LEGAL MIND

Kriptovalyuta bilan nima qilish mumkin? Qonunchilikka ko'ra, kriptovalyutani faqat sotish mumkin va hech qanday javobgarlik yuzaga kelmaydi. Masalan, G'ishmatda kripto bor, o'sha kriptoni sichqonni bosib yoki noqonuniy mayning orqali topganidan qat'iy nazar sotib soqqasini qilishi mumkin. Jinoyat kodeksida, kriptoni sotib olish, o'tkazish va ayirboshlash uchun javobgarlik belgilangan. Masalan, G'ishmat o'rtog'i Azizning notcoinlarini (naprimer bu) sotib olsa, kashelok orqali o'tkazsa, barter qilsa birinchi jarimaga tortiladi, keyin qamoqqa tiqiladi. Nimaga aholi kripto sotib olishi mumkinmas degan savolga shu sohadagi xalq xizmatchilarimiz — odamlarimizni moliyaviy savodxonligi past, ruhsat bersak pulini kriptoga tikib hammasi yeb qo'yadi degan izoh bilan izohlashgan ekan. (Kinolarda tuuut degan joyida aytadiyu: blin, odamlarimiz tayyormas deb hokimlarni saylamaymiz, JSTga a'zo bo'lmaymiz) Bu hammasi emas: siz kripto bilan bog'liq savdo-sotiqni odamlarni bolasiga o'xshab Binance, Bybit, Bitgetda emas, o'zimizni 2020-yilda ochilgan milliy birjamizda (nomi nima, sayti qanaqa bilmayman) qilishingiz kerak, bo'lmasa javobgarlikka tortilasiz. Milliy birjadan foydalanish orqali xorijiy investorlarni jalb qilish (hali o'zimizni qorako'zlarni jalb qilolmadigu) va shu orqali iqtisodiyotimizni rivojlantirishni maqsad qilib hatto 25 kishilik ish o'rni ham yaratgan ekanmiz. Sotib olish ta'qiqlangani sababli, kriptovalyutalarni faqatgina mayning orqali kiritish mumkinligi belgilangan. Ammo mayning bilan shug'ullanadigan iste'molchilarni aniqlash va oshirilgan ta'riflarni qo'llash tartibi umuman ishlab chiqilmagan. Qadim-qadim zamonlarda mayning faoliyatini legallashtirish «Uzbekistan cryptocurrency mining pool» ilovasi yaratilishi asosida amalga oshirilishi kerak edi, ammo bu bo'yicha ham tegishli hujjatlar hali qabul qilinmagan ekan. Endi sal siz tushunadigan jaydari tilda aytsam, har qanaqa yo'l bilan kripto aktivlarni to'playvering, sotib soqqa qilganingiz uchun qonun oldida hech qachon javob bermaysiz. Lekin o'zaro ayirboshlashlar, o'tkazmalar ta'qiqlangan. Shuningdek, siz qonuniy yo'l bilan kripto faoliyat bilan shug'ullanishingiz deyarli imkonsiz. Birinchidan, qonuniy yo'lni o'zi deyarli ishlab chiqilmagan, normativlardagi tartib bo'yicha esa kripto bilan shug'ullanish deyarli imkonsiz. Shunday qilib, kanallarda notcoin sotib olamiz deb yurganlar qonunlarni buzishibdi keyin uzoq va baxtli hayot kechirishibdi. Yuqoridagi informatsiyalarga link berib ketishga erindim. Link berish mayningdan ham qiyin ish men uchun. @legal_mind

Rasman bugundan qabul boshlangani munosabati bilan shuni aytmoqchiman: erkak kishi tinchlikni xohlab qoladigan, hech kim yozmasligini va telefon qilmasligini, shunchaki, yolg'iz qolishni istaydigan vaqtlari bo'ladi. Tinch qo'yish kerak! @legal_mind

