Multaqa-😍 الملتقى 💖

صباح الخير يا شباب عارفين.. كلنا عندنا ذنوب مقيدانا وحاسين إنها حمل تقيل على كتافنا ممكن كمان تخلينا مكسوفين مش عارفين نقرب من ربنا بس الله جل في علاه يبسط يده بالنهار ليتوب مسئ الليل يعني مهما عملت ومهما بعدت ومهما عصيت هو يقبلك بس انت روح له دلوقتي واعترف بخطأك واطلب منه يعينك و يتوب عليك.

‏حقيقي علاقتي بصحابي بقت مش مفهومه، مبقتش عارف ده قريب ولا بعيد ولا ده لسة صاحبي ولا خسرنا بعض، مبقتش عارف مين لسه موجود ومين اللي مشي

أمي عاملة خناقة لرب السما من شويا مع مرات أخويا عماد عشان امي عملت كيكة للعيلة كلها ومرات أخويا اصرت إنها تعمل كيكة لوحدها.. ويشوفوا مين الأحسن.. فإزاي وإزاي بقى تطلع كيكة مرات عماد أحسن .. وخناقات ستات فارغة.. فأنا تدخلت في الموضوع وقلت لأمي الموضوع بسيط وممكن الكيكة تتحط يوم واتنين يعني مش هتزعل.. وقلت أبقي مصلح إجتماعي وقعدت مع أمي ومرات أخويا أحكي لهم القصة المشهورة بتاعة سيدنا داود وابنه سيدنا سليمان.. اللي ربنا قال في القرآن عليها ففهمناها سليمان وكلا آتينا حكما وعلما.. والقصة بإختصار.. ان فيه راجل عنده غنم.. والغنم ده بلليل راح أكل زرعة راجل كان زارع أرضه.. وبعدين اتخانقوا فراحوا يحتكموا عند داود النبي اللي قال ان الراجل صاحب الزرعة ياخد الغنم من صاحب الغنم.. لكن سيدنا سليمان رغم سنه الصغير قال.. لا.. الراجل صاحب الزرعة ياخد لبن الماعز واولادها لمدة سنه كامله يصرف علي ببته ويعوض خسارة زرعته.. وصاحب الغنم يزرع أرضه وبعذ ما تطلع محصول يرجعها لصاحب الأرض.. فربنا قال ففهمناها سليمان.. مع ان داود وسليمان الاتنين عندهم علم وحكمة.. يعني الهدف من القصة ان مش عيب حد يبقي افضل من حد حتى لو أقل منه.. ووجهت كلامي لأمي إن مش عيب أبدا الكيكة بتاعتها تبقي أحسن من بتاعتك وتزعلي أوي كدا.. كل حاوي وليه طريقته يعني.. كل ده وعماد قاعد يبص وساكت ولا في دماغه.. فأمي بتقوله طب دوق يا عماد قدام مراتك بتاعتها وبتاعتي.. فأكل من هنا ومن هنا.. وكمل بتاعة أمي من غير ما يكلم.. فأمي حست بإنتصار رهيب وراحت تغسل مواعينها.. فلقيته بيقول لمراته.. قالبة وشك ليه.. قالته الكيكة بتاعتي وحشة بتكسفني قدام أمك يعني.. قالها لو قدامك أكلتين واحدة حلوة وواحدة وحشة ولازم تاكليهم تاكلي أنهي فيهم الأول؟ لقيتها بتضحك وبتقوله هاكل الوحشة الأول غصب عني وأكمل بالحلوة عشان طعمها يبقي في بؤقي في الآخر.. قالها انا سايب بتاعتك للآخر.. إطلعي شقتنا بقى اعمليلي شاي وخدي الكيكة دي فوق أكلها بروقان .. فطلعت وسابتنا فبقول لأمي عشان أشعلل الدنيا.. تعالي شوفي عماد بيقول ايه.. لو قدامك اكلتين وحشه وحلوة تاكلي أنهي واحدة فيهم الأول.. لقيت أمي بتقوله يعني أكلي وحش يا عماد؟.. قالها يا ماما لو قدامك اكلتين هتاكلي الحلوة وتسيبي الوحشة يا حبيبتي ولا إيه.. قالتله آه يابني عندك حق لو وحشة هاكلها ليه.. أمي قالتله والنبي ماحد جابر خاطري غيرك.. عماد قالي حلوة قصة سيدنا سليمان والغنم.. قلتله سبحان الله ياخي القصة متركبة عليك أوي طول عمرك ناصح.. قالي ومتركبة عليك.. طول عمرك غنمة شاردة مابين العيلة في أمور مالكش فيها..

لا بالنصايح ولا بالتجارب؛ هي صدمة نفسية واحدة هتعيشها هتكبّر عقلك حوالي 20 سنة على الأقل. ومن بعدها هتتعلّم توزن الأمور وتركز في إختياراتك، هتشوف مين يستحق يدخُل حياتك ويقرّب منّك ومين كفاية ترد عليه السلام من بعيد لبعيد، هتعرف إمتى تتكلم، وإمتى تسكُت، وإمتى تنسحب وإنت شايف إن الإنسحاب مكسب عظيم ومش ضعف زي ما بيتقال. وعلى أد ما الصدمات النفسية بتهز كيان الواحد على أد ما هي دي الحاجة الوحيدة اللي بتفوقه وتخليه يشوف ويفهم الدنيا صح.

