METAFENIX មេត្តាហ្វីនិច្ច

ជំនឿតាមប្រពៃណី និងទំនៀមទម្លាប់ ជាអ្វីដែលនិយមតគ្នាទៅតាមក្រុមនៃជនជាតិនិមួយៗ..តែថាមពលពិសេសដែលកកើតមានពិតប្រាកដ វាអាស្រ័យលើការជួបប្រសព្វគ្នានៃភពនានានៅតាមគន្លងវិថីក្នុងដែលចក្រវាឡឯនោះទេ។ អញ្ចឹងហើយបានជាគេត្រូវដេញរកវេលាសម្រាប់កិច្ចពិធីសំខាន់ៗ។ ទោះយ៉ាងណា បើធ្វើតាមអ្នកណាដែលនាំអោយចម្រើន ក៏បន្តតាមនោះទៅជាការប្រសើរ ព្រោះគាត់អាចជាផ្កាយសំណាងរបស់អ្នក។

ថាមពលថ្ងៃទី១៩ ខែមិថុនា ឆ្នាំ២០២៦ វេលាចន្លោះម៉ោង ១១៖០០ដល់ ១២៖៥៩ថ្ងៃត្រង់។ ១. រក្សាសុខភាពអោយបានល្អ ២. រក្សាចិត្តអោយស្ងប់ ៣. រក្សាអារម្មណ៍អោយមូល (៤. រក្សាមាត់ហូបមាន់🤣) អ្នកជូត អ្នកមមី និងអ្នកឆុងប្រចាំឆ្នាំ២០២៦ទាំងអស់ត្រូវប្រយ័ត្នខ្ពស់បំផុតពេញមួយថ្ងៃ! អ្នកផ្សេងក៏ត្រូវរក្សា៤ចំណុចដែរ មិនគួរប្រហែសទេ!

ទស្សនៈផ្ទាល់ខ្លួន៖ ភាពយន្តថៃដែលនិយាយបរិហារខ្មែរ មិនគួរយើងនាំគ្នានិយាយចំណងជើង និងបង្ហាញកន្លែងចូលមើលទេ! ព្រោះពេលនាំគ្នានិយាយច្រើនតៗគ្នា មនុស្សនឹងឆ្ងល់ហើយនាំគ្នាទៅមើលច្រើនទៅៗ។ ពេលមនុស្សមើលច្រើន ទោះមិនចូលចិត្តឬនាំគ្នារិះគន់គេក៏ដោយ ក៏គេនៅតែកើនចំណូល កើនVIEW ភាពយន្តនោះល្បីកាន់តែខ្លាំង ដោយសារយើងចូលមើល។ យើងប្រហែលមិនដឹងទេថា យើងកំពុងជួយផ្សព្វផ្សាយភាពយន្តរបស់គេអោយកាន់តែល្បី អោយកាន់តែមានមនុស្សមើលច្រើន! គំនិតខ្ញុំ បើយើងស្អប់អ្នកណាម្នាក់ យើងកុំខ្វល់អ្វីគេធ្វើអ្វីដែលគេនិយាយ! កុំបន្ថែមVIEWអោយភាពយន្តរបស់វា! ទោះយ៉ាងណា បងប្អូនអាចមានទស្សនៈ និងមូលហេតុនៅជ្រុងផ្សេងខុសពីខ្ញុំ!☺️

យើងម្នាក់ៗ ត្រូវជឿជាក់លើខ្លួនឯងជាងជឿលើអ្នកដទៃ! តែការជឿជាក់លើខ្លួនឯងនោះ ត្រូវប្រកបដោយធម៌ ត្រូវប្រកបដោយបញ្ញា ត្រូវប្រកបដោយវិន័យ កុំប្រកបដោយមោបាំង កុំប្រកបដោយមានៈ កុំប្រកបដោយសេចក្តីមិនថ្លៃថ្នូ សង្គមជាបរិស្ថានដែលត្រូវប្រយ័ត្ន តែការគ្រប់គ្រងខ្លួនឯងមិនបានទើបជាឧបសគ្គពិតប្រាកដ! រីករាយថ្ងៃថ្មី ទឹកយ៉ាង លើ ច! 🗒️ ថ្ងៃនេះអ្នកភ្លើង/ដីយ៉ាងលើរោង សម្បូរមេរៀនជីវិតជាងគេ។ ☯️ ទិសថាមពលល្អប្រចាំថ្ងៃ កើត កណ្តាល និងលិច។

