METAFENIX មេត្តាហ្វីនិច្ច

គ្រប់យ៉ាងអាចមិនដូចអ្វីដែលយើងរំពឹងទុកទេ! កុំគ្រាន់តែឃើញដំណាំលូតលាស់ល្អ រំពឹងថាវានឹងហុចផលល្អ។ កុំគ្រាន់តែឃើញគេស្លៀកពាក់ល្អ និងបង្ហាញសម្ភារៈល្អៗ រំពឹងថាគេជាមនុស្សត្រឹមត្រូវសុចរិត ឬចិត្តល្អ។ ពេលខ្លះអ្វីដែលយើងឃើញ អាចមិនមែនជាការពិត! រីករាយថ្ងៃអាទិត្យ បិណ្ឌ១!

ទាញថាមពលនៅរាត្រីសែនព្រះខែ បើរៀបចំសែន ឬជួបជុំគ្រួសារនៅវេលាម់ោងច(១៩៖០០ រហូតដល់ ២០៖៥៩នាទី) ចូរបែរខ្នងទៅទិសខាងកើត ដើម្បីទាញថាមពលអោយជួយកិច្ចការសព្វបែបយ៉ាងវិលត្រឡប់មកភាពល្អប្រសើរវិញ។ បើរៀបចំសែន ឬជួបជុំគ្រួសារនៅវេលាម៉ោងកុរ(២១៖០០ ដល់ ២២៖៥៩) ចូរបែរខ្នងទៅទិសខាងត្បូង ដើម្បីប្រមូលថាមពលមកជួយការងារថ្មី និងការចរចារនានា។ អ្នកអាចធ្វើនៅវេលាទាំងពីរក៏បាន តែវេលាម៉ោងច បែរទៅខាងកើតមានថាមពលពិសេសជាង។ ត្រូវចាំថា អ្វីៗគ្រប់យ៉ាងដូចអាវុធមុខពីរ គួរធ្វើសមាធិទៅតាមទិសនិងម៉ោងដែលមានថាមពលត្រូវនឹងតម្រូវការទើបជាការប្រសើរ។ ជូនពរសំណាងល្អ!

