متعة الطب_ THE HAPPINESS OF MEDICINE

ما تفكروش إن بتوع أمريكا وأوروبا أحسن منكم، أنا شوفت دول ودول وأنتم أفضل منهم ١٠٠ مرة، هم بس Organized! - د عبد المتعال فوده

لأول مرة في العالم … ابتكار مصري يدخل تاريخ الطب 🇪🇬! ‏ الدكتور أحمد مدكور، رائد مناظير الفراغ الثالث في مصر والشرق الأوسط، بيحقق إنجاز عالمي بكل معنى الكلمة! 👨‍⚕️🌍 ✔️ ابتكر تقنية جديدة بتساعد في علاج حالات نادرة ومعقدة من مرض صعب اسمه “أكالازيا” – وهو مرض بيصيب المريء وبيصعب على المرضى البلع. 💡 الابتكار هو تطوير ثوري لتقنية POEM (شق عضلة المريء بالمنظار)، واللي ابتكرها الطبيب الياباني الشهير “إنوي” سنة 2010. لكن التقنية القديمة كانت بتفشل في بعض الحالات المعقدة… وهنا كانت المفاجأة: د. مدكور قدر يطور التقنية بشكل يخلي علاج الحالات الصعبة ممكن وناجح بنسبة أعلى! 🙌 ✔️ الإنجاز اتسجل رسميًا في أكبر مجلة علمية عالمية في مجال المناظير ✔️ واتسمّت التقنية الجديدة باسمه: Madkour Technique – تقنية مدكور 🔬🇪🇬 مبارك للدكتور أحمد ، مصر دائما رائدة وولادة ❤️ Dr.Ahmad Madkour دكتور أحمد مدكور #علماء_الإسلام_في_الطب

باسم الله (منحة الامتياز) بفكر حضراتكم إن الويف الاخيرة من كورس الامتياز السنة دي هتبدأ اخر شهر ٩ لسه فيه فرصة تكون معانا الجمعة اللي فاتت شرحنا قواعد ال prescribing والجمعة الجاية باءذن الله هنشرح (الخطة العلاجية ) او بمعني اصح لما تيجي تكتب علاج لمريض تكتبه ازاي عشان مفيش حاجه تنساها وهنشرح معاه اسرار medscape والجمعه اللي بعدها هنبدأ الويف باءذن الله ..... طيب هو كورس الامتياز ده عباره عن ايه ؟وهل هو مسجل ولا لايف ؟وسعره كام ؟ ...... كورس الامتياز فيه منه جزء بسميه المحاضرات الاساسية ...اللي هي لو سمعتها فأنا اديتك اهم نصايح تمشي عليها في حياتك بعد كده ...ايا كان هتتخصص ايه لو عملت بيها هتكون دكتور محترم في تخصصك ...... وفيه جزء (كورسات )زيادة للناس اللي بتحب العلم والباطنة خصوصا ..هترفع مستواها ..الكورسات دي هي : كورس ABG كامل ومسجل في ٦ محاضرات (ولما نقول محاضرة فهي أقل حاجه ساعتين ) ... كورس ECG كامل ومسجل في ١٠ محاضرات ... كورس السكر (ادوية السكر وطواريء السكر وعيادة السكر ) ده حوالي ١٠ محاضرات كورس الضغط (ادوية الضغط وطواريء الضغط ) حوالي ٣ محاضرات ..... الكورسات دي في الحقيقة هي جزء من شباتر يعني في الاساس احنا بنشرح كتاب oxford foundation program جينا في شابتر الاندوكرين طلعنا منه كورس السكر جينا في شابتر الكارديو طلعنا الضغط جينا في محاضرة القواعد العامة في ال investigation شرحنا وراها ال ABG ثم ال ECG .... وشرحنا النيفرو وال git ..وربنا يوفقنا ونكمل شرح الكتاب كله ..... طبعا كل المحاضرات مسجلة من أول ما بدأنا الكورس من السنة اللي فاتت وكلها متاحة بمجرد الاشتراك .... وكل جمعة بعد الصلاة بيكون فيه لايف جديد وبيتسجل ويترفع في نفس اليوم عشان اللي ميقدرش يحضر اللايف ........ سعر الكورس ٢٥٠ ج (عشان كده سميته منحة الامتياز ) واللي ميقدرش علي تمنه فهو له free ان شاء الله بدون اي حرج ..... وان شاء الله بعد الويف دي هنعمل كورس عيادة الباطنة...والناس اللي هتلتزم وتخلص الكورس مع الويف هنضمهم لكورس الباطنة فري ..... طبعا بالاضافة ان فيه كتب تانية بتتشرح بالتوازي مع oxford foundation زي alarm bells in medicine Top 100 drugs .... غير ان فيه حالة طواريء بتنزل يوم ويوم علي جروب الواتس .... ده مش كورس ...ده منهج كامل للامتياز بنحط أساس دكتور قوي ...مش مجرد معلومات هياخدها ..وعشان كده لازم تتعب شوية..تتعب انك تسمع اللي فاتك ..انك تقرأ الحالة اللي بتنزل ...الزم نفسك ولو بقدر بسيط وهتبقي حاجه كويسه جدا ان شاء الله .... زي ما بأكد دايما اوعي تخلي الاشتراك مانع ليك انك تدخل ..لو ظروفك متسمحش دلوقتي كلمني هضيفك والاشتراك اي وقت ولو بعد سنه متحملش هم .... للاشتراك التواصل ع الواتس 01148273567 بأكد ان الكورس ده خاص بيا (محمود وفا) وليس باستاذنا د محمد الألفي .... معلش مش متابع التليجرام ولا الفيس اي تواصل واتس بس

