራይ ውል እድሳትን በወቅቱ አለማስመዘገብ።
ሕገ-ወጥ የዋጋ ጭማሪ፦ በአዋጁ ከተፈቀደው አግባብ ውጪ የቤት ኪራይ ዋጋ ጭማሪ ማድረግ።
ያለጊዜው ከቤት ማስወጣት፦ በአዋጁ ከሚፈቀደው ውጪ የውል ዘመን ሳይጠናቀቅ ተከራይን ከቤት ማስወጣት።
ያለ ማስጠንቀቂያ ውል ማቋረጥ፦ በአዋጁ የተቀመጠውን የማስታወቂያ ወይም የማስጠንቀቂያ ጊዜ ሳይሰጡ ውል ማቋረጥ።
ከመጠን በላይ ቅድመ ክፍያ መጠየቅ፦ በአዋጁ ከተቀመጠው መጠን በላይ የቅድመ ክፍያ (አድቫንስ) እንዲፈጸም ማስገደድ።
በጥሬ ገንዘብ ክፍያ መፈጸም፦ የቤት ኪራይ ክፍያን በባንክ ወይም በሌላ ሕጋዊ በሆነ የኤሌክትሮኒክ (ዲጂታል) መንገድ አለመፈጸም።
ቤትን ያለ አገልግሎት ባዶውን ማስቀመጥ፦ ቀደም ሲል ሲከራይ የቆየን የመኖሪያ ቤት ወይም ግንባታው ሙሉ በሙሉ የተጠናቀቀ አዲስ ቤትን ያለአገልግሎት እንዲቀመጥ ማድረግ።
ሐሰተኛ መረጃ ማቅረብ፦ በአዋጁ ለአከራይ የተሰጠውን ማበረታቻ ያለአግባብ ለመጠቀም ሐሰተኛ መረጃ ወይም ማስረጃ ማቅረብ።
#ethioradar
56 807
ታዋቂው ድምፃዊ ሕመም እንዳጋጠመው ገለፀ
በኢትዮጵያ የሙዚቃ ዘርፍ ከፍተኛ አድናቆትንና ተወዳጅነትን ያተረፈው ታዋቂው ድምጻዊ ጎሳዬ ተስፋዬ፣ በለንደን ያቀረበውን የሙዚቃ ኮንሰርት አጠናቆ ወደ አዲስ አበባ ከተመለሰ በኋላ ሕመም እንዳጋጠመው ይፋ አደረገ።
ድምጻዊው ወደ ሀገሩ መመለሱንና የጤና መታወክ እንዳጋጠመው ያሳወቀው በይፋዊ የማህበራዊ ትስስር ገጹ አማካኝነት ነው። ጎሳዬ በፌስቡክ ገጹ ባሰፈረው አጭር መልዕክት «ታምሜ ገባሁ :: ስለሁሉ ግን እግዚአብሔር ይመስገን !!» በማለት የገጠመውን የጤና እክል ከምስጋና ጋር አያይዞ ገልጿል።
ድምጻዊው ከመልዕክቱ ጎን ለጎን ከኢትዮጵያ አየር መንገድ ባልደረባ ጋር የተነሳውን ፎቶግራፍ ያያዘበ ሲሆን፣ መረጃው ይፋ ከሆነ በኋላ በበርካታ አድናቂዎቹ ዘንድ ድንጋጤን ፈጥሯል።
ጎሳዬ ከለንደኑ ኮንሰርት መልስ በአሁኑ ወቅት ምን ዓይነት የጤና እክል እንደገጠመው በዝርዝር ያለው መረጃ እስካሁን ባይኖርም፣ በርካታ ወዳጆቹና አድናቂዎቹ በማህበራዊ ትስስር ገጾች ለድምጻዊው የመልካም ምኞትና የፈጣን ምህረት መልዕክት በማስተላለፍ አብሮነታቸውን እያሳዩ ይገኛሉ።
#ethioradar
56 807
