Merion School

ውድ ወላጆች፡- 🔹የ2019 ዓ.ም ትምህርት ሰኞ፣ መስከረም 4 ቀን 2019 ዓ.ም ይጀመራል፡፡ 🔹ጀማሪ ተማሪዎች እና ለት/ቤቱ አዲስ የሆኑ የኬጂ ተማሪዎች ስማቸው፣ ክፍላቸው እና የተመደቡበት የመማሪያ ግቢ ቁጥር እጃቸው ላይ በማርከር መፃፍ ይኖርበታል፡፡    🔹ደብተሮች እና መፅሃፎች በሙሉ ወደ ት/ቤት ከመላካቸው በፊት ሙሉ  ስም ይፃፍባቸው፡፡ በፕላስቲክ ሽፋን ይሸፈኑ፡፡ 🔹ደብተሮች ላይ፣ ምሳ እቃዎች ላይ፣ መፅሃፎች ላይ እና ቦርሳዎች ላይ ሁሉ የተማሪው/ዋ ስም መፃፍ ይኖርበታል፡፡ 🔹የወላጅ ት/ቤት መገናኛ መፅሃፍ (Communication Book) ያልገዛችሁ ወላጆች እንድትገዙ ይሁን፡፡ 🔹የመጀመሪያው ሳምንት ግማሽ ቀን ሲሆን 1ኛው ዙር የሰርቪስ መውጫ ሰዓት ከ6፡00 ሰዓት ጀምሮ እንዲሁም 2ኛው ዙር ከ7፡00 ሰዓት ጀምሮ ይሆናል፡፡ 🔹ሰርቪስ የሚጠቀሙት ከትምህርት ምዝገባ ውል በተጨማሪ የሰርቪስ ምዝገባ ውል የፈረሙ ወላጆች ብቻ ይሆናሉ፡፡ 🔹የተማሪዎችን መታወቂያ ካርድ ያልወሰዳችሁ የአዲስ ገቢ ተማሪ ወላጆች በአፋጣኝ እንድትወስዱ ይሁን፡፡ በመውጫ በር ላይም ሆነ በመኪኖች በር ላይ ማንኛውም የተማሪዎች ርክክብ የሚከናወነው መታወቂያ በማሳየት ብቻ ይሆናል፡፡ 🔹ያለ መደበኛ ዩኒፎርም ወይም ያለ ቱታ ዩኒፎርም ወደ ት/ቤት መምጣት አይፈቀድም፡፡  (በመጀመሪያው ሳምንት ሁሉም ቀናት ቱታ ዩኒፎርም ብቻ የሚለበስ ይሆናል፡፡) 🔹ህፃናት ወላጆችን ሲያዩ ስለሚረበሹ  (በተለይ በአፀደ ህፃናት ግቢዎች) እስከተወሰኑ ቀናት ድረስ ለወላጆች ወደ ት/ቤት ግቢ መግባት የተከለከለ ነው።                                                 እናመሰግናለን!                                        የት/ቤቱ አስተዳደር።