Pharmacy Platform

إجابة السؤال اللي نزلناه امبارح عن دواء Psycholanz 👨‍🦯 الـ Bipolar Disorder أو الاضطراب ثنائي القطب هو مرض نفسي مزمن، وكان زمان اسمه Manic-Depressive Illness، لأن المريض بيتنقل بين حالتين عكس بعض تمامًا.. فترة بيبقى فيها عنده اكتئاب شديد، حزين، معندوش طاقة ولا رغبة يعمل أي حاجة، وفترة تانية يدخل في نوبة Mania أو هوس، يبقى فيها نشاطه عالي جدًا، بيكلم كتير، بينام ساعات قليلة، وعنده ثقة زيادة عن الطبيعي. ولأن المرض ده بيفضل مع المريض لفترة طويلة، فغالبًا بيحتاج علاج مستمر، وفي ناس كتير بتكمل عليه مدى الحياة علشان تمنع رجوع النوبات، فايه قصة الدواء دة بقى؟ 🤔 لما المريض يدخل في مرحلة الاكتئاب، ممكن ييجي في دماغنا إننا نعالجه بمضاد اكتئاب زي Fluoxetine، لكن المشكلة إن استخدام الـFluoxetine لوحده في مريض الـBipolar ممكن يقلب الموازين، وبدل ما يطلعه من الاكتئاب، يدخله في نوبة Mania، ودي حاجة بنسميها Switching، علشان كده مضادات الاكتئاب في مرضى الـBipolar مينفعش تتاخد لوحدها، ولازم يكون معاها دواء يحافظ على استقرار المزاج ويمنع حدوث الهوس. 💡 ومن هنا جات فكرة استخدام Olanzapine مع Fluoxetine ⬅️ الـFluoxetine شغله الأساسي إنه يرفع مستوى السيروتونين في المخ، وبالتالي يحسن أعراض الاكتئاب، لكن الـOlanzapine بيشتغل كمضاد ذهان من النوع التاني او الجديد، وفي نفس الوقت بيبقى ليه تأثير مثبِّت للمزاج، فبيقلل احتمال إن المريض يتحول من الاكتئاب إلى الهوس... يعني ببساطة، الـFluoxetine بيعالج الاكتئاب، والـOlanzapine بيحمي المريض من الـSwitching، وكمان بيساعد هو نفسه في تحسين أعراض الاكتئاب. عشان كده اتعملت تركيبة ثابتة بتجمع الدوائين مع بعض في كبسولة واحدة اسمها SYMBYAX ودة البراند العالمي بالمناسبة، الهدف من التركيبة دي مش مجرد إن المريض ياخد كبسولة بدل اتنين، لكن لأن الدراسات أثبتت إن وجود الدواءين مع بعض بيدي نتيجة أفضل وأأمن من استخدام الـFluoxetine لوحده في الحالات دي. 🔴 الـFDA وافقت على استخدام SYMBYAX في حالتين فقط، أول حالة هي الاكتئاب المصاحب لمرض Bipolar I Disorder، يعني لما مريض الاضطراب ثنائي القطب يدخل في نوبة اكتئاب... أما الحالة التانية فهي Treatment-Resistant Depression (TRD)، وده معناه إن المريض عنده Major Depressive Disorder وجرب نوعين مختلفين من مضادات الاكتئاب، كل واحد بجرعة مناسبة ولمدة كافية، وبرضه محصلش استجابة مرضية. يعني مجرد إن دواء واحد منفَعش، ده مش معناه إن الحالة بقت Treatment Resistant. ↩️ بالنسبة للجرعات، ففي علاج Bipolar I Depression بنبدأ في البالغين بـ Olanzapine 5 mg مع Fluoxetine 20 mg مرة واحدة يوميًا، أما في الأطفال والمراهقين فبنبدأ بـ Olanzapine 2.5 mg مع Fluoxetine 20 mg مرة يوميًا. أما في حالات Treatment-Resistant Depression عند البالغين، فبرضه الجرعة الابتدائية بتكون Olanzapine 5 mg مع Fluoxetine 20 mg مرة يوميًا، وبعدها الطبيب يزود أو يقلل الجرعة حسب استجابة المريض. لازم كمان ناخد بالنا إن موافقة الـFDA ليها حدود عمرية. فالـOlanzapine لوحده مش معتمد للأطفال أقل من 13 سنة، أما تركيبة Olanzapine مع Fluoxetine (SYMBYAX) فمش معتمدة للأطفال أقل من 10 سنوات. والدواء موجود بأكثر من تركيز، زي 3/25 mg، و6/25 mg، و6/50 mg، و12/25 mg، و12/50 mg، والرقم الأول دايمًا بيكون جرعة الـOlanzapine، بينما الرقم الثاني هو جرعة الـFluoxetine. احفظها بالطريقة دي: لما تشوف Fluoxetine + Olanzapine افتكر إن الهدف مش مجرد علاج الاكتئاب، لكن علاج الاكتئاب مع منع حدوث Mania في مرضى الـBipolar، وعلشان كده التركيبة دي هي اللي أخدت موافقة الـFDA لعلاج Bipolar I Depression وكمان Treatment-Resistant Depression تحبو نتكلم عن دواء ايه تاني بنفس الطريقة دي 🥰؟ ✅ المصادر في الكومنتات،️ لو استفدت من البوست متنساش تعمل متابعة عشان يوصلك كل جديد، وتشارك البوست عشان غيرك يشوفه ولا تنسونا من صالح دعائكم.