ត្រឹមបើកចិត្តទូលាយស្តាប់ និងសង្កេតលើជំនឿអរូបិយ៍ដែលអ្នកចង់ដឹង វាគ្រប់គ្រាន់ហើយ! កុំចូលដល់ថ្នាក់បើកច្រកដួងចិត្ត ដួងកែវ ដួងវិញ្ញាណទៀត ប្រយ័ត្នត្រូវគេសន្ធប់ដួង! មនុស្សម៉្លេះនៅមើលបំណងមិនធ្លុះ ចុះទំរាំអរូប?! មិនបរិយាយច្រើនទេ ខ្ញុំគ្រាន់តែរំលឹកដល់អ្នកដែលនៅស្តាប់ពាក្យណែនាំនៅថ្ងៃថៃជិរបស់ខ្ញុំប៉ុណ្ណោះ!

មយូរ៉ារស់បាន ដោយសារភ្លើងក្នុងកាយក្តៅជាងភ្លើងដែលដុតលើរាងកាយ! ចូរកុំអោយសម្ពាធពីមជ្ឈដ្ឋានជុំវិញដុតបំផ្លាញអ្នក! យុគមយូរ៉ា ជាយុគរក្សាកំដៅក្នុងកាយអោយខ្លាំង! ភ្លើងក្នុងកាយ ជាកម្លាំងចិត្តក្នុងការរក្សាគោលជំហរការកំណត់គោលដៅ ការរៀបផែនការឆ្ពោះទៅកាន់គោលដៅជាដើម។ កុំរវល់តែជួយគេ តែភ្លេចជួយខ្លួនឯង! មនុស្សខ្លះមិនយល់គុណ បែរជាបកមកប្រហារអ្នកវិញនៅពេលដល់ត្រើយ.. តែអ្នកខ្លះមិនទាន់ដល់ត្រើយស្រួលបួលផងក៏បញ្ចេញពិសទៅហើយ! មិនបំភ័យ មិនបន្លាច តែនេះជាមេរៀនសម្រាប់រស់នៅក្នុងសង្គម! រីករាយថ្ងៃថ្មី មាសយិន លើ រកា! 🗒️ ថ្ងៃនេះអ្នកឈើ/ភ្លើងយិនលើថោះ សម្បូរមេរៀនជីវិតជាងគេ។ ☯️ ត្បូងឆៀងលិចជាទិសហុងស៊ុយល្អប្រចាំថ្ងៃ។៊

ប៉ាជឺ វិភាគ និងព្យាករណ៍រាសី ឆ្នាំសិក្សា២០២៦ ជាវគ្គសិក្សាដែលបានកែលម្អថ្មី ដើម្បីអភិវឌ្ឍជំនាញវិជ្ជាជីវៈជាអ្នកប្រឹក្សាជីវិតដោយយោងលើបរមត្ថវិជ្ជា។ ចូលមើលព័ត៌មានសិក្សាបន្ថែម៖ https://web.jomnes.net/courses/bazi-astrology/ ទំនាក់ទំនង៖ 081682258 តេលេក្រាម៖ @JiangWeizhi តេលេក្រាមឆាណែល៖ https://t.me/ometafenix វេបសាយ៖ https://insights.metafenix.net/ បណ្ណាល័យហុងស៊ុយ៖ https://reanfengshui.com/

រលក និងខ្យល់ នឹងរុញច្រានទូកក្តោងអោយទៅមុខ បើយើងចេះទាញយកកម្លាំងរបស់វាមកប្រើប្រាស់! ដូចខ្សែជីវិតដែលពោរពេញទៅដោយវិញ្ញាសារ និងឧបសគ្គដែរ! បើយើងអាចយកមេរៀនទាំងនោះមកជាចលករជំរុញទឹកចិត្ត នោះយើងនឹងរឹងមាំជាងមុន។ ១. កត្តាព្រហ្មលិខិត មានឥទ្ធិពល៣០% លើជីវិតដែលយើងមិនអាចកែបាន។ ២. កត្តាបរិស្ថានជុំវិញ មានឥទ្ធិពល៣០% លើជីវិតដែលយើងអាចកែបានខ្លះ និងមិនបានខ្លះ តែយើងអាចសម្របខ្លួននឹងវា ដោយមិនផ្តេកផ្តួលតាមវា។ ៣. កត្តាមនុស្ស មានឥទ្ធិពល៤០% ដែលអាស្រ័យលើយើងទាំងស្រុង។ គ្មានអ្នកណាអាចជួយយើងបានទេ បើយើងមិនពង្រឹងកំលាំងចិត្ត និងស្មារតីអោយរឹងមាំដោយខ្លួនឯង! កុំអាងគេ កុំទុកចិត្តគេ! រីករាយថ្ងៃថ្មី ថ្ងៃមាសយ៉ាង លើ វក! 🗒️ថ្ងៃនេះអ្នកឈើ/ភ្លើងយ៉ាងលើខាលសម្បូរមេរៀនជីវិតជាងគេ។ ☯️ទិសខាងលិច និងកណ្តាលផ្ទះមានថាមពលល្អជាងគេប្រចាំថ្ងៃ។

