ማኅበረ ቅዱሳን ዋናው ማእከል

በስመ አብ ወወልድ ወመንፈስ ቅዱስ አሐዱ አምላክ አሜን!!!   እንኳን ለብዙኃን ማርያም እና ለመስቀል በዓል አደረሳችሁ !!! መስከረም ፳፩ ቀን በኢትዮጵያ ኦርቶዶክስ ተዋሕዶ ቤተ ክርስቲያን ሥርዐት መሠረት ስለ ሁለት ነገረ በዓሉ ይከበራል ። ፩ኛ. በመስቀል በዓል ጽሑፋችን እንደገለጽነው የጌታችን መድኃኒታችን ኢየሱስ ክርስቶስ መስቀል በንግሥት እሊኒ ከተቀበረበት ወጥቶ የከበረበት እና ከእስክንድሪያ  ዓፄ ዳዊት ግማደ መስቀሉን ይዘው ወደ ኢትዮጵያ ሲመጡ ስናር በተባለ ቦታ በማረፋቸው ልጃቸው ዓፄ ዘርዓያቆብ ተረክቦ ፲፬፻፵፮(1446) ዓ.ም መስከረም ፳፩ ቀን በግሸን ደብረ ከርቤ በመስቀለኛ ቦታ ላይ እግዚአብሔር በገለጠላቸው ራእይ በመመራት  በሀገራችን በክብር ያረፈበት ዕለት ነው። ፪ኛ. አባቶቻችን ፫፻፲፰ (318)ቱ ሊቃውንተ ቤተ ክርስቲያን ለአውግዞተ አርዮስ የተሰበሰቡበት ዕለት ነው።                                                              በዚህም ምክንያት የአባቶቻችንን ለጉባኤ መሰባሰብ ለመግለጽ “ብዙኃን ማርያም” ይባላል ። የእመቤታችን የቅድስት ድንግል ማርያም አማላጅነት፣የቅዱስ መስቀሉ በረከት፣የአባቶቻችን ጽኑ ሃይማኖት አይለየን አሜን።

ወርኃዊ የስብከተ ወንጌል ጉባኤ

የ2019 ዓ.ም የበረከት ዕቁብ ተሳታፊ ለመሆን ከታች ያለውን ፎርም ይሙሉ 👇👇👇https://t.me/gibigubayat_mirukan_hibret/2095

