Dr.Suzan El-Shaf3y...د.سوزان الشافعي
القناة الرسمية للدكتورة سوزان الشافعي Dr Suzan El-Shaf3y
نمایش بیشتر54 101
مشترکین
+1124 ساعت
+157 روز
+10230 روز
توزیع زمان ارسال
در حال بارگیری داده...
Find out who reads your channel
This graph will show you who besides your subscribers reads your channel and learn about other sources of traffic.
تجزیه و تحلیل انتشار
| پست ها | بازدید ها | به اشتراک گذاشته شده | ديناميک بازديد ها |
01 ★ رَكِّزي ★
------
- لمَّا تكوني قاعدة وسط ناس في الشُّغل مثلا و حد سأل سؤال ..
- هتلاقي ألف واحد بيجاوب 🙃😏
- اسكتي إنتِ و اركزي كده و اسمعي 🤌
- لو الإجابة طلعت اللي إنتِ كنتِ هتقوليه يبقى اتاكدتِ من اجابتك🫡..
- لو غير ما كنتِ هتقولي يبقى ربنا سترك 🫣😁
- اتعودي تتقلي و تخليكِ للآخر طالما السُّؤال مش موجه ليكِ شخصيًّا ..
- ما هو إنتِ لازم تسكتي شوية علشان تفهمي و تتعلمي ، و لازم تخرجي برة الدائرة علشان تعرفي إيه اللي بيجري جواها..
- لو أنا دخلت في الكلام وأخد و رد مش هتعلِّم أبدًا في حياتي..أنا كده باتعلِّم من النَّاس..
- في وقت هأقولك خليكِ برة الدائرة اتفرجي و اتعلمي..
- و لمَّا تتحسِّني شوية هاعلمك ازاي تدخلي الدائرة و تبتدي تتكلمي مع النَّاس..
- و بعد كده هاعلمك ازاي إنتِ اللي تحركي الدائرة ..
- ما هو انا ماقعدش اتكلِّم في أي موضوع مع أي ناس قاعدين يتكلموا في هبل🥴 أو يجيبوا في سيرة النَّاس😖
- هاعلمك ازاي تفتحي مواضيع بلباقة من غير ما يشعروا إنِّك مش عايزة تتكلمي في الموضوع ده..
- و تخلِّيهم و كأنُّهم همَّ اللي عايزين يتكلموا فيه🤩
- ده علم بس واحدة واحدة..
- و أول خطوة هى أصعب خطوة في اللسان ⬅️ و هيَّ إنِّك" تتعلمي تسكتي" طالما السُّؤال مش موجه ليكِ..
- و ده بيعالج حاجات كتير أوي فيكِ مش بس ازاي تتكلمي..
- بيعالج كمان فيكِ حُب الظُّهور ..في بنات بتحب تتكلِّم في أي حاجة من باب حُب الظُّهور..
# اتعلمي تسكتي و تتفرجي و تركِّزي علشان تفهمي و تتعلِّمي..
#دكتورة_سوزان_علمتني | 546 | 4 | Loading... |
02 Media files | 1 612 | 16 | Loading... |
03 Media files | 1 998 | 1 | Loading... |
04 Media files | 2 376 | 4 | Loading... |
05 Media files | 2 591 | 0 | Loading... |
06 "*أكل مال النَّاس "*
---------------
إيَّاكُم وأكل مال النَّاس..
*هو إزاي ممكن حد ياكل مال حد؟
-ممكن مثلاً أخ ياكل على إخواته الميراث..
عَم يحرم بنات أخوه الأيتام مِن ميراثهم..
اشتريت حاجات من السُّوبر ماركت وبعدين الكاشير بيحطلي الحاجات في الكيس فحط بالغلط حاجة زيادة وأنا روحت البيت واكتشفتها ومارجعتهاش للسُّوبر ماركت..
في واحدة مرة حكيتلي إن لمَّا والدها تُوفِّي، أخوها خلَّاها هي وأختها يمضوا على ورق تنازل عن ميراثهم وفهِّمهم إنُّه حاجة تانية وهما وثقوا فيه ومضوا من غير مايقرأوا بيمضوا على إيه..
واكتشفوا الكلام ده بعدها، وطالبوه بميراثهم ورفض يرجَّعوا لهم؛ وطبعاً بالورق اللي هما ماضيين عليه هو متأمِّن قانونًا..
الأخ ده بعد كام سنة جاله مرض نفسي وربَّى دقنه وقال أنا المهدي ودخل المستشفى..