ليه طبيب ممكن يفكر يكتب دواء سيكولانز 🤔 خش جاوب هنا 👇 https://www.facebook.com/share/p/1cexELKKDS/

ولو الخيارات دي مش مناسبة، ممكن التفكير في PCAB Dual Therapy كبديل حسب ظروف المريض. ولو الطبيب عنده نتيجة مزرعة أو اختبار حساسية للمضادات الحيوية (Antibiotic Susceptibility Testing)، فالعلاج بيكون أدق وأفضل، لأنه بيختار المضادات الحيوية اللي البكتيريا ما زالت حساسة لها. في الحالة دي هو ملك قراره لانه قدامه الاختياريات يختار حسب ايه المضادات اللي شغالة معاه ⬅️ ممكن بقى يستخدم العلاج الرباعي بالبزموث، أو العلاج الثلاثي بالـ Rifabutin، أو العلاج المزدوج أو الثلاثي المعتمد على Vonoprazan (PCAB)، أو Levofloxacin Triple Therapy لو البكتيريا حساسة للليفوفلوكساسين. النظام الأخير بيتكون من PPI مرتين يوميًا + Levofloxacin 500 مجم مرة يوميًا + Amoxicillin 1 جم مرتين يوميًا، أو Metronidazole 500 مجم مرتين يوميًا لو المريض عنده حساسية من البنسليين. وبعد ما المريض يخلص العلاج، مينفعش نفترض إن البكتيريا اختفت لمجرد إن الأعراض اتحسنت، لأن بعض المرضى بيختفي الألم مؤقتًا رغم إن العدوى لسه موجودة. علشان كده، في بعض الحالات لازم نتأكد إن العلاج نجح تمامًا، خصوصًا لو المريض كان عنده مضاعفات للقرحة، أو ورم ليمفاوي بالمعدة من نوع MALT Lymphoma، أو سرطان معدة في مراحله المبكرة، أو لو الأعراض رجعت تاني بعد العلاج. ✅️ وأفضل الطرق للتأكد من القضاء على جرثومة المعدة هي اختبار التنفس باليوريا (Urea Breath Test - UBT) أو تحليل البراز (Stool Antigen Test)، لأن الاتنين دقتهم عالية. لكن مهم جدًا إن الاختبار ما يتعملش قبل مرور ((4 أسابيع)) على الأقل من انتهاء العلاج، لأن عمله بدري ممكن يدي نتيجة سلبية كاذبة ويخلي الطبيب يعتقد إن البكتيريا اختفت وهي لسه موجودة، وكمان يفضل إيقاف أدوية الـ PPI قبل الاختبار بحوالي أسبوعين إذا أمكن، لأنها ممكن تقلل نشاط البكتيريا وتؤثر على دقة النتيجة. - متنساش بقى تبص على الكومنتات وتعمل متابعة وشير عشان يوصل لغيرك، ولا تنسونا من صالح دعائكم. #H_pylori #PPI #Antibiotics #Amoxicillin