ነገረ መስቀልን ስናነሣ በውስጡ ሁለት ታላላቅ ነገሮችን እናስታውሳለን ፦ ፩. እግዚአብሔር ከሰው ልጅ ጋር የታረቀበት ብቻ ሳይሆን፣ በጥላቻ ተራርቀው የነበሩትን አይሁድና አሕዛብን በአንድ መለኮታዊ ማዕድ ያስተሳሰረ የፍቅር ሰንሰለት ነው (ኤፌ ፪፥፲፮)። ፪. በደካማ ማንነታችንና በዕዳ ደብዳቤያችን ምክንያት ተፈርዶብን የነበረውን የዘላለም የሞት ፍርድ ደብዳቤ፣ ክርስቶስ በመስቀል ላይ ቀዶ የነፃነት አዋጅ ያወጀበት ሰነድ ነው (ቆላስይስ ፪፥፲፬)። ኢትዮጵያዊው ሊቅ ቅዱስ ያሬድ ስለ ነገረ መስቀል በድጓው ላይ እንዲህ በማለት በምስጋና ይገልጻል፦ “ዘበመስቀሉ አድኃነነ ወበሕማማቲሁ ተቤዘወነ፤ ንዌድሶ ለኃይለ መስቀሉ፤እስመ መስቀል ኃይልነ፣ መስቀል ጽንዕነ፣ መስቀል ቤዛነ፣ መስቀል መድኃኒተ ነፍስነ አይሁድ ክሕዱ ንሕነሰ አመነ፣ ወእለ አመነ በኃይለ መስቀሉ ድኅነ” (ትርጉም፡ በመስቀሉ ያዳነንን፣ በሕማማቱም የዋጀንን የመስቀሉን ኃይል እናመሰግናለን...) የበዓለ መስቀል አከባበር ትናንት የተፈጸመ ታሪክን ማስታወስ ብቻ ሳይሆን፣ ዛሬ በሕይወታችን ልንኖረው የሚገባ እውነት ነው። ✅ከበዓሉ የምንቀስመው ትልቅ መንፈሳዊ ትምህርት፦ ንግሥት ዕሌኒ መስቀሉን ለማግኘት የዘመናትን ቆሻሻ እንደቆፈረች፣ እኛም ዛሬ በልባችን ውስጥ የተከማቸውን የጥላቻ፣ ቅናት፣ የትዕቢትና የኃጢአት ቆሻሻ በንስሐ ቆፍረን መጣል ይኖርብናል። በእነዚህ ተሸፍኖ የነበረውን እውነተኛውን የእግዚአብሔር ፍቅር ፈልገን የምናገኝበት ወቅት ነው። ጌታችን በወንጌል "ሊከተለኝ የሚወድ ቢኖር ራሱን ይካድ መስቀሉንም ተሸክሞ ይከተለኝ" (ማቴዎስ ፲፮፥፳፬) እንዳለ፣ክርስቲያን መሆን በምቾት መንገድ መጓዝ ሳይሆን ፈተናንና መከራን በትዕግሥት ማለፍ መሆኑን ልንረዳ ይገባል። ታላቁ ቅዱስ ዮሐንስ አፈ ወርቅ በሃይማኖተ አበው ላይ የነገረ መስቀልን በረከትና አለኝታ ሲገልጽ እንዲህ ይላል፦“መስቀልሰ ውእቱ ተስፋሆሙ ለክርስቲያን፣ ወሕይወቶሙ ለሙታን...” (ትርጉም፡) መስቀልማ የክርስቲያኖች ጽኑ ተስፋቸው፣ የሙታን እውነተኛ ሕይወታቸው፣ የዕውራን ብርሃናዊ በትራቸውና የነገሥታት የማይሻር ዘውዳቸው ነው ። መስቀል ላይ ጥላቻ አልነበረም፤ ፍቅር እንጂ። የዛሬ ክርስቲያኖችም ከመለያየት፣ ከዘረኝነትና ከክፉ ነገር ሁሉ ርቀን በመስቀሉ ሥር አንድ ሆነን እርስ በርሳችን ይቅር መባባልን ልንማርበት ይገባል። በዓለ መስቀል የብርሃን፣ የሰላም፣ የድል እና የፍቅር መገለጫ በዓል ነው። ደመራው ሲበራ ጨለማው እንደሚገፈፍ ሁሉ፣ ሀገራችንና በሕይወታችን ላይ የተጋረጠው የጭንቀትና የመከራ ደመና ተገፎ፣ የሰላምና የፍቅር ብርሃን እንዲበራ የተማጽኖ ጸሎታችንን  ወደ እግዚአብሔር ልናደርስ ይገባል።  የበዓሉ በረከትና የመስቀሉ ኃይል ከሁላችን ጋር ይሁን።አሜን!