هو ظلم أخواته وأكل فلوسهم..
والظُّلم عقوبته بتبقى في الدُّنيا والآخرة..
قال رسُول اللَّه -صلَّى اللَّه عليه وسلَّم- "كُلُّ الذُّنُوب يُؤَخِرُ اللَّهُ مِنْهَا مَا شَاءَ إلَى يَومِ القِيَّامَةِ إلَّا البَغيَ وعُقُوقَ الوَالدَينِ ، أَو قَطِيعَةَ الرَّحِمِ ، يُعَجِّلُ لصَاحِبِها فِي الدُّنيَا قَبلَ المَوتِ"
(البَغْي= الظُّلم والتعَدِّي على حقوق الآخرين)..
فأكل أموال النَّاس خطيرة..
ربنا يكفينا بحلاله عن حرامه ويغنينا بفضله عمن سواه..
#دكتورة_سوزان_علمتني | 3 208 | 7 | Loading... |
07 Media files | 2 935 | 2 | Loading... |
08 Media files | 3 189 | 0 | Loading... |
09 *"حاجات صغيرة"*
----------------
في عندنا شوية حاجات دَارجة في كلامنا عايزين نغيَّرها..
١. لمَّا بتلاقي حد مش شاطر في حاجة أو في حاجة مش عارفها خالص، ده بنقول عليه إيه؟
بنقول مِيح أو مَاحي..
دي مِيح في الكيمياء، ده مَاحي في الشَّوارع..
مع إن كلمة مَاحي دي معناها إيه؟
المَاحي اسم من أسماء رسُول اللَّه -صلَّى اللَّه عليه وسلَّم- لإن اللَّه -عزَّ وجَلَّ- محَى به ظُلُمات الكفر.
قال رسُول اللَّه -صلَّى اللَّه عليه وسلَّم: "لِي خَمْسَةُ أَسْمَاء: أَنَا مُحَمَّد، وَأَحْمَد، وَأَنَا المَاحِي الَّذِي يَمْحُو اللَّهُ بِي الكُفْرَ، وَأَنَا الحَاشِر الَّذِي يُحْشَرُ النَّاسُ عَلَى قَدَمِي، وَأَنَا العَاقِب" (رواه البخاري).
٢. الشِّبشِب اللي بصباع، مش في ناس بتقول عليه شبشب "زنُّوبة"؟!!
طيب وزنُّوبة ده مش دلع زينب..
واسم زينب عندنا كمُسلمين اسم مهم وقدره عالٍ قد إيه!!!
٣. الشِّبشب اللي وشه عريض، في ناس بتقول عليه "خَدُّوجة"، اللي هو دلع خديجة، والاسم ده عزيز علينا قد إيه!!
ينفع بقى نقول اسم زينب وخديجة على حاجات بنلبسها في رجلنا..
أرجوكم خلوا بالكم من الحاجات الصُّغيرة دي لإنُّه رغم إنَّها تبان صغيرة لكنَّها مقصودة..
مقصود إنَّها تفرقع وسط المسلمين، إهانة لناس مُعينة..
وإحنا كمسلمين لازم نصحصح كده ومانقبلش الكلام ده..
#دكتورة_سوزان_علمتني | 3 527 | 3 | Loading... |
10 فيه حاجات صغيرة بتتقال من غير قصد بس ييبقى ليها أغراض آخرى عشان تقدح في الإسلام | 3 570 | 0 | Loading... |
11 Media files | 3 672 | 4 | Loading... |
12 Media files | 3 736 | 0 | Loading... |
13 *"العريس شكله مُتدين"*
---------------------
*لمَّا يجيلك عريس، تعرفي إزاي إنُّه مُتدين؟
-يبقى بيصلِّي..
*معلش -أنا آسفة- ده تفكير غبي..
-إزاي؟
*مش كتير تقابلي واحد بيصلِّي لكن بيشتم!! واحدة مُنتقبة بس بتكذب!!
واحد بيقوم الليل بس غشَّاش!!
الدِّين عبارة عن عبادات ومُعاملات..
عبادات زي الصَّلاة، والصِّيام، والزَّكاة… إلخ
مُعاملات يعني أخلاقيات، يعني أمانة، يعني مش بيخلف الوعد، مش بيكذب، لمَّا بيدِّي ميعاد مش بيتأخَّر عنه…إلخ
في ناس مواعيدها مظبوطة ومابتكذبش بس مش بتصلِّي..