Qarang: pornoni saqlashingiz mumkin, diniy materialni saqlashingiz ta'qiqlangan Diniy materialni ham, pornoni ham tarqatsangiz, tayyorlasangiz, olib kirsangiz, lekin faqatgina pornoni namoyish va reklama qilsangiz ham javobgarlikka tortilasiz. Pornografik mahsulot — bu badiiy qimmatga ega bo'lmagan, odam tomonidan sodir qilinayotgan jinsiy aloqa tavsiflangan yoki tasvirlangan rasm, videolar hisoblanadi. Pornografik kontent bilan erotikani farqlash kerak. Erotika — bu san'at va pornodagidek qo'pol, bezbetlik, naturalistik xususiyatlariga ega bo'lmagan, ko'pincha, siz kinolarda duch keladigan 18+ sahnalar hisoblanadi va qonun ta'qiqlamaydi. Endi diniy mazmundagi ta'qiqlangan materialni tarqatish maqsadida saqlasangiz javobgarlik yuzaga keladi. Nima maqsadda saqlaganingizni tergovchilar topadi. Lekin tarqatish maqsadi sizda bo'lmasa, javobgarlikka tortilmaysiz. Masalan, G'ishmat you tubedan qaysidir chet eldagi qonun ta'qiqlagan domlani, aytaylik, Abdulloh Zufarni eshitib yuribdi. Eshitib yurgani, videolarini ko'rgani, hatto telefonida saqlagani uchun ham javobgarlikka tortilmaydi. Lekin komment, layk va share javobgarlikka olib keladi. Shunda diniy materialni tarqatish maqsadida saqlasangizgina javobgarlikka tortilasiz. Diniy va pornografik mahsulotlarni shaxsiy iste'mol uchun telefonda olib yurish mumkin. Har ikkala jinoyatning javobgarlik subyekti o'n olti yoshga to'lgan, aqli raso shaxs hisoblanadi. Jinnilarga zakon yo'q. Shuningdek, hali 16 yoshga to'lmagan shkolotronlar ham javobgarlikka tortilmaydi. Xulosa: «любой» saytga kirib istalgan videoni ko'rish hammaga mumkin. @legal_mind

Masalan, bozordagi mahsulotlar kartoshka, go'sht, neft, oltin va hokazo moddiy xususiyatga ega jismlar bilan narx har qancha oshsa ham financial bubble sodir bo'lmaydi. Chunki siz oddiy jism xususiyatiga ega bo'lgan mahsulotni eng qimmat narxda xarid qilsangiz va sizdan keyin qimmatroq narxda xarid qiladigan odam bozorda mavjud bo'lmasa, qo'lingizda eng kamida o'sha mahsulot qoladi. Natijada siz shunchaki o‘ta qimmatga xarid qilgan bo'lasiz. P/s: pufakni tasavvur qiling bo‘ldi, puflayversangiz qachondir yoriladi:) @legal_mind

