ՀՀ ՊԵԿ/ SRC of RA

📢Պետական եկամուտների կոմիտեն տեղեկացնում է, որ 2026 թվականի հուլիսի 21-ին «Էլեկտրոնային հաշվարկային փաստաթղթեր» (e-invoicing) համակարգը, պայմանավորված բջջային էլեկտրոնային ստորագրության գործընթացի ժամանակ առաջացող խնդիրներով, աշխատում է որոշակի խափանումներով: Միաժամանակ հայտնում ենք, որ բջջային էլեկտրոնային ստորագրությունը սպասարկող կազմակերպության կողմից կատարվում են աշխատանքներ՝ համակարգի բնականոն ռեժիմով աշխատանքը հնարավորինս արագ վերականգնելու համար։ Կոմիտեն հայցում է հարկ վճարողների ներողամտությունը՝ պատճառված անհարմարության համար։

✅ՊԵԿ-ը շարունակում է իրականացնել հարկ վճարողների իրազեկման և աջակցման ծրագիրը: Պետական եկամուտների կոմիտեի հարկ վճարողների ընթացիկ հսկողության հարկային տեսչություն-վարչությունն իրականացնում է վարսավիրական և գեղեցկության ծառայությունների մատուցման ոլորտի իրազեկման և աջակցման ծրագիր։ Ծրագրի նպատակն է խթանել կամավոր հարկային կարգապահությունը, նվազեցնել հարկային ռիսկերը և ամրապնդել պետություն-գործարար գործընկերությունը։ ՊԵԿ աշխատակիցներն այցելել են վարսավիրական և գեղեցկության ծառայությունների մատուցման ոլորտի շուրջ 2300 տնտեսվարողի՝ ներկայացնելով հարկային օրենսդրության հիմնական պահանջները: Ավելին

💬Հարգելի´ հարկ վճարող, Էլեկտրոնային ՀԴՄ-ների կիրառության շրջանակն ընդլայնվում է, իսկ փաստաթղթավորման կարգավորումները՝ պարզեցվում։ Կառավարությունն առաջիկայում կսահմանի այն ոլորտները, որտեղ էլեկտրոնային ՀԴՄ-ների կիրառումը կդառնա պարտադիր։ Միաժամանակ, տնտեսվարողներն իրենց ցանկությամբ կկարողանան սովորական ՀԴՄ-ների փոխարեն կիրառել էլեկտրոնային ՀԴՄ-ներ։ Մանրամասները՝ տեսանյութում👆🏻

ՀՀ ՊԵԿ հետաքննության և օպերատիվ հետախուզության վարչությունում օպերատիվ տեղեկություններ էին ստացվել այն մասին, որ հանրությանն առավել հայտնի զվարճանքի և ժամանցի կենտրոն կամ խաղատունը, գործունեության արդյունքում իրացումից ստացված հասույթներն ամբողջությամբ չի արտացոլում հարկային մարմին ներկայացվող հարկային հաշվարկներում: Ձեռք բերված տվյալները համադրվել են ՀՀ ՊԵԿ տեղեկատվական բազայում առկա նույն ժամանակաշրջանների վերաբերելի հարկային հաշվարկների տվյալների հետ, արդյունքում պարզվել է, որ ընկերության կողմից 2025-26թթ-ին կազմակերպված թվով 25 խնջույքներից ձևավորված 300 մլն․ ՀՀ դրամ գումարի չափով հասույթը չի արտացոլվել հարկային մարմին ներկայացված հաշվարկներում։ Արդյունքում չի հաշվարկվել և պետական բյուջե չի վճարվել շուրջ 82 մլն․ ՀՀ դրամ։ ՀՀ Պետական եկամուտների կոմիտեն հորդորում է տնտեսվարողների զերծ մնալ նման վարքագծից և գործել թափանցիկ, իսկ քաղաքացիներին հորդորում է պահանջել ՀԴՄ կտրոններ կամ օրենսդրությամբ սահմանված այլ վճարային փաստաթղթեր։ Ավելին