وفي ناس بتصلِّي الخمس فرائض في المسجد وبتغش وتكذب..
العملية مش باللبس والهيئة واحنا للأسف بنقيِّم بس باللبس والذَّقن والحجاب والنِّقاب..
فلانة أحسن عشان لابسة نقاب مش حجاب عادي..
فلان أحسن علشان مربِّي ذقنه وفلان لأ..
فلانة أحسن علشان لابسة الإيشارب كويس ومش رابطاه سپانش..
قال رسُول اللَّه -صلَّى اللَّه عليه وسلَّم- : -"إنَّمَا بُعِثْتُ لأُتمِّمَ مَكَارِمَ الأَخْلَاق."
ماقلش -صلَّى اللَّه عليه وسلَّم- لأُقيم الصَّلاة ولا قال لأفرض الحجاب، لأ قال -صلَّى اللَّه عليه وسلَّم- :- "لأُتَمِّمَ مَكَارِمَ الأَخْلَاق"..
وبالتَّالي في حياتك بصفة عامة، إزاي تُحكمي على شخص عنده دين ولَّا لأ؟
مش بشكله ولا بلبسه… "بأخلاقه"..
"إنَّ اللَّهَ لَا يَنْظُرُ إلَي صُوَرِكُم وَلَا أَجْسَادِكُم وَلَكِن يَنْظُرُ إلَى قُلُوبِكُم"
طيب وأنا إزاي أشوف قلب اللي أُدَّامي؟
بُصِّي على أخلاقه..
بتعاملي جوزك إزاي؟
اللي بيغلط فيكِ بتعامليه إزاي؟
مع اللي إداكِّ ثقة واستأمنك، عملتِ إيه؟
العريس اللي متقدم ده، لمَّا بيدِّيكِ ميعاد بييجي فيه ولَّا لأ؟ بيتكلم عن مامته إزاي؟ بيكذب ولَّا لأ؟ بيشتم؟ بيقعد أُدَّام باباكِ حاطط رِجل على رِجل؟!
طيب إنتِ شايفها بتتعامل مع أهلها إزاي؟
بتقعد إزاي؟ بتضحك إزاي؟
علشان ماتجوش تعيطوا بعد كده؛ وتقولي أصْلِي أخدت المُتدين ولا أخدت المتدينة!!
كلنا عارفين دلوقتي إن الأزمة أزمة أخلاق..
وعلشان يبقى الكلام واضح..
أنا مش بقول الصَّلاة مش مهمة ولا الصِّيام مش مهم ولا النِّقاب مش لازم..
أنا ماقلتش كده..
ربنا بيقول: - "إنَّ الصَّلَاةَ تَنْهِي عَنِ الفَحْشَاءِ والمُنْكَر"
فإذا الصَّلاة ماظبطتش أخلاقك يبقى في حاجة غلط.. يبقى صلاتك مش خالصة لوجه اللَّه.. يبقى مش بتخشعي في الصَّلاة.. يبقى في حاجة غلط في صلاتك..
فالرِّياء والخشوع والكلام ده ماتقدريش تعرفيه في اللي أُدَّامك..
لكن تقدري تعرفي انعكاس صلاته وعلاقته بربنا على أخلاقه ومُعاملاته.. وساعتها تقدري تعرفي ده مُتديِّن فعلاً ولَّا لأ..
#دكتورة_سوزان_علمتني | 4 368 | 27 | Loading... |
14 لما عريس بيتقدم لك تلاقي الناس تقولك ده متدين .. يعني إيه متدين بالضبط؟ وإزاي تعرفي تفرقي إذا كان متدين فعلا ولا مجرد مسلم في البطاقة | 4 076 | 7 | Loading... |
15 Media files | 4 369 | 40 | Loading... |
16 Media files | 4 527 | 1 | Loading... |
17 ★ قسوة قلبك ★
-----------
- مرة واحد راح لرسُول اللَّهﷺ يشتكي مِن قسوة قلبه ..
- يعني إيه قسوة القلب؟
- يعني تلاقي نفسك مش عاجبك حالك..اشمعنى أنا اللي حصل معايا كده😏..مش فارق معاكِ حاجة و لا حد، و لو سمعتي عن حد جراله حاجة وحشة تقولي:- " ما هو أصله يستاهل " 🤨
- و دى حالة بتمر علينا كلنا ...ساعات تجيلنا نوبات مِن قسوة القلب دي 😔
- تفتكري رسُول اللَّهﷺ نصحه و قال له إيه ؟!
