Ներկապնակ
260
مشترکین
-124 ساعت
-47 روز
+230 روز
- مشترکین
- پوشش پست
- ER - نسبت تعامل
در حال بارگیری داده...
معدل نمو المشتركين
در حال بارگیری داده...
Մայթերը ծաղրում են կեսօրին: Ես եփվում եմ քաղաքի արագության մեջ: Ես զգում եմ քո շունչը իմ թիկունքին: Ես զգում եմ քո բույրը իմ բոլոր կանգառներին: Զգում եմ, որ քաղաքի հոտը դանդաղ ծաղրում է բոլոր սիրահարներին: Ծիծաղում է անգամ վերջին հյուրը քաղաքի ու դանդաղ ... արագ, աներազ, բոսոր, խրթին, կեղտոտված, անլուրջ, փառահեղ ու անխելք սրիկա արեգակը փռում է իր վրա իմ օրը և դեռ այն չապրած, և դեռ երեկվա մեջ, երեկ կեսօրվա և երեկոյի մեջ, սրբում է հայացքը իմ անսանձ ու չկրկնվելու չափ ցած է ընկնում ուսերիցս,
և չսափրվելու պես դողում է ուսերիցս,
Չտատանվելու չափ,
Քամված,
և ուռենու պես թեքվում է ուսերիցս,
և սիրո պես դարդ անում վրաս
...
❤ 2🌚 1
Հաղթանակներից չխոսեմ, ոչ մի հաղթանակ էլ չկա: Քաղաքի բոլոր հասցեները փշրված են: Նույնիսկ գոյություն չունենալու համար հարմար տեղ չի մնացել:
Այսօր շաբաթ է ` բոլոր տեղերը ամրագրված են: Բոլորի սրտերը ավերակ են և բոլորի անկողինները սառն են: Բոլոր շշերը դատարկ են և բոլոր ծխախոտները վաճառված են ու բոլոր- բոլոր, բոլոր կարմիր մայրամուտները հանված են վաճառքի:
Հոգոց:
❤ 3🌚 1
Երեկ երեկոյան ես տեսա, որ իմ կրքերը այրվում են մայրամուտի բոսոր կամարների տակ ու շունչս պահեցի, որ չսպանեմ իմ բոլոր ցաքուցրիվ զեղումները:
❤ 2🌚 1
Սիրելիս, դու չե՞ս սիրում քայլել ամենաքիչ հիշվող փողոցներում, այնտեղ գրեթե կենդանի հոգիներ չկան: Բոլորը մահացել են իրենց կսկիծների պատճառները չհասկանալուց և միառժամանակ: Բոլորը մահացել են բութ ու թմրեցնող մթնշաղի ժամանակ ու չեն հասցրել ոչինչ վերաիմաստավորել:
«Սիրելիս» ...
❤ 2🌚 1
...
թող վառեմ էս գրողի տարած կյանքը
ու մթի մեջ տակը մնացած ծխով նկարեմ քեզ,
որ գոնե օդի մեջ մնաս,
որ գոնե օդի մեջ քեզ զգամ,
որ գոնե հոտդ ծխից առնեմ,
որ գոնե ոչնչի փոխարեն ծուխը սիրեմ.
թող վառեմ
էն ակնկալիքով
որ վառվելու մասին կմոռանամ
ու տակը մնացած ծուխն էլ անիմաստ չի կորի՝ ոնց բոլորս.
թող էս անտերը վառեմ
որ մթի մեջ մի քիչ լույս լինի
որ աչքերս ցավան
որ խեղդվեմ իմ սարքածից
որ անիմաստ չլինի
որ անիմաստ չլինենք
որ չլինենք.
թող վառեմ մինչև վերջին շունչս
ու մաքրեմ
ու դատարկեմ
որ էլի երազեն
որ զգան
որ չսպասեն՝ գնան
որ մնան
որ լինեն
որ լինենք.
թող վառեմ
թող նկարեմ
ու բաց մի թող ...
❤ 1
Repost from N/a
Uzun zamandır ilham perimsin -
երկար ժամանակ է՝ դու իմ մուսան ես: ✨
❤ 1