በስመ አብ ወወልድ ወመንፈስ ቅዱስ አሐዱ አምላክ አሜን !!!                                      በዓለ መስቀል ክፍል ፪ በዲ/ን ደረሰ ተሾመ ‎በክረምቱ ማዕበልና ጭጋግ መውጫ ምድር በወርቃማው አደይ አበባ አጊጣ፣ ሰማዩ በፀሐይ ጸዳል ተከፍቶ አዲስ ተስፋ በምድር ላይ በሚታይበት በዚህ ወቅት፣ የኢትዮጵያ ኦርቶዶክስ ተዋሕዶ ቤተክርስቲያን ከዘጠኙ ንኡሳን የጌታ በዓላት አንዱ የሆነውን ‎በዓለ መስቀልን ከመስከረም ፲፮ እስከ መስከረም ፳፭ ድረስ በታላቅ መንፈሳዊ ድምቀት ታከብራለች። ‎ይህ በዓል ታሪካዊ ክስተት ብቻ ሳይሆን የድኅነት አዋጅ፣ የፍቅር መገለጫና በሰው ልጅ ታሪክ ውስጥ ትልቅ የለውጥ ምዕራፍ ተጻፈበት የታሪክ አርማ ነው። የመስቀል ክብር የሚጀምረው ከክርስቶስ ስቅለት በኋላ ነው። የክርስቶስን ስም ለማጥፋትና የተአምራቱን ነገር ለመቅበር፣ እርሱ የተሰቀለበትን ቅዱስ መስቀል ቀበሩት። በዚያም ላይ ለረጅም ዘመናት ቆሻሻ እንዲጣልበት ማድረጋቸው ቦታው ትልቅ ኮረብታ(ተራራ) ሆነ። ይህ ታሪካዊ ክስተትም ክርስቲያኖች በየዓመቱ መስከረም ፲፮ የዕለት ዋዜማ ላይ ለሚያበሩት ደመራ እና ለመስከረም ፲፯ቱ በዓለ መስቀል አከባበር ታላቅ መነሻ ሆነ። በ፲፬ኛው መቶ ክፍለ ዘመን በዐፄ ዳዊትና በዐፄ ዘርዓ ያዕቆብ አማካኝነት በታላቅ አክብሮት ወደ ሀገራችን የገባው ግማደ መስቀሉ ዛሬም ድረስ በአምሳለ መስቀል በተቀረጸው የተፈጥሮ ተራራ ላይ፣ በታሪካዊቷ ግሸን ደብረ ከርቤ ማርያም ገዳም በክብር አርፎ ይገኛል። ሐዋርያው ቅዱስ ጳውሎስ በመልእክቱ “የመስቀሉ ነገር ለሚጠፉት የሞኝነት ነው። ለእኛ ለምንድን ግን የእግዚአብሔር ኃይል ነው” ፩ኛ ቆሮንቶስ ፩፥፲፰) በማለት እንደመሰከረው፣

መምህራኑና የአካባቢው ምእመናን ከተማሪዎች ጋር በአብነት ት/ቤቱ ግቢ ውስጥ በዓሉን ማክበራቸው ለተማሪዎችና ለአብነት ት/ቤቱ የሚሰጠውን ትኩረት የሚያመላክት ነው ተብሏል። የአሶሳ ሀገረ ስብከት የካህናት አስተዳደር መምሪያ ኃላፊ መጋቢ ሐዲስ ይኄይስ ደባሱ ለተማሪዎቹ አባታዊ ምክር በመስጠት፣ የመስቀል በዓልን ታሪካዊና መንፈሳዊ ትርጉም የሚያብራራ ትምህርተ ወንጌል ሰጥተዋል። አብነት ት/ቤቱ ሐምሌ ፳፮/፳፻፲፰ ዓ.ም ተመረቆ ወደ ሥራ የገባ ሲሆን በዚሁ እለት ፴፪ ተማሪዎችን ተቀብሎ ማስተማር መጀመሩ የሚታወስ ነው። ምንጭ:- ማኅበረ ቅዱሳን አሶሳ ማእከል

በአሶሳ ሀገረ ስብከት የአባ እንየው ውቤ መታሰቢያ አብነት ት/ቤት የመስቀል ደመራ በዓል በድምቀት ተከበረ። መስከረም ፲፯ ቀን ፳፻፲፱  ዓ.ም የአባ እንየው ውቤ መታሰቢያ አዳሪ አብነት ት/ቤት ተማሪዎች የመስቀል ደመራ በዓልን መስከረም ፲፯ ቀን ፳፻፲፱ ዓ.ም በዝማሬ፣ በጸሎትና በመንፈሳዊ መርሐግብራት አከበሩ። ተማሪዎች እንደዚህ አይነት ትልልቅ የቤተ ክርስቲያን በዓላትን በአብነት ት/ቤቱ ግቢ ውስጥ ሲያከብሩ ይህ ለሁለተኛ ግዜ ነው። ይህም ከትምህርታቸው ጎን ለጎን የቤተ ክርስቲያኗን በዓላት በአካል በማየትና በማክበር ስለ በዓሉ ዓላማ እና መሠረታዊ ትምህርት ለማወቅ እድል ይፈጥርላቸዋል ተብሏል። የአሶሳ ሀገረ ስብከት የካህናት አስተዳደር መምሪያ ኃላፊ መጋቢ ሐዲስ ይኄይስ ደባሱ፣ የአብነት ትምህርት ቤቱ አስተባባሪ ቀሲስ ዶክተር አራጋው ደምሴ እና የአብነት መምህሩ ግርማ ሞገስ በአብነት ት/ቤቱ ግቢ ውስጥ በመገኘት በዓሉን ከተማሪዎች ጋር ማክበር ችለዋል። የአብነት ት/ቤቱ ተማሪዎች በዝማሬና በሌሎች መንፈሳዊ መርሐ ግብራት በመሳተፍ በዓሉን አክብረዋል። ተማሪዎቹ ለበዓሉ ከታደሙ እንግዶች ጋር በመሆንም የደመራ ማብራት ሥነ ሥርዓቱን አከናውነዋል። የአሶሳ ሀገረ ስብከት የካህናት አስተዳደር መምሪያ ኃላፊ መጋቢ ሐዲስ ይኄይስ ደባሱ ለተማሪዎቹ አባታዊ ምክር በመስጠት፣ የመስቀል በዓልን ታሪካዊና መንፈሳዊ ትርጉም የሚያብራራ ትምህርተ ወንጌል ሰጥተዋል። በአሶሳ አባ እንየው ውቤ መታሰቢያ አብነት ት/ቤት በመማር ላይ የሚገኙ ተማሪዎችና መምህራን ነሐሴ ፲፫/፳፻፲፰ዓ/ም የደብረ ታቦርን በዓል በድምቀት ማክበራቸው ይታወሳል።

