🍂 ዲነል ኢስላም 🕌

አስተውል… « ቀናቸውን በሙሉ በሥራ ተጠምደው የሚያሳልፉ፣ ነገር ግን ብዙም ወደ ግቦቻቸው የማይቀርቡ ሰዎች አሉ። ምክንያቱም የእንቅስቃሴ መብዛት በትክክለኛ አቅጣጫ ለመጓዝ ማረጋገጫ አይደለምና ።» ​(ዶ/ር ዐብደልከሪም በካ፟ር) በሥራዎች መወጠር ሁሉ እድገት አይደለም፤ እንቅስቃሴም ሁሉ መድረስ አይደለም።

* የሐጅ ተመን ዋጋ - 98,000 (2012) - በሙፍቲ ዘመን (ራዐ) * የሐጅ ተመን ዋጋ - በኮቪድ አልተደረገም (2013) - በሙፍቲ ዘመን (ራዐ) * የሐጅ ተመን ዋጋ - በኮቪድ አልተደረገም (2014) - በሙፍቲ ዘመን (ራዐ) * የሐጅ ተመን ዋጋ - 241,0000 (2015) - በሙፍቲ ዘመን (ራዐ) * የሐጅ ተመን ዋጋ - 465,000 (2016) - በፈንቃዩ ዘመን * የሐጅ ተመን ዋጋ - 625,000 (2017) - በፈንቃዩ ዘመን * የሐጅ ተመን ዋጋ - ለመደበኛ 740,000 / አንደኛ ደረጃ ቪአይፒ 1,315,000 / ሁለተኛ ደረጃ ቪአይፒ 1,015,000 - (2018) - በፈንቃዩ ዘመን አባታችን ላይ ዶላር ምንዛሬ እስማስከልከል እና ሙሰኞች በሕግ ይጠየቁ ዘመቻ አፋቸው የከፈቱ ሁሉ ዛሬ ተለጉመዋል ጆተኒ መሆናቸውን እናውቃለን።

[ በጉንዳንም ሸለቆ በመጡ ጊዜ አንዲት ጉንዳን « እናንተ ጉንዳኖች ሆይ! ወደ መኖሪያችሁ ግቡ። ሱለይማንና ሠራዊቱ እነርሱ የማያውቁ ሲኾኑ አይሰባብሩዋችሁ።» አለች።] አንነምል፤18 አላህ በመጽሐፉ ውስጥ የዚህችን ጉንዳንን ፍርሃት እና ስጋት መዝግቧል! ታዲያ አላህ (ሱብሃነሁ ወተዓላ) የእኔንና የእናንተን ስጋትና ፍርሃት የማያውቅ ይመስለናል?! በፍጹም! በተለያየ ጉዳትና እንግልት ላይ ካለን እርሱን ደጋግመን እንድንጠራው ስለፈለገ ነውና። የሰ^ይጣንን ማሳሳቻ ትተን ወደርሱ ደጃፍ ባርነትን እንከጅልበት። በክፉ አመል፣ እንደፈለገን ስንኾንም የአዛኙን አላህ ኢስቲድራጅ እንጠንቀቅ። አልላሁመ ሰሊ ወሰሊም ዐላ ሰይዲና ወመውላና ሙሐመዲን ወዓላ አሊ ሙሐመድ!

ሁሉም ነገር ባለበት ይቀጥላል ብለህ አታስብ… የወጣ ሁሉ ይወርዳል … የኖረ ሁሉ ይሞታል… የማይነጋ ጨለማም አይኖርም… የሆነ ቀን ፀሃይ ራሱ ህጉን ጥሶ፣ ፍፃሜን ለመግለፅ ከምዕራብ የሚወጣበት ጊዜ አለ። የሰዎች ህይወትና የግንኙነት ሂደት ባልታሰበ ሁኔታ ሊለወጥ ይችላል። በጣም የወደደህ በመጨረሻ በጣም ይጠላህ ይሆናል። በጣም የጠላህ ደግሞ በጣም ይወድህ ይሆናል።

እድሜ እየጨመራችሁ በመጣችሁ ቁጥር ምን እያስጠላችሁ እና እየቀነሳችሁ መጣችሁ?