የኢትዮጵያ ፌደራል ፖሊስ ከብሔራዊ መረጃና ደኅንነት አገልግሎት (NISS) እና ከፍትሕ ሚኒስቴር ጋር በጥብቅ በመቀናጀት፣ 17 የተደራጁ የአደገኛ ወንጀል ቡድን አባላትን በቁጥጥር ሥር ማዋሉን አስታወቀ።
ይህ የተደራጀ የወንጀል ቡድን ከተለያዩ የሀገሪቱ ክፍሎች የሚገኙ ዜጎችን በደላሎች አማካኝነት በመመልመል፣ በጂቡቲ እና በየመን አድርጎ ወደ ሳውዲ አረቢያ በሕገ-ወጥ መንገድ ሲያዘዋውር የቆየ መሆኑ ተገልጿል።
የፌደራል ፖሊስ የምርመራ ውጤት እንደሚያሳየው፦
ኢሰብአዊ ድርጊት፦ ተጎጂዎች ድንበር ከተሻገሩ በኋላ በየመን በሚገኙ መጋዘኖች ውስጥ ታጉረው ከፍተኛ ስቃይና ኢሰብአዊ ድርጊት ይፈጸምባቸው ነበር።
የተዘዋዋሪዎች ቁጥር፦ ቡድኑ ከ40,000 በላይ ሰዎችን በሕገ-ወጥ መንገድ ያዘዋወረ መሆኑ ተረጋግጧል።
የደረሰው ጉዳት፦ በዚሁ ሕገ-ወጥ ጉዞ ምክንያት ከ60 በላይ ሰዎች ለሕልፈተ ሕይወት የተዳረጉ ሲሆን፣ በርካታ ሴቶችም የደፈራ ወንጀል ተፈጽሞባቸዋል ሲል አስታውቋል።
#ethioradar
56 807
የመብራት ታሪፍ ጭማሪ
የኢትዮጵያ ኤሌክትሪክ አገልግሎት በደንበኞች ላይ እየተደረገ ያለው የታሪፍ ማስተካከያ አዲስ የተወሰነ ጭማሪ ሳይሆን ቀደም ሲል በስትራቴጂው መሠረት የተዘረጋ ሂደት መሆኑን አስታወቀ።
የተቋሙ የሽያጭና ደንበኞች አገልግሎት ዳይሬክቶሬት ዳይሬክተር ዶ/ር ይኸይስ ስዩም ለኢትዮ ኤፍኤም 107.8 እንደገለጹት፤ በ2017 ዓ.ም መስከረም ወር ላይ የተጀመረው የታሪፍ ማሻሻያ የኅብረተሰቡን የመክፈል አቅም ባገናዘበ መልኩ በ24 የሩብ ዓመታት (በ6 ዓመታት) ተከፋፍሎ ተግባራዊ እየተደረገ ይገኛል።
ይህ አሰራር ተቋሙ ከአራት ዓመት በኋላ የሚሰበሰበውን አጠቃላይ ክፍያ በመስከረም 2017 ዓ.ም በአንድ ጊዜ ማስከፈል የነበረበት ቢሆንም፣ የኅብረተሰቡን የኢኮኖሚ አቅም ታሳቢ በማድረግ በጥቂት በጥቂቱ ከፋፍሎ እንዲከፍል የተዘረጋ ስትራቴጂ መሆኑን ዳይሬክተሩ አብራርተዋል።
ስለ ድጎማና የክፍያ አሰራር የተሰጠ ማብራሪያ፦
የመንግሥት ድጎማ፦ በአሁኑ ወቅት በሥራ ላይ ያለው ታሪፍ ዝቅተኛውን የኅብረተሰብ ክፍል በልዩ ሁኔታ የሚደግፍ ነው። እስከ 50 ኪሎ ዋት ሰዓት የሚጠቀሙ ደንበኞች በአንድ ኪሎ ዋት ሰዓት 96 ሳንቲም ብቻ እንዲከፍሉ እየተደረገ ሲሆን፣ እስከ 200 ኪሎ ዋት የሚጠቀም ማንኛውም ደንበኛም በድጎማ እንዲከፍል እየተደረገ ነው።