ប៉ាជឺ វិភាគ និងព្យាករណ៍រាសី ឆ្នាំសិក្សា២០២៦ ជាវគ្គសិក្សាដែលបានកែលម្អថ្មី ដើម្បីអភិវឌ្ឍជំនាញវិជ្ជាជីវៈជាអ្នកប្រឹក្សាជីវិតដោយយោងលើបរមត្ថវិជ្ជា។ ចូលមើលព័ត៌មានសិក្សាបន្ថែម៖ https://web.jomnes.net/courses/bazi-astrology/ ទំនាក់ទំនង៖ 081682258 តេលេក្រាម៖ @JiangWeizhi ឹវេបសាយ៖ https://insights.metafenix.net/ បណ្ណាល័យហុងស៊ុយ៖ https://reanfengshui.com/

អ្នកមិនមានឈ្មោះ ខ្ញុំមិនអនុញ្ញាតអោយចូលទេ។ សូមអធ្យាស្រ័យ!

⚠️⚠️⚠️⚠️ អ្នកជូតអើយអ្នកមានតួជូត នៅណាខ្លះហ្នុង?! វេលាហានិភ័យខ្ពស់មកដល់ហើយ.. ថ្ងៃទី១៣ ខែមិថុនា ឆ្នាំ២០២៦ ជាថ្ងៃមមី ខែមមី ឆ្នាំមមី បើគិតដល់តួម៉ោងមមីទៀត គឺមាន មមីត្រួត៤ដង! រឿងរ៉ាវច្រើនស្ទើរ១០០ជំពូកអាចនឹងផ្ទុះឡើង! អ្នកដែលគ្មានតួជូតក៏គួរតែប្រយ័ត្នដែរ ពិសេសអ្នកមិនត្រូវការភ្លើងនិងដី ព្រោះវេលានេះមានថាមពលក្តៅ-ស្ងួតហែងខ្លាំង។ 💡តមមាត់តមសម្តី 💡រក្សាចិត្តអោយស្ងប់ត្រជាក់ 💡រក្សាធាតុទឹកក្នុងខ្លួនអោយល្អ 💡រាល់កិច្ចការទាំងឡាយត្រូវរក្សាការប្រុងប្រយ័ត្នខ្ពស់ 💡រាល់ការធ្វើដំណើរត្រូវមើលឆ្វេងស្តាំមុខក្រោយអោយច្បាស់លាស់ 💡កុំប្តូរផ្លូវធ្វើដំណើរ 💡កុំប្តូរវិធានបំពេញការងារ 💡កុំអណ្តែតតាមគេចាក់ចូច 💡កុំកំរោលនឹងអ្វីដែលឃើញ ទោះយ៉ាងណា កុំភ័យដល់ខាតការ! យើងដឹងមុន ដើម្បីប្រយ័ត្ន មិនមែនដឹងមុនអោយខាតការនោះទេ! ជូនពរសំណាងល្អទាំងអស់គ្នា!

សង្គមតែងមានការយល់ច្រឡំ ការយល់ច្រឡំនោះគឺ គេតែងគិតថា ស្ត្រីគ្រប់រូបមានក្តីប៉ងប្រាថ្នាចង់បានស្វាមីនិងកូន ដែលជាគ្រួសារសុភមង្គល។ តែការពិត មិនដូច្នោះគ្រប់គ្នាទេ! អ្នកខ្លះគេចូលចិត្តសេរីភាព អ្នកខ្លះគេចូលចិត្តការរស់នៅម្នាក់ឯង អ្នកខ្លះគេចូលចិត្តប្រឡូកសង្គម អ្នកខ្លះគេចូលចិត្តផ្សងព្រេង ... ជីវិតមនុស្សមានគោលដៅផ្សេងៗគ្នា ដោយសារដួងរាសីផ្សេងៗគ្នា។ កុំគ្រាន់តែគេខុសពីខ្លួន ចាត់ថាគេមិនល្អត្រឹមត្រូវ! កុំគ្រាន់តែគេធ្វើអ្វីមិនដូចខ្លួន ចាត់ថាគេមិនប្រឹងប្រែង! រីករាយថ្ងៃថ្មី ភ្លើងយិន លើ ម្សាញ់! 🗒️អ្នកទឹក/មាសយិនលើកុរសម្បូរមេរៀនជីវិតជាងគេថ្ងៃនេះ ☯️ទិសល្អប្រចាំថ្ងៃ ត្បូងឆៀងលិច និងជើង។