- يا ترى قال له:- صلي ..صوم.. اقرأ قرآن.." لا " ...تفتكري قال له إيه ؟
- قال له : -" أطعم مسكينًا و امسح على رأس يتيم " 🤩..🤍🤍
- مش لازم إنتِ بقى علشان تعالجي قسوة قلبك تروحي تدوري على ملجأ أيتام علشان تقابلي يتيما..🫣
- ما فيش عيلة مافيهاش يتيم ..حد مِن قرايبك ..مِن جيرانك..
- لو جايين يزوروكم إكرميهم أوى..ازاي ؟
- ترحبي بيها أوي..تاخديها على حجرك و تقوليلها:-
- أهلا..أهلا إيه الفستان الحلو ده؟ ..إنتِ في سنة كام ؟..تعالي نجيب بونبوني..أو عندي قلم حلو أوي ليكِ" ..
- تميِّزيها عن الكل و تكرميها بزيادة..🥰
- # أكرميها بنية إن ربنا يحنن قلبك ❤️❤️
#دكتورة_سوزان_علمتني | 5 144 | 13 | Loading... |
18 Media files | 4 549 | 6 | Loading... |
19 Media files | 4 780 | 0 | Loading... |
20 ★ ماما هتعملك إيه ؟ ★
-----------------
- يبدأ موسم الامتحانات و نبتدي الشَّكوى لماما 😭
- ماما..أنا مش مذاكرة الMath..ماما أنا مش فاهمة حاجة🫣
- ماما :- "طيب يا حبيبي معلش استهدى باللَّه كده و حاول تذاكر ..طيب ناخد درس يساعدك أو..أو🤍"
- هى ماما هتعملك إيه ؟ ما تمسك الكتاب و تذاكر 🤨
- أو تيجي قبل الامتحان على طول و تقوليلها: - "ماما ..أنا "الجراحة" دي مش هعدِّي منها أنا باقولك أهو..ربنا يُستر" 😒
- ليه كده 😒 ليه تفضحي نفسك ؟!! و هيَّ ماما هتعملك إيه ؟
- - أصلي باجهِّزها ..بتجهِّزيها لإيه ؟؟
- باجهِّزها علشان لمَّا أسقط 😏
- ليه هو إنتِ فاكرة إن ماما هتقولك:-" معلش طولي بالك و حاولي تذاكري و ربنا يكرم "..و بعدين هتدخل هيَّ تنام ..تفتكري هتعرف تنام 🙃‼️
- دي ربنا يعلم بيها😌 إنتِ مش عارفة إنتِ بتعملي فيها إيه 😔..
#دكتورة_سوزان_علمتني | 5 402 | 10 | Loading... |
21 Media files | 4 277 | 6 | Loading... |
22 Media files | 4 149 | 2 | Loading... |
23 Media files | 1 | 0 | Loading... |
24 ملكيش دعوة
--------------
*إيه هو فضول الكلام؟
-فضول يعني زيادة (يعني مثلاً بنقول فاضل شوية أكل من امبارح).. ففضول الكلام يعني الكلام الزِّيادة..
*طيب أعرف إزاي فضول الكلام؟
-أي سؤال إجابته "وأنتِ مالك" ما تسألهوش..
مثال:
•"مُنى اتخطبت"
"ألف مبروك، لمين؟"⬅️ وأنتِ مالك..
•"فلانة اتخطبت لابن خالها"
"ما شاء اللَّه، عنده شقة؟"⬅️ وأنتِ مالك.
مافيش عندنا حاجة في الدِّين اسمها: من باب العلم بالشّيء ❌❌
•"مش هُدى عملت عملية!!"
"عملية إيه؟" ⬅️أنتِ مالك
يعني لو طلعت عملية زايدة هتزوريها ولو عملية مرارة مش هتزوريها مثلاً..
•عملتِ التَّحاليل؟
آه.
طلعت إيه؟ ⬅️ إنتِ مالك..
واخدين بالكم إن ٨٩٪ من كلامنا فضول كلام!!!!!!
•"الحمد للَّه اشتغلت شغل حلو أوي"
"ألف مبروك.. بتقبضي كام؟"⬅️وأنتِ مالك..
ما هي صاحبتي الأنتيم..
ده مايدِّيكيش الحق إنِّك تسأليها..
ولو إنتِ مكانها وسألتك يبقى ماتجاوبيش..