السلام عليكم ورحمة الله ببشر حضراتكم إن اللقاء الاول(اون لاين ) بأستاذنا الدكتور محمد الألفي هيكون يوم الأحد القادم (٣١ أغسطس ٢٠٢٥) الساعة ١٠ مساءا بتوقيت القاهرة باءذن الله هيكون علي تطبيق ( free confernce call ( fcc وهوه زي زووم لكن افضل من حيث انه بيقبل اي عدد والوقت فيه مفتوح ..ننزل التطبيق من دلوقتي وان شاء الله الرابط هينزل علي التليجرام والفيس والواتس قبلها بربع ساعة ... دي هتكون دردشة مع أستاذنا  ..وربنا ييسر نستمر ويكون فيه حجات كويسه ... طبعا مش محتاج أقول لحضراتكم ان مفيش مرور الاسبوع ده ...الأصل حاليا ان مفيش مرور غير لما ربنا ييسر ونعلن لحضراتكم قبلها فمحدش يسافر غير لما نعلن الاول .... وان شاء الله فيه حجات تانية كويسه هننزلها لحضراتكم قريبا

في المرور اللي فات لسيدنا وأستاذنا الدكتور محمد الألفي رئيس وحدة الغدد الصماء جامعة الأزهر شرفنا وفد من فضيلة الإمام شيخ الأزهر أحمد الطيب مكون من أ.د/ إلهام والدكتورة دعاء وفي الحقيقة أضافت كلمة تعليقا على إحدى الحالات اللي كانت ب multisystemic disease وكل دكتور بيتعامل على حدة في تخصصه دون النظر إلي أن multisystem symptoms وراؤها systemic disease فقالت كلمة مؤكدة لكلام أستاذنا "مشكلة العيانة دي ان الدكاترة ماتعاملوش معاها ككتلة واحدة وإن فيه كتاب ترشحه إسمه مصالح الأبدان والأنفس للعالم الطبيب والفقيه أبو زيد البلخي أحد أئمة الطب في اواخر القرن الثالت واوائل الرابع الهجري، درة من درر الكتاب يتحدث فيها البلخي عن أن أمراض البدن تؤدي لأمراض في النفس كالإكتئاب والقلق والوسواس وأن أمراض النفس قد تؤدي لظهور أعراض أمراض والآم بدنية!!! ده طبعا الطب الحديث ذكره تحت اسم ال SOMATIZATION في القرن ال ١٩!!! يعني اكتشفوا نفس اللي الامام البلخي قال عليه بعد ٩٠٠ سنة!!!! ومن هنا جاء توجية من فضيلة الأستاذ الدكتور محمد الألفي بالبحث والتنقيب عن الدرر الثمينة للعلماء العرب والمسلمين وعلى إثر هذا سنحاول إن شاء آلله جاهدين إعادة أحياء التراث الطبي والله الموفقhttps://www.facebook.com/share/p/1EnsDDf6MM/