Schumann Resonance ឧបករណ៍បង្កើតហ្វ្រេហ្គង់ថាមពល វាជាឧបករណ៍បង្កើតហ្វ្រេហ្គង់រលកថាមពលអោយស្របនឹងហ្វ្រេហ្គង់ធម្មជាតិរបស់ផែនដីដែលមានចង្វាក់ 7.83 Hz និងឧបករណ៍នេះក៏អាចបង្កើតហ្វ្រេហ្គង់ថាមពលចក្រវាឡផ្សេងចាប់ពី 1 រហូតដល់ 9999 Hz បានដែរ។ រលកថាមពលទាំងនេះស្ថិតនៅដែនមួយដែលមិនមានរលកសញ្ញារំខាន ឬធ្វើអោយប៉ះពាល់ដល់សុខភាពឡើយ ផ្ទុយទៅវិញ វាជារលកសញ្ញាបែបផែនធម្មជាតិដែលមនុស្ស សត្វ និងរុក្ខជាតិត្រូវការ។  ផ្ទះសម័យទំនើបនាពេលបច្ចុប្បន្នដែលយើងរស់នៅសព្វថ្ងៃពោរពេញទៅដោយរលកអេឡិចត្រូនិច ដែលអាចគ្របបាំងចង្វាក់ធម្មជាតិដែលយើងត្រូវការចាំបាច់។ យើងអាចសង្កេតមើលសុខភាព និងអារម្មណ៍របស់យើងបាន។ ពិភពលោកកាន់តែជឿនលឿន យើងឃ្លាតកាន់តែឆ្ងាយពីធម្មជាតិ ដែលធ្វើអោយសុខភាពរបស់យើងមិនដូចមនុស្សពីជំនាន់មុនៗ អារម្មណ៍ក៏ងាយខឹងក្រោធ ឆាប់តប់ប្រម៉ល់ និងស្មុគស្មាញជាងមុន..។ ឧបករណ៍តូចនេះនឹងបង្កើតហ្វ្រេហ្គង់ធម្មជាតិមកក្នុងលំហរបរិយាកាសរបស់អ្នកវិញ ហើយឧបករណ៍ដែលចេញពីមេត្តាហ្វីនិច្ច ត្រូវបានសិក្សា និងសរសេរកូដកំណត់កម្មវិធីឡើងវិញដោយ មេត្តាហ្វីនិច្ច ជាមួយនឹងការតេស្តសាកល្បងក្នុងការរស់នៅជាក់ស្តែង ពិសេសការសម្រួលអារម្មណ៍ និងព្យាបាលអ្នកជម្ងឺ អស់ជាច្រើនខែ។ ឧបករណ៍នេះជាជម្រើសល្អសម្រាប់ការប្រើប្រាស់ក្នុងហុងស៊ុយ និងរក្សាតុល្យភាពថាមពលក្នុងបន្ទប់។ ✨ បញ្ចេញ 7.83 Hz ជាស្តង់ដារ និងអាចប្តូរពី 0.01 Hz ដល់ 9999 Hz បាន ✨ រចនាខ្សែរង្វិលចរន្តតាមធរណីមាត្រសាស្ត្រ (Sacred Geometry) ✨ អេក្រង់ LED បង្ហាញហ្វ្រេហ្គង់ច្បាស់ ជាមួយមុខងាររក្សាទុក ✨ ប្រើខ្សែ USB Type-C និងមានទំហំតូចល្មមប៉ុនបាតដៃដែលអាចដាក់លើតុក្បែរគ្រែ តុធ្វើការ បន្ទប់ទទួលភ្ញៀវ បន្ទប់សមាធិ បន្ទប់សិក្សា បន្ទប់ព្យាបាល ឬអាសនៈបានដោយងាយស្រួល ✨ ដោតជាមួយកុំព្យូទ័រ ឬPowerBankបាន 🌿 អត្ថប្រយោជន៍ 💻 កន្លែងធ្វើការ៖ បង្កើតរលកថាមពលជួយដល់ការផ្ចង់អារម្មណ៍បានមូល និងងាយសម្រេចកិច្ចការបានល្អ 🛋 កន្លែងទទួលភ្ញៀវ៖ បង្កើតរលកថាមពល និងអារម្មណ៍សុខដុមដែលនាំអោយមានការប្រាស្រ័យទាក់ទងល្អ 😌 បរិយាកាសស្ងប់ស្ងាត់៖ បង្កើតរលកចង្វាក់ធម្មជាតិ 7.83 Hz របស់ផែនដី បង្កើតបរិយាកាសសុខស្រួលសម្រាប់សម្រាកនិងស្ងប់ស្ងាត់ 🛏 បន្ទប់គេង៖ ដាក់លើតុក្បែរគ្រែ សម្រាប់អ្នកដែលចង់បានបន្ទប់ស្ងប់ និងស្ងប់ស្ងាត់នឹងនរនៅពេលយប់ 🧘 សមាធិ៖ ជួយសម្រួលការផ្តោតអារម្មណ៍ និងភាពស្ងប់ ពេលធ្វើសមាធិ បួងសួង ឬហាត់ឈីកុង 🏠 តុល្យភាពហុងស៊ុយ៖ ជួយធ្វើឲ្យឈី (Qi) ក្នុងបន្ទប់មានតុល្យភាព ជាពិសេសកន្លែងដែលមាន Wi-Fi និងឧបករណ៍អេឡិចត្រូនិចច្រើន។ ឧបករណ៍នេះក៏អាចដាក់នៅប្លុកដែលមានផ្កាយល្អចរចូលផងដែរ។    ឧបករណ៍នេះល្អសម្រាប់អ្នកដែលចង់រៀបហុងស៊ុយ តែមិនចង់មានសម្ភារៈហុងស៊ុយ!😅 📦 ក្នុងប្រអប់មាន៖ ម៉ាស៊ីន ខ្សែ USB Type-C និងខ្សែ AUX 💰 តម្លៃ៖ PRE-ORDER 68$ តម្លៃពេញ 88$ 📍 មានលក់នៅ METAFENIX Metaphysics Academy & Research 📞ទំនាក់ទំនង៖ 08168882258 / https://t.me/JiangWeizhi #SchumannResonance #783Hz #METAFENIX #ហុងស៊ុយ #FengShui #សមាធិ #ភ្នំពេញ

មនុស្ស៦ប្រភទ ប្រភេទទីមួយ ជាមនុស្សទូលរែកផែនដីតែឯង យកបញ្ហាជាធំ ជាឧបសគ្គនិងជាសម្ពាធ យកមកសង្កត់ខ្លួនឯងអោយវេទនា។ ប្រភេទទីពីរ ជាមនុស្សអោបក្រសោបបញ្ហានិងទុក្ខកង្វល់ ទៅដល់ណាក៏ទាញយកបញ្ហាទៅជាមួយ។ ប្រភេទទីបី ជាមនុស្សចូលចិត្តវែកញែក និងវិភាគលើបញ្ហា។ ប្រភេទទីបួន ជាមនុស្សចេះស្វែងយល់ ស្វែងរកមូលហេតុ និងរៀនពីបញ្ហា។ ប្រភេទទីប្រាំ ជាមនុស្សចេះទទួលស្គាល់ការពិត។ ប្រភេទទីប្រាំមួយ ជាមនុស្សចេះកែប្រែបញ្ហាទៅជាឱកាសថ្មី។ មនុស្សគ្រប់គ្នាសុទ្ធតែជួបបញ្ហា គ្មានអ្នកណាល្អជាងអ្នកណានោះទេ។ គេជួបបញ្ហាបែបផែនគេ យើងជួបបញ្ហាបែបផែនយើង។ មនុស្សទាំង៦ប្រភេទខាងលើ អាចជាគតិដាស់តឿនយើងទាំងអស់គ្នាអោយរៀន៖ ១. ទម្លាក់បញ្ហាដោយមិនអោបក្រសោប ២. ស្វែងយល់ពីបញ្ហា ៣. ទទួលស្គាលការពិត ៤. កែប្រែបញ្ហាទៅជាឱកាសថ្មី រីករាយថ្ងៃថ្មី ទឹកយ៉ាងលើខាល! ថ្ងៃនេះអ្នកភ្លើង/ដីយ៉ាងលើវក សម្បូរមេរៀនជីវិតជាងគេ! ម៉ោងមិនល្អប្រចាំថ្ងៃ ចាប់ពីម៉ោង១៥៖០០ ដល់ ១៦៖៥៩នាទី។