ហុងស៊ុយ គឺជាការរៀបចំ និងថែរក្សាអោយមានភាពសុខសាន្តក្នុងជីវិត ហើយជាទូទៅ ស្ត្រីជាមាតានៃគ្រួសារដែលខ្វល់ខ្វាយពីភាពកក់ក្តៅក្នុងក្រុមគ្រួសារ ខណៈដែលស្វាមីជាអ្នកឈ្មុសឈ្មុលក្នុងសង្គម។ គ្រួសារកក់ក្តៅ ជាគ្រួសារដែលមានសមាជិកចេះជួយចាត់ចែងគ្នា ផ្តល់សិទ្ធិអោយគ្នា ដើម្បីសុភមង្គល។ បច្ចុប្បន្ន សង្គមមានការយល់ដឹងអំពីសិទ្ធិសេរីភាព ស្ត្រីក៏មានសិទ្ធិក្នុងការឈ្មុសឈ្មុលក្នុងសង្គម បុរសក៏មានសិទ្ធិក្នុងការចាត់ចែងក្នុងគ្រួសារដូចស្ត្រីដែរ។ យើងមិនបាច់និយាយអំពីមនុស្សឥតបានការទេ ព្រោះវាដូចសក់ក្បាលតែងមានក្អែលធូលីតោងជាប់ ប្រៀបដូចសង្គមតែងមានមនុស្សឥតប្រយោជន៍។ គេមិនល្អជារឿងរបស់គេ សំខាន់យើងបំពេញកាតព្វកិច្ចយើងដើម្បីក្រុមគ្រួសារអោយល្អ! ទោះយ៉ាងណា ការជឿលើអ្វីមួយត្រូវមានខ្សែបន្ទាត់ក្រហម..​កុំចេះតែជឿដោយគ្មានការពិចារណា! ជូនពរសំណាងល្អទាំងអស់គ្នា ពីខ្ញុំ ជាំង វៃជឺ!

មនុស្ស និងបញ្ហាមានច្រើនសណ្ឋាន៖ មិនដឹងថា វាមិនល្អ ជារឿងមួយដែលពិបាក ដឹងថាមិនល្អ តែមិនអាចកែ ជារឿងពិបាកមួយបែបទៀត ដឹងថាមិនល្អ តែមិនចង់កែ ទើបជារឿងដែលពិបាកជួយបំផុត ដូច្នេះហើយទើបយើងត្រូវចេះសង្កេត និងរើសមនុស្សដែលគួរជួយ អោយស្របនឹងពេលវេលា និងកម្លាំងកាយចិត្តរបស់យើង! រីករាយថ្ងៃថ្មី ឈើយិន លើ ថោះ!

បើគេសូត្រផ្លុំទឹកធម្មតាអោយក្លាយជាទឹកមន្តបាន នោះក៏មានន័យថា ទឹកអាចស្រូបនិងរក្សាថាមពលបាន! ចុះបើទឹកក្នុងកែវដែលនៅជិតអ្នក ពេលដែលអ្នកនិយាយរឿងរ៉ាវមិនល្អនានា ឬអានរាសីអោយគេជួបតារាងឆុង តារាងវិបត្តិ.. តើទឹកនោះនឹងទៅជាយ៉ាងណាពេលចូលក្នុងខ្លួនអ្នក? ធ្លាប់ទេ?! ដែលថា អានរាសីអោយគេហើយ ស្រាប់តែមានរឿងខ្លួនឯង ឬមិនស្រួលខ្លួន... ចម្ងល់នេះនឹងស្រាយនៅក្នុងថ្នាក់ប៉ាជឺថ្មី!

