Ethiopian Catholic Charismatic

ሰማያዊ ወግ (ችላ ያልነው ስጦታ) ለወዳጆቻችን የድምፅ እና የፅሁፍ መልእክት ስንልክ ቴክኖሎጂውን እናምነዋለን፣ መልእክታችን በትክክል እንደደረሳቸው እናምናለን፣ ወደ ሰማይ ስንፀልይ ግን ተጠራጣሪዎች ነን። ቴክኖሎጂን የፈጠረውን ትተን ቴክኖሎጂውን እናምነዋለን። የማንፀልየው ስለማናምን ነው። በልባችን ያለው እግዚአብሔር ሩቅ ሆኖብናል። ለኛ ለአፍሪቃ ቴክኖሎጂ ቅርባችን ይመስል ያሞኘናል። እግዚአብሔር ሁሉን ሰጥቶናል፣ ስጦታውን ስናወራ የሚያዳምጥ አናገኝም። "እግዚአብሔር ሰጠ!!" ሲባል የእግዚአብሔር ስጦታ ይጣጣላል፣ "እግዚአብሔር አንድ ልጁን ሰጠ!!፣ እግዚአብሔር ፀጋና ምህረት ሰጠ፣ እግዚአብሔር በየእለቱ ለሁሉም ስጦታ ይሰጣል!!" ብላችሁ ብትናገሩ ማንም ጆሮ አይሰጥም። ሁሉም ሰው ከእግዚአብሔርን ስጦታ ሳይሆን የሰውን ስጦታ ያጋናል፣ እግዚአብሔር የሰጠውን ስጦታ ያለ እግዚአብሔር ያያል። በሰው የተሰጠንን ስጦታ በክብር እናወራዋለን፣ በጥንቃቄ እንይዘዋለን፣ በተገኘው አጋጣሚ ሁሉ ስለተሰጠን ስጦታ ስናወራ እንገኛል፣ "ጓደኛዬ የሰጠችኝ ስጦታ"፣ "ከቤተሰብ የተበረከተልኝ፣ ከዘመዴ የተሰጠኝ..." እያልን ሳንጠየቅ ያለ ድካም እናወራለን። የዚህ ምድር ስጦታ ምላሽ ይፈልጋል፣ በምድራዊ ስጦታ ታስረው ህይወታቸውን ያጎደፉ ብዙ አሉላችሁ፣ ባጠገባችሁ ብዙዎች በሰው ስጦታ ተታለው ጠፍተዋል፣ ሴቶች በስጦታ ተታለው ክብራቸውን አጥተዋል፣ ወንዶች በስጦታ ታስረው አንገታቸውን ደፍተዋል፣ ከናንተ ምንም ሳይፈልግ እውነተኛ ስጦታን የሰጠ እግዚአብሔር ብቻ ነው። እግዚአብሔር ከሃጥያት የሚያነፃ ልጁን ሰጥቶናል፣ በልጁ በኩል ሁሉንም ሰጥቶናል። ሰላም በሌላት አለም ሰላም ሰጥቶናል፣ ለድሆች የሚሰበክ የምስራች ወንጌል ተሰጥቶናል፣ በዋጋ የማይተመን ውድ ስጦታ በነፃ ተሰጥቶናል።

✝ የዕብራውያን መልዕክት ጥናት 👉 ክፍል 9 👉 Date 12 Feb 2024 ✅ ዕብ 4:12-16 #የእግዚአብሔር_ቃል ❝የእግዚአብሔር ቃል ሕያው ነውና፥ የሚሠራም፥ ሁለትም አፍ ካለው ሰይፍ ሁሉ ይልቅ የተሳለ ነው፥ ነፍስንና መንፈስንም ጅማትንና ቅልጥምንም እስኪለይ ድረስ ይወጋል፥ የልብንም ስሜትና አሳብ ይመረምራል፤❞ —ዕብራውያን 4: 12