💬Միասին ամփոփենք նախորդ շաբաթվա նորությունները ՊԵԿ-ը հիշեցնում է, որ ֆիզիկական անձինք եկամուտների տարեկան հայտարարագիրը պետք է ներկայացնեն մինչև նոյեմբերի 1-ը 2025 թվականի ընթացքում Պետական եկամուտների կոմիտեն հարկային մարմին–հարկ վճարող քննարկումների շրջանակում ուսումնասիրել և կանոնակարգել է գործնականում առաջացած մի շարք խնդիրներ ՊԵԿ-ը հարկ վճարողներին հիշեցնում է հարկային հաշվարկների և հաշվետվությունների ներկայացման ժամկետների մասին Օրինապահ հարկ վճարողների համար նախատեսվում են նոր առավելություններ ՊԵԿ պատվիրակությունը Չինաստանում ուսումնասիրել է մաքսային ոլորտում արհեստական բանականության առաջավոր փորձը Հունիսին ավարտված հսկողական միջոցառումների արդյունքները․ ՀԴՄ կիրառման կանոնների, վարձու աշխատողի չձևակերպման և անկանխիկ գործառնությունների խախտման դեպքերը ՊԵԿ-ը բացահայտել է վառելիքի առևտրի ոլորտում հարկային խոշոր իրավախախտումների դեպքեր Շինանյութի արտադրության ոլորտում ՊԵԿ-ը բացահայտել է առանձնապես խոշոր չափի խախտումների դեպքեր ——————— 🎨Զարեհ Սուրիա I Նավահանգիստ

📌Պետական եկամուտների կոմիտեն, կարևորելով հարկ վճարելու մշակույթի ձևավորումն ու հարկային կարգապահության բարձրացումը, հարկ վճարողներին հիշեցնում է հարկման տարբեր ռեժիմներում գործունեություն իրականացնող սուբյեկտների կողմից հարկային մարմին ներկայացվող հաշվարկների և հաշվետվությունների ներկայացման ժամկետների մասին։ ՊԵԿ-ը հարկ վճարողներին հորդորում է հարկային հաշվարկներն ու հաշվետվությունները ներկայացնել օրենքով սահմանված ժամկետներում և ժամանակին կատարել հարկային պարտավորությունները՝ խուսափելով տույժերի, տուգանքների և այլ իրավական հետևանքներից։ Հարկային պարտավորությունների բարեխիղճ և ժամանակին կատարումը նպաստում է հարկ վճարելու մշակույթի ամրապնդմանը, հավասար մրցակցային պայմանների ապահովմանը, ստվերային տնտեսության կրճատմանը և սոցիալական ծրագրերի արդյունավետ իրագործմանը։ Ավելին

🌐Պետական եկամուտների կոմիտեի պատվիրակությունը մասնակցել են Չինաստանի Ժողովրդական Հանրապետության Շանհայ քաղաքում կայացած «Հայաստանի մաքսային համակարգում արհեստական բանականության կիրառում և կառավարում» թեմայով դասընթացին։ Դասընթացների և աշխատանքային շրջայցերի շրջանակում ՊԵԿ պատվիրակությունը հնարավորություն է ունեցել նաև գործնականում ծանոթանալ արհեստական բանականությամբ (ԱԲ) աշխատող առաջադեմ սարքավորումների անմիջական գործառնությանը։ Ավելին

Պետական եկամուտների կոմիտեի հետաքննության և օպերատիվ հետախուզության վարչությունն, իրեն վերապահված գործառույթների շրջանակում, հարկային իրավախախտումների կանխման ու բացահայտման ուղղությամբ տարվող աշխատանքներում մշակել, ձեռնարկել և իրականացրել է համալիր օպերատիվ-հետախուզական միջոցառումներ՝ վառելիքի ոլորտում հանցավոր սխեմաներով համատեղ գործունեություն իրականացնող տնտեսվարող սուբյեկտներին բացահայտելու նպատակով։ Հարկային իրավախախտումների կանխման և բացահայտման նպատակով ձեռնարկված համալիր օպերատիվ-հետախուզական միջոցառումների արդյունքում պարզվել է, որ ստեղծված ինը ընկերությունից երեքը իրացման վերաբերյալ չեն ներկայացրել համապատասխան հաշվարկ-հաշվետվություններ, իսկ վեց կազմակերպության կողմից ներկայացված հաշվարկներում արտացոլվել են խեղաթյուրված տվյալներ՝ այս եղանակով խուսափելով առանձնապես խոշոր չափերով հարկեր վճարելուց։ Ավելին

ՊԵԿ նախագահ Էդուարդ Հակոբյանը Կառավարության նիստում, «ՀՀ-ից ԵՄ երկրներ ձկան կամ ձկնամթերքի արտահանման նպատակով՝ առևտրի վերահսկման և փորձագիտական համակարգում տնտեսվարող սուբյեկտի գրանցման, գրանցումը դադարեցնելու և առողջության սերտիֆիկատ տալու կարգը հաստատելու մասին» նախագծի քննարկման ընթացքում, կարևորել է Հայաստանից դեպի ԵՄ արտահանվող ապրանքների թվային հետագծելիության ապահովման հարցը։ Մանրամասները տեսանյութում👆🏻