መስቀል ደመራ በዓል አከባበር በገንዳ ውሃ ከተማ መስከረም ፲፯ ቀን ፳፻፲፱ ዓ.ም የ ፳፻፲፱ ዓ.ም የመስቀል ደመራ በዓል በገንዳ ውሃ ከተማ የመስቀል ደመራ በዓል በደማቅ ሁኔታ ተከብሮ ዋለ። ምንጭ:- ማኅበረ ቅዱሳን ገንደ ውኃ ወረዳ ማዕከል

የመስቀል ደመራ በዓል አከባበር በአምባ ጊዮርጊስ ከተማ መስከረም ፲፯ ቀን ፳፻፲፱ ዓ.ም የ ፳፻፲፱ ዓ.ም የመስቀል ደመራ በዓል በአምባ ጊዮርጊስ ከተማ በታላቅ መንፈሳዊ ሥነ-ሥርዓት፣ በዝማሬና በደመቀ ሁኔታ ተከብሯል። ​በበዓሉ ላይ የወገራ ወረዳ ቤተክህነት ሥራ አስኪያጅ መልአከ ጽጌ ጀጃው ሞገስ፣ የሃይማኖት አባቶች ፣ የከተማው አስተዳደር ኃላፊዎች ፣  የማኅበረ ቅዱሳን አባላት የሰንበት ትምህርት ቤት ወጣቶች እና መንፈሳዊ ወጣት ማኅበራት በተገኙበት በርካታ ቁጥር ያላቸው የአካባቢው ምዕመናን ተገኝተዋል። ​ በመጨረሻም በሃይማኖት አባቶች መሪነት ጸሎት ከተደረገ በኋላ ደመራው ተለኩሶ በዓሉ በሰላም ተጠናቋል። ምንጭ:- ማኅበረ ቅዱሳን አምባ ጊዮጊስ  ወረዳ ማእከል

የመስቀል ደመራ በዓል አከባበር በጎንደር መስከረም ፲፯ ቀን ፳፻፲፱ ዓ.ም የ ፳፻፲፱ ዓ.ም  መስቀል ደመራ በዓል በማእከላዊ ጎንደር ዞን በጎንደር  ከተማ በደመቀ ሁኔታ በመከበር ላይ ይገኛል። በዓሉ ብጹዕ አቡነ ዮሐንስ የማእከላዊ ጎንደር ሀገረ ስብከት ሊቀ ጳጳስ ፣ ከፌደራል እና ከክልል የመጡ የመንግሥት ኃላፊዎች ፣  የጎንደር ከተማ ከንቲባ እና አመራሮች ፣ ሊቃውንተ ቤተ ክርስቲያን ፣ የሰንበት ትምህርት ቤት አባላት እና ዘማርያን ፣ የማኅበረ ቅዱሳን ዘማሪያን እና አባላት እንዲሁም በጎንደር ከተማ የሚገኙ በርካታ ምእመናን በተገኙበት በመከበር ላይ ይገኛል። ምንጭ:- ማኅበረ ቅዱሳን ጎንደር ማእከል