🔰 كلنا عارفين أن جرثومة المعدة (Helicobacter pylori أو H. pylori) بتعتبر من أهم أسباب قرحة المعدة والاثني عشر، وبالتالي علاجها مش بيكون بمضاد حيوي واحد، لأن البكتيريا دي عندها قدرة كبيرة على تكوين مقاومة للمضادات الحيوية. علشان كده الإرشادات الحديثة الصادرة عن الكلية الأمريكية لأمراض الجهاز الهضمي American Collegeof Gastroenterology (ACG) لسنة 2024 بتنصح إن العلاج يكون لمدة 14 يومًا باستخدام مثبطات لإفراز حمض المعدة مع مجموعة من المضادات الحيوية. 🔸️الجدول ده بيلخص أحدث التوصيات عند المرضى اللي بيتلقوا العلاج لأول مرة (Treatment-naive). الفكرة الأساسية إن الإرشادات بقت بتركز على اختيار النظام العلاجي حسب نسبة مقاومة البكتيريا للمضادات الحيوية، لأن مقاومة جرثومة المعدة زادت جدًا في السنين الأخيرة، خاصة لمضاد Clarithromycin. 1️⃣ أول وأهم نظام في الجدول هو Optimized Bismuth Quadruple Therapy، وده يعتبر العلاج الأول الموصى به (First-line Therapy) لمعظم المرضى. النظام بيتكون من PPI بجرعته المعتادة مرتين يوميًا، بالإضافة إلى Bismuth أربع مرات يوميًا، وMetronidazole 500 مجم من 3 إلى 4 مرات يوميًا، وTetracycline 500 مجم أربع مرات يوميًا، وكل ده لمدة من 10 ل 14 يوم. وجود الـ Bismuth بيزود كفاءة العلاج، وبيساعد في التغلب على مقاومة البكتيريا. وميزة النظام ده إنه ينفع كمان للمرضى اللي عندهم حساسية من البنسلين لأنه لا يحتوي على Amoxicillin. علشان كده، الإرشادات أعطته Strong Recommendation، يعني يعتبر أفضل اختيار في أغلب الحالات. 2️⃣ النظام التاني هو Rifabutin Triple Therapy، وده بيتكون من Omeprazole + Amoxicillin + Rifabutin، لكن الجرعات الموجودة في الجدول هي جرعات لكل كبسولة من المستحضر التجاري الجاهز، يعني الكبسولة الواحدة فيها Omeprazole 10 مجم + Amoxicillin 250 مجم + Rifabutin 12.5 مجم، والمريض بياخد 4 كبسولات ثلاث مرات يوميًا لمدة 14 يوم، النظام ده بيستخدم كبديل في بعض الحالات، لكنه حصل على Conditional Recommendation لأن الأدلة العلمية عليه أقل من العلاج الرباعي بالبزموت. 3️⃣ بعد كده ييجي نظام PCAB Dual Therapy، وده من الأنظمة الحديثة اللي ظهرت بعد استخدام دواء Vonoprazan، وهو من مجموعة Potassium-Competitive Acid Blockers (PCABs)، واللي بيقلل إفراز حمض المعدة بصورة أقوى وأسرع من الـ PPIs التقليدية. النظام ده بسيط لأنه بيتكون من Vonoprazan 20 مجم مرتين يوميًا مع Amoxicillin 1000 مجم ثلاث مرات يوميًا لمدة 14 يوم. الميزة هنا إن العلاج بيعتمد على مضاد حيوي واحد فقط بدل اتنين أو تلاتة، وده بيقلل الآثار الجانبية ويقلل احتمالية حدوث مقاومة لمضادات حيوية متعددة. لكنه ما ينفعش للمرضى اللي عندهم حساسية من البنسلين لأنه بيعتمد على Amoxicillin. 4️⃣ أما PCAB Triple Therapy، فهو بيجمع بين Vonoprazan 20 مجم + Amoxicillin 1000 مجم + Clarithromycin 500 مجم، وكلهم مرتين يوميًا لمدة 14 يوم. لكن الإرشادات حطت ملاحظة مهمة جدًا، وهي إن الأنظمة اللي فيها Clarithromycin ما بقاش ينفع نستخدمها بشكل روتيني، لأن مقاومة البكتيريا للكلاريثروميسين بقت مرتفعة في دول كتير. وبالتالي، النظام ده يستخدم فقط لو ثبت إن البكتيريا حساسة لـ Clarithromycin من خلال اختبار الحساسية أو لو كانت نسبة المقاومة في المنطقة منخفضة. علشان كده الإرشادات قالت: Reserve clarithromycin-containing regimens for strains demonstrating sensitivity، يعني احتفظ بالأنظمة دي للحالات اللي متأكد فيها إن البكتيريا هتستجيب للمضاد الحيوي. ولو بصينا على عمود Notes في الجدول، هنلاقي إنه بيوضح قوة التوصية لكل نظام. فالعلاج الرباعي بالبزموت حصل على Strong Recommendation مع Moderate-quality Evidence، يعني هو الأقوى من حيث التوصية. أما الأنظمة التانية، سواء Rifabutin Triple Therapy أو PCAB Dual Therapy أو PCAB Triple Therapy، فحصلت على Conditional Recommendation، وده معناه إنها بدائل مناسبة في ظروف معينة، لكن مش الاختيار الأول لكل المرضى. ____ 🔸️فالارشادات الحديثة دي بتقولك أن لو المريض لسه بيتعالج لأول مرة (Treatment-naive)، فالإرشادات بتعتبر إن العلاج الرباعي المحتوي على البزموث (Optimized Bismuth Quadruple Therapy) هو أفضل اختيار في أغلب الحالات بالاضافة اننا ممكن نستخدم نظام Rifabutin Triple Therapy ✅️ 🔹️أما لو المريض أخد علاج قبل كده ومحصلش القضاء الكامل على البكتيريا، فده بنسميه Salvage Therapy أو علاج الإنقاذ... في الحالة دي، الطبيب بيتجنب غالبًا إعادة نفس النظام العلاجي اللي فشل قبل كده، لأن احتمال تكون البكتيريا اكتسبت مقاومة بيكون أكبر. لذلك، الإرشادات بتنصح باستخدام العلاج الرباعي المحتوي على البزموث أو Rifabutin Triple Therapy.