ረሱል (ﷺ) እንዲህ ብለዋል፦ “መልካም ስራ ማለት ከዱኒያ ቆይታህ እየተለየህ ምላስህ በዚክር (አላህን በማውሳት ነው እስቲ ምላሳቹን ሁሌ የምትጠቀሙት ዚክር ምንድነው?‼🤲🕋

መጀመሪያ ሲታዩ ጓደኛሞች ሊመስሉ ይችላሉ ነገር ግን አይደሉም አባትና ልጅ ናቸው..💝 አልጀዚራ እንዲህ ሲል ዘግቦታል “መጀመሪያ ሲያዩዋቸው እርስ በርስ የሚመሳሰሉ ጓደኛሞች ይመስላሉ ነገር ግን የኡምራ ስነ-ስርዓት አብረው ሲፈጽሙ ቪዲዮ የተቀረጹ አባትና ልጅ ናቸው” በማለት አውጥቶታል...💝 ማሻአሏህ ማሻአሏህ

ዳመናዎች ባይኖሩ የሰማይን ጥራት ባልተረዳን ነበር! ጭንቀቶች ባይኖሩ የውስጥ መረጋጋትን ፀጋ ባላወቅን ነበር! ውድቀቶች ባይኖሩ አብረውን የሚቆሙ እውነተኛ ጓደኞችን ደረጃ ባልተገነዘብን ነበር!

«አላህ በሲሳይህ (በሪዝቅህ) ምሎልሃል፤ ስለዚህ አብዝተህ ጭንቀት አትሸከም፤ በተረጋጋ ልብ ጥረት አድርግ።» ይህ ዐቂዳ ነው፤ ይህ ተውሒድ ነው። ይህ ገብቶት የኖረ እምነቱ ብርቱ ነው። በዚህ ውስጥ በእርሱ እርግጠኛ መኾን (የቂን) አልለ፣ በረረጋጋ መንገድ ሰበብ ማድረስ አልለ፣ ከመረበሽና ከውጥረት በእርሱ መጠበቅ አለ፣ ከሌሎች ጋር አለመፎካከርና አላህ የሰጠንን ማወቅና መቀበል አልለ። አላህ ያስረዳና ♥

እራሳችንንም ሆነ ልጆቻችንን ከሶሻል ሚዲያ ሸር መጠበቅ አለብን!! ኡስታዝ ሙሀመድ ዚያድ ዳሩል አርቀም የምርቃት ፕሮግራም ላይ የቀረበ

ሰዎችን የመናቅ እና አሳንሶ የማየት ክፉ በሽታ ልቦና ውስጥ ከተደበቀ የጊዜ ጉዳይ ነው እንጂ አንድ ቀን አንደበትን አፈትልኮ አደባባይ ላይ ገሀድ መውጣቱ አይቀሬ ነው። አንድ ሰው በዕውቀትም ሆነ በተከታይ ከፍ ሲል ይበልጥ ትህትናን ሊላበስ ሲገባው በተቃራኒው እብሪት እና ንቀት ውስጥ ሲዘፈቅ ማየት በእጅጉ ያሳዝናል። ኡስታዝ ያውም የመስጂድ ሚንበር ላይ ኸጥብ ሆኖ «አስቀይምሃለሁ» ብሎ መዛቱ በራሱ ምን ያህል ስነ-ምግባር የጎደለው አባባል በመሆኑን ስንገረም ጭራሽ ይሄ አልበቃ ብሎት በእድሜ ብያንስ በ10 ወይም በ15 ዓመት የሚበልጠውን ታላቅ ወንድሙን «አያቴ ትሆናለህ» ብሎ መናገሩ የትዕቢቱን ጥግ በግልፅ የሚያሳይ ነው። ሰው እንዴት ራሱን ሰማይ ላይ ሰቅሎ ሌላውን እንደዚህ አሳንሶ ያያል? «አያቴ ትሆናለህ» ሲል እኮ ራሱን እንደ ትንሽ ልጅ ኡስታዝ መሀመድ ኸድርን ደግሞ ዘመኑ እንዳለፈበት አዛውንት አድርጎ መሳሉ ነው።😁 አላሁ ሙስተዐን 💔