የመስቀል ደመራ በዓል አከባበር በደባርቅ መስከረም ፲፯ ቀን ፳፻፲፱ ዓ.ም የ ፳፻፲፱ ዓ.ም  መስቀል ደመራ በዓል በሰሜን ጎንደር ዞን በደባርቅ ከተማ በደመቀ ሁኔታ ተከብሯል። በበዓሉ ላይ የሰሜን ጎንደር ዞን ሀገረ ስብከት ሥራ አስኪያጅ መልአከ ኃይል አስምሮ ዋካ ፣ የሰሜን ጎንደር ሀገረ ስብከት የገዳማት መምሪያ   ኃላፊና በደባርቅ ደብረ ሰላም መድኃኔዓለም የ፬ቱ መጻፍተ ትርጓሜ መምህር ርዕሰ ርዑሳን ቆሞስ አባ ተክለሃይማኖት ኃይለ ማርያም ፣ ሊቃውንተ ቤተ ክርስቲያን ፣    የሰንበት ትምህርቤት አባላት እና ዘማርያን ፣ የማኅበረ ቅዱሳን አባላት እና  ዘማርያን እንዲሁም ሕዝበ ክርስቲያኑ በተገኙበት ተከብሯል። በተጨማሪም የደባርቅ ከተማ ምክትል ከንቲባ አቶ ልዑል መስፍን በቦታው ተገኝተው  ያከበሩ ሲሆን በዓሉን በተመለከተ መልዕክት አስተላልፈዋል። በመጨረሻም የማሳረጊያ ጸሎት ተደርጎ የበዓሉ ፍጻሜ ሁኗል። ምንጭ:-  የማኅበረ ቅዱሳን ደባርቅ ማእከል

የመስቀል ደመራ በዓል አከባበር በምእራብ አርሲ ዞን ወርቃ ከተማ መስከረም ፲፯ ቀን ፳፻፲፱ ዓ.ም የ፳፻፲፱ ዓ.ም የመስቀል ደመራ በምእራብ አርሲ ዞን በነንሰቦ ወረዳ ወርቃ ከተማ  አባቶች ፣ መዘምራን ፣ ምእምናንና የከተማ አስተዳድሩ ተወካዬች በተገኙበት ትናንትና በደማቅ ሁኔታ ተከብሮ ዋለ። ምንጭ:-  ማኅበረ ቅዱሳን አሰላ ማእከል ወርቃ ወረዳ ማእከል