#فضول_الكلام.
#دكتورة_سوزان_علمتني | 5 222 | 13 | Loading... |
25 فيه كلام زيادة بيتقال أو بيتسأل ملهوش لازمة وبيخللي اللي قدامك يتضايق أو يضطر يكدب عشان يعرف يرد على الكلام ده | 4 635 | 7 | Loading... |
26 Media files | 4 996 | 1 | Loading... |
27 التربية مش إني اودي المدرسة والتمارين وأكل وشرب بس .. لازم تتكلموا مع أولادكم
فرصة تتكلموا مع ولادكم علي السفرة (اثناء الاكل).
الكلام علي الأكل من السنة علشان تدي فرصة للأكل إنه يتهضم.
ولادك هيعرفوا آداب الطعام إزاي من غير ما تعلميهم علي السفرة؟
يتعلم ياكل من قدامه (مش ينقي)
يتعلم لو أكل مش عاجبه ميقولش خصوصا في العزومات
يتعلم لو عايز حاجة يطلب منك إنتي (مش من صاحب البيت)
يتعلم ميبتديش أكل غير لما الكبير أو صاحب البيت يبدأ الأكل
يتعلم إن منقومش من على السفرة غير لما الضيف يقوم (حتى لو خلصنا اكل)
ولو عندك عزومة خليهم يساعدوكي …
أنت عليك المية، وأنت تلم الاطباق اليمين
وأنت تلم الأطباق الشمال وأنت عليك العصير
منها يساعدوكي ومنها يحسوا بالمسؤلية
#دكتورة_سوزان_علمتني | 5 410 | 16 | Loading... |
28 ★ شَم النّسيم ★
-----------
- ما حكم الاحتفال "بشمِّ النّسيم" ؟
- لمَّا يكون السُّؤال هو:-
- " ما الحكم؟ " تبقى النَّاس المُتعلمة لازم ترد بإجابة من الآتي :-
- ١- يجوز . ٢- لا يجوز . ٣- مسألة خلافية.
- و كلمة "احتفال" معناها ⬅️ إظهار الفرحة و السُّرور لحدوث نعمة .
- احتفال "شمِّ النّسيم " مثل الاحتفال ب ﴿ عيد الأم..عيد الثَّورة..المولد النَّبوي..الخ ﴾ و هو عادة من عادات المصريين و له علاقة بالنِّيل وحصاد الزرع ..يعني مش عيد للمسيحيين..
- طيب هل ينفع احتفال المسلمين بأى مناسبة ؟ دي فيها اختلاف. (مسألة خلافية )..
- الرَّأي (١)
- يرى ⬅️ ﴿ لا يجوز الاحتفال إلَّا بالعيدين ( الفِطر و الأضحى )﴾..
- الرَّأي(٢)
- ⬅️ ﴿ يجوز الاحتفال بأي مناسبة و لكن بشرطين هما :-
- ١- أن تكون " طريقة الاحتفال " تُوافق الشَّريعة..
- ٢- " سبب الاحتفال " يُوافق الشَّريعة .. ﴾
-
- يعني مثلًا لو عملنا عيد نسميه عيد البرتقال ناكل برتقال و نلبس لون برتقالي 🍊...هل في حاجة في ده لا توافق الشَّريعة ؟ لا..
- سبب الاحتفال هنا "البرتقال " و البرتقال مش حرام و طريقة الاحتفال كمان مافيهاش حاجة حرام ..
# يُوافق الشَّريعة مش معناه إن الرَّسُول أو السَّلف فعله أو لأ..
- و احنا اتعلِّمنا قبل كده أن في المسائل الخلافية " الكل صح ".
- يعني لو حد أخذ بالرَّأي الأول بأنَّه"لا يجوز " ⬅️ صح..و لو أخذ بالرَّأي الثَّاني أنَّه "يجوز" ⬅️صح..
- الغلط هو إنَّك تغلط واحد منهم..
- طيب إنتِ تعملي إيه ؟ تعملي "الأحوط"..
- الأحوط هنا إنِّك تُوافقي المجتمع اللي إنتِ فيه ⬅️ " درءًا للخلاف "..
