ሃይማኖታችንስ✞?

                       †                           [    🕊  ፍኖተ ቅዱሳን   🕊    ] [  የቅዱሳን አባቶቻችን የቅድስናና የተጋድሎ ሕይወት ] †                       †                       † [ ጽናትና በፈተናዎች መደራረብ አለመታወክ ] 🕊 [ ጠባቧና ቀጥተኛዋ መንገድ ምንድን ናት ? ] ........ አንድ ወንድም አንድን ትልቅ አረጋዊ " አባ ፣ እንደምፈልገው የሆነ አባት ባገኘሁና አብሬው በሞትኩ" አለው፡፡ አረጋዊውም ፦ "ፈጣሪዬ ! የምትፈልገው ነገር ብዙ ይጠቅምህ ይሆናል።" አለው:: ያ ወንድም ግን እያሰበው ያለው ነገር ጥሩ ነው ብሎ ራሱን ስላሳመነ የአረጋዊውን አባባል አላስተዋለም፡፡ በእውነትም ጥሩ የሆነ ነገር እየፈለግሁ ነው ብሎ ከልቡ እያሰበ መሆኑን ያ አረጋዊ ስለ ተረዳ "እንደ ሃሳብህ የሆነ ሽማግሌ ብታገኝ ከእርሱ ጋር ትሆናለህ?" አለው፡፡ ያም "አዎ ፣ እንደ ልቤ የሆነ ከሆነ" አለው። አረጋዊውም "እንዲህ ከሆነ የአረጋዊውን ፈቃድ የምትከተለው አንተ ሳትሆን ምናልባት እርሱ የአንተን ፈቃድ መከተል ይኖርበት ይሆናል ፣ ታዲያ ይህ መልካም ይመስልሃል?" አለው፡፡ በዚህ ጊዜ ያ ወንድም ተነሣና የተናገረውን ነገር ተገንዝቦ በፊቱ ወድቆ "ይቅር በለኝ ፣ ለካ ምንም ያልሆነ ነገር እያሰብሁ ሳለ እኔ ግን መልካም የሆነ ነገር እያሰብሁ እንደ ሆነ አድርጌ ራሴን እያታለልሁ ኖሯል" አለው:: 🕊 አንድ አረጋዊ ፦ " ጠባቧና ቀጥተኛዋ መንገድ ምንድን ናት ? " ተብሎ ተጠየቀ፡፡ እርሱም "ቀጥተኛዋና ጠባቧ መንገድ ይህቺ ናት ፦ ለራስ ሃሳብ አለ መታዘዝና የራስን ፍላጎት ማሸነፍ፡፡ እነሆ ሁሉንም ትተን ተከተልንህ' ማለት ይህ ነው፡፡" [ ማር.፲፥፳፰ ] የአባቶቻችን ጸሎትና በረከት ይደርብን፡፡ †                       †                        † 💖                    🕊                     💖

🕊  💖  ▬▬   †    ▬▬  💖  🕊 [ ተዋሕዶ ፍጽምት የቅዱሳን ሃይማኖት ] ▬▬▬▬▬▬   †    ▬▬▬▬▬▬    [     ክርስቶስ በሥጋ ተገለጠ !      ] 🕊 ❝ አምላካችን ክርስቶስ የነቢያት የመላእክት ፈጣሪ ሲሆን በሥጋ ተገለጠ ፤ በሰማይ በምድር ፤ ከምድር በታችም ያሉ ፍጥረታት ሁሉ ለእርሱ ይገዛሉ ፥ በሰማይ ያሉ ሊቃነ መላእክት ሥልጣናት ኃይላት ይገዙለታል ፤ የሚገዙ ለሰው አይደለም ፤ ለአምላክ ነው እንጂ። በሰማይ በምድር ከምድር በታች ያለ ፍጥረት ጉልበት ሁሉ ይሰግድለታል፡፡ እንደ እግዚአብሔር አብ ጌትነት የባሕርይ ገዥ እንደሆነ የፍጥረት አንደበት ሁሉ ያምናል፡፡ [ኢሳ.፵፭፥፳፫  ፣ ፊል.፪፥፱-፲፪ ፣ ፩ጴጥ.፫፥፳፪] እንኪያስ ፈጽሞ አይታይ የነበረ ክርስቶስ በሥጋ ተገለጠ፡፡ አምላክ እንደሆነ ተናገረ፡፡ አምላክ እንደ መሆኑ የአምላክነትን ሥራ ሁሉ ሠራ ፤ እርሱም በእውነት የእግዚአብሔር አብ የባሕርይ ልጅ ነው። አንሰ እብለክመው እያለ ለሰው ሕግን ሠራ ፥ ነፋሳትን ባሕርን ርኵሳን መናፍስትን አዘዘ፡፡ [ማቴ.፭፥፳፩–፵፯  ፣ ማር.፩፥፳–፳፰ ፤ ፬፥፴፭–፴፩] ❞ [     አቡሊዲስ     ] ወስብሐት ለእግዚአብሔር ፤ ወለወላዲቱ ድንግል ፤ ወለመስቀሉ ክቡር። አሜን። †                       †                         † 💖                    🕊                     💖