Պետական եկամուտների կոմիտեն տեղեկացնում է, որ շարունակվում են հսկողական աշխատանքները՝ հսկիչ դրամարկղային մեքենայի կիրառման կանոնների, վարձու աշխատողի չձևակերպման և «Անկանխիկ գործառնությունների մասին» ՀՀ օրենքի պահանջների խախտման դեպքերի բացահայտումների ուղղությամբ։ 2026 թվականի հունիս ամսվա ընթացքում իրականացված և ավարտված հսկողական աշխատանքների արդյունքներով արձանագրվել են՝ 🧾հսկիչ դրամարկղային մեքենաների կիրառման կանոնների խախտման 224 դեպք, իսկ տուգանքի չափը կազմել է 88.2 մլն դրամ։ 👥վարձու աշխատողի չձևակերպման 39 դեպք․ չձևակերպված վարձու աշխատողների թիվը կազմել է 178, իսկ տուգանքի չափը՝ 44.5 մլն դրամ։ 💳«Անկանխիկ գործառնությունների մասին» ՀՀ օրենքի պահանջների խախտման մասով հարկ վճարողների մոտ արձանագրվել է 17 դեպք: Արդյունքում, հարկ վճարողներին ընդհանուր առմամբ առաջադրվել է 6.9 մլն դրամի չափով տուգանք: ՊԵԿ-ը հորդորում է հարկ վճարողներին դրսևորել հարկային կարգապահություն և հետևել օրենքի պահանջներին՝ նպաստելով կայուն և վստահելի բիզնես միջավայրի ապահովմանը։ Ավելին

💭Հարկային կամավոր կարգապահության խրախուսման, օրինապահ հարկ վճարողների համար առավել բարենպաստ պայմանների ստեղծման և հարկային վարչարարության կատարելագործման նպատակով Հարկային օրենսգրքում կատարվել են փոփոխություններ և լրացումներ։ Օրենսգրքի փոփոխություններով նախատեսվում է բարձրացնել օրինապահ հարկ վճարողի համակարգի գրավչությունը, խթանել հարկային կամավոր կարգապահությունը և ամրապնդել հարկ վճարող-հարկային մարմին գործընկերային հարաբերությունները։ Օրենսդրական փոփոխություններին կարող եք ծանոթանալ այստեղ

Հարգելի´ քաղաքացի, ցանկանո՞ւմ եք աշխատանքի անցնել Պետական եկամուտների կոմիտեի հետաքննության և օպերատիվ-հետախոզության վարչությունում։ Այդ նպատակով ՊԵԿ ուսումնական կենտրոնը կազմակերպում է դասընթաց, որը հաջողությամբ ավարտած մասնակիցները հնարավորություն կունենան աշխատանքի անցնելու ՊԵԿ հետաքննության և օպերատիվ-հետախոզության վարչությունում։ Հիշեցնենք, որ դասընթացին կարող են մասնակցել հայերենին տիրապետող, 18 տարին լրացած, բարձրագույն կրթություն ունեցող ՀՀ քաղաքացիները։ Ընդունելությանը մասնակցելու համար անհրաժեշտ է մինչև 2026 թվականի հուլիսի 29-ը ներառյալ ներկայացնել առցանց դիմում՝ կցելով պահանջվող փաստաթղթերը Դասընթացի մանրամասներին կարող եք ծանոթանալ այստեղ

💭Պետական եկամուտների կոմիտեն հիշեցնում է, որ 2025 թվականի և հետագա հաշվետու տարիների համար եկամուտների տարեկան հայտարարագիր ներկայացնում են 2025 թվականի դեկտեմբերի 31-ի դրությամբ ՀՀ ռեզիդենտ հանդիսացող ՀՀ բոլոր քաղաքացիները։ Միաժամանակ, եկամուտների հայտարարագիրը պետք է ներկայացնել «Ֆիզիկական անձանց էլեկտրոնային ծառայությունների միասնական համակարգում»։ Տեղեկատվական հոլովակում ծանոթացեք եկամուտների տարեկան հայտարարագրի լրացման և ներկայացման մանրամասներին, մասնավորապես. ⁉️ ովքեր են ներկայացնում եկամուտների տարեկան հայտարարագիր, ⁉️ ինչպես ներկայացնել հայտարարագիր, ⁉️ որոնք են հայտարարագրման ենթակա եկամուտները, ⁉️ հայտարարագրվող եկամուտներից որոնք են լրացվում ինքնաշխատ, որոնք՝ ինքնուրույն քաղաքացիների կողմից, ⁉️ երբ ներկայացնել հայտարարագիր: Եղե՛ք իրազեկ, ներկայացրե՛ք հայտարարագիրը ժամանակին:

