ՀՀ ԱԳՆ/MFA of Armenia

🗓️ Հունիսի 15 📍 Լյուքսեմբուրգ 🔷 ՀՀ ԱԳ նախարար Արարատ Միրզոյանը հանդիպում է ունեցել Շվեդիայի Թագավորության արտաքին գործերի նախարար Մարիա Մալմեր Ստեներգարդի հետ: Շվեդիայի ԱԳ նախարարը շնորհավորել է Արարատ Միրզոյանին ժողովրդավարական բարձր չափանիշներին համապատասխան խորհրդարանական ընտրություններ անցկացնելու և հաղթանակի կապակցությամբ: 🇦🇲🤝🇸🇪 Զրուցակիցները գոհունակությամբ արձանագրել են Հայաստանի և Շվեդիայի միջև քաղաքական երկխոսության բարձր մակարդակը՝ կարևորելով տարբեր ոլորտներում փոխշահավետ համագործակցության ընդլայնման ուղղությամբ տարվող աշխատանքները։ Անդրադարձ է կատարվել ինչպես երկկողմ օրակարգի հարցերին, այնպես էլ ՀՀ-ԵՄ գործընկերության խորացման հեռանկարներին, այդ թվում՝ Շվեդիայի աջակցությանը Հայաստանում իրականացվող ժողովրդավարական բարեփոխումներին և տնտեսական դիմակայունության ամրապնդմանը։ Զրուցակիցներն անդրադարձ են կատարել նաև տարածաշրջանային զարգացումներին:

🗓️ Հունիսի 15 📍 Լյուքսեմբուրգ 🇦🇲🤝🇳🇱 ՀՀ ԱԳ նախարար Արարատ Միրզոյանը հանդիպում է ունեցել Նիդերլանդների Թագավորության նորանշանակ արտաքին գործերի նախարար Թոմ Բերենդսենի հետ: Թոմ Բերենդսենը նախարար Միրզոյանին շնորհավորել է խորհրդարանական ընտրությունների՝ ժողովրդավարական չափանիշներին համահունչ անցկացման և հաղթանակի կապակցությամբ։ Նախարար Միրզոյանն ընդգծել է, որ արդյունքներն արտացոլում են ՀՀ քաղաքացիների ընտրությունն, այդ թվում նաև՝ արտաքին համագործակցության հետագա զարգացման տեսանկյունից։ 🔗Ամբողջականը

🗓️ Հունիսի 15 📍 Լյուքսեմբուրգ 🟦 ՀՀ ԱԳ նախարար Արարատ Միրզոյանը հանդիպում է ունեցել Սլովենիայի արտաքին ու եվրոպական հարցերի նորանշանակ նախարար Տոնե Կայզերի հետ: Շնորհավորելով գործընկերոջը պաշտոնը ստանձնելու կապակցությամբ՝ նախարար Միրզոյանը Տոնե Կայզերին մաղթել է հաջողություն պատասխանատու առաքելության մեջ: Իր հերթին Սլովենիայի ԱԳ նախարարը շնորհավորել է Արարատ Միրզոյանին ժողովրդավարական բարձր չափանիշներին համապատասխան խորհրդարանական ընտրություններ անցկացնելու և հաղթանակի կապակցությամբ: 🇦🇲🤝🇸🇮 Զրուցակիցներն անդրադարձ են կատարել Հայաստանի և Սլովենիայի միջև երկկողմ համագործակցության հարցերի, ընթացիկ ծրագրերի՝ պատրաստակամություն հայտնելով շարունակել համատեղ ջանքերով կյանքի կոչել ձևավորված հարուստ օրակարգը: Նախարարները մտքեր են փոխանակել ԵՄ հարթակում փոխգործակցության մեխանիզմների շուրջ։