عملوا جراحة تانية غاية في الجمال والابتكار: دكتور التجميل والترميم – كالبيش فاخاريا – رمم المنطقة دي باستخدام عظم من فخذ المريضة وصفائح تيتانيوم، وركّب كل حاجة من غير أي أثر جراحي ظاهر من بره. ولمشاهد الحكاية كانت مبهجة فعلاً: بعد عام من العملية، التصوير الطبي أكد إن الورم مش باين. المريضة أخدت علاج بالبروتونات (أحدث أنواع الإشعاع)، وكمان حصل تثبيت للفقرات C1 وC2 لتثبيت العمود الفقري. طيب أجمل ما في القصة واللي هنا انا بتكلم عشانه إن اللي عمل العملية دي وقائد الفريق هو دكتور  مصري الدكتور المصري المعجزة في المجال ده هو الدكتور محمد عبد السلام لبيب، جراح المخ و الأعصاب وأستاذ مساعد في كلية الطب بجامعة ميريلاند الأمريكية (UMMC).  وبرضه أحد المساعدين دكتور مصري. الحكاية دي تمثل معجزة طبية وتطور كبير في جراحات المخ والأعصاب، واتسجلت في التاريخ كواحدة من أكثر الإنجازات المهمة في  جراحات المخ والأعصاب ! THIRD NASAL APPROACH

من كام يوم العالم الطبي كله صحى على خبر يعتبر معجزة وطفرة طبية جديدة  يا ترى ايه هي؟ بتبدأ قصتنا مع شابة عندها 19 سنة اسمها كارلا فلوريس اتعرضت لورمين نادرين جدًا من نوع "الكوردوما" (Chordoma)؛ ده ورم عظمي ينمو ببطء، وأحيانًا بيضغط على الحبل الشوكي أو جذع الدماغ. أثناء العملية الصعبة ، اتفاجأوا بوجود ورم تاني ملتف حوالين العمود الفقري عند skupp base قاعدة الجمجمة — ومستحيل يتشال بالطرق التقليدية زي الرقبة أو الأنف وخلافه، لإن الطرق دي كانت حتأذي الحبل الشوكي أو الشرايين أو أعصاب مهمة لمهمة البلع والكلام. وبدأت الابتكار الجراحي: الدكتور لبيب وفريقه اخترعوا مسار جديد سموه third nostrip approach  "المنخر الثالث" – وهو عبارة عن مدخل جراحي من محجر العين (تحت الجفن، من الجنب) العملية دي كانت طويلة جدًا (حوالي 19 ساعة) واتعملت بعناية شديدة: حركوا مقلة عين المريضة جزء صغير جدًا، وفيه واقي للقرنية، وبعدين شقوا في قاع orbital floor محجر العين والفك العلوي باستخدام أدوات دقيقة ومناظير. بعدها قدروا يوصلوا للورم ويستأصلوه من غير ما يتأذوا الأعصاب أو الشرايين!!! بعد كده الفريق ما وقفش عند كده، عملوا جراحة

هو فعلا مصر أم الدنيا🤔؟ عبارة "مصر أم الدنيا" كتير مننا بيفتكر إن عبارة مصر أم الدنيا لإنها أكتر بلد يحوي جنسيات مختلفة بأقل عنصرية لكن لو جينا ندور ورا عبارة مصر أم الدنيا هنعرف حاجة مختلفة وإن أصل الكلمة بالظبط مش معروف لكن المؤرخين والعلماء كانوا بيستخدموها كدلالة علي المكانة العلمية "إنما سميت مصر بأم الدنيا لأنه لا يوجد فن من الفنون الإ وتجد مصر لها باع فيه" كلمة فن يعنى مجال علمي تعالوا نشوف مع بعض أشهر النصوص التراثية اللي مدحت مكانة مصر العلمية: 🏛️ من المؤرخين والجغرافيين: المقريزي (ت 845هـ) – في المواعظ والاعتبار:

"مصر هي معدن العلماء، ومنبع الحكماء، إليها تشدّ الرحال لطلب العلوم."

ابن خلدون (ت 808هـ) – في المقدمة:

"ومصر لهذا العهد أم البلاد، وإيوان الإسلام، ينزل بها العلم من كل أفق، ويأوي إليها طلبته من كل جانب."

الرحالة ابن بطوطة (ت 779هـ) – في رحلته

: "ومصر من أعظم بلاد الدنيا شأنًا، وأهلها على كثرتهم موصوفون بالديانة والعلم.