ዱኒያን "በቃህ" እንጂ "በቃኝ " ተብሎ የተሠናበተ የለም

ሕመሞች ሁሉ ይድናሉ ሀኪሙ አሏህ እስከሆነ ድረስ የማያልፍ የመሠሉን ጊዜያት አልፈው የምናወራው በአሏህ ራህመት አይደል?! ዋናው በአሏህ ተስፋ አለመቁረጥ ነው☺️ አልሀምዱሊላህ 2019ም የከፍታ ማማ ላይ ምንቀመጥበት የምናብበት ከዚ በላይ ምንደሰትበት ዓመት አሏህ ያርግልን 🤲

የተሳሳተ የትዳር ምርጫ ከፍተኛ ዋጋ ያስከፍላል። የማትወዱትን የማትፈልጉትን ሰው በፍፁም የህይዎት አጋራችሁ አድርጋችሁ አትያዙ። ለናንተም ለቤተሰብም እዳ ነው።

የጠየኩህን ብትሰጠኝ በረህመትህ ነዉ' ብትከለክለኝም በጥበብህ ነዉ!!   የኔ ረዛቅ

“ረሱልﷺ ወለድ የሚበላንም የሚያበላውንም ፀሐፊውንም ምስክሮቹንም ተራግመዋል ሁሉም በወንጀሉ እኩል ናቸው ብለዋል‼️”

✅ይህ በታላላቆቹ ሸይኽ ሙሀመድ ሳኒ ሀቢብ እና ሸይኽ ሰይድ ሙሀመድ ሷዲቅ አዘጋጂነት በጊዜ በነበሩ ታላላቅ የኢትዮጵያ መሻኢኾች ገምጋሚነትና ሙሉ ስምምነት የተዘጋጀው አስደናቂው የቁርአን ተፍሲር (ትርጉም) በማንም መነካትም ኢዲት መደረግም የለበትም። አተረጓጎም ላይ ስህተት አለ ወይንም ቀላል ትርጓሜ የላቸውም ወይንም ከዘመኑ ቋንቋ ጋር አይሄዱም ወይንም እኔ ከምከተለው የአስማእ ወሲፋት አረዳድ ጋር አልሄደልኝም ብሎ የሚያስብ ካለ ደግሞ ማድረግ ያለበት የራሱን ትርጉም ማዘጋጄት ነው እንጅ በስንት ጥንቃቄና ከአራቱም አቅጣጫ የተሰበሰቡ የጊዜ መሻኢኾች ብዙ አጥንተው የተስማሙበትን ትርጓሜ ኣዲት ማድረግ አይችልም። ሀሳብ የሚያሻሽል አካል በራሱ መፅሀፍ ነው የሚመጣው። የሰው ኢዲት አይደረግም። ኢዲት የማድረግ ስልጣን ያለው የፃፈው የፅሁፉ ባለቤት ብቻ ነው። ሌላኛው አካል በሌላ መፅሀፍ ነው የሚመጣው። አለበለዚያ መበረዝ እንጅ ሌላ ሊባል አይችልም።