🕊 [ † እንኳን ለታላቁ ሊቅ ቅዱስ ያዕቆብ ዘሥሩግ ዓመታዊ የዕረፍት በዓል በሰላም አደረሳችሁ ፣ አደረሰን። † ] † በስመ አብ ወወልድ ወመንፈስ ቅዱስ አሐዱ አምላክ አሜን! † 🕊  † ቅዱስ ያዕቆብ ዘሥሩግ †  🕊 † በቤተ ክርስቲያን ታሪክ በደራሲነታቸው : በወንጌል አገልግሎታቸውና በቅድስናቸው ከተመሠከረላቸው ዐበይት ሊቃውንት አንዱ ቅዱስ ያዕቆብ ዘሥሩግ ነው:: ሊቁ የተወለደው መጋቢት ፳፯ [27] ቀን በ፬፻፴፫ [433] ዓ/ም ሲሆን ሃገሩ ሶርያ ነው:: ወላጆቹ ክርስቲያኖች ለዚያውም አባቱ ሊቀ ካህናት ነበር:: ቅዱስ ያዕቆብ ገና በልጅነቱ ጀምሮ ጸጋ እግዚአብሔር የጠራው ነውና በብዙ ነገሩ የተለየ ነበር:: አንድ ቀን በዕለተ ሰንበት : ገና በ ፫ [3] ዓመቱ : እናቱ አቅፋ ወደ ቤተ መቅደስ ወሰደችው:: ምዕመናን ቅዱስ ሥጋውንና ክቡር ደሙን ሲቀበሉ ሕጻኑ ያዕቆብም ይቆርብ ዘንድ ቀረበ:: ሊቀ ዻዻሱ ደሙን በዕርፈ መስቀል ሊያቀብለው ሲል መልአኩ መጥቶ "በጽዋው ጋተው" አለው:: የጌታን ደም በጽዋ ቢጠጣ ምስጢር ተገለጸለትና "አንሰ እፈርሕ ሠለስተ ግብራተ - እኔስ ፫ [3] ነገሮች ያስፈሩኛል" ሲል አሰምቶ ተናገረ:: † ዻዻሱና ሕዝቡ ወደ ሕጻኑ ያዕቆብ ቀርበው "ምን ምን?" አሉት:: እርሱም :- ፩. ነፍሴ ከሥጋየ ስትለይ:: ፪. ቅድመ እግዚአብሔር ለፍርድ ስቀርብ:: ፫. ከፈጣሪየ የፍርድ ቃል ሲወጣ" አላቸው:: ያን ጊዜ ሕዝቡና ሊቀ ዻዻሳቱ "እግዚአብሔር በዚሕ ሕጻን አድሮ ዘለፈን" እያሉ ለንስሃ በቅተዋል:: ቅዱስ ያዕቆብ ፯ [7] ዓመት ሲሞላው ይማር ብለው ወደ ጉባዔ አስገቡት:: በ፭ [5] ዓመታት ብሉይ ከሐዲስ ጠንቅቆ በ፲፪ [12] ዓመቱ ሊቅ ሆኗል:: በዚህ ወቅት የነበሩ ታላላቅ ሊቃነ ዻዻሳት ወደ እርሱ ተሰበብስበው "እንግዳ ድርሰት ድረስልን:: አዲስ ምሥጢር ንገረን" አሉት:: እርሱ ግን ሲቻለው ስለ ትሕትና "አልችልም" አላቸው:: "እንግዲያውስ ትንቢተ ሕዝቅኤልን ተርጉምልን" ቢሉት ባጭር ታጥቆ አመሥጥሮላቸው ተደስተዋል:: ፈጣሪንም አመስግነዋል:: ቅዱስ ያዕቆብ ከዚህ በኋላ ወደ ገዳም ገብቶ ትሕርምተ አበውን : ዕጸበ ገዳምን : ሕይወተ ቅዱሳንን በተግባር ተምሯል:: በድንግልናው ጸንቶ : ጾምና ጸሎትን እያዘወተረ ኑሯል:: በፈቃደ እግዚአብሔር