#دكتورة_سوزان_علمتني | 5 236 | 11 | Loading... |
29 إيه هو حكم الاحتفال بشم النسيم في الإسلام؟ هل زيه زي الاحتفالات التانية؟ ولا حرام الاحتفال به؟ | 4 883 | 0 | Loading... |
30 Media files | 5 159 | 10 | Loading... |
31 Media files | 5 308 | 0 | Loading... |
32 بيقول مَاشي
-----------
كُنَّا في المسجد، عندنا دروس للأطفال (تحفيظ قرآن وفقه وآداب مُعاملات وسيرة على قد سِنُّهُم) وكان كل فترة كده، كنوع من أنواع التَّشجيع على المُواظبة على درس المسجد، كُنَّا بنوزَّع على الولاد حاجات حلوة (مرة عصير، مرة شيكولاتة، مرة أيس كريم.. وهكذا....).
وكنت بقف جنب المُدرِّسة اللي بتوزَّع على الولاد..
-في ولاد بياخدوا الحاجة ويقولوا شكرًا ✅
-في ولاد بياخدوا ومش بيقولوا حاجة ❌
-في ولاد بياخدوا ويقولوا للمُدرِّسة بابتسامة كده "مَاشي 😄" ❌
دُورِي بقى كان مع اللي مش بيقولوا حاجة واللي بيقولوا مَاشي ⬅️ كنت أقولهم:- "قُول شُكرًا"..
ودي حاجة لازم الآباء والأمهات ياخدوا بالهم منها مع ولادهم..
وعلى فكرة الموضوع ده ملهوش دعوة بالغِنى والفقر..
ممكن تلاقي ولد باباه أستاذ في الجامعة ومامته دكتورة لكن للأسف مش متربِّي..
والعكس صحيح..
عن أبي هُريرة -رضي اللَّه عنه-عن رسُول اللَّه -صلَّى اللَّه عليه وسلَّم- "لَا يَشْكُرُ اللَّهَ مَنْ لَا يَشْكُرُ النَّاسَ"
#شُكرًا.
#دكتورة_سوزان_علمتني | 5 542 | 1 | Loading... |
33 Media files | 4 764 | 9 | Loading... |
34 Media files | 4 661 | 0 | Loading... |
35 بالرَّاحة على جوزك
----------------
مهم أوي إن المُقْدِمين على الجواز يتعلموا "فقه الزَّواج"..
من ضمن الحاجات اللي لازم أي زوجة تتعلِّمها إن لازم تعيشي على قد إمكانيات جوزك..
طالما رضيتِ بيه وبإمكانياته وبظروفه يبقى تكيِّفي نفسك على قد الإمكانيات والظُّروف دي..
وحتَّى لو لا قدَّر اللَّه مَرَرْتم بضائقة مالية، برضه ظبطِّي حياتك على قد الموجود وقفي جنبه وشجَّعيه "معلش يا حبيبي، ولا يجري حاجة.. ربنا هيفرجها بإذن اللَّه..
إحنا كويسين أهه الحمد للَّه.."
فلازم تتعلِّمي إزاي تقفي جنب خطيبك أو جوزك وجنب أخوكِ..
اوعي تجرحي كرامته ولا تقلِّلي منه قدام ولادكم وحسِّسيه دايمًا إنُّه له القَوامة..
لكن ماتحسِّسهوش إنَّه مُقصِّر وتقعدي تقوليله:- "دي عيشة دي!!"، "شوفلك عقد"، "يلَّا نهاجر"..
وشوفنا ناس عملوا كده مع أزواجهم وهاجروا فعلاً وبيبكوا دلوقتي بدل الدموع دم..
ربنا ما يُوَرِّي حد الغُربة..
الجنَّة من غير ناس ماتنداس..
ومهما وصلتِ في البلد اللي إنتِ رايحالها، هتفضلي -مهما حصل- مواطن درجة تانية..
#فقه_الزَّواج.
#دكتورة_سوزان_علمتني | 5 714 | 20 | Loading... |
36 دايما بشوف بنات وستات بيضغطوا على أجوازهم وكلامهم كله انت مقصر ودي مش عيشة | 4 400 | 0 | Loading... |
37 Media files | 4 694 | 10 | Loading... |
38 منصات عرض تسجيلات الدكتورة سوزان:
الفيسبوك:
https://www.facebook.com/suzan.shaf3y?mibextid=ZbWKwL
اليوتيوب:
https://youtube.com/@drsuzanshaf3y?si=144Mx3r5daLGGzvZ
التيلجرام:
https://t.me/DrSuzanElShaf3y_OfficialChannel
الانستجرام:
https://www.instagram.com/invites/contact/?i=10lz4vpotr9qb&utm_content=lb19h9x
التيك توك:
https://www.tiktok.com/@drsuzanelshaf3y?_t=8lu8JjawUOk&_r=1 | 5 090 | 3 | Loading... |
39 ★ مش عاوزة تقول ★
---------------
- في ناس بيعرفوا يعرَّضوا كويس قوي.
