Дөрес сүзгә җавап юк!

Кыз тәрбия кылу угыл тәрбия кылу түгел: угылга яраган юллар кызга ярамый, кызга яраган эшләр угылга килешми. Гаяз Исхакый

Һәрбер яшәгән көннән гыйбрәт алып, Ходайга рәхмәт әйтеп яшә! Зарланма тормыштан бер дә, ул шундый авыр, катлаулы нәрсә инде. Булганына, барына шөкер итеп яшә!

Йомшак йөрәкләр белән авыр юлларны үтеп булмый. Нихаль Атсыз

Кеше ашап туяр, байлыкка туймас. Рифат Җамал

Беркайчан да кешенең узган гомереннән көлмә, чөнки үз киләчәгеңне син белмисең!

Сәламәт ярлы авыру корольдән бәхетлерәк. Артур Шопенгауэр

Дөнья бара ава-түнә — кояшы чыкса, йолдызлары сүнә. Рифат Җамал

Аллаһы Тәгалә башта кешене сынап карый да, аннан сабыр иткәннәрне юмарт итеп бүләкли.

Кеше белән кеше арасын ике нәрсә боза: берсе — ялган, икенчесе — дөреслек.

Иң татлы тел — туган тел, анам сөйләп торган тел. Татар халык мәкале

Кешегә күпме яхшылык эшләп тә, ул аны күрмәскә, кадерен белмәскә мөмкин. Ә менә әгәр дә ялгышып булса да бер начарлык кылсаң, син инде аңа гомерлек дошман булып кала аласың...

Бөек кешенең ике йөрәге бар: берсе газап чигә, икенчесе өметләнә. Хәлил Җөбран

Карт агачта да яшь бөреләр була. Рифат Җамал

Әгәр Аллаһ сине бәхетле итәргә теләсә, иң авыр юл буенча җибәрә. Чөнки бәхеткә җиңел юллар булмый.

Күңел тынычлыгы булганга шөкер итүдән башлана.

Хакимнәрдән йә исеме, йә бары исе кала. Рифат Җамал

Иң саф һәм эчкерсез күзләр — балаларда. Аларда усаллык, ялган һәм нәфрәт юк.

Әгәр халык үз мәдәниятеннән аерылып чыкса, ул таркалачак һәм этнос буларак яшәвеннән туктаячак. Гаяз Исхакый

Җәннәт — әниләрнең аяк астында. Хәдис

Озак яратсаң, игътибар итми башлыйлар. Күп кичерсәң, моннан файдалана башлыйлар. Барысына да әзер булсаң, бәяләми башлыйлар. Бары ташлап киткәч кенә кайтара алмаячак кешеләренең никадәр кадерле булуын аңлыйлар.