Toshkent harbiy okrugi rasmiy kanali

#Qonunchilikdagi_yangiliklar 🔉Korrupsiyaga qarshi kurashish samaradorligini oshirish boʻyicha qonun qabul qilindi  

⭐️Oʻzbekiston Respublikasi Prezidenti Sh.M.Mirziyoyev tomonidan 2026-yil 22-iyunda «Oʻzbekiston Respublikasining ayrim qonun hujjatlariga korrupsiyaga qarshi kurashish samaradorligini oshirishga, korrupsiyaga oid jinoyatlar uchun javobgarlik muqarrarligini taʼminlashga qaratilgan qoʻshimcha va oʻzgartirishlar kiritish toʻgʻrisida»gi OʻRQ-1155 Qonuni imzolandi.

🔗Qonun bilan 3 ta kodeks va 5 ta qonunga oʻzgartirish va qoʻshimchalar kiritildi, jumladan:

🗃Korrupsiyaga oid jinoyatlarni sodir etgan shaxslarning elektron reestri yuritilishi belgilandi;

🗃 Jinoyat kodeksida “korrupsiyaga oid jinoyatlar” tushunchasiga taʼrif berilib, unga 18 turdagi jinoyatlar kirishi belgilandi

🗃Huquqni muhofaza qilishga doir ayrim vazifalarga ega boʻlgan yangi institut – komplayens va korrupsiyaga qarshi ichki nazorat tuzilmalarining qonuniy asoslari yaratildi. Ularning vakolatlari, huquq va majburiyatlari qonun bilan oʻrnatildi.

🗃Qonun bilan korrupsiyaga qarshi kurashishda eng quyi maishiy korrupsiyadan tortib, yuqori darajadagi mansabdor shaxslar orasidagi jinoyatchilikka qarshi amaliy mexanizmlar belgilandi.

🗃 Komplayens tuzilmalarning mustaqil va taʼsirchan ishlashini taʼminlash uchun ushbu boʻlinmalar xodimlarining xavfsizlik kafolatlari oʻrnatildi.

🗃 Komplayens tuzilmalari barcha davlat organlarida tashkil etilib, shu jumladan, korrupsiyaga qarshi kurashish faoliyatini olib boruvchi tuzilmalarning oʻzida ham komplayens-nazorati tizimi olib boriladi.

🗃 Komplayens tuzilmalarining butun faoliyati Prezident Administratsiyasining Komplayens xizmati tomonidan muvofiqlashtiriladi.

🗃 5 turdagi korrupsion jinoyatlar uchun jazodan muddatidan ilgari shartli ozod qilish yoki jazoni yengilrogʻi bilan almashtirish qoidalari qoʻllanilmasligi belgilandi;

🗃 Korrupsiyaga qarshi kurashish agentligi zimmasiga har bir davlat organi va tashkilotlari, hududlar va sohalar kesimida korrupsiyaviy xavf-xatarlar xaritasini shakllantirish vazifasi yuklatildi;

🗃 “Korrupsiyaga qarshi kurashish toʻgʻrisida”gi Qonunda Korrupsiyaga qarshi kurashish boʻyicha milliy kengash, hududiy kengashlarning maqomi va vazifalari, Korrupsiyaga qarshi kurashish agentligiga 8 ta yangi vazifalar belgilandi

🛫Telegram 🔗 LIVE 📞 Facebook 📺 Youtube 📷 Instagram ❌X.com