🗓️ Հունիսի 15 📍 Լյուքսեմբուրգ 🔷 ՀՀ ԱԳ նախարար Արարատ Միրզոյանը հանդիպում է ունեցել ԳԴՀ արտաքին գործերի դաշնային նախարար Յոհան Վադեֆուլի հետ: Գերմանիայի ԱԳ նախարարը շնորհավորել է Արարատ Միրզոյանին Հայաստանում անցկացված ժողովրդավարական ընտրությունների և հաղթանակի կապակցությամբ՝ վերահաստատելով Գերմանիայի աջակցությունը Հայաստանի ժողովրդավարական զարգացման և եվրոպական ինտեգրման ուղուն: 🇦🇲🤝🇩🇪 Զրուցակիցները քննարկել են Հայաստան-Գերմանիա երկկողմ գործընկերության հարցեր. երկուստեք ընդգծվել է նախորդ տարվա դեկտեմբերին ստորագրված «Երկկողմ գործընկերության ռազմավարական օրակարգի մասին» հռչակագրի կետերի կյանքի կոչման ուղղությամբ համատեղ աշխատանքների կարևորությունը: Հայաստանի և Գերմանիայի ԱԳ նախարարները մտքեր են փոխանակել ՀՀ-ԵՄ ռազմավարական գործընկերության խորացման հարցերի շուրջ: Հանդիպմանն անդրադարձ է կատարվել տարածաշրջանային զարգացումներին: Նախարար Միրզոյանը ներկայացրել է հարևանների հետ հարաբերությունների կարգավորման գործընթացի վերաբերյալ ՀՀ տեսլականը:

🗓️ Հունիսի 14 📍 Լյուքսեմբուրգ 🟦 ԵՄ անդամ պետությունների արտաքին գործերի նախարարների խորհրդի նիստի շրջանակներում, ՀՀ ԱԳ նախարար Արարատ Միրզոյանը հանդիպում է ունեցել ԵՄ ընդլայնման հարցերով հանձնակատար Մարթա Կոսի հետ։ Մարթա Կոսը շնորհավորել է Արարատ Միրզոյանին խորհրդարանական ընտրություններում հաղթանակի կապակցությամբ, ինչը նաև լավ ուղերձ է ՀՀ-ԵՄ գործընկերության հետագա խորացման ուղղությամբ: Նախարար Միրզոյանն անդրադարձ է կատարել ժողովրդավարական քվեով ՀՀ քաղաքացիներից ստացած մանդատի հիման վրա հաջորդ շրջանում ՀՀ արտաքին քաղաքական առաջնահերթություններին, այդ թվում՝ ՀՀ-ԵՄ ռազմավարական օրակարգի, եվրոպական ինտեգրման առաջմղման տեսլականին: 🇦🇲🤝🇪🇺 Զրուցակիցները քննարկել են Հայաստան-ԵՄ գործընկերության տնտեսական բաղադրիչի խթանման ուղղությամբ կոնկրետ մեխանիզմներ և դրանց իրացման ուղղությամբ առաջիկա անելիքները: Նախարար Միրզոյանը և հանձնակատար Կոսը մտքեր են փոխանակել հուլիսի 5-ին հանձնակատարի՝ Երևան այցի օրակարգի շուրջ: Հանդիպմանն անդրադարձ է կատարվել նաև տարածաշրջանային զարգացումներին:

🗓️ Հունիսի 15 📍 Լյուքսեմբուրգ 🔷 ՀՀ ԱԳ նախարար Արարատ Միրզոյանը, ԵՄ ԱԳԱՔ բարձր ներկայացուցչի հրավերով, մասնակցել է ԵՄ արտաքին գործերի նախարարների խորհրդի ձևաչափով հանդիպմանը։ Աշխատանքային նախաճաշի ձևաչափով քննարկմանը մասնակցել են Եվրոպական հանձնաժողովի փոխնախագահ, ԵՄ արտաքին գործերի ու անվտանգության քաղաքականության հարցերով բարձր ներկայացուցիչ Կայա Կալասը, ԵՄ ընդլայնման հարցերով հանձնակատար Մարթա Կոսը և ԵՄ անդամ երկրների արտաքին գործերի նախարարներ ու ներկայացուցիչներ: ԵՄ գործընկերները շնորհավորել են նախարար Միրզոյանին Հայաստանում անցկացված ժողովրդավարական խորհրդարանական ընտրությունների և «Քաղաքացիական պայմանագիր» կուսակցության հաղթանակի կապակցությամբ։ 🔗Ամբողջականը

📢 Հունիսի 14-15-ին ՀՀ ԱԳ նախարար Արարատ Միրզոյանն աշխատանքային այցով գտնվելու է Լյուքսեմբուրգում: Հունիսի 15-ին ԵՄ ԱԳԱՔ բարձր ներկայացուցիչ Կայա Կալասի հրավերով նախարար Միրզոյանը կմասնակցի ԵՄ անդամ պետությունների արտաքին գործերի նախարարների խորհրդի նիստի շրջանակներում քննարկման։ --- 📢 14-15 июня министр иностранных дел Армении Арарат Мирзоян будет находиться с рабочим визитом в Люксембурге. 15 июня по приглашению верховного представителя ЕС по иностранным делам и политике безопасности Каи Каллас министр Мирзоян примет участие в обсуждении в рамках заседания Совета министров иностранных дел стран-членов ЕС.