‎  በመቀጠልም መጋቤ ጥበባት አባ ዘሚካኤል የሲዳማ ሀገረ ስብከት ዋና ሥራ አስኪያጅ  "ወገብረ ሰላመ በደመ መስቀሉ ለዘበሰማይ ወለዘበምድር።" ‎   /በመስቀሉ ደም ሰላም አድርጎ በምድር ወይም በሰማያት ያሉትን ሁሉ ለራሱ እንዲያስታርቅ ፈቅዶአልና።/ ቆላ ፩፥፪ ‎ቅዱስ ጳውሎስ ስለክርስቶስ  "ፍቅርና ስለ መስቀሉ ፍቅር በፈሰሰው ደሙ በሰማይና በምድር ያሉትን እንዴት እንዳስታረቀ ገልጾታል። ‎በመሆኑም  በመስቀሉ የተገኘውን ሰላምና ይቅርታ  ለዓለም እናበሥራለን ስለዚህ  ዘመን አልፎ ዘመን ሲተካ መሥራት የምንፈልጋቸው ብዙ ጉዳዮች ይኖራሉ ነገር ግን በመስቀሉ በተደረገው ሰላም የጸና ልብ የተሠበረ መንፈስ ሊኖረን ይገባል። አሁን ያዘጋጀነው ደመራ ሲለኮስ ጨለማው በብርሃን እነደ ሚተካ የእኛም በጥላቻ የተዘጋ ልቡናችን በፍቅር ሊበራ ይገባል።" ሲሉ ጠቁመዋል። ‎ብፁዕ አቡነ ዮሴፍ "የፍቅር ከተማ በሆነችው በውቢቷ  ሀዋሳ ሆነን በሀገረ ውስጥና ከሀገር ውጭም ላሉት እንኳን ለብርሃነ መስቀሉ እንኳን አደረሳችሁ፤ ‎ ይህ ደመራ አንድ ሆኖ አሁን እንደምናየው ማንም ቢገፋው አይወድቅም ለምን አንድ ስለሆነ እኛም አንድ ብንሆን ቢገፉን አንወድቅም ስለዚህ አንድነትን ማጽናት ያስፈልጋል። ‎ይህ በዓል ለኢትዮጵያዊነት ክብራችን ኢትዮጵያዊነት ማንነታችን እንደሆነ ማሳያ ነው። ‎የምናከብረውን የመስቀልን ታሪክ ለማወቅ ከንግሥት ዕሌኒ መረዳት ይቻላል። ‎ምክንያቱም ሰው እውነትን ከፈለገ በጢስ እንኳ እግዚአብሔር እንደሚመራ ያስረዳል። ‎የመስቀል ምሥጢር ረቂቅ ነው ለምን የፍትሕና የፍቅር ምልክት በመሆኑ፤ ‎በጥቅሉ መስቀል የጠብ ግድግዳ የፈረሰበት የሰው ልጅ የቀደመ ክብሩን ያገኘበት ነው።" ብለዋል።" ብፁዕነታቸው ‎በመጨረሻም "በዓሉን ስናከብር በመስቀሉ የተደረገልንን ፍቅርና ያገኘነውን ክብር በማሰብ መሆን አለበት።" ብለው ለበዓሉ መሳካት አስዋጽኦ ያደረጉትን በተለይ ከተማ አስተዳደሩንና ድጋፍ ያደረጉ አካላትን አመስግነዋል። ‎ ምንጭ:- ማኅበረ ቅዱሳን ሀዋሳ ማዕከል

የመስቀል ደመራ በዓል አከባበር በሀዋሳ ከተማ መስከረም ፲፯ ቀን ፳፻፲፱ ዓ.ም የ፳፻፲፱ ዓ.ም የመስቀል ደመራ በዓል በሲዳማ ሀገረ ስብከት በሀዋሳ ከተማ የመስቀል ደመራ በዓል በታላቅ ድምቀት ተከበረ። ‎በበዓሉ ላይ ብፁዕ አቡነ ዮሴፍ  የሲዳማ ሀገረ ስብከት ሊቀ ጳጳስ የታቦር ፍኖተ ጥበብ መንፈሳዊ ኮሌጅ የበላይ ኃላፊ፣ መጋቤ ጥበባት ቆሞስ አባ ዘሚካኤል የሲዳማ ሀገረ ስብከት ዋና ሥራ አስኪያጅ፣ ክቡር አቶ ጥራቱ በየነ የሀዋሳ ከተማ ከንቲባ፣ የሀዋሳ ከተማ ከፍተኛ  የመንግሥት  ኃላፊዎች፣ ላዕከ ወንጌል ቀሲስ ደገፌ ባንቡራ የሀዋሳ ከተማና ዙሪያ ወረዳ ዋና ሥራ አስኪያጅ፣ የገዳማት፣ የካቴድራልና  የአድባራት አስተዳዳሪዎች፣ ካህናትና ዲያቆናት፣ የሀዋሳ ማዕከል የማኅበረ ቅዱሳን አባላት፣ የሰ/ት/ት አባላት፣ ምእመናንና ምእመናት ተገኝተዋል። ‎በዕለቱም ርእሰ ከተማው ባሉ ሊቃውንተ ቤተ ክርስቲያንና በሰ/ት/ቤት መዘምራን ያሬዳዊ ቀርቦ ላዕከ ወንጌል ቀሲስ ደገፌ ባንቡራ የእንኳን አደረሳችሁ መልእክት አስተላልፈዋል። አቶ ጥራቱ በንግግራቸው መጀመሪያ  "ዘመናትን እያፈራረቀ ለዚህ ያደረሰን እግዚአብሔር ይመስገን!" ካሉ በኋላ "መስቀል በአማኞች ዘንድ የአንድነት የተስፋ ምልክት ነው፤ ደመራ ተሰብስቦ ገዝፎ እናያለን ይህም ገዝፎ መታየቱ አንድ ስንሆን ያለንን ታላቅነት የሚያሳይ ነው። ደመራው  ሲበራ ደግሞ  ብርሃንን አግዝፎ ጨለማን ገፎ ያሳየናል።" ብለዋል። አቶ ጥራቱ አክለውም "እንዲህ አይነት በዓላት ለአማኙ ብቻ ሳይሆን ለከተማችንም ውበትና ድምቀት መሆናቸው ግልጽ ነው።  ለሀዋሳ ውበትና ድምቀት ላደረጋችሁት አስተዋጽኦ ምስጋናዬን አቀርባለሁ!" ብለዋል። ‎ 