ទន្លេមិនដែលត្រង់ វាសនាក៏មិនដែលទៀង ធម្មជាតិបង្រៀនយើងអោយចេះរៀនបត់បែនតាមកាលៈទេសៈ តែមិនចោលគោលដៅរបស់ខ្លួន! បើបរទូកដោយមិនបត់តាមទន្លេ អ្នកនឹងបុកច្រាំង... ដើមឈើ បើមិនកាត់តុបតែងមែក វាមិនមានសម្រស់ល្អ វាមិនអាចហុចផ្កា-ផ្លែល្អ.. ជីវិតក៏បែបហ្នឹង យើងមិនអាចរស់នៅក្នុងដែនសុខដុម(CONFORT ZONE)រហូតទេ។ ឧបសគ្គកាន់តែធំ មានន័យថា យើងមានមេរៀនដែលត្រូវរៀនដោះស្រាយកាន់តែធំ កាលបើយើងអាចគ្រប់គ្រងស្ថានការណ៍បាន យើងនឹងទទួលបានលាភីក្នុងជីវិត។ សាកក្រឡេកមើលទៅក្រោយមួយភ្លែត.. ពេលខ្លះយើងក៏ធ្លាប់ជួបឧបសគ្គធំដែរ តែមិនដឹងជាកាលនោះធ្វើយ៉ាងណាទេ ទើបអាចរួចមកដល់ពេលនេះបាន...។ គន្លឹះបីដែលយើងត្រូវធ្វើក្នុងជីវិត៖ ១. ប្រឹងប្រែងពុះពារអោយអស់ពីសមត្ថភាព ដើម្បីជំនះលើឧបសគ្គ។ តែត្រូវប្រាកដថា អ្នកពិតជាបានពុះពារអោយអស់ពីសមត្ថភាពមែន! ២. បើពុះពារអស់ពីសមត្ថភាពប្រាកដមែនហើយ តែនៅតែទៅមិនរួចទៀត.. ចូររក្សាចិត្តអោយស្ងប់រៀនសម្របខ្លួននឹងរលក។ អានអត្ថបទ៖ https://www.facebook.com/share/p/1Dh5jZh96q/ ៣. កុំឆាប់បាក់ទឹកចិត្ត! បើអ្នកបាក់ទឹកចិត្តហើយ គ្មានអ្នកណាអាចជួយអ្នកបានទេ សូម្បីតែទេវតា! កំហុសធំក្នុងជីវិតដែលយើងកំពុងធ្វើរាល់ថ្ងៃដោយមិនដឹងខ្លួន៖ ១. ព្យាយាមធ្វើអ្វីដែលមិនមែនជាខ្លួនឯង ២. ព្យាយាមយកអ្វីដែលមិនគួរយក ឬមិនមែនជារបស់យើង ៣.​ព្យាយាមគិតអ្វីដែលមិនគួរគិត ៤. ព្យាយាមហូបអ្វីដែលមិនគួរហូប ការដើរតាមសង្គមដោយមិនគិតពិចារណា អាចនឹងនាំអោយយើងបាត់បង់ខ្លួនឯង! រីករាយថ្ងៃថ្មី មាសយិន លើឆ្លូវ! ថ្ងៃនេះអ្នកឈើ/ភ្លើងយិនលើមមែ សម្បូរមេរៀនជីវិតជាងគេ! ម៉ោងមិនល្អប្រចាំថ្ងៃ ១៣៖០០ដល់១៤៖៥៩នាទី! ជូនពរសំណាងល្អ!

