ШЕРЗОД КОМИЛ ШЕЪРЛАРИ

#янгисидан #ТАҚДИР Ким яшнайди, кимдир сўлади, Кимнинг дили ғамга тўлади. Бу дунёда бандасинингмас, Худонинг айтгани бўлади. Юзинг буриб мендан қочма дўст, Душманимга қучоқ очма дўст. Йўлларимга тикан сочма дўст, Худонинг айтгани бўлади. Ўлади деб қилибсан суҳбат, Қалаштириб иғво-ю туҳмат. Сенгами ё менгами навбат, Худонинг айтгани бўлади. Йиқилганда қувонганларим, Қилиб бутун кўнглимни ярим. Ташвишимдан қувонма ғаним, Худонинг айтгани бўлади. Бахт пойига борим тўшайман, Севиниб довонлар ошайман. Ҳамиша севиниб яшайман, Худонинг айтгани бўлади. © ШЕРЗОД КОМИЛ Телеграм каналимизга уланиш ҳаволаси https://telegram.me/Sherzod_Komil

#Ачинма Кунинг хароб, тунинг бедор, эй кўнгил, Топганинг дард, ранжу-озор, эй кўнгил. Сенга битта илтимос бор, эй кўнгил, Сендан кечиб кетганларга ачинма! Сохта дўстлар кулса кўриб, ҳолингни, Олгувчи бир топилмаса ёнингни. Маънисиз деб атамагин онингни, Сендан кечиб кетганларга ачинма! Кўзларингга бу кенг дунё бўлса тор, Ташлаб кетса, сени агар севар ёр. Хорлаганни ўзи бир кун бўлар хор, Сендан кечиб кетганларга ачинма! Ҳеч бир инсон эмас бенасиб бахтдан, Кулиб яша, кунинг ўтсин зўр шахтдан. Тўкилади қуриган барг дарахтдан, Сендан кечиб кетганларга ачинма.. © Шерзод Комил. Телеграм каналимизга уланиш ҳаволаси https://telegram.me/Sherzod_Komil

#Етим_бола_ноласи... Йўл қарайман кутавераман, Айтинг қачон келасиз Она. Ғам аламлар ютавераман, Айтинг қачон келасиз Ота. Кўзларимни ёшлаб кетдингиз, Нечун мени ташлаб кетдингиз? Фарёд чексам титрайди осмон, Наҳот сизга етмайди нолам?! Мендан кечиш бўлдими осон? Келмайсиз ҳеч бор дея болам.. Юрак бағрим ғашлаб кетдингиз, Нечун мени ташлаб кетдингиз? Осмони йўқ ойга ўхшайман, Қовжираган сойга ўхшайман. Қўним топмай, чарчадим охир, Манзили йўқ жойга ўхшайман. Мен отасиз қандай яшайман, Мен онасиз қандай яшайман?! Тубсиз жарга бошлаб кетдингиз, Нечун мени ташлаб кетдингиз? Гуноҳим не, айтинг Дунёда, Ёшлигимни буккансиз Ота. Бағрингизда ўйнаб, кулмасам, Нега мени туққансиз Она? Ёлғизликка маҳкум этдингиз, Нечун мени ташлаб кетдингиз? Соғинганман сизни Отажон, Соғинганман сизни Онажон. Фидо бўлсин, фидо сизга жон, Бир бор кўрсам, йўқдир армоним... Етай буюк орзу, ўйимга, Олиб кетинг, мени уйимга, Олиб кетинг, мени уйимга... © Шерзод Комил Телеграм каналимизга уланиш ҳаволаси https://telegram.me/Sherzod_Komil

#Синглимга. Синглим Гулҳаёга... Ўзим билан ўзим оввора бўлиб, Сени йўқлашни ҳам унитиб қўйдим. Гоҳида соғинсам қон бағрим тўлиб, Кечир синглим дебон, йиғладим, куйдим. Менинг ғуруримсан, номусим ўзинг, Кўришганда кулиб, кўтаргин кўнглим. Тириклик ғамида, оввора ўзим, Мендан ранжимагил, кечир жон синглим. Акалик меҳридан йироқ бўлсам ҳам, Юрагим ёнади, сенга зор, кўнглим. Йўқлаб боролмасам, ҳар лаҳза, ҳар дам, Мендан ранжимагил кечиргин синглим!!! © Шерзод Комил @Sherzod_Komil

#Ҳаёт_сени_яхши_кўраман Даста тузиб, тилакларимдан, Сенга атаб, гуллар тераман. Чин дилимдан, юракларимдан, Ҳаёт сени яхши кўраман. Синовларинг имтиҳон асли, Сабримдан зўр қаср қураман. Ошиқ бўлдим, навбаҳор фасли, Ҳаёт сени яхши кўраман. Яқинларим, сенда бор учун, Интилганга толеъ ёр учун. Ёмонларга бағринг тор учун, Ҳаёт сени яхши кўраман. Қизғалдоқдек сўлгим келмайди, Паймонам ҳеч тўлгим келмайди. Мангу қолиб, ўлгим келмайди, Ҳаёт сени яхши кўраман. Суйдирсанг ҳам, гоҳ куйдирсанг ҳам, Сендан кечиб, қайга бораман? Гоҳ жонимдан хўп тўйдирсанг ҳам, Ҳаёт сени яхши кўраман. Сен ҳам мени яхши кўрасан, Ёнгинамда шодон юрасан. Гоҳ йиғлайсан, гоҳо куласан, Ҳаёт сени яхши кўраман. ©Шерзод Комил @Sherzod_Komil

Хофиздан пул сурама 😕😄😃😀🤣 Муаллиф : Шерзод Комил ✍️✏️📚📜 Ижрода : Умр Узоқ 🎤🎧🔊💻🎛️ Ҳофиздан пул сўрама, Ҳозир сезонмас дейди. Қилиб турли баҳона, Бизга осонмас дейди. Тўйлари ҳам кредит, Уйлари ҳам кредит. Куйлари ҳам кредит, Хофиздан пул сўрама. Клипга пул топади, Тошкент, Дубай чопади. Сени итдек қопади, Ҳофиздан пул сўрама. Меҳнат қилгин, тўкиб тер, Йигит киши бўлар шер. Ундан кўра ёзма шеър, Ҳофиздан пул сўрама.