የሥሩግ [በኤፍራጥስና ጤግሮስ ወንዞች መካከል የምትገኝ የሶርያ ግዛት ናት] ኤዺስ ቆዾስ ሆኖ ተሹሟል:: † በዘመኑም :- ፩. የ፬፻፶፩ [451] ን የኬልቄዶን ጉባኤ አውግዟል:: ፪. ብዙ መናፍቃንን ተከራክሮ ምላሽ አሳጥቷል:: ፫. በወንጌል አገልግሎት መልካም እረኝነቱን አሳይቷል:: 4፬. ዛሬ የምንገለገልበትን መጽሐፈ ቅዳሴውን ጨምሮ በርካታ መንፈሳዊ ድርሰቶችን ደርሷል:: በመጨረሻም ከብዙ የተጋድሎና የቅድስና ዓመታት በኋላ በተወለደ በ፸፪ [72] ዓመቱ በ፭፻፭ [505] ዓ/ም በዚሕች ቀን አርፏል:: አንዳንድ ምንጮች ደግሞ ሰኔ ፳፯ [27] ቀን እንዳረፈ ይናገራሉ:: ቅዱስ ያዕቆብ ዘሥሩግ ለቤተ ክርስቲያን የቁርጥ ቀን ተወዳጅ ልጇ ነውና በእጅጉ ታከብረዋለች:: † አምላከ ቅዱሳን ከታላቁ ሊቅ በረከት ይክፈለን:: 🕊 [ † ሰኔ ፯ [ 7 ] ቀን የሚከበሩ ዓመታዊ የቅዱሳን በዓላት ] ፩. ቅዱስ ያዕቆብ ዘሥሩግ ፪. ቅዱስ : ቡሩክና አሸናፊ አባ አበስኪሮን [ታላቅ ሰማዕትና ባለ ብዙ ተአምራት ነው] ፫. ፲፮ ሺህ "16,000" ሰማዕታት [በአንድ ቀን የተገደሉ] ፬. የእመቤታችን ቤተ ክርስቲያን የተከፈተበት በዓል (ከ1ሺ ዓመታት በፊት ምስር [CAIRO] ውስጥ] [ † ወርሐዊ በዓላት ] ፩. ሥሉስ ቅዱስ [ አብ ወወልድ ወመንፈስ ቅዱስ ] ፪. አባ ጊዮርጊስ ዘጋስጫ ፫. አባ ሲኖዳ [ የባሕታውያን አለቃ ] ፬. አባ ዳንኤል ዘገዳመ ሲሐት ፭. አባ ባውላ ገዳማዊ ፮. ቅዱስ አትናቴዎስ ሐዋርያዊ ፯. ቅዱስ አግናጥዮስ [ ለአንበሳ የተሰጠ ] † " ይሕንን እዘዝና አስተምር :: በቃልና በኑሮ : በፍቅርም : በእምነትም : በንጽህናም ለሚያምኑቱ ምሳሌ ሁን እንጂ ማንም ታናሽነትህን አይናቀው:: እስክመጣ ድረስ ለማንበብና ለመምከር : ለማስተማርም ተጠንቀቅ:: " † [፩ጢሞ.፬፥፲፩] (4:11) † ወስብሐት ለእግዚአብሔር † † ወለወላዲቱ ድንግል † † ወለመስቀሉ ክቡር † [ ዲ/ን ዮርዳኖስ አበበ  ]          †              †               † ▬▬▬▬▬ ▬▬▬ ▬▬▬▬▬ 💖                   🕊                    💖

አንቀፀ ብፁአን ቁጥ.22 የቀጠለ

Hello, ĢetÃbe! Thank you for visiting our Channel