Early birds get the worms! ក្លឹបចក្រវាឡបើកការចុះឈ្មោះសមាជិកសម្រាប់ឆ្នាំ២០២៧ហើយ រួមជាមួយការផ្តល់ជូនតម្លៃពិសេស! ចុះឈ្មោះតាមរយៈ៖ https://web.jomnes.net/courses/jakraval-2027/ ឬទំនាក់ទំនងមក៖  081682258 https://t.me/JiangWeizhi

ពេលដែលឧបសគ្គមកស្ទួនៗ អាចបណ្តាលអោយយើងមិនអាចគ្រប់គ្រងស្ថានការណ៍បាន អញ្ចឹងគួរបណ្តោយតាមវាមួយគ្រា និងរក្សាចិត្តអោយស្ងប់! យើងមិនអាចគ្រប់គ្រងទឹករលក និងខ្យល់បានទេ តែយើងអាចគ្រប់គ្រងអារម្មណ៍របស់យើងបាន។ ជីវិតធៀបដូចជាទូកដែលចាកចេញពីច្រាំង តែងរំពឹង និងសង្កេតលើកម្លាំងរលក និងខ្យល់បក់.. អ្នកបរទូកចេះប្រើកម្លាំងធម្មជាតិ(រលក និងខ្យល់) ជួយរុញច្រានទូករបស់គេអោយទៅមុខបាន ឬក៏ចេះពីវិធីបរបញ្ច្រាសខ្សល់និងទឹកដោយមើលចរន្តខ្សែទឹក។ បើអ្នកបញ្ជារទូកនោះគិតតែរឹងរូស តក់ក្រហល់ ឬភ័យស្លន់ស្លោរ ទូកអាចនឹងត្រូវលិច! គន្លឹះជីវិត៖ ធ្វើអ្វីក៏ដោយ ក្នុងស្ថានភាពយ៉ាងក៏ដោយ.. ចូររក្សាចិត្តអោយស្ងប់ នឹងនរ និងគិតរកដំណោះស្រាយដោយមិនតក់ក្រហល់។ ថ្ងៃនេះមាសយ៉ាងលើជូត ឆុងធំប្រចាំឆ្នាំ! អ្នកមមី និងជូតគួរប្រយ័ត្នខ្លាំងនៅវេលាម៉ោង១១៖០០ដល់១២៖៥៩ថ្ងៃត្រង់។ សម្ពាធឆុងថ្ងៃនេះជាមេរៀនជីវិត ជាការលុតដំ ដុំលោហៈមាសអោយក្លាយជាវត្ថុដែលមានប្រយោជន៍ និងមានតម្លៃ។ ចូរសង្កេត កត់ចំណាំ និងយកវាជាមេរៀន! ថ្ងៃនេះអ្នកឈើយ៉ាងក៏ទទួលសម្ពាធពីមាសយ៉ាងដែរ តែសុទ្ធតែជាការរៀបចំអោយមានវិន័យ ដើម្បីល្អប្រសើរជាងមុនប៉ុណ្ណោះ! ជូនពរសំណាងល្អ!

ចន្លោះម៉ោង១៥៖០០ ដល់ ១៦៖៥៩នាទី រសៀលថ្ងៃទី២១ ខែកញ្ញានេះ ជាវេលាល្អសម្រាប់ងូតទឹកអំបិលលាងថាមពលមិនល្អ។ ពេលងូតទឹកអំបិលនោះ គួរបែរខ្នងទៅទិសខាងជើងឆៀងកើត សណ្តូកជើងទៅត្បូងឆៀងលិច និងឧបកិច្ចអោយទឹកអំបិលនោះលាងជម្រះឧបទ្រុពចង្រៃទាំងអម្បាលម៉ានទៅអោយអស់។ រង់ចាំប្រហែល១៥ទៅ៣០នាទីសឹមងូតទឹកលាងជម្រះចេញ ហើយសញ្ចឹងគិតទាញយកថាមពលល្អចូលមករាងកាយជំនួសវិញ។ បើអ្នកដែលមិនអាចងូតទឹកអំបិលបានទេ ក៏អាចសមាធិសញ្ជឹងគិត បញ្ចេញថាមពលមិនល្អទៅក្នុងវត្ថុអ្វីមួយ ហើយយករបស់នោះចោល។ រួចទើបបែរខ្នងទៅទិសដដែល ដើម្បីស្រូបយកថាមពលល្អៗមកវិញ។ ជូនពរសំណាងល្អ!