" 📚 من العلماء: جلال الدين السيوطي (ت 911هـ) – في حسن المحاضرة في أخبار مصر والقاه

رة: "مصر قد حازت قصب السبق في العلوم، وخرج منها الأئمة الأعلام في كل فن

ن." ابن حجر العسقلاني (ت 852هـ) – شيخ الإسلام في الحديث، كان يمدح دور مصر في نشر السنة والعلم قائلاً في إحدى رسائله: "وقد انتشر من ديار مصر علم الحديث في الآفاق." الإمام الشافعي (ت 204هـ) – عندما استقر في مصر، قال عن مصر

وأهلها: "لو لم أنزل مصر لما استقام لي أمر." (إشارة إلى مكانتها العلمية وأهلها في نصرة

مذهبه). 🌍 شهادات أخرى: الإمام الذهبي (ت 748هـ) – في تاريخ

الإسلام: "ديار مصر ما زالت عامرة بالفقهاء، مزدحمة بالعلماء، يرد إليها طلبة العلم من المشرق

والمغرب." العلامة ابن تغري بردي (ت 874هـ) – في النج

وم الزاهرة: "أهل مصر أهل علم وفقه وأدب، لهم الريادة

في كل فن." ومن المنطلق ده وفي ظلال الإحباط اللي بيحاول بعض الأطباء نشره والتشجيع علي الهجرة الدائمة وذم الاطباء المصريين والطب في مصر ومعاهدة الأساتذة الكبار ورؤية قدرهم الرفيع في العلم وتمكنهم مما يعجز عنه الخبراء الأجانب مثل استاذنا الدكتور محمد الألفي قد ألينا علي أنفسنا وأخذنا على عاتقنا تلك المسؤولية والله الموفق

طبعا لا أخفيك سرا أول أسبوع نزلت فيه الامتياز اتشكيت خمس مرات وده يدل ٦لي مدى فهمي وتطبيقي لل first role😂😂

"انت ليه بتلبس gloves?" أكتر سؤال بتسأله أو بلاحظه في عيون اللي حواليا باستمرار رهيب! طبعا لو سألت اي حد دارس في المجال الطبي او حاي الاسعافات الأولية عن ال first role هيقولك Do no harm! لكن في الواقع واللي اتعلمت من استاذنا الألفي باستمرار لفظيا وعمليا ومن د. محمود أبو الوفا First role is your safety!! تعالوا نفهم بتطبيق حي من علي أرض الواقع سماعتك وجلافظك  وخليك معايا يا دكتور😊 في إحدى ليالي البرد السقيع من شهر ٢ لعام ٢٠٢٥ في صرح سيد جلال الطبي يدخل مريض ليس كأي مريض قد تراه عيناك أو يمر عليك في حياتك بل علي الاغلب لن تراه مطلقا، مريض قعيد مبتور الأيدي والأقدام، وجهه وكأنه نسخة محاكاة لتماثيل الشمع!! لفت انتباهي مظهره الغريب اقتربت قليلا وسألت المرافقة التي كانت تدفع كرسيه المتحرك! لم أتيتم إلي هنا؟ تجيب المرأة بأنه أصبح لا يتكلم! السؤال الأكثر أهمية ورعبا لم بترت أطرافه الأربعة؟ تجيب المرأة من عند الله وفي نفسي اشتعل غضبا واكرر السؤال فتكرر الإجابة ذاتها فهل تريني ملحد أو في بلاد الكفر واني الجهل القدر يا إمرأة؟ ولكن كظمت غضبي واتصرف وفي نفسي إني لن أقرب من ذلك المريض أبدا فكيف سأتعامل مع مريض أبكم وامرأة بلهاء؟! فظللت جالسا من بعيد أرانب حتي وصل سيادة النائب طبيب مقيم المخ والأعصاب وقد ابتدء في عمل الفحص الاكلينيكي لحدود الأفعال أو ما نسميه نحن سادة الأطباء reflexes وانا لا أزال أراقب في دهشة من بعيد وعقلي يدور  "أطراف أربعة مبتورة ووجه كالشمع والآن أبكم" هذا ما يتردد في عقلي إلي أن جاء قريب رجل آخر للمريض وجاءت معه اللحظة الحاسمة حين سألته لم بترت أطرافه الأربعة؟ مم يعالج؟ وهنا يأتي الفارق الاول بين الرجال والنساء فآتتني الصاعقة اقترب مني المرافق وبصوت خافت "جذام يا دكتور" لم استوعب من هول الصدمة فكررت مرة ثانية "إيه"!! فأعادها القريب "جذام يا دكتور جذام" فسألته ثالثة وكأني قد أصابني طرش البلاهة "جذام!!!!" فأجب "أيوة" هنا اامتزجت مشاعر الخوف بالحمد والشفقة، خوف لحديث النبي صلى الله عليه وسلم "فر من الجذام كفرارك من الأسد" فقد أثبتت الدراسات العلمية مؤخرا أن من خالط الجذام فسيصاب به أو يصبح حاملا له علي اقل تقدير وتظهر الأعراض بعد ١٥ عاما!!! أم مشاعر الحمد فلإني تلقائيا ارتديت قفازي الطبي وكمّامتي دون توفيق مني وانما بكرم الله وفضله، أما الثالثة مشاعر الشفق علي هذا السيد النائب المسكين الذي أجري الفحص الطبي للمريض دون أن يتخذ الإجراءات الوقائية فقد كان عار اليدين والوجه تماما!!! وهنا ذهبت لأحذر باق الأطباء وفي قلبى غضب من تلك المرأة التي بكتمانها التاريخ المرضي تؤذي آلاف من البشر وسادة الأطباء الكرام، وهنا حمدت الله وتذكرت ما تعلمته من أستاذي السيد الموقر د الألفي و السيد الدكتور محمود أبو الوفا "First Role is your safety" ومن هنا نتوقع بحدوث أزمة قريبة بخصوص ال gloves بين ارجاء البلاد. 😊😊😊 تصبحون علي خير كتبه: دكتور عبد الرحمن راضي