🔴 ارشادات الكلية الأمريكية لأمراض الجهاز الهضمي لعلاج H. Pylori ACG 2024 For H. Pylori eradication 👇 https://www.facebook.com/share/p/18pQ2QACGt/

🔴 ايه التصرف في حالات الاستجابة الجزئية لمضادات الاكتئاب 🤔 https://www.facebook.com/share/p/14sAYXRiUEQ/

____ ⚠️ وبرغم إن Linezolid دواء فعال جدًا، إلا إن فيه مجموعة من التحذيرات والاحتياطات (Warnings and Precautions) اللي لازم الطبيب يكون واخد باله منها قبل وأثناء العلاج، لأن تجاهلها ممكن يعرض المريض لمضاعفات خطيرة. علشان كده، استخدام Linezolid بيحتاج متابعة مستمرة، خصوصًا لو العلاج هيستمر لفترة طويلة أو المريض عنده أمراض مزمنة أو بياخد أدوية تانية. من أهم الاحتياطات المرتبطة بـ Linezolid هو خطر حدوث تثبيط نخاع العظم (Myelosuppression). علشان كده، يُنصح بعمل صورة دم كاملة (CBC) مرة كل أسبوع طوال فترة العلاج، لمتابعة عدد الصفائح الدموية، والهيموجلوبين، وكرات الدم البيضاء، ولو بدأت تظهر علامات تثبيط نخاع العظم، زي انخفاض واضح في الصفائح أو الهيموجلوبين أو كرات الدم البيضاء، فمن الأفضل التفكير في إيقاف Linezolid واستبداله بدواء آخر إذا أمكن. كمان لازم ناخد بالنا إن نقص الصفائح الدموية (Thrombocytopenia) بيكون أكثر شيوعًا في المرضى اللي عندهم قصور في الكلى أو الكبد، وبالتالي الفئة دي تحتاج متابعة أدق أثناء العلاج. وبرضو لازم استخدام Linezolid يكون بحذر مع الأدوية اللي بتأثر على السيروتونين أو الجهاز السمبثاوي (Adrenergic Drugs)، زي بعض مضادات الاكتئاب زي Fluoxetine أو Imipramine وغيرهم، لأن الجمع بينهم ممكن يزيد خطر حدوث Serotonin Syndrome أو يسبب ارتفاعًا في ضغط الدم. ⬆️ ومن التحذيرات المهمة جدًا حدوث التهاب أو تلف في الأعصاب الطرفية (Peripheral Neuropathy) أو العصب البصري (Optic Neuropathy)، وده غالبًا بيظهر مع المرضى اللي بيستخدموا Linezolid لمدة أكثر من 28 يومًا. لذلك لو المريض بدأ يشتكي من زغللة، أو ضعف في النظر، أو تغير في تمييز الألوان، أو أي مشكلة في الإبصار، فلازم يتحول بسرعة إلى طبيب عيون لإجراء تقييم كامل. والدراسات كمان أوضحت إن كلما زادت جرعة Linezolid، قلت فرصة تعافي العصب البصري بشكل كامل، وده معناه إن الضرر ممكن يكون مرتبط بالجرعة، وبالتالي لازم الالتزام بالجرعات الموصى بها وعدم زيادتها إلا عند الضرورة. وبما إن Linezolid له تأثير مثبط لإنزيم MAO، فهو ممكن يسبب Serotonin Syndrome عند استخدامه مع الأدوية اللي بتزود السيروتونين، مثل SSRIs وSNRIs وTCAs وغيرهم من مضادات الاكتئاب. لذلك لو المريض بياخد أحد الأدوية دي، فلا يُستخدم Linezolid إلا إذا مافيش بديل مناسب لعلاج العدوى. وفي الحالة دي، غالبًا بيتم إيقاف مضاد الاكتئاب مؤقتًا أثناء فترة العلاج بـ Linezolid، مع متابعة المريض لاكتشاف أي علامات لـ Serotonin Syndrome، وفي نفس الوقت مراقبة ظهور أعراض انسحاب مضاد الاكتئاب نتيجة إيقافه. ومن الاحتياطات الأقل شيوعًا، إن Linezolid قد يسبب انخفاض مستوى الصوديوم في الدم (Hyponatremia)، وده ممكن يكون مرتبط بحالة اسمها SIADH (Syndrome of Inappropriate Antidiuretic Hormone Secretion) ودي حالة بيزيد فيها احتباس المياه داخل الجسم ويؤدي إلى انخفاض تركيز الصوديوم. علشان كده، المرضى المعرضين لانخفاض الصوديوم أو اللي عندهم تاريخ مرضي بـ SIADH، يُفضل متابعة مستوى الصوديوم في الدم بانتظام أثناء العلاج. ❗️وأخيرًا، في حالة استخدام Linezolid Oral Suspension، لازم ناخد بالنا إنه يحتوي على Phenylalanine، وبالتالي يجب استخدامه بحذر في المرضى المصابين بمرض Phenylketonuria (PKU)، لأنهم غير قادرين على تكسير الحمض الأميني دة، وتراكمه قد يسبب مضاعفات عصبية خطيرة. لكن النقطة المطمئنة إن الأشكال الدوائية الأخرى من Linezolid، مثل الأقراص أو الحقن، لا تحتوي على Phenylalanine، وبالتالي يمكن استخدامها من دون مشاكل عادي. في النهاية، نجاح العلاج بـ Linezolid لا يعتمد فقط على اختياره كمضاد حيوي مناسب، لكن يعتمد أيضًا على المتابعة الدقيقة للمريض طوال فترة العلاج، سواء بعمل CBC أسبوعيًا، أو متابعة النظر، أو مراقبة مستوى الصوديوم، أو مراجعة الأدوية المصاحبة، لأن الاحتياطات دي هي اللي بتساعد على الاستفادة من الدواء مع تقليل مخاطره إلى أقل حد ممكن. ____ ✅️ لو استفدت من البوست متنساش تتفاعل وتعمل متابعة وشير عشان يوصل لغيرك، ولا تنسونا من صالح دعائكم. #Averozolid #Antibiotics #Linezolid