ពេលឃើញអ្នកដើរម្នាក់ឯង គេអាចនិយាយថា៖ អ្នកជាមនុស្សឯកោ គ្មានញាតិ គ្មានមិត្តរួមដំណើរ.. បើអ្នកទទួលយកពាក្យនោះមកគិតនិងស្របតាមគេ នោះអ្នកនឹងក្លាយជាមនុស្សឯកោ! តែអ្នកប្រហែលជាភ្លេចជ្រុងមួយទៀតដែលមនុស្សអវិជ្ជមានមិនសូវចេះគិតដល់.. នោះគឺ៖ អ្នកជាមនុស្សឯករាជ្យ មនុស្សរឹងមាំ មនុស្សដែលចេះតស៊ូដោយខ្លួនឯង..! អ្វីដែលគេថា ជាផ្នត់គំនិតដែលគេមានមកលើអ្នក តែអ្នកមានសិទ្ធិសម្រេចថា៖  ⭐️គួរបណ្តោយខ្លួនអោយតាមគេនិយាយ? ឬ ⭐️អ្នកជាម្ចាស់វាសនារបស់ខ្លួនឯង? នៅក្នុងក្បួនប៉ាជឺ មានផ្កាយ Solitary និងLoneliness ដែលសុទ្ធតែមានឥទ្ធិពលឯកោ កណ្តោចកណ្តែង.. បើវាលេចវត្តមាននៅក្នុងប្រអប់ណា អ្នកនឹងទទួលថាមពលរបស់ផ្កាយពីប្រភេទមនុស្សនៅក្នុងប្រអប់នោះ។  គួរបង្កើតថាមពលវិជ្ជមានអោយខ្លួនឯង ជាជាងផ្តេកផ្តួលតាមគេថា ឬព្រហ្មលិខិតចារ! ជូនពរសំណាងល្អ! ថ្ងៃនេះឈើយិន លើមមែ អ្នកឆ្លូវប្រយ័ត្នម៉ោង១៣៖០០ដល់១៤៖៥៩នាទី។

ទទួលបានសំនួរមួយចោទសួរថា៖ តើសម្ភារៈដែលយើងបានរើសវេលាដាក់តាំងហើយ តែដល់ពេលវាជាប់ធូលីដីប្រលាក់ តើយើងគួររើសវេលាសម្អាត និងវេលាដាក់កន្លែងដើមវិញដែរឬទេ? ការដាក់តាំងលម្អវត្ថុនានា យើងអាចរើសវេលាល្អណាមួយដែលមានថាមពលល្អស្របតាមដួងរាសីរបស់យើងនិងទីតាំងដែលត្រូវដាក់។ វត្ថុណាដែលមានសកម្មភាព-ចលនា(កង្ហារ ទូរទស្សន៍ ទូរចិញ្ចឹមត្រី...) មានថាមពល(យ័ន្ត វត្ថុស័ក្តិសិទ្ធ ទេវរូប..) និងមានទំហំធំ-ធ្ងន់ៗ យើងគប្បីរើសវេលានាំចូលនិងដាក់តាំងជាការប្រសើរបំផុត។ កាលបើបានដាក់តាំងហើយ ការសម្អាតជារឿយៗមិនតម្រូវអោយមានការរើសវេលានោះទេ។ ក្នុងករណីដែលមានស្នាមប្រលាក់ភ្លាមៗ ក៏គួរសម្អាតភ្លាមៗដែរ ជៀសវាងការជាប់យូរក្លាយជាស្នឹមពិបាកសម្អាតឬខូចខាតសម្ភារៈរបស់យើង។ ការរើសវេលាសម្រាប់សម្អាត ត្រូវធ្វើឡើងក្នុងករណីចង់ជម្រះថាមពលចាស់ចោល! ឧទាហរណ៍ថា នៅផ្ទះមានលក្ខណៈស្មុគស្មាញ ជួបវិបត្តិញឹកញាប់.. នោះគេត្រូវចាំបាច់លាងសម្អាតថាមពលដែលត្រូវមានការរើសវេលាហើយ។​ វេលាដែលយើងគ្រប់គ្នាអាចធ្វើបានគឺនៅថ្ងៃ REMOVE តាមប្រតិទិនថុងស៊ូ។ នៅថ្ងៃទី២១ ខែកញ្ញា ឆ្នាំ២០២៦ខាងមុខនេះ(វេលាថ្ងៃត្រង់ល្អជាងគេ) ជាថ្ងៃREMOVE ចំថ្ងៃច ដូច្នេះអ្នករោងមិនគួរធ្វើទេ។ ការលាងសម្អាត អាចប្រើជាវិធីសម្អាតធម្មតា ដូចជា ក្រណាត់សើម ទឹកសាប៊ូជាដើម។ តែបើចង់លាងសម្អាតបរិស្ថានរបស់យើង គួរដាក់ក្រឡអំបិលចំណុះមួយគីឡូឡើង នៅជ្រុងណាមួយនៃបន្ទប់ អោយបាន២ទៅ៣ថ្ងៃមុនថ្ងៃREMOVE។ ចាំដល់វេលាថ្ងៃREMOVEមកដល់សឹមយកចោល។ គួរពាក់ស្រោមដៃផង ជៀសវាងការប៉ះអំបិលនោះដោយផ្ទាល់។ បន្ទាប់ពីសម្អាតរួច យើងអាចយកមកដាក់កន្លែងដើមវិញបាន ដោយមិនបាច់ត្រូវការរើសវេលានោះទេ! ការរើសវេលាចាំាបាច់ធ្វើនៅពេលដែលការសម្អាតនោះចំណាយពេលយូរចាប់ពីមួយសប្តាហ៍ឡើងប៉ុណ្ណោះ។ ហើយការរើសវេលាយកមកដាក់វិញនេះ ក៏មិនតឹងតែងដូចកាលដែលនាំចូលមកដំបូងដែរ។ បើមិត្តអ្នកអានយកវិធីខាងលើនេះ ទៅសួរគ្រូដទៃ អាចមានចំណុចខុសគ្នា ព្រោះមនុស្សមានខ្សែជំនឿ តំណម និងគំនិតខុសគ្នា។  បើធ្វើតាមអ្នកណាមួយហើយសមប្រកប គួរធ្វើតាមអ្នកនោះ! កុំរវើររវាយដូចចកអណ្តែតទឹក។ ជូនពរសំណាងល្អ!