የተደጋጋሚ ግዥ ዋጋ ልዩነት፦ ደንበኞች በአንድ ወር ውስጥ በተደጋጋሚ ኃይል ሲገዙ ስለሚገጥማቸው የዋጋ ልዩነት ሲያብራሩ፣ የዋጋ አተማመን ሥርዓቱ በ30 ቀናት ውስጥ የተጠቀሙትን አጠቃላይ የኃይል መጠን በአንድ ላይ ደምሮ ስለሚያሰላው የኪሎ ዋት መጠኑ ሲጨምር ታሪፉም አብሮ እንደሚጨምር አስገንዝበዋል።
ተቋሙ ከዚህ ጋር ተያይዞ የሚነሱ ቅሬታዎችን ለመፍታት በየክፍለ ከተማው ከነዋሪዎች ጋር የግንዛቤ ማስጨበጫ ውይይቶችን እያደረገ የሚገኝ ሲሆን፣ ባለፉት 15 ቀናት ውስጥም ከፖሊሲ ጥናት ኢንስቲትዩት ጋር በመተባበር ለሚዲያ አካላት ስልጠና መስጠቱ ተገልጿል።
56 807
የመብራት ታሪፍ ጭማሪ ❗️
የመብራት ታሪፍ ጭማሪ ❗️የመንግሥት ድጎማ፦ በአሁኑ ወቅት በሥራ ላይ ያለው ታሪፍ ዝቅተኛውን የኅብረተሰብ ክፍል በልዩ ሁኔታ የሚደግፍ ነው። እስከ 50 ኪሎ ዋት ሰዓት የሚጠቀሙ ደንበኞች በአንድ ኪሎ ዋት ሰዓት 96 ሳንቲም ብቻ እንዲከፍሉ እየተደረገ ሲሆን፣ እስከ 200 ኪሎ ዋት የሚጠቀም ማንኛውም ደንበኛም በድጎማ እንዲከፍል እየተደረገ ነው።የተደጋጋሚ ግዥ ዋጋ ልዩነት፦ ደንበኞች በአንድ ወር ውስጥ በተደጋጋሚ ኃይል ሲገዙ ስለሚገጥማቸው የዋጋ ልዩነት ሲያብራሩ፣ የዋጋ አተማመን ሥርዓቱ በ30 ቀናት ውስጥ የተጠቀሙትን አጠቃላይ የኃይል መጠን በአንድ ላይ ደምሮ ስለሚያሰላው የኪሎ ዋት መጠኑ ሲጨምር ታሪፉም አብሮ እንደሚጨምር አስገንዝበዋል።ተቋሙ ከዚህ ጋር ተያይዞ የሚነሱ ቅሬታዎችን ለመፍታት በየክፍለ ከተማው ከነዋሪዎች ጋር የግንዛቤ ማስጨበጫ ውይይቶችን እያደረገ የሚገኝ ሲሆን፣ ባለፉት 15 ቀናት ውስጥም ከፖሊሲ ጥናት ኢንስቲትዩት ጋር በመተባበር ለሚዲያ አካላት ስልጠና መስጠቱ ተገልጿል።#ethioradar
የኢትዮጵያ ኤሌክትሪክ አገልግሎት በደንበኞች ላይ እየተደረገ ያለው የታሪፍ ማስተካከያ አዲስ የተወሰነ ጭማሪ ሳይሆን ቀደም ሲል በስትራቴጂው መሠረት የተዘረጋ ሂደት መሆኑን አስታወቀ።
የተቋሙ የሽያጭና ደንበኞች አገልግሎት ዳይሬክቶሬት ዳይሬክተር ዶ/ር ይኸይስ ስዩም ለኢትዮ ኤፍኤም 107.8 እንደገለጹት፤ በ2017 ዓ.ም መስከረም ወር ላይ የተጀመረው የታሪፍ ማሻሻያ የኅብረተሰቡን የመክፈል አቅም ባገናዘበ መልኩ በ24 የሩብ ዓመታት (በ6 ዓመታት) ተከፋፍሎ ተግባራዊ እየተደረገ ይገኛል።
ይህ አሰራር ተቋ
56 807
የአሜሪካ ቪዛ..