Uorren Baffet, Geyts va iqtisod sohasidagi bir qancha Nobel laureatlari kriptovalyutani moliyaviy pufak deb hisoblarkan. Hozir shu haqida googlelab keldim. Moliyaviy pufak — bu mahsulotga nisbatan narxning sun'iy oshib ketishi hisoblanadi. Shundan moliyaviy pufaklarning eng kattasi AQSHda ko'chmas mulk bilan sodir bo'lgan va 2008-yil PAQ etib yorilishi natijasida butun dunyoda jahon iqtisodiy inqirozi sodir bo'lgan va davlatlar hayoti katta xolasinikiga qarab kirib ketgan. Ya'ni AQSHda hali qurilmagan uylar narxi keskin oshib ketgan. Masalan, G'ishmat Toshkentdan hali qurilmagan havodagi uyni sotib oladi. Huddi shu havodagi uyni boshqalar ham xarid qilishni boshlaydi. Sun'iy ravishda narxlar oshayotganini ko'rib barcha havodagi qurilmagan uyga investitsiya qiladi. Va qaysidir nuqtaga kelib narxlar eng pik nuqtasiga keladi va oxirgi xarid qilgan odam havodagi uyni sota olmaydi. Natijada pufak yoriladi. Nima uchun kripto qimorligini tushunmoqchi bo'lsangiz qarang: kripto sotayotgan barcha oxirgi xarid qiluvchining (kimligi noma'lum) pullari va oxirgi odamning xonavayron bo'lishi evaziga boyiydi. Ya'ni islom ulamolari oxirgi oluvchining pullari coin bilan birga kuyib ketishi aniq bo'lgani uchun joiz emas deyapti. Hozirgi coinlar bilan ham huddi shunday USAdagi housing financial bubble protsessi ketyapti. Kriptovalyuta pul sifatida produktlar o'rtasida vositachilik qilmayapti. Valyutaning asl mohiyati kripto aktivlarda yo'qoldi uje. Odamlar vositani maqsad qilib o‘ynayapti. Hozir tepadagi gaplarim sizga yoqmayapti. Qoloqlik, zamondan orqada qolish sifatida baholaysiz, Yevropada barcha ishonib o'ynayotganiga ishonasiz lekin 2008-2009 yillardagi inqiroz sodir bo'lishiga ham odamlarning 2003-yildan boshlab qurilmagan ko'chmas mulkka ishonib sun'iy narxlarga investitsiya qilgani sabab bo'lganini o'ylab ko'rishingiz kerak. Eng ishonchli kripto bitcoin ham 2011-yildan beri har xil o‘sishlar va tushishlarga uchragan (googleda statistikasi bor) Va ko'chmas mulklar bilan ham 1994-yildan boshlab 13 yil davomida shunday narxlar nostabilligi yuz bergan. Endi shar'iy hukmi masalasida fikrim: kriptovalyutani joiz degan katta ulamolarni eshitmadim, halol deb chiqqanlari mayda mullalar hozircha. Shar'iy hukmiga ergashish uchun islom dunyosining hozirgi eng katta olimlari ijmo asosida chiqaradigan fatvosini kutish kerak. Endi shubhalanayotgan bo'lsangiz, quyidagi hadisga ergashing: harom ochiq-oydin, halol ochiq-oydin, shubhali narsalardan uzoq yuringlar. P/s: dunyoviy ta'siri ham katta, odatda, 12-14 yilda bir dunyoda iqtisodiy krizislar bo‘ladi, navbatdagisi kripto bilan sodir bo'lmasligiga kafolat yo‘q. @legal_mind

Sizningcha, o'qishga kirishda turli xil imtiyozlar bo'lishi kerakmi? @legal_mind

Bu yil kuchli abituriyentlar kontraktda qolib ketmaydi. Aytaylik, yurisprudensiya yo'nalishiga umumiy davlat granti kvotalari beriladi va barcha abituriyentlar shu berilgan kvotalar uchun bir xil kurashadi. Bu degani, Termiz yoki NamDU yurisprudensiyadagi grant bali va TDYUdagi grantga o'tish bali bir xil bo'ladi degani. Masalan, G'ishmat 186.9 ball to'pladi va TDYUda kontrakt yoki Sharapat 186.9 ball to'pladi va NamDUda grant o'qiydi degani emas. Umumiy butun yurisprudensiya yo'nalishida ballar bir xillashadi. Aytaylik, yurisprudensiyaga 100 ta davlat granti berilsa, shu yo'nalishdagi eng yuqori 100 ta o'rin byudjetda o'qiydi. Yaxshi qaror bo'libdi. Bu qarorning ahamiyatini bitta xato qilib jinoyatda kontrakt o'qiyotgan va huddi shu xatoni qilib boshqa fakultetda grant o'qiyotganlar tushunadi. Shunday qilib, bitta universitetda yoki bitta fakultetda hammasi grantlar yoki kontraktlar yig'ilib qolish ehtimoli yo'q emas. @legal_mind