Amon *raqamli transformatsiya

Ёшликда ҳаёт кўп огоҳлантиришлар беради: - Вақтни қадрла, бировнинг вақтини ҳурмат қил - Топганингни тўғри сарфла, эртани ўйла - Кучинг ва имкониятнинг борлигида шу ишни охирига етказиб қўй - Соғлиқинга ва руҳий мувозанатинга эътиборли бўл - Қулай бўлиш, керак бўлиш ва фойдали бўлиш ўртасидаги фарқни билиш муҳимлиги тушун - Кўп дўст ва фойдали таниш ортиргин, хатто у кишилар оддий-оддий жойда ишласа ҳам. Эртага ким керак бўлишини ва ким қанақа ўринда бўлишини билмайсан. Улғайганингиздан сўнг, ҳаёт қилган ишларингизнинг фақат оқибатини беради. Энди огоҳлантирмайди. Нима эксанг, шуни ўрасан, деган гап бор. Шогирдлар 3-4 йил аввал роса ҳафа бўлардилар бирон шахарга иш билан бориб, ётиб қолмаганимизда. Ўша кун ўзидаёқ жўнаб кетардик. Яқинда шогирдлардан бири "математика" қилди: "Лойиҳам бир кунлик. Қиймати $1,500. Агар бир кун йўлга кетса, демак 2 кун ишлатарканмиз. Кундалик 750 дан тушаркан. Ўша кун ётиб қолиб, кундуз йўлга чиқсак, уч кун бўларкан. Кунимиз 500 дан тушуркан. Бу вақт ичида бошқа лойиҳа ололмаймиз, чунки марказдан узоқда бўламиз" дейди. Авваллари нега дачалардаги тадбирларда ётиб қолмаслигимни ҳеч тушунишмас эди. Вақтни қадрлашни ва унинг қиймати бор эканини 3 йилда англаганига ҳам ҳурсандман. Бир шахарда буюртма бор эди, лекин чипта кечги вақтга олинганди. Ўша кун шогирд иккинчи тадбир уюштирди. Менга фойдадан ярмини берасиз, деди. Рози бўлмадим, чунки одамлар барибир келади, дедим. Тўғри, деди. Сиз у пайт бошқа компания билан банд бўласиз, жавоб беролмайсиз, уларга батафсил тушунтиролмайсиз. Бу ишларни мен қиламан, деди. Ўша учта майда тадбир ўтказдик. Уч смен. Одам фойдали бўлишини тасдиқлолди. 50% шерик бўлолди. Лекин, ҳаммаси қулай бўлишдан бошланган. Кейин керакли бўлди, якунида фойдали даражасига етди. Устозлар ўзи 25 яшар даврида қилмаган ишларни шогирдлари қўлдан бой бермаслигини истайди. Оқибатида устоз 50% улушда ўтирардир, шогирд эмас. “Ака, ўқисам ҳам, ишласам ҳам бўладими?” деганларнинг кўпи вақтнинг қадрини ва у капитал эканини тушунмаганини биламан. Тушунган одам нима қилишни билади. Нималар қилиш кераклигини матн бошида айтиб ўтдим.