تفتكروا ليه بنلبس gloves في المستشفى؟ وايه اللي هيحصل يعني لو مالبسناش؟

تفتكروا ليه بنلبس gloves في المستشفى؟ وهل هيحصل حاجة لو مالبسناش؟؟🤔

اما تشيل لدكتور ديرتي وتفتكره هيعلمك حاجة في المقابل

"الحالة دي سايكك بس مش هنخسر اما نطمن عليها" الساعة ٢ بالليل مستشفى باب الشعرية، دخل علينا شاب عربية خبطته ومش فاكر حاجة لكن الناس قالت له ان رجّع واتشنج بعد الخبطة وفقد الوعي، المريض اتقاس له العلامات الحيوية وكلها طبيعية ودرجة الوعي ومفيش اي اعراض واحنا بنعمل فحص لاحظنا ان العيان مابيقفلش عينه نفسه مش عارفين نحدده تحسه واقف تكلم العيان مايردش عليك تشوف الجلاسكو ونقرصه برضه مايردش لكن كنت حاسس انه فيه حاجة مش مظبوطة سألت العيان اللي هو اصلا قطع كلام واعتبرناه dcl فيه حاجة مزعلاك؟! فيه حد تحب نكلمه ييجي لو احتاجنا حاجة؟ طبعا من المتوقع انه مايردش لانه dcl لكن المفاجأة إن لقيت عنيه بتدمع شديت عليه الستارة وقولت له لو حاحة مزعلاك قول انا معاك لقيته قام باصص لي وقالي الدنيا جاية عليا اوي ولواحدي ماحدش هييجي ماحدش مهتم ماتسيبنيش وقعد يعيط، قولت له قوم بس كده استهدا بالله عشان اشوف بيتحرك ولا لا خليك واعي لقيته قام واتحرك وزي الفل هنا خدت قرار في نفسي إنه خلاص عيان سايكك ووارد الهستوري يكون خالقه لان مفيش اي اعراض عليه حاليا حتي لو الهستوري صحيح مش مفبرك، لكن لوهلة ما قولت طب هتخسر حاجة لو عملت ct واطمنت عليه؟! هو مش مواطن وليه حق في إنه يطمن؟! وهنا خدت قرار ان مامنعش العيان من انه يعمل ct brain حتي وانا عندي شبه يقين انها هتطلع نورمال لان العيان كلينيكال سليم جدا وهو سايكك فعلا بعدها بنص ساعة شوفت ما لم يكن في الحسبان!! تفتكروا الاشعة يطلع فيها حاجة؟! كانت مفاجأة مدوية أما لقيت contusion large m.p في ال lt hemisphere وبدء يضغط على ال rt ???? ساعتها قولت في سري الحمد لله كان زمان ذنبة في رقبتي لو روحته بعدها قعدته تحت الملاحظة لحد ما النايب ييجي وعيني عليه لقيت ابتدا يظهر عليه Upnormal changed behaviour زي ينام علي السرير وينزل راسه وكتفه من علي السرير ويربط دماغه بحزام ونظراته تحسه في عالم تاني فده محتاج يتعمله burr hole decompression تخيل كام حالة بتمر علينا ونقول سايكك وبيبقى معاها associated pathology تاني مميت لحياة المريض؟! في مرة كنت بتكلم مع سيد من سادات اخصائين المخ والأعصاب الافاضل عن التعامل مع حالات السايكك اللي جاية بشكوى نيورو رد عليا بلاش اقول سايكك ويكفي ان ال stress اللي يعمل psychic هو نفسه ممكن يدخل في htn, af, ، mi, arrythmia و stroke؟! فحذاري من كلمة سايكك اللي بقينا بنطلقها دون عمل الاجراءات والارشادات اللازمة وياما نبهنا عليه د. محمود أبو الوفا