មកផ្កាអីខែនេះវិញ? តាមនិស្ស័យធម្មជាតិ មនុស្សសត្វចាប់អារម្មណ៍សម្លឹងមើលតែពេលចេញផ្កាផ្លែ តែមិនសូវមានអ្នកចាប់អារម្មណ៍លើវេលានៃការខិតខំដុះលូតលាស់ និងចាក់ឬសនោះឡើយ។ វាមិនខុសពីការរាប់អានមនុស្សក្នុងសង្គមដែលយើងកំពុងរស់នៅឡើយ! មិនសូវមានអ្នកណាយល់ពីការខិតខំរបស់យើងទេ លុះត្រាតែយើងទទួលបានផលផ្កាផ្លែទើបមានមនុស្សមកចោមរោម។ គន្លឹះជីវិត៖ រុក្ខជាតិមិនដែលប្រាប់យើងពីការប្រឹងប្រែងចាក់ឬសដើម្បីលូតលាស់បានល្អនោះទេ។ វាបង្ហាញតែពេលដែលលាស់ត្រួយ ចេញផ្កា និងចេញផ្លែប៉ុណ្ណោះ។ ដូច្នេះ ធ្វើអ្វីក៏ដោយ កុំមាត់!  រីករាយថ្ងៃថ្មីទឹកយិន លើម្សាញ់!

eh..you!  នឹកគ្រូឬអត់? សូមអធ្យាស្រ័យផងដែលមួយរយៈនេះមិនសូវបានបង្ហោះគន្លឹះ និងគំនិតជាប្រចាំដូចសព្វដង ដោយសារជាប់ធុរៈមើលថែអ្នកមានគុណដែលបានឈឺធ្ងន់អស់រយៈពេលជាងបីខែមកនេះ។ ឥឡូវគាត់បានធូរស្បើយច្រើនប្រហាក់ប្រហែលនឹងអ្នកមានសុខភាពធម្មតាក្នុងវ័យដំណាលគ្នាហើយ។ ខ្ញុំសូមចែកគន្លឹះមួយចំនួនដែលខ្ញុំប្រើហើយមានប្រសិទ្ធិភាព៖ សុខភាពផ្លូវកាយ អាស្រ័យលើសុខភាពផ្លូវចិត្ត ហើយសុខភាពទាំងកាយទាំងចិត្ត ក៏ត្រូវការបរិស្ថានដែលមានថាមពលល្អដែរ។ បរិស្ថានដែលជួយអ្នកជម្ងឺអោយឆាប់ធូរស្បើយ៖ ១. បរិស្ថានដែលមានខ្យល់ចេញចូលល្អ  ២. បរិស្ថានដែលមានពន្លឺគ្រប់គ្រាន់ ៣. បរិស្ថានដែលសិក្សាថាមពលបានត្រឹមត្រូវ ៤. បរិស្ថានដែលមានអ្នកនាំអោយអ្នកជម្ងឺធូរស្បើយចិត្ត ខ្ញុំក៏មិនចោលនូវក្បួនវេជ្ជសាស្ត្រទាំងបុរាណនិងសម័យដែរ។ ការព្យាបាលដោយថ្នាំពេទ្យជាកត្តាដែលមិនអាចចោលបាន ហើយការដឹងពីលំហូរថាមពល និងព្យាបាលតាមរយៈក្បួនវេជ្ជសាស្ត្របុរាណចិនក៏ជាកត្តាដែលជួយជំរុញអោយសុខភាពឆាប់បានប្រសើរផងដែរ។ ចូរស្រឡាញ់ ថែរក្សា និងផ្តល់កម្លាំងចិត្តអោយអ្នកមានគុណអោយបានច្រើន ទាន់គាត់នៅអាចមើលឃើញ ស្តាប់លឺ និយាយជាមួយ និងទទួលបាន។ ស្អប់គ្នាយ៉ាងណា ក៏យើងនៅតែជាកូនរបស់គាត់! ធ្វើបុណ្យទាន់ខែភ្លឺ! ☺️