៥ចំនុចដែលគួរចាំ៖ ១. កុំដាស់មនុស្សដែលមិនចង់ភ្ញាក់ ២. កុំនិយាយជាមួយមនុស្សដែលមិនចង់ស្តាប់ ៣. កុំហៅមនុស្សដែលព្យាយាមដើរចេញពីអ្នក ៤. កុំចិត្តទន់នឹងមនោសញ្ចេតនា បើគេធ្លាប់ជាន់ពន្លិចអ្នក ៥. កុំលះបង់រហូតដល់អស់ពីខ្លួន មនុស្សស្និទ្ធប៉ុណ្ណាក៏ដោយ បើមានពេលជួប ក៏នឹងមានពេលបែក! ពេលខ្លះ ដើរម្នាក់ឯងប្រសើរជាងមានអ្នករួមដំណើរដែលរង់ចាំតែប្រយោជន៍! រីករាយថ្ងៃថ្មី ថ្ងៃឈើយ៉ាង លើ ខាល !

ចាប់ពីម៉ោង២៣យប់នេះតទៅ ចូលដល់ខែមមីហើយ! អ្នកកុរ និងខាលទ្រាំបន្តិចទៀតទេដល់ទី🏁ហើយ! អ្នកជូត ឆ្លូវ ថោះ និងមមី ត្រៀមខ្សែប្រយុទ្ធ⚔️ទ្វេរដង ព្រោះគេមកម្តង២(ឆ្នាំនិងខែ)!

មនុស្សវាយតម្លៃយើង ដោយសំអាងលើ៖ ១. អតីតកាលរបស់យើង រួមជាមួយនឹង ២. ចិត្តរបស់គេយល់បែបណា គេមិនបានខ្វល់ពីអ្វីដែលយើងបានជួបប្រឈម និងផលលំបាករបស់យើងឡើយ។ តែកុំ..កុំព្យាយាមចំណាយពេលពន្យល់គេថា៖ ១. យើងបានកែប្រែហើយ ២. យើងបានល្អជាងមុនហើយ ៣. យើងទទួលបានផ្លែផ្កាហើយ ៤. យើងមានបានហើយ ៥. យើងជោគជ័យហើយ ព្រោះមនុស្សខ្លះ នឹងច្រណែន ហើយមិនសាទរទេ! ចូរបន្តអ្វីដែលអ្នកកំពុងធ្វើ ទុកអោយគេបន្តគិតនូវអ្វីដែលគេកំពុងគិត! កុំរស់ដើម្បីតែបំពេញចិត្តអ្នកដទៃ! រីករាយថ្ងៃថ្មី មាសយ៉ាង លើ ច! អ្នកឈើយ៉ាងលើរោង សម្បូរសម្ពាធជាងគេថ្ងៃនេះ។

ឆ្នាំហ្នឹងឆុងឬអត់?! បើធាតុរាសីសួគ៌(មេឃ)ប៉ះទង្គិចគ្នា ហើយរាសីដី(សត្វ)ប៉ះទង្គិចគ្នាទៀតនោះ វានឹងនាំបញ្ហាច្រើនមកអោយ។ គ្រប់យ៉ាងពេលនោះ មិនមែនជាអវសាន្តនៃជីវិតទេ តែជាព្យុះភ្លៀងកំណាចដែលត្រូវឆ្លងកាត់។ គ្រោះធំមិនស្លាប់ ច្បាស់ជាមានលាភធំ! រៀនមើលលេងៗទៅក្រែងចេះមែនទែន! បើត្រឹមប៉ុណ្ណឹងតស៊ូអានមិនបាន មិនបាច់ចុះឈ្មោះរៀនវគ្គប៉ាជឺថ្មី ជាមួយខ្ញុំទេ! វគ្គថ្មីជាមួយការបន្ថែមគន្លឹះរូបមន្តថ្មី ចាប់ផ្តើមនៅពាក់កណ្តាលខែមិថុនានេះហើយ! ព័ត៌មានបន្ថែម https://web.jomnes.net/courses/bazi-astrology/

រាល់កំដៅភ្លើងដែលបានឆេះដុតរោលមយូរ៉ា វាមិនបានសម្លាប់មយូរ៉ានោះឡើយ.. ផ្ទុយទៅវិញ វាគឺការផ្តល់កម្លាំងនិងបទពិសោធន៍អោយខ្លាំងជាមុន! រាល់ឧបសគ្គ គឺជាមេរៀនលុតដំយើងអោយខ្លាំងជាងមុន! រីករាយថ្ងៃថ្មី ដីយិន លើ រកា! អ្នកដែលមានតួទឹកយិនលើថោះមានសម្ពាធជាងគេ! ទិសហុងស៊ុយល្អប្រចាំថ្ងៃមាន ត្បូង ត្បូងឆៀងលិច និងជើង។