ឯកសារច្បាប់​ រដ្ឋបាលសាធារណៈ

សញ្ញាណទូទៅនៃសេវាសាធារណៈ ១- និយមន័យ គោលនយោបាយស្ដីពីការផ្ដល់សេវាសាធារណៈ (២០០៦) បានកំណត់និយមន័យ សេវាសាធារណៈ ថារាល់សកម្មភាពទាំងឡាយ ដែលធ្វើឡើងដោយស្ថាប័នមានសមត្ថកិច្ច និងស្ថាប័នទទួលសមត្ថកិច្ច ក្នុងគោលដៅបម្រើផលប្រយោជន៍សាធារណៈ។ ស្ថាប័នមានសមត្ថកិច្ច សំដៅដល់ស្ថាប័នរដ្ឋ ឬភ្នាក់ងាររដ្ឋ ឬអាជ្ញាធរគ្រប់លំដាប់ថ្នាក់ទាំងអស់របស់រដ្ឋ ដែលបំពេញការងារតាមដែនសមត្ថកិច្ចរបស់ខ្លួន។ ស្ថាប័នទទួលសមត្ថកិច្ច សំដៅដល់ផ្នែកឯកជន និងសង្គមស៊ីវិលដែលទទួលបានសិទ្ធិ និងភារកិច្ចពីរដ្ឋ ហើយដែលស្ថិតនៅក្រោមការគ្រប់គ្រងត្រួតពិនិត្យរបស់រដ្ឋ ឬភ្នាក់ងាររដ្ឋ។ ២- ប្រភេទសេវា គោលនយោបាយស្ដីពីការផ្ដល់សេវាសាធារណៈ (២០០៦) បានបែងចែកសេវាសាធារណៈជា ៧ចង្កោម ដូចខាងក្រោម៖ - ចង្កោមសេវាពាក់ព័ន្ធនឹងអធិបតេយ្យភាពរដ្ឋ - ចង្កោមសេវាពាក់ព័ន្ធនឹងផ្នែកសន្តិសុខសណ្ដាប់ធ្នាប់សាធារណៈ និងសុវត្ថិភាពសង្គម - ចង្កោមសេវាពាក់ព័ន្ធនឹងយុត្តិធម៌ និងអាជ្ញាកណ្ដាល - ចង្កោមសេវាពាក់ព័ន្ធនឹងការលើកកម្ពស់កិច្ចការពាណិជ្ជកម្ម សហគ្រាសធុនតូចនិងមធ្យម បរិស្ថានវិនិយោគ និងការចូលរួមរបស់ផ្នែកឯកជនក្នុងការកសាង និងការថែទាំហេដ្ឋារចនាសម្ព័ន្ធ - ចង្កោមសេវាសង្គមកិច្ច វប្បធម៌ និងកិច្ចការនារី - ចង្កោមសេវាពាក់ព័ន្ធនឹងការអភិវឌ្ឍហេដ្ឋារចនាសម្ព័ន្ធរូបវន្ត - ចង្កោមសេវាពាក់ព័ន្ធនឹងការប្រមូលចំណូល ការធ្វើវិចារណកម្មចំណាយ និងការបើកផ្ដល់ ៣-យន្តការនៃការផ្ដល់សេវា គោលនយោបាយស្ដីពីការផ្ដល់សេវាសាធារណៈ (២០០៦) បានបែងចែកយន្តការនៃការផ្ដល់សេវាជា ៩ ដូចខាងក្រោម៖ - ការកែលំអក់ដំណើរការការងារនៃការផ្ដល់សេវាសាធារណៈ - ច្រកចេញចូលតែមួយ - វិសហមជ្ឈការសេវាសាធារណៈ - វិមជ្ឈការសេវាសាធារណៈ - គ្រឹះស្ថានសាធារណៈរដ្ឋបាល - សហគ្រាសសាធារណៈ - កិច្ចសន្យា - ភ្នាក់ងារប្រតិបត្តិការពិសេស - ឯកជនភាវូបនីយកម្ម ៤- ការវាយតម្លៃគុណភាពនៃការផ្ដល់សេវាសាធារណៈ អនុក្រឹត្យស្ដីពីការរៀបចំនិងការប្រព្រឹត្តទៅនៃគណៈកម្មាធិការជាតិវាយតម្លៃសេវាសាធារណៈ (២០១៣) បានកំណត់សូចនាករគោលនៃស្តង់ដារសេវាសាធារណៈ ចំនួន៥ ដូចខាងក្រោម៖ - គុណភាពព័ត៌មាន (ព័ត៌មានពាក់ព័ន្ធនឹងបទដ្ឋានគតិយុត្ត, ត្រូវផ្សព្វផ្សាយឱ្យបានទូលំទូលាយ, មធ្យោបាយនៃការផ្សព្វផ្សាយ) - ភាពងាយស្រួលក្នុងការទទួលយកសេវា (ទីតាំងហេដ្ឋារចនាសម្ព័ន្ធ, នីតិវិធីលក្ខខណ្ឌ) - ភាពយកចិត្តទុកដាក់ក្នុងការទទួលអ្នកប្រើប្រាស់សេវា (ការទទួល, យន្តការសម្របសម្រួល, វិធានការកែលម្អ, យន្តការដោះស្រាយ) - សេវាផ្ដល់តាមគោលការណ៍កំណត់និងមានអភិបាលកិច្ចល្អ (សេវាផ្ដល់តាមគោលការណ៍កំណត់, សេវាផ្ដល់មមានអភិបាលកិច្ចល្អ) - យន្តការព័ត៌មានត្រឡប់និងបណ្ដឹងតវ៉ារបស់អ្នកប្រើប្រាស់សេវា ស្រាវជ្រាវ៖ ឆេង សារី តេឡេក្រាម៖ t.me/ChhengSarey