🗓️ Հունիսի 10 🇦🇲📞🇱🇻 ՀՀ ԱԳ նախարար Արարատ Միրզոյանը հեռախոսազրույց է ունեցել Լատվիայի ԱԳ նախարար Բայբա Բրաժեի հետ: Բայբա Բրաժեն շնորհավորել է նախարար Միրզոյանին խորհրդարանական ընտրություններում «Քաղաքացիական պայմանագիր» կուսակցության հաղթանակի կապակցությամբ՝ վերահաստատելով Հայաստանի և Լատվիայի միջև գործընկերության հետևողական զարգացման հարցում մեծ պատրաստակամությունը: Զրուցակիցները քննարկել են Հայաստան-Լատվիա երկկողմ փոխգործակցության հարցեր՝ շեշտելով առևտրի ընդլայնման ուղղությամբ իրականացվող կոնկրետ քայլերի կարևորությունը։ Այս համատեքստում նախարար Միրզոյանը շնորհակալություն է հայտնել Հայաստանից ծաղիկների մի քանի խմբաքանակի՝ Լատվիա արտահանմանն աջակցության համար, ինչը յուրովի խթան կլինի երկու երկրների գործարար շրջանակների միջև հետագա կապերի սերտացման ու առևտրային նոր ուղղությունների զարգացման համար։ Նախարարներն անդրադարձ են կատարել նաև ՀՀ-ԵՄ գործընկերության օրակարգին և առաջիկա շփումներին։

🗓️ Հունիսի 2 🇦🇲📞🇪🇺 ՀՀ ԱԳ նախարար Արարատ Միրզոյանը հեռախոսազրույց է ունեցել ԵՄ ընդլայնման հարցերով հանձնակատար Մարթա Կոսի հետ։ Արարատ Միրզոյանը և Մարթա Կոսը գոհունակությամբ նշել են ՀՀ-ԵՄ գործընկերության զարգացման դինամիկան։ Արարատ Միրզոյանն ու Մարթա Կոսը քննարկել են ՀՀ-ԵՄ գործընկերության տնտեսական բաղադրիչի խթանմանը, այդ թվում՝ ապրանքաշրջանառության ավելացմանն ուղղված մեխանիզմների շրջանակը: Անդրադարձ է կատարվել տարածաշրջանային փոխկապակցվածության զարգացմանն ուղղված ծրագրերին, ինչպես նաև ժողովրդավարական դիմակայունության շարունակական ամրապնդմանն ուղղված փոխգործակցությանը՝ որպես ՀՀ-ԵՄ ռազմավարական օրակարգի մաս:

🗓️ Հունիսի 2 🇦🇲📞🇱🇻 ՀՀ ԱԳ նախարար Արարատ Միրզոյանը հեռախոսազրույց է ունեցել Լատվիայի ԱԳ նախարար Բայբա Բրաժեի հետ: Զրուցակիցները քննարկել են Հայաստանի և Լատվիայի միջև երկկողմ գործընկերության շարունակական ամրապնդման հարցեր: Կարևորվել է տնտեսական ոլորտում փոխգործակցության ակտիվացումը՝ հաշվի առնելով քաղաքական մակարդակում այդ հարցում արտահայտված պատրաստակամությունը: Արարատ Միրզոյանը և Բայբա Բրաժեն մտքեր են փոխանակել ՀՀ-ԵՄ գործընկերության ռազմավարական օրակարգի իրականացման ուղղությամբ աշխատանքներին: Հայաստանի և Լատվիայի ԱԳ նախարարներն անդրադարձ են կատարել ժողովրդավարական գործընթացները թիրախավորող հիբրիդային տարատեսակ գործողություններին և դրանց արդյունավետ հակազդմանը:

ՀՀ ԱԳ նախարար Արարատ Միրզոյանը ՀՀ բարձրագույն ղեկավարության հետ մասնակցել է Հանրապետության օրվան նվիրված տոնական զորահանդեսին։ 🇦🇲🇦🇲🇦🇲