من الحجات المميزة الحقيقة اللي تلفت انتباهك ولازم تعرفها عن دواء Linezolid أن تركيز الدواء في الدم بعد الامتصاص عن طريق الفم (Oral Bioavailability) يعتبر 100% ودة معناه أن تقريبًا كل الجرعة اللي المريض بياخدها بالفم بتوصل للدورة الدموية بشكل كامل! لأنها بتخلي أقراص Linezolid فعّالة تقريبًا بنفس كفاءة الحقن الوريدي. علشان كده، كتير من المرضى بيبدأوا العلاج في المستشفى بالحقن، وبعد ما حالتهم تتحسن يقدروا يكملوا نفس العلاج في البيت بالأقراص من غير ما تقل فعالية الدواء، وده بيساعد على تقليل مدة الإقامة في المستشفى وتكلفة العلاج. لذلك لما تيجي تقرأ في الجرعات بتاعته في الأمراض هتلاقي أنه بيقولك استخدامه في المرض الفلاني بيكون IV أو Oral بنفس الجرعة ولتكن مثلا الجرعة الاساسية وهي 600 mg مرتين في اليوم. ميزة تانية مهمة إن Linezolid بيرتبط بنسبة قليلة ببروتينات الدم، حوالي 31% فقط، وكقاعدة بسيطة (كلما كان ارتباط الدواء بالبروتينات أقل، كلما زادت كمية الدواء الحرة القادرة على الوصول للأنسجة المختلفة) وعلشان كده، Linezolid بيوصل بسهولة لمعظم أجزاء الجسم، زي العظام (Bone)، والرئة وخصوصًا الحويصلات الهوائية (Alveoli)، وكمان السائل النخاعي (Cerebrospinal Fluid - CSF)، ودي نقطة مهمة جدًا لأنها بتفسر ليه الدواء فعال في علاج التهابات العظام، وبعض التهابات الجهاز العصبي المركزي، والالتهاب الرئوي، وهي أماكن أحيانًا بيكون وصول المضادات الحيوية ليها صعب. ولأن الدواء بينتشر بشكل واسع داخل الجسم، فحجم التوزيع (Volume of Distribution) بتاعه بيكون قريب من إجمالي كمية المياه الموجودة في جسم الإنسان، وده معناه إن Linezolid مش بيفضل موجود في الدم بس، لكنه بيتوزع داخل الأنسجة والسوائل المختلفة بكفاءة عالية. والأهم من كده إن الدراسات أثبتت إن توزيع الدواء داخل الجسم ما بيتأثرش بشكل ملحوظ حتى في المرضى اللي عندهم تسمم دم (Sepsis)، أو مشاكل في الدورة الدموية الطرفية (Peripheral Vascular Diseases)، أو حتى السمنة (Obesity)، ودي ميزة بتخلي فعاليته تفضل ثابتة في الفئات دي من المرضى. 🔰 أما بالنسبة للجرعات، فـ Linezolid ممكن يتاخد عن طريق الفم أو عن طريق الوريد زي ما قولنا، والميزة إن الجرعة بتكون نفسها في الحالتين بسبب الامتصاص الممتاز، ▪︎ جرعة البالغين المعتادة هي 600 مجم كل 12 ساعة سواء كانت أقراص أو حقن... لكن في بعض الحالات البسيطة، زي التهابات الجلد والأنسجة الرخوة غير المعقدة، ممكن الطبيب يقلل الجرعة إلى 400 مجم مرتين يوميًا. ▪︎ أما عند الأطفال، فالجرعة بتحسب حسب الوزن، وهي 10 مجم لكل كيلوجرام. والأطفال أقل من أو يساوي 12 سنة بياخدوا الجرعة كل 8 ساعات، بينما الأطفال أكبر من 12 سنة بياخدوها كل 12 ساعة، لأن معدل التخلص من الدواء بيختلف حسب العمر. ورغم إن الاستخدام الأساسي لـ Linezolid هو علاج العدوى البكتيرية موجبة الجرام، إلا إن الدراسات استخدمته كمان في علاج الدرن المقاوم للأدوية (Drug-resistant Tuberculosis). لكن في الحالة دي ما بيتستخدمش لوحده أبدًا، وإنما بيكون جزء من علاج مركب مع أدوية تانية زي Bedaquiline وPretomanid، وأحيانًا يضاف Moxifloxacin حسب نوع المقاومة وخطة العلاج. والجرعات اللي تمت دراستها في مرضى الدرن كانت ما بين 600 إلى 1200 مجم يوميًا، لكن الاستخدام ده بيكون تحت إشراف متخصصين في علاج الدرن المقاوم. 📌 أما بالنسبة لمرضى قصور الكلى (Renal Insufficiency)، فالنشرة الرسمية للدواء بتقول إنه مش محتاج تعديل للجرعة، لأن التخلص من الدواء نفسه مش بيتأثر بشكل يستدعي تقليل الجرعة... لكن في الواقع، مرضى الكلى بيتراكم عندهم Linezolid وبعض نواتج تكسيره، وده ممكن يزود خطر حدوث نقص الصفائح الدموية (Thrombocytopenia)، وهو واحد من أشهر الآثار الجانبية للدواء. علشان كده، رغم إن الجرعة ما بتتغيرش بشكل روتيني، إلا إن المريض لازم يتابع صورة الدم (CBC) بشكل منتظم، وفي بعض الحالات الصعبة ممكن الطبيب يقيس تركيز Linezolid في الدم (Therapeutic Drug Monitoring - TDM) ويعدل الجرعة بناءً على النتيجة، خصوصًا لو العلاج هيستمر لفترة طويلة. 📌 أما في مرضى قصور الكبد (Hepatic Insufficiency)، فرغم إن تليف الكبد ممكن يقلل سرعة تخلص الجسم من Linezolid، إلا إن الدراسات أوضحت إن التغير ده مش كبير بالدرجة اللي تستدعي تعديل الجرعة. لذلك، المرضى اللي عندهم قصور كبدي غالبًا بياخدوا نفس الجرعة المعتادة، لكن زي أي مريض عنده مرض كبدي، يفضل متابعة الحالة والآثار الجانبية أثناء العلاج.

