Дөрес сүзгә җавап юк!

Сүзеңне үлчәп әйт: әйтелгән сүз — атылган ук. Ук бәгырьгә кадалгач, үкенүләр соң була, җәрәхәт мәңгегә кала. Рабит Батулла

Хәләл ризык — иң беренче чиратта, үзең үстергән, үзең эшләп тапканга алынган бисмиллалы ризык. Мөхәммәт Мирза

Туган илеңне, туган телеңне, туган җиреңне тартып алудан да зуррак җәза юктыр инде ул?! Разил Вәлиев

Коллар без — үзара хан булып кыланабыз, Үзебез ятлардан телебезне теләнәбез. Ркаил Зәйдулла

Кешеләргә булган ачуны табигатьтән алмыйлар. Фәнис Яруллин

Тел байлыгы — буыннан-буынга күчә барган ганимәтле мирас, халык бәгыренә язылган тере сүзләр йолдызлыгы. Марсель Галиев

Эшне башлаганчы тәвәккәллә.

Җиһанда барча эшләр, барча хәлләр Тәңредән... Габдулла Тукай

Исеңдә тот: нәрсәгә ышанасың һәм нәрсә турында уйлыйсың, шуны үзеңә тартып торасың. Дж. Темплтон

Кешеләргә сереңне сөйләмәс бул. Габдулла Тукай

Аны онытканчы, башта исеңә төшер: аның кебекләрне очратканың булдымы икән...

Телен һәм кулын тыя алмаган кешегә ышанырга ярамый.

Синең белән булырга теләгән кешеләрдән баш тартма. Алар тормышыңның иң авыр вакытларында синең янда калучы бердәнбер кеше булырга мөмкин.

Иң зур байлык — ана теле, ул — чикләре булмаган гөлчәчәкләр иле. Фирдәвес Зариф

Бер-берегезне хәзер яратыгыз. Башка тормыш булмаячак.

Батырлык кешеләрне көрәшеп егуда түгел, бәлки ачу вакытында үзен тота белүдә. Хәдис.

Кешеләр бай булырга теләми; кешеләр башкалардан байрак булырга тели. Джон Стюарт Милль

Син үзеңне зурлама, кеше сине зурласын. Татар халык мәкале

Үткен тел — бәхет, озын тел — бәла!

Һәрвакыт көрәшергә кирәк, ишетәсеңме? Һәрвакыт! Хәтта үз-үзең белән дә. Йодрыкларны кысып, күз яшьләрен йотып, елмаеп көрәшергә. Теләгәнеңә, хыял яки максатыңа омтылырга кирәк. Ахырга кадәр. Һәрчак.