Muborak Zakirovna 🇺🇿🇺🇸

Quyida telegram platformasidagi bir-nechta foydali kanallarni siz bilan bo'lishmoqchiman: @nofalsafiy - kinodan koinotgacha: turli sferarlar ichra sayohat @mia_gapiradi - mos ta'rif topolmadik. Achchiq postlar o'qishni istaganlar kirib ko'raversin. @Zakirovna_blog- AQSHdagi universitet hayoti. @with_Fabesha - muvaffaqqiyat uchun blog! @gullayotganyurak - afsus, hayot faqat kitoblardan iborat emas @boqiy_darbadarr – Kitoblar va she’riyat @creo_blog - aniq bir format yo’q, shaxsiy fikrlar, Yevropadagi talabaning «comfort» sayohati. @sanduvoch_uz ​​— hikmat izlaganga

Assalomu alaykum, hammaga! Hozirda minglab maktab bitiruvchilari hamda boshqa chet elda taʼlim olishga qiziqadiganlar har yilgidek El yurt umidi jamgʻarmasining 2024-yil birinchi tanlovini eʼlon qilishini kutyapti. Nimaga kechikayotgani haqida toʻliq tasavvurga egamasman, shu boisdan sizlarga notoʻgʻri fikr yetkazib qoʻyishdan oʻzimni tiyaman. Lekin anchadan beri oʻylab kelayotganlarimni sizlar bilan baham koʻrmoqchiman, zora qaysidir maʼnoda javob topsangiz. Aytgancha, Dreamerʼda EYUF yoki El yurt umidi deb qidiruv bersangizlar ajoyib, foydali hamda ayrimlari kulgili maʼlumotlar chiqib keladi😅. Xoʻsh, bir ikkita fikrlarni ulashsam: 1. Iqtisodiyotdan sal xabari bor, Oʻzbekistonda yuz berayotgan islohotlarga befarq boʻlmagan har qanday kishi bu yil bir muncha iqtisodiy ogʻir yil boʻlayotganini his qiladi. I guess you know about fiscal scarcity. Bu narsa har bir tashkilotga oʻz taʼsirini oʻtkazmay qolmaydi. Bu birinchi masala edi. 2. Ikkinchi masala shuki, agar bilsangiz, bakalavrlar 4 yil oʻqiydi hamda shu muddat ichida 150-200 ming dollar har biriga sarflanadi. Tagʻin dunyodagi eng qimmat yerlarda oʻqishadi: AQSh, Birlashgan qirollik. Lekin magistrlarga kelsak, ular ancha moliyaviy maqbulroq, sababi ularning 80%i 1 yil oʻqishadi. Va yana koʻplari full tuition, full ride yutishgan(Italiyadagi magistrlar haqida gap ketmoqda). Bu degani bir bakalavr 4tadan 10tagacha magistrga ketishi mumkin boʻlgan mablagʻda taʼlim oladi. Har qanday moliyachi bakalavrni oʻqitish iqtisodiy jihatdan less efficient ekanligini biladi. 3. Endi uchinchi masalaga kelsak, qaysidir maʼnoda ikkinchining mantiqiy davomi. Agar statistikaga qarasak, davlat tashkilotlarida eng talabgir kadrlar magistrlar sanaladi. Aniq raqamlarni El yurt umidi jamgʻarmasining rasmiy sahifasida olishingiz mumkin. Bakalavr oʻzi Oʻzbekistondayam tiqilib yotibdi, ularga ishni koʻzini bilgan, chetda bilimini mustahkamlab kelgan magistr, doktorant kerak. 4. Moral jihatdan olsak, 17-18 yoshida hali yaxshi-yomonni ajratolmay chet elga ketganlar, ʼʼoʻzidan ketib qolyaptiʼʼ.(Koʻpchiligi, hammasi deyishga haqqim yoʻq. Vesternizatsiya bilan modernizatsiyani bitta narsa deb oʻylab, oʻzlarini bir nima deb fahmlayotganlari ham yoʻq emas, bu holat koʻpchilik bakalavrga ketayotganlar orasida yuz beryapti). Xullas, bu millat fenomeni uchun xavfli. Bu gaplarimdan nima deganimni tushungandirsiz? Aytmoqchimanki, bakalavrga kvota jamgʻarma tanlovlarida endi yanada qisqarib ketsa yoki oshmasa, hayron qolmang(bu mening oʻta shaxsiy fikrim). Chunki tepada arzirli iqtisodiy va maʼnaviy sabablarni keltirib oʻtdik. Xoʻsh, unda orzulardan voz kechish kerakmi? Javobim: hech qachon. Shunchaki Jamgʻarma, IVY league universitetlar prioritetingiz boʻlib qolmasin. Dunyo faqat 30-40 ta universitetdan tashkil topmagan. Dunyoda minglab yaxshi taʼlim beroladigan oliygohlar bor. Vengriya, Ruminiya, Italiya, Germaniya, Koreya, Yaponiya, Islandiya, Xitoy, Saudiya Arabistoni, BAA, Qatar, Bahrayn sizlarni sifatli taʼlim hamda toʻliq grantlar bilan taʼminlashga tayyor. Har doim 2tadan ortiq zaxira rejangiz boʻlsin. Yaxshisiga umid qilib, yomoniga tayyor turing. Hammagizning barcha ezgu niyatlaringiz ushalib qolishini umid qilib qoluvchi DREAMER