ចំណងផ្លូវចិត្ត ឬចំណងផ្នត់គំនិត ជាចំណងដែលពិបាកដោះស្រាយជាងគេ ចំណងនោះអាចជា៖ ១. ការសុញគំនិត ២. ការគិតរឿងច្រើនក្នុងពេលតែមួយ ៣. ការជឿងុបងុល ៤. ការចាញ់មនោគមន៍ ៥. ការតាំងថាខ្លួនអស្ចារ្យជាងគេ ៦. ការគិតថាជីវិតខ្លួនឯងពិបាកជាងគេ ... រៀនសម្អាតផ្លូវចិត្ត និងរៀនថ្លឹងថ្លែងពិចារណាអោយបានច្បាស់លាស់ ជាគន្លឹះស្រាយចំណងនេះ។ វាគឺជា ការធ្វើហុងស៊ុយផ្លូវចិត្ត! រីករាយថ្ងៃថ្មី ភ្លើងយិន លើ កុរ! ថ្ងៃនេះល្អ សម្រាប់ធ្វើកិច្ចការស្ទើរគ្រប់យ៉ាង។ ម៉ោងល្អជាងគេ៖ រោង រកា និងច ។ អ្នកទឹក/មាសយិន លើ ម្សាញ់ សម្បូរមេរៀនជីវិតជាងគេ។

បើបានសម្រេចចិត្តហើយ ចូរកុំងាយក្រោយ! ចូរកុំរំលឹករឿងកន្លង! ចូរកុំស្តាយស្រណោះ! ព្រោះការឈានជើងដើរបានមួយជំហានៗ មានន័យជាងការគិតនិងបំណងដែលមានចំងាយរាប់ពាន់យោជន៍តែមិនហ៊ានឈានជើងទៅមុខ។ រីករាយថ្ងៃថ្មីភ្លើងយ៉ាង លើ ច! ថ្ងៃនេះល្អសម្រាប់ជម្រះថាមពលមិនល្អ កាត់សក់-ក្រចក..!

ខែរកានេះមានផ្កាយត្រួតស៊ីគ្នាប្រចាំខែ និងឆ្នាំ ហើយនៅថ្ងៃ១៣ខាងមុខនឹងថែមផ្កាយថ្ងៃនិងម៉ោងទៀត ទិសដែលត្រូវប្រយ័ត្នប្រចាំឆ្នាំ ត្រូវប្រយ័ត្នអោយកាន់តែខ្លាំង ទិសដែលល្អប្រចាំឆ្នាំ នឹងនាំលាភជ័យមកកាន់តែច្រើន គ្រោះ ឬលាភ អាស្រ័យលើការខិតខំប្រឹងប្រែង ផ្ចិតផ្ចង់ ប្រុងប្រយ័ត្ន ចេញពីចិត្ត និងកាយ ដែលជាថាមពលក្នុងកាយ។ ការដាក់តាំងវត្ថុចាប់លាភ ឬបង្ការគ្រោះទាំងឡាយ វាជាការទាញថាមពលក្រៅកាយមកជួយបន្ថែមប៉ុណ្ណោះ!  វាមិនខុសពីមានអាវក្រោះការពារ តែចេញច្បាំងដោយខ្ជីខ្ជា អញ្ចឹងដែរ។ ជូនពរសំណាងល្អ!

ក្នុងឆ្នាំមមី ជាសត្វស្នេហ៍ ចូលខែរកា ជាសត្វស្នេហ៍ ដួងទាំងមមី និងរកា ក្នុងឆ្នាំ២០២៦នេះ សុទ្ធតែជាថាមពលស្នេហ៍ដែលមានភ្លើងនៅពីលើ ភ្លើងយ៉ាង បង្ករអោយមានពន្លឺ ងាយនឹងគេមើលឃើញ ងាយនឹងត្រូវបែកធ្លាយ.. ភ្លើងយិន បង្ករអោយងាយដុតរោល ងាយឆាបឆួល ងាយមួរម៉ៅ.. រឿងជាច្រើននឹងត្រូវបែកធ្លាយនៅខែកញ្ញានេះ ! សត្វស្នេហ៍មិនសម្តៅលើទំនាក់ទំនងស្នេហ៍ប៉ុណ្ណោះទេ តែវារាប់បញ្ចូលទាំងការប្រាស្រ័យទាក់ទងទូទៅ ការគិត អារម្មណ៍.. និងអាចជាវិវាទផងដែរ ទាំងអ្នកត្រូវការភ្លើង និងមិនត្រូវការភ្លើង នឹងទទួលថាមពលនោះមក តែអ្នកត្រូវការភ្លើងនឹងទទួលបានថាមពលវិជ្ជមានច្រើនជាង! ទោះយ៉ាងណា ថាមពលក្រៅកាយ មិនមានកម្លាំងខ្លាំងដូចថាមពលក្នុងកាយឡើយ! ដូច្នេះហើយទើបមេត្តាហ្វីនិច្ចតែងតែព្យាយាមបង្រៀនអោយចេះបណ្តុះថាមពលក្នុងកាយអោយបានច្រើន។ តើអ្នកដឹងទេថា ខែរកា ក្នុងឆ្នាំ២០២៦នេះ ចាប់ផ្តើមពីពេលណាដល់ពេលណា?