🔴 كل اللي محتاج تعرفه عن Linezolid.. الجزء الثاني https://www.facebook.com/share/p/14iQjXqJrSb/

تعالوا نتعمق في شرح معلومات دواء مهم زي 😁👇Linezolid https://www.facebook.com/share/p/1UkeTUbNzR/

Retinol vs retinal ✨ #غزة 🇵🇸

جمعة مباركة 💚

❌️ لذلك يُمنع استخدامه في المرضى اللي عندهم تاريخ مرضي للصرع أو التشنجات، أو عند المرضى المصابين بـ Bulimia Nervosa أو Anorexia Nervosa، لأن اضطرابات الأكل دي أصلًا بتزود احتمالية حدوث التشنجات. ولتقليل هذا الخطر، لازم الالتزام بالجرعات القصوى الموصى بها، وهي 150 مجم كحد أقصى في الجرعة الواحدة، وألا تزيد الجرعة اليومية عن 450 مجم مع مستحضرات IR أو XL أو 400 مجم مع مستحضرات SR، مع ضرورة زيادة الجرعة تدريجيًا وعدم التسرع في رفعها. أما بالنسبة للأعراض الجانبية، فـ Bupropion بيختلف عن معظم مضادات الاكتئاب لأنه لا يسبب النعاس، ولكن العكس، ممكن يخلي المريض أكثر نشاطًا ويزيد مستوى الطاقة، لكن في المقابل، من أشهر آثاره الجانبية الأرق، والقلق، والعصبية، والصداع، ونقص الشهية، ونتيجة لنقص الشهية قد يلاحظ بعض المرضى فقدانًا في الوزن أثناء العلاج، وفي حالات قليلة، خاصة عند الأشخاص اللي عندهم استعداد، قد يؤدي إلى ظهور أعراض ذهانية (Psychosis) نتيجة زيادة نشاط الدوبامين. ✅️ لو استفدت من المحتوى اليوم متنساش تعمل لايك وتشارك البوست عشان يوصل لغيرك، ونشوفكم في بوست جديد ان شاء الله.. لا تنسونا من صالح دعائكم. #Bupropion #Smoking_cessation #Antidepressants #Drugs_with_Dr_3laa