🌐ԵՄ-ում և ՀՄԿ-ում ՀՀ մաքսային կցորդ Միքայել Խաչատրյանը Ստոկհոլմում մասնակցել է Եվրոպական մաքսային քիմիկոսների 9-րդ սեմինարին (9SECC): Միջազգային սեմինարին մասնակցել են 39 երկրի շուրջ 190 ներկայացուցիչներ՝ մաքսային լաբորատորիաների ղեկավարներ և քիմիկոսներ ԵՄ անդամ և թեկնածու պետություններից, ինչպես նաև Հայաստանից, ԱՄՆ-ից, Կանադայից և այլ գործընկեր կազմակերպություններից։ ՀՀ մաքսային կցորդը ներկայացրել է մաքսային փորձաքննության համակարգի արդիականացման հեռանկարները։ Ավելին

💬Հարգելի´ հարկ վճարող, 2025 թվականի ընթացքում Պետական եկամուտների կոմիտեն հարկային մարմին–հարկ վճարող քննարկումների շրջանակում ուսումնասիրել և գույքագրել է գործնականում առաջացած մի շարք խնդիրներ, որոնց զգալի մասն արդեն իսկ կանոնակարգվել են այս տարվա ընթացքում։ Իսկ մի շարք պարզեցումներ ուժի մեջ կմտնեն 2027 թվականի հունվարի մեկից։ Ամբողջական տեղեկատվությունը՝ տեսանյութում👆🏻

Շինանյութի արտադրության ոլորտում ՊԵԿ-ի լայնածավալ բացահայտումների արդյուքում արձանագրվել են առանձնապես խոշոր չափի խախտումների դեպքեր: Ստացված տեղեկություններն իրացնելու նպատակով Հետաքննության և օպերատիվ հետախուզության վարչության աշխատակիցների կողմից մշակվել, ձեռնարկվել և իրականացվել են բազմափուլ օպերատիվ-հետախուզական միջոցառումներ։ Ցեմենտ արտադրող գործարանում և բետոնի արտադրությամբ զբաղվող մեկ այլ ընկերության գործունեության մեջ բացահայտվել են հարկային իրավախախտումներ։ Նշված գործողությունների հետևանքով պետությանը պատճառվել է շուրջ 465 միլիոն դրամի վնաս։ Ավելին

💬Միասին ամփոփենք նախորդ շաբաթվա նորությունները 2026 թվականի առաջին կիսամյակում պետական բյուջե է մուտքագրվել 1 տրլն 556 մլրդ դրամ հարկային եկամուտներ և տուրքեր ՊԵԿ նախագահն աշխատանքային շրջայց է կատարել ժամանակավոր պահպանման պահեստներում ՊԵԿ նախագահը Mantashyants Global Business Forum-ի շրջանակում հանդիպել է գործարար համայնքի ներկայացուցիչներին ՊԵԿ-ը վարսավիրական և գեղեցկության ծառայությունների մատուցման ոլորտում իրականացնում է իրազեկման և աջակցման ծրագիր Հարկեր չվճարելու հանցանքի նոր շեմ՝ սկսած 30 միլիոն դրամից՝ 10 միլիոն դրամի փոխարեն Հուլիսի 1-ից ուժի մեջ են մտել ՀՀ հարկային օրենսգրքի մի շարք նոր կարգավորումներ Շարունակում ենք ստուգել հարկային գիտելիքները՝ հերթական վիկտորինան Բացահայտվել է վառելիքի ոլորտում տնտեսվարող սուբյեկտի կողմից առանձնապես խոշոր չափերի հարկեր թաքցնելու դեպք Մարզական համալիրներից մեկում ՊԵԿ-ը բացահայտել է 2.6 մլրդ դրամի թաքցված շրջանառություն Հունիսի 1-ից 30-ն իրականացված համալիր օպերատիվ-հետախուզական միջոցառումների արդյունքներ _________ 🎨Շառլ Կարապետ Ադամյան I Լողափին