ជីវិតនឹងស្រស់ត្រកាល នៅពេលដែលយើងឈប់រំពឹងរក៖ ✨វេលាដែលល្អឥតខ្ចោះ ✨មនុស្សដែលល្អឥតខ្ចោះ ✨របស់ដែលល្អឥតខ្ចោះ ✨កន្លែងដែលល្អឥតខ្ចោះ អ្វីដែលហួសពីសមត្ថភាពគ្រប់គ្រងរបស់យើង គួរបណ្តោយតាមព្រហ្មលិខិតខ្លះទៅ! រឿងខ្លះ ជាការសាកមើលភាពនឹងនរប្រាកដប្រជារបស់យើងប៉ុណ្ណោះ! កសាងខ្លួនអោយរឹងមាំ កុំអោយយោលតាមរលកជីវិត! គន្លឹះជីវិត៖ កុំអោយយោល តែអាចបត់បែនបាន!

ពេលខ្លះឃើញថាឆុងប្រចាំខែ តែបែរជាមានលាភមកវិញ..  វាគឺដោយសារតែថាមពលប្រចាំខែ អាចជាផ្កាយសំណាងណាមួយក្នុងដួងរាសី ឬក៏ជាវេលាឆុងនាំលាភ!  ទោះជាផ្កាយសំណាង ឬឆុងនាំលាភក៏ដោយ បើយើងមិនបានត្រៀមខ្លួន និងធ្វើកិច្ចការដោយប្រុងប្រយ័ត្ននោះទេ យើងក៏មិនអាចទទួលថាមពលល្អនោះមកបានដែរ! ជូនពរសំណាងល្អ!

ដូចបានជំរាបជូនកន្លងមកអញ្ចឹងថា វេលាផ្តើមខែថ្មី មិនមែនជាវេលាឆ្លងចូលថាមពលដួងរាសីថ្មីឡើយ.. ឧទាហរណ៍ដូចជា កញ្ញាត្រូវជាខែរកា តែមិនមែនមានន័យថា គ្រាន់តែចូលដល់ខែកញ្ញាភ្លាម យើងចូលដល់ខែរកាភ្លាមនោះទេ! សម្រាប់ឆ្នាំ២០២៦នេះ ខែរកានឹងចូលនៅវេលាម៉ោង ២២និង៤៣នាទី យប់ថ្ងៃទី៧ ខែកញ្ញា រហូតដល់ដល់ ថ្ងៃទី៨ ខែតុលា វេលាម៉ោង ១៤៖៣១នាទី។ ទាំងនេះ មិនមែនជាការសន្មត់ ឬប៉ាន់ស្មាននោះទេ តែជាការគណនាដំណើរគោចររបស់ព្រះអាទិត្យធៀបនឹងផែនដី។ រាល់ការផ្លាស់ប្តូរថាមពល តែងតែនាំមកនូវផលប៉ះពាល់ និងការផ្លាស់ប្តូរណាមួយទៅតាមប្រភេទថាមពល។ ពេលខ្លះយើងត្រូវទទួលស្គាល់ថា អ្វីដែលប្រុងនឹងកើត វានឹងកើត! ដើម្បីធានារក្សាសុខ និងស្ថេរភាពក្នុងដំណើរជីវិតរបស់យើង គ្មានអ្វីដែលល្អជាងការត្រៀមលក្ខណៈអោយបានរួចរាល់សម្រាប់គ្រប់សមរភូមិទេ ។ ជូនពរសំណាងល្អ!

រសៀលនេះសប្បាយលេងណាស់! វិជ្ជមាន៖ អ្នកឆុងប្រចាំខែ គួរយកវេលានោះជាឱកាសផ្លាស់ប្តូរនូវទម្លាប់ ចេញពីក្រុមមនុស្សមិនអោយតម្លៃអ្នក ឬកែប្រែអត្តចរិក-ផ្នត់គំនិតជាដើម។ អវិជ្ជមាន៖ អ្នកឆុងប្រចាំខែ គួរប្រយ័ត្នគ្រប់បែបយ៉ាង ពិសេសការធ្វើដំណើរ-បំលាស់ទី។ ហាមដុំស្វានជួសជុល និងបង្កររង្គោះរង្គើរនៅទិសត្បូងឆៀងលិច និងជើងឆៀងកើត។ បើអត់ដឹងថាខ្លួនឯងឆុងប្រចាំខែឬអត់ ចូលមើល៖ https://t.me/ometafenix/2112 ទស្សនៈជីវិត៖ ទោះភ្លើងក្តៅ និងនាំអោយរលាក តែគេនៅទាញប្រយោជន៍ពីភ្លើងបាន ដោយការយកវាជាពន្លឺបំភ្លឺផ្លូវ ឬដាំស្លរជាដើម។ ជូនពរសំណាងល្អ ពីមេត្តាហ្វីនិច្ច!