في البوست دة أنا مجمعلك معلومات مهمة جدا عن دواء Bupropion اللي لا يخلو من الصيدليات لأنه في الحقيقة دواء متعدد الاستخدامات وكل فقرة هكتبهالك مليانة أكشن ومعلومات هتكون جديدة بالنسبالك إن شاء الله دواءنا النهاردة يعتبر من مضادات الاكتئاب المختلفة عن أغلب الأدوية الموجودة في نفس المجموعة، لأن معظم مضادات الاكتئاب بتعتمد في شغلها على السيروتونين، لكن Bupropion بيشتغل في الأساس على الدوبامين (Dopamine) والنورإبينفرين (Norepinephrine)، لذلك بيتصنف ضمن مجموعة NDRIs (Norepinephrine-Dopamine Reuptake Inhibitors). أما تأثيره على السيروتونين فهو ضعيف جدًا أو يكاد يكون معدوم، وده بيخليه يختلف في استخداماته وآثاره الجانبية عن أدوية الـ SSRIs والـ SNRIs، ورغم إننا عارفين إنه بيمنع إعادة امتصاص الدوبامين والنورإبينفرين، إلا إن الآلية الدقيقة اللي بيحسن بيها الاكتئاب لسه مش مفهومة بالكامل. ومن أهم المميزات اللي بتخلي الأطباء يفضلوا Bupropion في بعض الحالات إنه لا يسبب الضعف الجنسي اللي بنشوفه مع معظم أدوية الـ SSRIs والـ SNRIs، بل إن بعض الدراسات أظهرت إنه ممكن يحسن الوظيفة الجنسية.. لذلك لو مريض بياخد أحد مضادات الاكتئاب وبدأ يشتكي من ضعف الرغبة الجنسية أو تأخر القذف أو صعوبة الوصول للنشوة، فهنا يفكر الطبيب في إضافة Bupropion أو استبدال العلاج به حسب حالة المريض. ولو المريض استجاب جزئيًا لمضاد الاكتئاب، يعني اتحسن المريض لكن مازال عنده بعض الأعراض، فهنا بيلجأ الطبيب إلى إضافة Bupropion إلى SSRI أو SNRI بدلًا من تغيير العلاج بالكامل، لأن الدواءين بيشتغلوا بآليات مختلفة، وبالتالي ممكن يكملوا تأثير بعض ويحققوا استجابة أفضل، لكن لازم يتم ده بحذر وتحت إشراف طبي لتجنب أي تداخلات دوائية. ومن الحاجات المميزة جدًا الحقيقة في Bupropion إنه بيقفل مستقبلات النيكوتين (Nicotinic Receptors)، وده السبب اللي خلاه واحد من أشهر الأدوية المستخدمة في الإقلاع عن التدخين smoking cessation فايه القصة؟ الدواء دة بيساعد المدخنين عن طريق تقليل الرغبة الشديدة في السجائر (Craving)، وكمان بيخفف أعراض انسحاب النيكوتين، وبالتالي بيزود فرصة نجاح الشخص في الإقلاع عن التدخين، ولتحقيق أفضل نتيجة، يُفضل بدأ العلاج قبل موعد الإقلاع بحوالي أسبوع، بحيث يكون الدواء وصل لمستواه العلاجي وقت التوقف عن التدخين، والجرعة المستهدفة عادةً هي 150 مجم مرتين