Дөрес сүзгә җавап юк!

Акка кара тиз йога.

Ижат кешеләрен, гомумән, эш кешесен, өч төрле язмыш көтә, дигәннәр акыллылар. Берәүләрнең, үзләре исән чакта ук, эшләре үлә. Икенчеләренең эше дә үзе белән үлә!.. Өченчеләрнең исә, үзләре үлсә дә, эшләре кала, хезмәтләре яши, чәчәк ата. Аяз Гыйләҗев

Акылсызлыкны һәм бозыклыкны «тауар хәленә җиткереп», табыш һәм керем исәбенә яшәгән милләтне, халыкны, дәүләтне Аллаһы каргышы барыбер тота... Мөхәммәт Мирза

Сүзләр телнең күрке булса, Мәкаль — телнең тоткасы! Илдус Гыйләжев

Сүзләргә колак сал: күзең — ачык, авызың ябык булсын. Мөхәммәт Мирза

Тел җәрәхәте кылыч җәрәхәтеннән ачырактыр вә яманрактыр. Каюм Насыйри

Пыяла савытларның сәламәт булып-булмавы тавышларыннан беленгән кебек, адәм балаларының һөнәрләре дә сүзләреннән беленер. Ризаэтдин Фәхреддин

Сакау карга каты каркылдый. Шәүкәт Галиев

Мәһабәт тел тирәге — милләтнең яшәү терәге. Марсель Галиев

Сүзсез калу — җавап көтү, Рәнҗүле күз — сүзсез хөкем. Акъегет

Шәһәрнең үз законнары, авылның – үзенеке. Җәүдәт Дәрзаман

Асыл ташлар ята суның төбендә, Асыл сүзләр ята күңел төбендә. Әкрам Галимов

Сәнгатьтә, тирәнлеккә төшү өчен, биек күтәрелергә кирәк! Шәүкәт Галиев

Тел кешене гөл итә, Тел кешене көл итә. Кави Латыйп

Ачулы башта акыл юк.

Нинди зур көч — читтә үз-үзеңне Халкың белән бергә хис итү! Муса Җәлил

Шагыйрь күңеле төпсез кое түгел, Ул күңелдә язмыш язылган. Гамил Афзал

Шигырьне нечкә күңелле, тирән хисле кешеләр укый. Габдрахман Әпсәләмов

Туган туфрак беркемне дә кире какмый ул. Туган якның туфрагы да җиңел дип, картайгач үләр өчен, тигмәгә генә кешеләр туган-үскән җирләренә кайтмыйлар. Фәнис Яруллин

Туган телем бабамнардан — Иң бай мирас, васыять. Әмир Мәхмудов