💬 ՀՀ ԱԳ նախարար Արարատ Միրզոյան. «Մեր երկու երկրների միջև համապարփակ ռազմավարական հարաբերություններն այսօր առավել ամուր են, քան երբևէ։ Չափազանցություն չի լինի ասել, որ մենք թևակոխել ենք պատմականորեն աննախադեպ մի փուլ` հաշվի առնելով մեր երկկողմ օրակարգում հաճախակի պարբերական զարգացումները։ Ընդամենը մի քանի ամիս անցայս տարվա արդեն հունվարի սկզբին, ես և իմ հարգելի գործընկեր, պետքարտուղար Ռուբիոն Վաշինգտոնում ստորագրեցինք ԹՐԻՓՓ նախագծի իրականացման շրջանակի մասին մի նոր փաստաթուղթ»։ (…) 💬 ԱՄՆ պետքարտուղար Մարկո Ռուբիո. «Ինձ համար պատիվ էր այսօր արտաքին գործերի նախարարի հետ «Թրամփի ուղի՝ հանուն միջազգային խաղաղության և բարգավաճման» նախագծի վերաբերյալ մեր երկկողմ համաձայնագիրը նախաստորագրելը։ Այս համաձայնությունը ամենախոշոր քայլերից մեկն է պատմական այս ուղին իրականություն դարձնելու ուղղությամբ։ Սա Հայաստանում և տարածաշրջանում խաղաղության և բարգավաճման ճանապարհ է»։ 🔗 ՀՀ ԱԳ նախարարի և ԱՄՆ պետքարտուղարի մամուլի համար հայտարարություններն ամբողջությամբ։

🇦🇲🤝🇺🇸 Կայացավ ՀՀ ԱԳ նախարար Արարատ Միրզոյանի և ԱՄՆ պետքարտուղար Մարկո Ռուբիոյի հանդիպումը: Հանգամանալից քննարկվել են ՀՀ-ԱՄՆ ռազմավարական գործընկերության հետևողական կյանքի կոչմանն ուղղված քայլերը. Արարատ Միրզոյանը և Մարկո Ռուբիոն գոհունակություն են հայտնել այս երկկողմ գործընկերությունը նոր՝ համապարփակ գործընկերության մակարդակի բարձրացնելու կապակցությամբ: Հանդիպմանը մտքեր են փոխանակվել նաև տարածաշրջանային հարցերի շուրջ: Անդրադարձ է կատարվել Հայաստանի և Ադրբեջանի միջև հաստատված խաղաղության ամրապնդմանն ուղղված աշխատանքներին և տարածաշրջանային փոխկապակցվածության խթանմանն ուղղված ծրագրերին: ❕ Հանդիպման արդյունքներով ՀՀ ԱԳ նախարար Արարատ Միրզոյանը և ԱՄՆ պետքարտուղար Մարկո Ռուբիոն հանդես են եկել մամուլի համար հայտարարություններով⤵️ 🔗 https://m.youtube.com/watch?v=C5t1EUx_zug&pp=0gcJCVMCo7VqN5tD&ra=m

🗓️ Մայիսի 26 ✍🏻ԱՄՆ պետքարտուղարի աշխատանքային այցի շրջանակներում Արարատ Միրզոյանը և Մարկո Ռուբիոն ստորագրել են. 🔹 «Հայաստանի Հանրապետության և Ամերիկայի Միացյալ Նահանգների միջև համապարփակ ռազմավարական գործընկերության կանոնադրությունը», 🔹 «Հայաստանի Հանրապետության և Ամերիկայի Միացյալ Նահանգների միջև կարևորագույն հանքանյութերի և հազվագյուտ հանածոների արդյունահանման և մշակման ոլորտում մատակարարման ապահովման շրջանակային հուշագիրը»: Համապատասխան տեքստերը հրապարակվել են ՀՀ ԱԳՆ կայքէջում և հասանելի են հետևյալ հղումներով⤵️ 🔗 https://www.mfa.am/hy/press-releases/2026/05/26/Armenia_USA/13973 🔗 https://www.mfa.am/hy/press-releases/2026/05/26/Critical_minerals/13972

🗓️ Մայիսի 26 🇦🇲🤝🇺🇸ԱՄՆ պետքարտուղարի աշխատանքային այցի շրջանակներում Արարատ Միրզոյանը և Մարկո Ռուբիոն նախաստորագրել են. «Շրջանակային համաձայնագիր Հայաստանի Հանրապետության և Ամերիկայի Միացյալ Նահանգների միջև «Թրամփի ուղի՝ հանուն միջազգային խաղաղության և բարգավաճման» նախագծի (ԹՐԻՓՓ) վերաբերյալ ռազմավարական համագործակցության մասին»: 🔗Տեքստը հրապարակվել է ՀՀ ԱԳՆ կայքէջում և հասանելի է հետևյալ հղումով․https://www.mfa.am/hy/press-releases/2026/05/26/TRIPP_Framework/13971