የመስቀል ደመራ በዓል አከባበር በይርጋጨፌ ከተማ መስከረም ፲፯ ቀን ፳፻፲፱ ዓ.ም የ፳፻፲፱ ዓ.ም የመስቀል ደመራ በዓል በጌዴኦ ኮሬና ቡርጂ ሀገረ ስብከት በይርጋጨፌ   ከተማ ትናንትና በደማቅ ሁኔታ ተከብሮ ዋለ። ምንጭ:-  ማኅበረ ቅዱሳን በዲላ ማእከል ይርጋጨፌ  ወረዳ ማእከል

የመስቀል ደመራ አከባበር በጂንካ መስከረም ፲፯ ቀን ፳፻፲፱ ዓ.ም የ፳፻፲፱ ዓ.ም የመስቀል ደመራ በዓል በደቡብ ኦሞና አሪ ዞኖች ሀገረ ስብከት በደማቅ ሁኔታ ተከበረ ። ‎ ‎በጂንካ ከተማ በተከበረዉ ታላቁ የመስቀል ደመራ በዓል  ላይ ተገኝተዉ ንግግር ያደረጉት ‎በክብር እንግድነት የተጋበዙት የጂንካ ከተማ ከንቲባ አቶ ደግፌ ጌታቸዉ እና የአሪ ዞን ዋና አስተዳዳሪ  አቶ አብርሃም አታ "በጋራ  ለሕዝበ ክርስቲያኑ  የመስቀል በዓል በደመራና በቾቦ መደመር የብርሃንና የአንድነት ትርጉም መልዕክት ያለዉ ከመሆኑም በላይ የዓለም ቅርስ መሆኑ ኩራታችን ስለሆነ  ፈጣሪ በመስቀል ያደረገዉን የማስታረቅ ፀጋ በማሰብ የከተማችንና የዞናችን ማህበረሰብም ብዝሃነትን በፍቅር አጣምራችሁ የሰላም ተምሳሌት ልትሆኑ ይገባል" ብለዋል ። ‎ ‎በበዓሉ የየአድባራቱ አስተዳዳሪዎች ፣ አገልጋዮችና ምእመናን  የተሳተፉ ሲሆን መርሃ ግብሩም በፀሎት ተጀምሮ በአባቶች ወረብና ከ፱ኙ አድባራት በተዉጣጡ ሰንበት ተማሪዎች ዝማሬ ከቀረበ በኋላ ትምህርተ ወንጌል በ ብፁዕ አቡነ ፍሊጶስ የቅድስት ስላሴ መንፈሳዊ ዩኒቨርስቲ ፕሬዝዳንት የደቡብ ኦሞና አሪ ዞኖች ሀገረ ስብከት ሊቀ ጳጳስና የቅዱስ ሲኖዶስ አባል ''ለሚፈሩህና ለሚያከብሩህ ምልክትን ሰጠሃቸዉ '' በሚል የመፅሐፍ ቅዱስ ክፍል ትምህርት ተሰጥቷል። በመጨረሻም በጂንካ ከተማ ከንቲባ አቶ ደግፌ ጌታቸዉና ሌሎች እንግዶች በተሳተፉበት በብፁዕ አቡነ ፊሊጶስ  ደመራው በችቦ ተለኩሶ በዓሉ ተጠናቋል። ‎ ምንጭ:- ማኅበረ ቅዱሳን ጂንካ ማዕከል