يوميًا، ويستمر العلاج لمدة 8 أسابيع على الأقل، وممكن يوصل حتى 6 أشهر إذا احتاج المريض، كمان يمكن استخدامه مع باشتات النيكوتين لزيادة فرص النجاح. وبجانب استخدامه في الاكتئاب والتدخين، فدواءنا الجميل دة له استخداماته (Off-label) في علاج اضطراب فرط الحركة وتشتت الانتباه (ADHD) عند الاطفال، بعض الدراسات قالت إنه بيساعد على تحسين التركيز وتقليل تشتت الانتباه، لكنه مش من العلاجات الأساسية للـ ADHD، كما أنه ممنوع في الأطفال المصابين بالصرع بسبب زيادة خطر التشنجات. أما في مرضى اضطراب الهلع (Panic Disorder)، فـ Bupropion فهو ليس من الأدوية المفضلة، لأن تأثيره المنشط قد يزيد القلق عند بعض المرضى. لذلك بعض الإرشادات بتعتبره third line في علاج حالات الهلع، لكن إرشادات تانية لا تنصح باستخدامه في علاج اضطراب الهلع. ومن الاستخدامات الحديثة كمان وجود أدوية بتجمع بين (Bupropion وNaltrexone) لعلاج السمنة المزمنة وإدارة الوزن...في التركيبة دي دور Bupropion انه يقلل الشهية ويزود استهلاك الطاقة، بينما Naltrexone بيقلل الرغبة في تناول الطعام، خصوصًا الأكل المرتبط بالمكافأة rewarding system. الاستخدام هنا بيكون عن طريق رفع الجرعة تدريجيًا على مدار أربعة أسابيع حتى الوصول للجرعة المستهدفة. لكن العلاج ده ممنوع في المرضى المصابين بالصرع، أو اضطرابات الأكل، أو ارتفاع ضغط الدم غير المسيطر عليه، أو أثناء الحمل، أو في الأشخاص اللي بيستخدموا المسكنات الأفيونية (Opioids) بصورة مزمنة، لأن Naltrexone يمنع تأثيرها خد بالك، وإذا لم يفقد المريض 5% على الأقل من وزنه بعد 12 أسبوعًا من العلاج، فيُنصح بإيقاف الدواء لأنه غالبًا لن يحقق فائدة إضافية. 🔹️أما بالنسبة لل dosage forms داخل الصيدلية فهتلاقيه في تلات صور دوائية هي IR (Immediate Release)، وSR (Sustained Release)، وXL (Extended Release). وحاليًا بقى استخدام SR وXL هو الأكثر شيوعًا، لأنهم بيسببوا أعراضًا جانبية أقل، وكمان بيتميزوا بسهولة الاستخدام مقارنة بالأقراص العادية (IR). _____ ورغم مميزاته، فإن أهم وأخطر أثر جانبي لـ Bupropion هو زيادة خطر حدوث التشنجات (Seizures)، لأنه بيعمل (lowering Seizure Threshold)، وبالتالي بيخلي حدوث التشنجات أسهل عند الأشخاص المعرضين ليها.

🔰 دواء واحد لكن استخدامات كتيرة! تعال نشوف الكلام على ايه ❤️ https://www.facebook.com/share/p/1Jzswb5KVN/