Sog‘inch...

Сиз кетсангиз… Сиз кетсангиз нима ўзгарар, Шу-шу ҳаёт этади давом. Кирса, ақлим сал кўпроқ кирар, Вақт кўнглимга бўлади даъво. Сиз кетсангиз фасллар ўша, Сал эртароқ келолмайди куз. Ҳаво ўша, ёмғирлар ўша, Ўша наво, ўша яна сўз! Сиз кетсангиз одамлар ҳақда, Ўзгармагай фикрим, хулосам. Ўзгарса, шу йўллар ўзгарар, Ўзгаради борар дарвозам. Балки ҳозир, балки эртага, Меҳрим андак қотиши мумкин Ва қолиши мумкин кўксимда, Исмингизга аталган тугун. Сиз кетсангиз, хайр демайман, Хайр демоқ, ғурур билан ор. Кўп ўйламанг, ёлғиз қолмайман, Ахир Худо, Ахир севги бор! Ва кетдингиз, жуда хотиржам, Юрагимда ўша-ўша чўғ. Мен яхшиман, Аммо осмоннинг, Неча кунки кайфияти йўқ! Ёмғир ёғса керак эҳтимол... Кумуш ЎСАРОВА https://t.me/Aytolmagan_dilim

* * * Эй, ўзини ишга берган, Ҳасратга берган, Турмушга берган, Фақат соғинчинг қолди менга, Ўзингдан чиройли соғинчинг. Сенга қарай десам, Кўз ололмайман соғинчингдан, Излаб борай десам, Қўймайди соғинчинг... Усмон АЗИМ https://t.me/Aytolmagan_dilim

* * * Кетма, рўпарангда соядек мавҳум, Тақдирдек муқаррар борман, мавжудман. Менман тушларингда йитган овозинг, Бўғзингни тирнаган сўзман, сукутман. Кетма, сенга айтар сўзим йўқ гарчи, Сен деб йиғлайдиган ёшларим абас. Мени юрагингга бошлаган тақдир, Сен учун кўз ёшим асраган эмас. Шунчаки, кетма... Дилора https://t.me/Aytolmagan_dilim

❤️ https://t.me/Aytolmagan_dilim

Дўст: - “Барча билганларингни унут!“ - демоқда. Кел шу қўлларингни бир силкит ва мана шу янги кунингни билганларингни ўчириш билан бошла! Ҳазрати Шамс Табрезий 🍃 https://t.me/Aytolmagan_dilim

"Ҳаловатни сукутда кўрдим" 🍃                                      https://t.me/Aytolmagan_dilim

#Ар-Роҳман * * * Жобир розияллоҳу анҳудан ривоят қилинади: «Набий соллаллоҳу алайҳи васаллам Умму Соибнинг ҳузурига кирдилар ва: «Эй Умму Соиб, сенга нима бўлди, қалтираяпсан?» дедилар. «Иситма! Аллоҳ уни баракасиз қилсин!» деди у. «Иситмани сўкма. У одам боласининг хатоларини худди босқон темирнинг чиқиндисини кетказгандек кетказур», дедилар у зот». "Ҳадис ва Ҳаёт” https://t.me/Aytolmagan_dilim

ТИЛАНЧИ “Отоси ўлмаган ким бор?! Оноси ўлмаган ким бор?!” шу таскин – шу тасалли – шу жазоси – ўлмаган ким бор?! Ўтар даврон, кетар даврон: менинг ҳолимга кўп ҳайрон. Ўзи ер, довруғи осмон бу юртни билмаган ким бор?! Жаҳон ҳоқони эрдим, энди бурда нон тилангайман, ҳануз тупроқларим – ёвларга дастурхон, тилангайман, ҳақиқатдан буриб юз турфа хил ёлғон тилангайман, ҳануз Парвардигоримдан бу элга шон тилангайман, букилмас тиз, эгилмас бош, улуғ иймон тилангайман, ҳақиқатга юзин ювгач, тағин юксалмаган ким бор?! Менинг бошимда ўйнар бу сиёсат-ла ишим йўқдир, ўзим минг қўйли бойдайман, камомад-ла ишим йўқдир, боламнинг эрки пулланган тижорат-ла ишим йўқдир нечук номимга айтилган ҳақорат-ла ишим йўқдир? Ҳануз ғафлатдаман, дўстлар, жасорат-ла ишим йўқдир, ёруғ дунёда ҳолимга қараб бир кулмаган ким бор?! Бу ёнда ўз тилим куйгай, шарорлар ўзга тилларда, унинг тўрт фасли қиш бўлса, баҳорлар ўзга тилларда, ташиб ўзбек деган номни, сотарлар ўзга тилларда, мени қулликка тирковчи қарорлар ўзга тилларда, эл-у тилни сотиб, сўнг эл ва тилдан қолмаган ким бор?! Менинг ҳаққим талон айлаб ўтар дунёда хоинлар, менинг умрим қоронғуда, юрар яллода хоинлар, ватан инжуларин юлмоқда шода-шода хоинлар, ғаним ёқдан келур дўстдек бу душманзода хоинлар, менинг ризқимга Аллоҳ – шоҳ, талашманг, пода хоинлар! Оёғи топтаган тупроққа кўзи тўлмаган ким бор?! Хиёнатлар ичинда кўз очолган миллат ўлмайди, зулм пойида “қуллуқ”дан қочолган миллат ўлмайди, тафаккурдан тугунларни ечолган миллат ўлмайди, асл фарзандлари ундан куч олган миллат ўлмайди, қонин эмган зулуклардан кечолган миллат ўлмайди: яна биздек таназзулни тараққий ўйлаган ким бор?! Отоси ўлмаган ким бор?! Оноси ўлмаган ким бор?! шу таскин – шу тасалли – шу жазоси – ўлмаган ким бор?! © Суҳроб ЗИЁ @suhrob_ziyo1