- يعني إيه "يعرَّضُوا" ؟
- "التَّعريض" = يعني" التَّورية و هو عكس التَّصريح" ..
- ⬅️ يعني حد يقول لك كلام بحيث إنِّك ( السَّامع) ما يفهمش قصده الحقيقي..🤔
- مثلًا...واحدة بتتكلم مع قريبتها..
-- ها يا مرات عمِّي أخدتوا الأرض ؟
-- يا دي الأرض و سنين الأرض و اللي عاوز الأرض 🤬 تشربي إيه ؟
- جابت الشَّاى 🙃
-- أيوة يعني عملتوا إيه اشتريتوا الأرض؟؟
-- هو مافيش ورانا غير الأرض كله بيسأل عليها أي أرض دي ما هو في ٥٠ أرض..أي أرض اللي شاغلة النَّاس دي.. هو احنا هنخبِّي ليه 😊مش إنتِ دكتورة ما تشوفي حل للضغط اللي عند عمك ده !
-- أيوة يعني اشتريتوا الأرض ؟🤪
-- برضو هترجعي تقوليلي الأرض 🫣
- افهمي بقى هى مش عايزة تقول ..خلاص هى حرة ..حقها ما تقولش حاجة مش عاوزة تقولها..و ده لا يعيبها..يمكن بتخاف من الحسد مثلًا.
- و تخرج البعيدة من عندها كمان تغتابها و تقولك:- " دى مرات عمِّي دي لئيمة" 😡
- إنتِ مالك اشتروا ولَّا لا..هىَّ مش عاوزة تقولك..🤨
- لكن البعيدة هىَّ اللي غبية و مُصرَّة تعرف 😒
#دكتورة_سوزان_علمتني | 5 093 | 5 | Loading... |
40 Media files | 4 857 | 5 | Loading... |
★ رَكِّزي ★
------
- لمَّا تكوني قاعدة وسط ناس في الشُّغل مثلا و حد سأل سؤال ..
- هتلاقي ألف واحد بيجاوب 🙃😏
- اسكتي إنتِ و اركزي كده و اسمعي 🤌
- لو الإجابة طلعت اللي إنتِ كنتِ هتقوليه يبقى اتاكدتِ من اجابتك🫡..
- لو غير ما كنتِ هتقولي يبقى ربنا سترك 🫣😁
- اتعودي تتقلي و تخليكِ للآخر طالما السُّؤال مش موجه ليكِ شخصيًّا ..
- ما هو إنتِ لازم تسكتي شوية علشان تفهمي و تتعلمي ، و لازم تخرجي برة الدائرة علشان تعرفي إيه اللي بيجري جواها..
- لو أنا دخلت في الكلام وأخد و رد مش هتعلِّم أبدًا في حياتي..أنا كده باتعلِّم من النَّاس..
- في وقت هأقولك خليكِ برة الدائرة اتفرجي و اتعلمي..
- و لمَّا تتحسِّني شوية هاعلمك ازاي تدخلي الدائرة و تبتدي تتكلمي مع النَّاس..
- و بعد كده هاعلمك ازاي إنتِ اللي تحركي الدائرة ..
- ما هو انا ماقعدش اتكلِّم في أي موضوع مع أي ناس قاعدين يتكلموا في هبل🥴 أو يجيبوا في سيرة النَّاس😖
- هاعلمك ازاي تفتحي مواضيع بلباقة من غير ما يشعروا إنِّك مش عايزة تتكلمي في الموضوع ده..
- و تخلِّيهم و كأنُّهم همَّ اللي عايزين يتكلموا فيه🤩
- ده علم بس واحدة واحدة..
- و أول خطوة هى أصعب خطوة في اللسان ⬅️ و هيَّ إنِّك" تتعلمي تسكتي" طالما السُّؤال مش موجه ليكِ..
- و ده بيعالج حاجات كتير أوي فيكِ مش بس ازاي تتكلمي..
- بيعالج كمان فيكِ حُب الظُّهور ..في بنات بتحب تتكلِّم في أي حاجة من باب حُب الظُّهور..
