BAXT NURLARI 🌔

📌 Gohida esa biz biror narsani bilmay turib, ʼʼmen shunaqamanʼʼ, ʼʼqo‘limdan kelmaydiʼʼ, ʼʼhayotimda doim shunday bo‘lganʼʼ, deb qo‘ya qolamiz. Vaholanki, bilmagan narsamizni o‘rganish mumkin. Qur’oni Karimdagi ilk vahiyga e’tibor bering: ʼʼIqro’!ʼʼ — ʼʼO‘qi!ʼʼ. Alloh Taolo Payg‘ambarimiz rosululoh sollalohu alayhi vasallamga ilk bor nozil qilgan oyatlarda O‘QISHga, ilmga, bilishga e’tibor qaratdi. Bu aslida biz musulmonlar uchun juda katta ishora. Demak, musulmon insonning yo‘li ham ʼʼbilmaymanʼʼ degan joyida to‘xtab qolish emas, ʼʼo‘rganamanʼʼ degan joyidan boshlanadi. ✅ Farzandingizni tushunmayapsizmi — tarbiya ilmini o‘rganing. ✅ Pul yetishmayaptimi — moliyaviy savodxonlikni o‘rganing. ✅ Oilada muammo bormi — muomala va munosabat ilmini o‘rganing. ✅ Kasbingizda o‘smoqchimisiz — shu sohaning ilmini o‘rganing. ✅ Qalbingiz bezovtami — diningizni, Qur’onni, sunnatni CHUQURROQ o‘rganing. Chunki har bir natijaning ortida bir bilim bor. 💯 Bugun bilmayotgan narsangiz uchun o‘zingizni ayblamang. Lekin uni bilmasdan qolib ketishga ham rozi bo‘lmang. Bir kitob... Bir ustoz... Bir dars... Bir foydali suhbat.. Bir oyat ustida tafakkur… Inson hayotini o‘zgartirish uchun juda katta imkoniyat emas, to‘g‘ri bilimning o‘zi kifoya. Shuning uchun o‘zimni ham bir umrlik toliba deyman. Chunki, ilm izlash — faqat maktab yoki universitet yillarining ishi emas. Ilm izlash — butun umr davom etadigan yo‘l, sayohatdir.