#ኸሚስ_አመሻሹ_ላይ! ማኡል ሐያት! የዛውዮች ወረት ሸይኽ ሙሐመድ አሚን "ካልቆሰቆሱበት አይፈላም ጀበና፣ እጣዬን አውጣልኝ እንደ ጡሩ ሲና!" ይላሉ። ሹማዬ ደግሞ "የአላህ ምጣዱ ቶሎ አይሰማም፤ ዝም ብሎ መቆስቆስ ነው!" ብላለች። እስቲ ዛሬ ይስማ ቆስቁሱ እንቆስቁስማ። ጌትዬ ፍጥረቱን ሲጀምር በነብዬ ኑር ጠንስሶ ውሃን ጠመቀ። በውሃውም ሁሉን ሕያው አደረገ። ያንን ውሃ ዓሺቆቹ "ማኡል ሐያት" ይሉታል። የሕይወት ውሃ። በጀነት የሚፋሰሱት ጅረቶች የዚሁ ውሃ ቅጂዎች ናቸው። ይሄ ማኡል ሐያት በሲቲ ሐዋ ጀሰድ ዘልቆ አርባ መንታዎችን ፈጥሯል። በነቢ ኑህ ዓ.ሰ መርከብ ሲጎርፍ ጉዳ ጉዱን ጨርሶ እርሳቸውን ጠብቋል። ሲሻው የኑምሩድ እሳት ላይ ተደፍቶ ነቢ ኢብራሂምን ዓ.ሰ ከበላእ ከልሏል። ውሃው ጉደኛ ነው። ለሰይድ ኢስማዒል ክብር፣ ለእናታቸው ሐጀራ መስተንግዶ ስሩ ከመሬት ተመዝዞ፣ ጫፉ ከሰማይ ዘልቆ፣ "ማኡ ዘምዘም" ተብሏል። ያንን የበረሐ ሐራራ ቆርጧል። ሕይወትን ቀጥሏል። ወዲህም ብሩክ የሆነ የልጅ ልጅ አድሏል። የተባረከ ዘር አፍልቋል። ሰይድ ሙሳን 12 ትልልቅ ተራራ ሆኖ እለፍ ያላቸው ባህርም ያው ራሱ ማኡል ሐያት ነው። በዚህ አልተገታም። በዚያ ወቅትም አላበቃም። ዘመናትን እየተሻገረ ትውልዱን አረስርሷል። በኛው ቀዬም ተዳፍቶ ወረባቦ ደርሷል። ከሐረሮች ተቀድቶ፣ ተኽሊል ሆኖ ገንደጎራ ገብቷል። ውሃው ሲጠጡት ዘወርወር የሚያደርግ፣ ቀልብን የሚያሰልም፣ ለሐድራ መርጦ የሚዶል፣ ከነቢ ጋር አቀማማጭ ነው። ሰይድ ያሲን ቀንቷቸው ተጎነጩት። ጀሰዳቸውን ለቀለቁት። ተአምረኛ ነውና ተደናገጡ። ውስጣቸው ተናጠ። ያንን ውሃ የጠጣ ሰው የሚታይበት ምልክት ይፋ ሆነባቸው። ስንቱ ተመኝቶ ያላገኘው ምንጭ በርሳቸው ገላ ላይ ፈለቀ። ያንን ውሃ የጠጣ ሰው ዙርሪያው የነቢ አደግዳጊ ይሆናል። ሸይኽ ያሲን ታደሉት። አግብተው ወላለዱ። የልጆቻቸውን ማሳረጊያ ሰይድ ኢብራሂምን አገኙ። ከእርሳቸው የተለዬ ባህሪ የተላበሱ ልጅ ሆኑ። ከዒልም ማእድ ይልቅ በረሱለሏህ ፍቅር እየተሸወቁ በግጥም ሙንጨራ ተጠመዱ። በዚህም ታሰሩ። ተጠፈሩ። በሩቃ እና ዱዓ ታሽተዋል። በአንዲት ጎጆ ታጉረዋል። የቀለም ፍቅራቸው ተይዞባቸው፣ መድ እና መቃ ሉህና ወረቃህ ተወስዶባቸው የመመደሁ ነገር በልባቸው ብቻ ታምቆባቸው ተሰቃይተዋል። ለካ ተኽሊሉ አስክሯቸው ነው። የኔ ከርታታ ማንም ሳያውቅላቸው።