# اتعلمي تسكتي و تتفرجي و تركِّزي علشان تفهمي و تتعلِّمي..
#دكتورة_سوزان_علمتني
"*أكل مال النَّاس "*
---------------
إيَّاكُم وأكل مال النَّاس..
*هو إزاي ممكن حد ياكل مال حد؟
-ممكن مثلاً أخ ياكل على إخواته الميراث..
عَم يحرم بنات أخوه الأيتام مِن ميراثهم..
اشتريت حاجات من السُّوبر ماركت وبعدين الكاشير بيحطلي الحاجات في الكيس فحط بالغلط حاجة زيادة وأنا روحت البيت واكتشفتها ومارجعتهاش للسُّوبر ماركت..
في واحدة مرة حكيتلي إن لمَّا والدها تُوفِّي، أخوها خلَّاها هي وأختها يمضوا على ورق تنازل عن ميراثهم وفهِّمهم إنُّه حاجة تانية وهما وثقوا فيه ومضوا من غير مايقرأوا بيمضوا على إيه..
واكتشفوا الكلام ده بعدها، وطالبوه بميراثهم ورفض يرجَّعوا لهم؛ وطبعاً بالورق اللي هما ماضيين عليه هو متأمِّن قانونًا..
الأخ ده بعد كام سنة جاله مرض نفسي وربَّى دقنه وقال أنا المهدي ودخل المستشفى..
هو ظلم أخواته وأكل فلوسهم..
والظُّلم عقوبته بتبقى في الدُّنيا والآخرة..
قال رسُول اللَّه -صلَّى اللَّه عليه وسلَّم- "كُلُّ الذُّنُوب يُؤَخِرُ اللَّهُ مِنْهَا مَا شَاءَ إلَى يَومِ القِيَّامَةِ إلَّا البَغيَ وعُقُوقَ الوَالدَينِ ، أَو قَطِيعَةَ الرَّحِمِ ، يُعَجِّلُ لصَاحِبِها فِي الدُّنيَا قَبلَ المَوتِ"
(البَغْي= الظُّلم والتعَدِّي على حقوق الآخرين)..
فأكل أموال النَّاس خطيرة..
ربنا يكفينا بحلاله عن حرامه ويغنينا بفضله عمن سواه..
#دكتورة_سوزان_علمتني
*"حاجات صغيرة"*
----------------
في عندنا شوية حاجات دَارجة في كلامنا عايزين نغيَّرها..
١. لمَّا بتلاقي حد مش شاطر في حاجة أو في حاجة مش عارفها خالص، ده بنقول عليه إيه؟
بنقول مِيح أو مَاحي..
دي مِيح في الكيمياء، ده مَاحي في الشَّوارع..
مع إن كلمة مَاحي دي معناها إيه؟
المَاحي اسم من أسماء رسُول اللَّه -صلَّى اللَّه عليه وسلَّم- لإن اللَّه -عزَّ وجَلَّ- محَى به ظُلُمات الكفر.
قال رسُول اللَّه -صلَّى اللَّه عليه وسلَّم: "لِي خَمْسَةُ أَسْمَاء: أَنَا مُحَمَّد، وَأَحْمَد، وَأَنَا المَاحِي الَّذِي يَمْحُو اللَّهُ بِي الكُفْرَ، وَأَنَا الحَاشِر الَّذِي يُحْشَرُ النَّاسُ عَلَى قَدَمِي، وَأَنَا العَاقِب" (رواه البخاري).
٢. الشِّبشِب اللي بصباع، مش في ناس بتقول عليه شبشب "زنُّوبة"؟!!
طيب وزنُّوبة ده مش دلع زينب..
واسم زينب عندنا كمُسلمين اسم مهم وقدره عالٍ قد إيه!!!
٣. الشِّبشب اللي وشه عريض، في ناس بتقول عليه "خَدُّوجة"، اللي هو دلع خديجة، والاسم ده عزيز علينا قد إيه!!
ينفع بقى نقول اسم زينب وخديجة على حاجات بنلبسها في رجلنا..
أرجوكم خلوا بالكم من الحاجات الصُّغيرة دي لإنُّه رغم إنَّها تبان صغيرة لكنَّها مقصودة..
مقصود إنَّها تفرقع وسط المسلمين، إهانة لناس مُعينة..
وإحنا كمسلمين لازم نصحصح كده ومانقبلش الكلام ده..
#دكتورة_سوزان_علمتني
فيه حاجات صغيرة بتتقال من غير قصد بس ييبقى ليها أغراض آخرى عشان تقدح في الإسلام