የአሜሪካ የሀገር ውስጥ ደኅንነት መሥሪያ ቤት (DHS) የውጭ ሀገር ተማሪዎች፣ የባህል ልውውጥ ተሳታፊዎች እና ጋዜጠኞች በአሜሪካ ውስጥ ሊቆዩ የሚችሉበትን ጊዜ የሚገድብ አዲስ መመሪያ ማውጣቱን ሮይተርስ ዘግቧል።
ከዚህ ቀደም፣ እነዚህ የቪዛ ዓይነቶች ተማሪዎቹ ትምህርታቸውን እስኪያጠናቅቁ ወይም ጋዜጠኞቹ የተመደቡበትን የሥራ ጊዜ እስኪጨርሱ ድረስ ያለምንም የጊዜ ገደብ እንዲቆዩ የሚፈቅዱ ነበሩ።
በአዲሱ መመሪያ መሠረት፦
የውጭ ሀገር ተማሪዎችና የባህል ልውውጥ ተሳታፊዎች በአሜሪካ ውስጥ መቆየት የሚችሉት ቢበዛ ለ4 ዓመታት ብቻ ይሆናል።ትምህርታቸውን ለማጠናቀቅ ተጨማሪ ጊዜ የሚያስፈልጋቸው ከሆነ፣ አዲስ የቪዛ ማራዘሚያ ማመልከት ይኖርባቸዋል።ተማሪዎች ትምህርታቸውን ካጠናቀቁ በኋላ ሀገር ለቀው ለመውጣት የሚሰጣቸው ጊዜ ከ60 ቀናት ወደ 30 ቀናት ዝቅ እንዲል ተደርጓል።
ለውጭ ሀገር ሚዲያ ባለሙያዎችና ጋዜጠኞች በአሜሪካ ውስጥ መቆየት የሚችሉት ጊዜ ቢበዛ 240 ቀናት (ስምንት ወራት ገደማ) ብቻ እንዲሆን ተወስኗል።
የቻይና ዜግነት ያላቸው ጋዜጠኞች ደግሞ የቆይታ ጊዜያቸው እስከ 90 ቀናት ብቻ የተገደበ ይሆናል።
መሥሪያ ቤቱ ለዚህ ውሳኔ እንደ ምክንያት ያቀረበው፣ ባለፉት ዓመታት ወደ አሜሪካ የሚገቡ ጊዜያዊ ቪዛ ያዢዎች ቁጥር በከፍተኛ ሁኔታ መጨመሩንና ይህም በሕግ የተፈቀደላቸውን የቆይታ ጊዜ አልፈው የሚቀመጡ ሰዎችን ለመቆጣጠር አስቸጋሪ ማድረጉን ነው። በ2024 ብቻ ከ1.8 ሚሊዮን በላይ የውጭ ሀገር ተማሪዎች ወደ አሜሪካ መግባታቸውን መሥሪያ ቤቱ ጠቅሷል።
ይህ አዲሱ የቪዛ መመሪያ በፌዴራል መዝገብ ላይ ከወጣ ከ60 ቀናት በኋላ ተግባራዊ የሚሆን ሲሆን፣ ከመተግበሩ በፊት በአሜሪካ ኮንግረስ በኩል ግምገማ የሚደረግበት ይሆናል።
#ethioradar
56 807
ውጤት ተለቋል ❗️❗️
በማዕከላዊ ኢትዮጵያ ክልል የ2018 ትምህርት ዘመን የ8ኛ ክፍል ፈተና ውጤት ተለቋል።
ተማሪዎች ከስር በተቀመጠው ሊንክ መለያ ቁጥራችሁን እና ስማችሁን በማስገባት ውጤታችሁን ማየት ትችላላችሁ
👇👇
http://ce.ministry.et
56 807
የአፍሪካ የአቬሽን ውድድር
ግብፅ የካይሮ ዓለም አቀፍ አውሮፕላን ማረፊያን የመንገደኞች የማስተናገድ አቅም ከ60 እስከ 70 ሚሊዮን ለማድረስ ያለመ የ4.5 ቢሊዮን ዶላር አራተኛ ተርሚናል ግንባታ ጀምራለች። በ2025 30.94 ሚሊዮን መንገደኞችን በማስተናገድ በአፍሪካ ቀዳሚ የሆነው ይህ አውሮፕላን ማረፊያ፣ የማስፋፊያ ፕሮጀክቱን በአራት ዓመታት ውስጥ ለማጠናቀቅ አቅዷል።