🥺የዒልማቸው ስፋት ነቢ ነበሩ። ሸማኢላቸውን ይከርራሉ፣ ሲራቸውን ይሞጥላሉ እንጂ ሌላው ላይ አይቻኮሉም። ፈቂህ ቢሆኑም ሙሒብነታቸው ጎላ። ተብሰክስከው ሳያልቁ በፊት ብዙ ከተቡ። የጠጡትን ተኽሊል በደማቸው እየበጠበጡ በጣታቸው አዳረሱት። የሰይድ ኢብራሒም ነገር "ልጄን እተካለሁ እኔ እንኳን ብሞት" እንዳሉት ሆነና የሚተካቸው ልጅ ከጀሉ። የሴት ወልይ ተዳሩ። እጅግ የተዓለሙትን እመቤት ዘቡራን አግብተው እንደ ሰባት የሆነ አንድ ጉደኛ ወለዱ። የጫሌውን ጌታ ሸይኽ ሰይድ ኢብራሒም ያሲንን። በወረባቦ የአዲስ ዘመን ፀሐይ ወጣች። የውልደታቸው አምሳያ እንደ ትልቁ ሠው ሆነ። ሰይዳችን ከአያታቸው ከሰይድ ኢስማዒል ተመዘው በዚያ ማኡል ሐያት እንደተገኙት፣ ሸይኽ ሰይድ ጫሌም እንደዚያው ከአያታቸው ከሰይድ ያሲን የማኡል ሐያት በረካ ተገኙ። ለካ እንዲያ ለማደግደግ ነበር መመሳሰላቸው። በፍቅር ጅራፍ ልጁን ከአባቱ አብልጦ ሊሞሸልቅ አጫቸው። ሳይለይ እየገረፈ የፍቅሩ እስረኛ አደረጋቸው። ሰይድ ጫሌ "አባቴን ገድሎ እኔን ፈለገኝ" እንዳሉት ሙት ለማስነሳት፣ ደህና ለመግደል የመጣው አረር ሁለቱንም አልሳታቸውም። አባትና ልጅን ገንደ ጎራ ላይ ጎን ለጎን አሳረፋቸው። እኛም ዛሬ በዚህ ማኡል ሐያት እንደ አዲስ እንወለድ፤ በሐያታችን ላይ የተጎነጎነ ሸር ሁላ ይክሸፍ፤ የደረቀ ሩህ ቀልባችን ይራስ፣ ዘመኑ ግጥማችን ይሁን፤ ወቅት ይሳቀን፤ የወራትን እባብ አፍኖ ይያዝልን፤ ቀልባችንን ለሙሐባ፣ ኑረታችንን ከደህና ባልደረባ ያድርገው፤ ቢስሚላሂ አይበጇችን ሁላ በክረምቱ ጎርፍ ይጠረግ፣ የዓመቱ እና የረቢዕ የመጨረሻ ኸሚስ ላይ እንደደረስነው እዳችን ይለቅ፤ መሻር መክበር፣ መሳቅ መላቅ፣ መፍካት ማማር እጣችን ይሁን፣ መሆን ይካሰን፣ አገር አማን ወገን ሰላም ይሁን ሸራበል ዓሺቂን መጀን! ዒዱል ሙሒቢና ፊ ኩሊ ዘማኒ፣ ነቢ የኔ ሠርክ አዲስ! اشربوني من شربة فضلكم يا رسول الله🤲 መልካም አዲስ ዓመት! #ሶሉ_ዓለል_ሐቢብ! አሏሁመ ሶሊ ወሰሊም ወባሪክ ዓላ ሰይዲና ወመውላና ሙሐመድ ወዓላ አሊሂ ወሶህቢሂ ወሰለም!💚💚💚 Via Atiqa Ahmed ali