📢 Մայիսի 26-ին Հայաստան կժամանի ԱՄՆ պետքարտուղար Մարկո Ռուբիոն: Կկայանա արտաքին գործերի նախարար Արարատ Միրզոյանի և Մարկո Ռուբիոյի հանդիպումը, որից հետո նախարարները հանդես կգան մամուլի համար հայտարարություններով: Ծրագրված է երկկողմ փաստաթղթերի ստորագրում: *** Հաջորդիվ կկայանա նախարար Միրզոյանի մամուլի ասուլիսը ԶԼՄ ներկայացուցիչների հետ:

Լիտվայի ԱԳ նախարար Կեստուտիս Բուդրիսը ՀՀ ԱԳ նախարարի տեղակալ Մնացական Սաֆարյանի ուղեկցությամբ այցելել է Հայոց ցեղասպանության հուշահամալիր: Նախարար Բուդրիսը ծաղկեպսակ է զետեղել հուշահամալիրի մոտ և հարգանքի տուրք մատուցել ցեղասպանության զոհերի հիշատակին: --- Министр иностранных дел Литвы Кястутис Будрис в сопровождении заместителя министра иностранных дел Армении Мнацакана Сафаряна посетил Мемориальный комплекс памяти жертв Геноцида армян. Министр Будрис возложил венок к Мемориалу и почтил память жертв Геноцида.

🗓️ Մայիսի 19 🇦🇲✍🏻🇱🇹 ՀՀ արտաքին գործերի նախարար Արարատ Միրզոյանը և Լիտվայի արտաքին գործերի նախարար Կեստուտիս Բուդրիսը Երևանում ստորագրել են «Հայաստանի Հանրապետության և Լիտվայի Հանրապետության միջև ռազմավարական գործընկերության մասին» համատեղ հռչակագիրը: 🔗Հռչակագրի ամբողջական տեքստը հրապարակվա՛ծ է և հասանելի է հետևյալ հղումով՝ https://www.mfa.am/hy/press-releases/2026/05/19/Armenia_Lithuania/13966

🇦🇲🤝🇱🇹 Լիտվայի ԱԳ նախարարի հետ համատեղ մամուլի ասուլիսին ՀՀ ԱԳ նախարար Արարատ Միրզոյանը նշել է⤵️ 💬 «Այս այցը տեղի է ունենում բավականին սիմվոլիկ ժամանակահատվածում՝ մեր դիվանագիտական հարաբերությունների հաստատման 35-ամյակում: Եվ հենց այս ժամկետում էլ մենք, ունենալով բոլոր նախկին զարգացումներն ու համագործակցությունը, կարողացանք ստորագրել մի փաստաթուղթ, որով բարձրացրեցինք մեր հարաբերությունների մակարդակը. Հայաստանը և Լիտվան այս պահից սկսած ռազմավարական գործընկերներ են: Սա մի ձևաչափ է, որը մեզ հնարավորություն կտա ավելի լրջացնելու մեր քաղաքական երկխոսությունն ու համագործակցությունը, ինչպես նաև ավելի համապարփակ մոտենալու ոլորտային փոխգործակցությանը: Մենք այսօր հնարավորություն ունեցանք քննարկելու մեր տնտեսական համագործակցության հեռանկարները, հատկապես՝ տեղեկատվական տեխնոլոգիաների, արհեստական բանականության և կիբերանվտանգության ոլորտներում, որտեղ Լիտվան հարուստ փորձ ունի, և որտեղ մենք նույնպես ունենք որոշակի փորձ ու գիտելիքներ, և կկարողանանք օգտակար լինել միմյանց»։ 🔗 Ամբողջական ելույթը:

🇦🇲🤝🇱🇹 ՀՀ ԱԳ նախարար Արարատ Միրզոյանը և Լիտվայի ԱԳ նախարար Կեստուտիս Բուդրիսը քննարկումները շարունակել են ընդլայնված կազմով՝ երկու պատվիրակությունների մասնակցությամբ: Հանդիպման արդյունքներով ԱԳ նախարարները հանդես են եկել համատեղ մամուլի ասուլիսով: