ИБРАТЛЫ СӨЗЛЕР...

ҚАРАҚАЛПАҚТЫ КӨП МАҚТАМА КӨЗИМШЕ «Бир халық көрдим, жүреги, Көринер қабырғасынан». (Михаил Луконин) Қарақалпақты көп мақтама көзимше,  Қармаққа тез қабатуғын балықпан.  Ҳәр кимниң бар әззи жери өзинше,  Шортанымдай аңқылдақлаў халықпан. Бул кисини көзге мақтаўдан көре,  Пайдалырақ минин таўып сөккениң.  «Қарақалпақ жақсы халық» дегенге,  Бабам шешип берип кеткен шекпенин. Жалғыз атын сойып берип қонаққа, Жаяў қалып бул халық талай тарыққан.  Соны айтып, мақтайғойсаң бирақта,  Одан да зорын көрсететин халықпан. Беглиги көп йошып кетсе бу халық,  Дәстанларды қойдай дизип матаған. Ҳәмме халықты қарақалпақтан шығарып,  Өз тарийхын баслар Адам атадан... Мийнет десе жең түринген палўандай,  Арбаға таў тийе десең тийеген.  Дослық десе жулдыз таўып алғандай,  Халқымның ақ көкирегин сүйемен. Жек көрсе ол, «жек керемен сени» деп,  Саған барып айтпағанша тынбайды.  Бир пул тапса, «бай деп санаң мени» деп,  Есип жумсап қуртпағанша тынбайды. Сумлық қылса сыр алдырар баладай,  Кеўилшеклик минезине күйемен.  Ал енди оның кең жазийра даладай  Азаматлық кең пейилин сүйемен. Тайын мақтап, атын минсең, – сынамас, Мен бул халықтың минезине қанықпан.  Кеўлим мениң Жәйҳүн менен сағалас,  Сәл нәрсеге йошатуғын халықпан. Жыллы сөз еситип көрмей жасында,  Өгей өскен бала кәмалға келди.  Ленин берген дәўлети бар басында,  Мақтанарлық жағы көп оның енди. Жақсы сөзге жан семирер деген бар,  Хошеметке ҳәр ким ҳәўес өзинше.  Сондадағы өтинемен, адамлар,  Қарақалпақты көп мақтамаң көзимше... Январь, 1974-жыл. Каналымызға ағза болың👇 http://t.me/ibrayim_yusupov https://t.me/ibratli_sozler

Барлық адам қателеседи, бирақ қателесиўшилердиң арасындағы ең жақсысы өз қателигин мойынлап тәўбеге келгени. Қайырлы түн қəдирданларым! https://t.me/ibratli_sozler

ТУМАРИС АНАМЫЗ. (Массегетлер әлеминен қыялый елес.) Массегетти бабам дейип таныдық, Болсадағы тарийхымда былғасық. Биз қашан бир тарийхшыға жарыдық, Кетти өтмиш өзгелерге жалғасып. Басың көтер Тумариса анамыз, Биз ҳақыйқый Массегетлер боламыз. Кең далада жылдырымдай ат шаўып, Зәңгимизге аяқ тиреп турамыз. Аналары қылыш сермеп жүргенде, Қыз әўлады пәренжеге кирген бе?! Қалай ғана шыдап жүрсең ҳайранман, Пүткил дүнья қылығыңа күлгенде. Гүлайымлер, Тумарислер туўылмас, Алпамыслар болып атыр қуўырмаш. Әсирлердиң аржағында не гәп бар, Арзыў, әрман сүрнигеди жуўырмас. Кирдиң басын қанлы меске тығарсаң, Сен қашандур кимлигиңди уғарсаң. Мен Массегет даласында жуўырдым, Қысымланған жүрегиңди сығарсаң. Қамсықпаған көзинен жас шықпаған, Өлген улын тек ишинен жоқлаған. Пүткил ели Тумариске исенсе, Өз халқының исенимин ақлаған. Қарақалпақ миллетимен танып ал! Тамырымда Массегеттиң қаны бар. Тумариса бәршемиздиң анамыз, Бул тарийхтан үлесиңди алып қал! Тәғдийриңде талай-талай түн болды, Сак, Массегет, печенеглер ким болды, Жылнамашы сөйлемесең жыллардан, Гедир-будыр қыялларым дөң болды. Қыян-кести питпес өтмиш жарасы, Шығыс пенен батыс жақтың арасы. Тумариса оқтай шаўып баратыр, Қыялымда Массегетлер даласы... 2022-жыл. 4-октябрь. Абат Крамов. Каналымыз: @Kramov_Abatbay_poeziya https://t.me/ibratli_sozler

Қыямет басланғанда Исрапыл алайҳиссаламның суры шалынып барлық бенделер оның артынан ерип, ҳәттеки  алдын дүньядан өткен марҳумлар да тирилип Аршы алаға барады екен.  Алланың буйрығы менен жердеги ҳәмме имәратлар бузылып жер менен жексен болады. Тек ғана тандырлар қуламай турар екен. Олар тилге келип: − Я Рәббим усы үйдеги Анажан узақ жыллар даўамында мениң ыссы ҳәўиримде денеси күйип, күйеўи ҳәм балаларына нан жаўып берди. Сол ҳаялдың гүнәларын кеширсең сонда мен жерге қулайман, − деп жылайды екен тандыр. "Тандыр" сөзиниң мәниси де тийкарында "тән" − "дур", яғный: жабыўшының гүнәларын көтериўши дене, - деген мәнисти билдиреди екен. https://t.me/ibratli_sozler

#Мотивация ҚАЙҒЫРМА! Қәсте дүзеледи, мүсийбет кетеди. Гүна кешириледи, қарыз төленеди, тутқын азат болады. Келешек келеди, әсий тәўбе етеди. Пақыр бай болады. Қара булыт қалай тарқалғанын, қараңғы түн ақырына жеткенин, күшли самал қалай тынғанын, даўыл қалай тоқтағанын көрмедиң бе?! Демек, аўыр күнлериң артынан, кеңлик ҳәм жақсы бир өмир бар! Себеби, қойыў сая қуяш нурын тосады. Таза суў ыссыда шөлди қандырады. Ғам артынан рәҳәт бар. Дәрт қайғыларын саламатлық ләззети кеткизер. Буның ушын сен бираз сабыр қылыўың ҳәм бираз күтиўиң тийис! Шайх Аиз әл-Қарний https://t.me/ibratli_sozler