*** Яхшиям йўллар жим, Гапирмас йўллар, Яхшиям тошларнинг тошлиги бор гап. Агар тилга кирса баногоҳ улар Чақириб келарди сизни атайлаб… Яхшиям осмоннинг осмонлиги ҳақ, Йўқса, соғинчимни сизга айтарди. Ёмғирга айланиб, кўз ёшларимдан, Кўксингизга тўкилиб қайтарди!.. Яхшиям симларнинг тили йўқ ҳали, Эшитади холос сўзлагинимни. Фақат у-телефон билар тунлари, Гўшакка осилиб йиғлаганимни… Яхшиям дарахтлар шовуллар фақат, Қўрқаман, бир куни қолсалар сўзлаб. Исмингиз ўйилган сершох пўстлоққа, Миллион марталаб босган эдим лаб… Яхшиям Сиз борсиз соқов дунёда, Турналар, қушларнинг борлиги каби. Гоҳ рўё, гоҳида жаннатий туҳфа Оромбахш тушларнинг борлиги каби. Яхшиям Сиз борсиз тилсиз дунёда! Гўзал РЎЗИЕВА https://t.me/Aytolmagan_dilim

* * * Мени кечир... Ичимда яшайди бир Ўзини ҳам танимаган дард. Сени танишга эринади у, Сени кўр-курона севгиси келади унинг, Сенлигингча эмас, Охирига етмаган тушларида учраган сиймоларда Китобларда ўқиган қаҳрамонлари каби Ўзида кўргиси келган шаклни излайди сендан. Ўзидан топмаган ҳар неники, излайди сендан. Сен уни ўзидан кўп севишингни, Сен уни ўзингдан кўп севишингни Ва асосийси Уни хаёлларингда ҳам Заррача айбламаслигингни истайди у. Бори шу. Шулар эвазига бир умр сени деб ўтади. Истаса... Дилора https://t.me/Aytolmagan_dilim

* * *    Соғинчда ҳам бир олам шукр яшайди. Қувончларимизда, хавотирларимизда, ютуқ ва хатоларимизда бор эдик, яшаётган эдик. Кўрган кунларимиз ва буюрган тақдири учун шукр! https://t.me/Aytolmagan_dilim

* * * Ҳаёт ўзингни топиш эмас, ўзингни яратиш демак. Бернард ШОУ https://t.me/Aytolmagan_dilim

Заҳириддин Муҳаммад БОБУР Қачон бўлғай мушарраф бўлғамен, жоно, жамолингға? Қутулғаймен фироқингдин, етишгаймен висолингға! Кўз очқил боққаликим, бўлмишам бемор ул кўздин, Лаб очқил сўрғаликим, ташна бўлмишмен зулолингға. Ул ойнинг юзи бирла тўш бўлуб, даъвойи ҳусн эттинг, Яқин бўлди бу кунким, эй қуёш, еттинг заволингға. Кабутар, элтасен хатгам, не бўлғай гар қабул этсанг, Кўнгулни боғласам ул нома янглиғ парру болингға. Белингдинким, хаёледур, йироқдурмен, мени ёд эт, Умидим борки Бобурдин етишгаймен хаёлингға. https://t.me/Aytolmagan_dilim