من المُقتنيات الفاخرة جدا في هذا الزمن= الهدوء! سكينة النفس وهدوء الروح واطمئنانها أصبحت أمورًا -يراها الأغلب- لا تحصل إلا للمرفهين المترفين! تحول الاستقرار إلى أمر تكميلي لا يحصل إلا لمن استطاع إليه سبيلا! اللهم أصلح بالنا واشرح صدورنا وارزقنا نفوسا خاشعة مطمئنة

Difficult roads lead to beautiful destinations 🌼

السبب التاني ان سلوى اتعملها بالفعل رسم سير الاشارات العصبية وطلع سليم فرد استاذنا السيد الموقر دكتورنا الألفي بان دقته ٩٠% فوارد انها تبقى من ال ١٠% خصوصا ان كل الاسباب الاخرى تم استبعادها او تجربة علاجها وأثبت فشله بالتجربة بالطبع، إليك النص الموجود في الصورة مكتوبًا لتتمكن من نسخه: خصوصًا إن كل الأسباب المتبقية تم استبعادها بالفعل وإن المريضة خضعت للعلاجات الدوائية والجراحية لكل الأسباب وأثبت فشل كما سبق بتجربتها!! وبالنسبة لأن المريضة تعرضت لحادث بدني ومفيش تاريخ مرضي غيره فوارِد جدًا الله يكون سبب جديد تسبب في مضاعفات لم تكن موجودة من قبل في الطب، وبالنسبة لاعتراض سادات الطب النفسي أن البروتوكولات التشخيصية لاضطراب ما بعد الصدمة بتقول إن المتلازمة بتحصل في خلال أول ٦ شهور لا تتجاوز تلك المدة، لكن المريضة للمرض ده جالها بعد تجاوز المدة دي فدي قاعدتي إزاي؟! وييجي هنا قاعدتهم: جدًا إن أي بروتوكولات في الطب وتوصيات طبية بالرغم إنها خارجة من أكابر وسادات أطباء وجمعيات طبية عالمية، الإ إنه يمكن الخروج منها والتعديل عليها وذلك للحاصلين علي درجة استشاري فقط كما يحدث في بريطانيا لما فيه مصلحة المريض بالطبع، هنا الأهل المثقفين وبشرى الجميلة يروا الأمل والبشارة خلف ابتسامات وطمأننة أستاذنا الموقر لهم بأنه شئ بسيط وستعود أحسن مما كانت عليه، وها هو نري أستاذنا يتواصل مع التخصصات المختلفة ويتعامل فيما كنا نقرأة في الكتب ولا نراه فيما يعرف ب MULTIDICPLINARY APPROACH، كانت تلك الساعةوالنصف مع بشرى من أسرع الاوقات التي مرت عليا في حياتي رأينا فيها سرعة بديهة واستماع وتعامل جيد لرئيس وحدة الغدد الصماء لجامعة من أكبر جامعات الوطن العربي وانتهى اليوم ولكن لم ينته عقلي من التفكير أبدا كلما سمعت كلمة مرور أتاني طيف بشرى يراودني الفضول لأعلم لما وصلت إليه حتى أتاني الخبر المؤكد اليوم بأن بشري تعافت،تعافت من القئ المزمن بعد ثلاث سنوات عجاف مرت عليها ولكن الخبر الأعظم أنها عادت تقف علي قدميها مرة أخري وتمشي بعد أن كانت مجرد أمنيتها أن تتذوق الطعام مرة أخرى عادت للحياة من جديد وهنا تكمن متعة الطب وقدر السادة الأطباء الموقرين وقدر مصر وأطبائها الذين تجاوزوا الخبير الأمريكي حفظ الله مصر واطبائها وبارك في اساتذتنا وعلمنا من علمه كتبه ✍ الدكتور عبدالرحمن راضي بتاريخ ٦ أغسطس ٢٠٢٥