በሌላ በኩል ኢትዮጵያ የአዲስ አበባ ቦሌ አውሮፕላን ማረፊያ መጨናነቅን ለመቅረፍና የአቪዬሽን ማዕከልነቷን ለማጠናከር፣ በ35 ካሬ ኪሎ ሜትር ቦታ ላይ የሚገነባውን የ12.5 ቢሊዮን ዶላር የቢሾፍቱ ዓለም አቀፍ አውሮፕላን ማረፊያ ግንባታ እያሳለጠች ነው። የቢሾፍቱ ፕሮጀክት በመጀመሪያው ምዕራፍ 60 ሚሊዮን፣ ሙሉ በሙሉ ሲጠናቀቅ ደግሞ 110 ሚሊዮን መንገደኞችን የማስተናገድ አቅም ይኖረዋል።
ለፕሮጀክቱ የሚሆን የፋይናንስ ድጋፍ ለማግኘት ከቻይና ኤክስፖርት-ኢምፖርት ባንክና ከእስያ መሠረተ ልማት ኢንቨስትመንት ባንክ (AIIB) ጋር ውይይት የተደረገ ሲሆን፣ አንድ ያልተጠቀሰ የቻይና ባንክ የ500 ሚሊዮን ዶላር የገንዘብ ድጋፍ ለማድረግ ቃል መግባቱ ተገልጿል።
በሌላ በኩል በአቡ ሰራ አካባቢ የሚኖሩ ነዋሪዎች መሬታቸው ለግንባታው ከተወሰደ በኋላ የተገባላቸው ካሳና ምትክ ቤት እንዳልተሰጣቸው ቅሬታ እያቀረቡ ሲሆን፣ የቢሾፍቱ ከተማ አስተዳደር ግን የቀረበበትን አቤቱታ አስተባብሏል።
#ethioradar
56 807
የቡና ዋጋ መናር ❗️❗️
ሀገራችን ኢትዮጵያ በቡና ምርቷ በዓለም አቀፍ ደረጃ የሚጠቀስ ስም ቢኖራትም፣ በሀገር ውስጥ የሚሸጠው የቡና ዋጋ ግን ከቀን ወደ ቀን ጣሪያ በመንካት ላይ ይገኛል። ለዚህ ድገት ዋናው ምክንያት ቡና ላኪዎች የፈጠሩት ያልተገባ የዋጋ መጋነን መሆኑን የኢትዮጵያ ቡናና ሻይ ባለስልጣን ይፋ አድርጓል።
የባለስልጣኑ የዋና ዳይሬክተር ጽህፈት ቤት ሃላፊ ዶክተር ሰፊሳ አባቡ ከመገናኛ ብዙሃን ጋር ባደረጉት ቆይታ፤ በ2018 በጀት ዓመት ከቡና ኤክስፖርት የተገኘው የውጭ ምንዛሬ አበረታች ቢሆንም፣ በሀገር ውስጥ ገበያ ላይ ግን የዋጋ መረጋጋት ማጣት መታየቱን ገልጸዋል። እንደ ሃላፊው ማብራሪያ፣ በአሁኑ ወቅት በአካባቢው ገበያ የሚታየው ዋጋ ከዓለም አቀፉ የቡና ተመን ጋር እንኳን ሲነጻጸር ያልተገናኘና በጣም የተጋነነ ነው።
ባለስልጣን መሥሪያ ቤቱ ቁጥጥር እያደረገ ቢሆንም፣ ላኪዎች የገበያውን ሁኔታ አጥንተው የተረጋጋ ዋጋ ከማቅረብ ይልቅ እርስ በእርስ ባልተገባ የዋጋ ሽሚያ በመጠመዳቸው ገበያው ሊቀናጅ አልቻለም። ይህ ዓይነቱ ከልክ ያለፈ የዋጋ ንረት የሀገሪቱን የቡና ኢንዱስትሪ የረጅም ጊዜ ጉዞ የሚጎዳ በመሆኑ፣ ባለስልጣኑ ላኪዎችን ወደ አንድ መስመር ለማምጣትና ለማስማማት ጥረት እያደረገ ይገኛል።
#ethioradar