مِن الجُمل الجميلة اللي قابلتنِي رضيّ الله عن قائِلها.. " لو مش هتصلِي الفَجر حاضِر، وتقرأ الأذكار، يبقى متخرجش من البيت أبدًا اليوم ده أنت عبيط! هتخرج وأنت مش في ذِمة الله!"

محتاجين من وقت للتاني نفكر نفسنا إن مش كل الناس يستحقوا فرصة تانية، وإننا نبدأ معاهم صفحة جديدة بالذات لما تكون فداحة الغلطة الأولى لسه سايبة أثرها النفسي العميق، والمؤلم فيك.. مش لازم تشرب البحر كله عشان تتأكد إنه مالح!.. والحل؟.. البُعد نجاة لـ نفسك باللي باقيلك منها، والقُرب هيكرر الوجع مش أكتر بالذات مع وجود مليون إشارة رباني إن السكة الفلانية سد، وإن مفيش فايدة في فلان، وإن عِلان وشه وقلبه ونواياه كلهم سواد. "نجيب محفوظ" قال: (أحياناً إعطاء أحدهم فرصة ثانية مثل إعطائه رصاصة إضافية لأنه لم يصبك فى المرة الأولى!).

" يا عزيزى أنا أكتر شخص مُريح في الدنيا ومكتفي بنفسه ، لا بطلب اهتمام من حد ، ولا بعاتب اللي مبيسألش ، ولا بشغل بالي ، كلمتني هتلاقيني موجود مكلمتنيش فـ مش هيبقى عائق ليا .."

“تُعجبني عمَّتي وتأسرني طبيعتها وطيبتها، كلما نظرت إليها كأني أنظر لأبي، أحبُّ قربها و أتلذَّذ بحديثها ورأيها السَّديد، خفيفة الروح هي، حلوة المنطق، عذبة الضحكة، كل من يجالسها تخطف قلبه، أنا أحبُّ عمتي لا حُرمتُ منها.”

من ضمن اسباب حُبي لـ صحبتي انها بتاخدني ع قد عقلي بتكلم بجد هي فعلا بتاخدني ع قد عقلي لو قولتلها عايزه اروح المريخ تقولي ماشي هنروح بليل ، بتعرف تصورني صور حلوه بتفضل تصورني مليون صوره وهي عارفه انه مش هيعجبني غير صورتين بس منهم في الاخر ، بتعرف تسمعني لو حكتلها نفس الحكايه مليون مره بتسمع كأني بحكي الموضوع لأول مره عادي ،بتقولي حاضر علي اي حاجه ، بتعرف تتعامل مع تقلباتي المزاجيه ، بطبلي علي كل حاجه ، بتعرف تتعامل مع الدوشه اللي في دماغي من الاخر بتعرف تتعامل معايا ومع دماغي ، بحس معاها اني مع نفسي بتكلم مع مرايتي مش شايفه ان الانسان محتاج حاجه اكتر من صاحب يفهمه ويعرف يتعامل مع دماغه

" سيأتي يوم تُقابل شخصاً يفهمك ويحبك ، شخصاً لا يريدك أن تعاني مرة أخرى .."

في فيلم X لارج احمد حلمي كان عايز يتجوز دنيا سمير غانم وهو عمل معاها كل حاجه حلوه وفي الاخر سابته علشان كان عنده عيب انه تخين مع انه هو ماسبهاش لما كانت عندها عيوب كتيير من ضمنها انها عصبيه واستغلاليه وبتاعه طلبات كتيير وفعلا سابته علشان العيب ده وكان ف اصعب ظروف وكان فعلا محتاجلها جدا. بس لما بعد عنها عرف ينزل من وزنه ويصلح العيب ده وقدر يثبت انه بيها او من غيرها قدر ينجح وينزل من وزنه! ولو تبص بقا ف اخر الفيلم هتلاقيه بيقولها.. مش فاكرك عرفيني بنفسك ،انتي مين؟ ومتجوزهاش برضوا في الاخر علشان موقفتش جمبه وسابته ومستحملتهووش رغم انه استحملها وحبها. الفكره من كل دا اللي ماواقفش جمبك فتره احتياجك ده سواء صاحبك او حبيبك فدا محبكش ولا يستاهلك. الحاجة اما بتيجي متآخره يبقي ملهاش لازمه اعرف قيمه اللي ف ايدك قبل مايضيع منك♥️

جربت تتكلم مع حد وانت يدوب بتديله نبذه عن انت بتحس بايه ، ويبدأ هو يشرحلك شعورك ؟ ويقول كل الكلام اللي انت عايز تقوله بس مبتعرفش ؟ ويبدأ يقولك ازاي تهندل كل ده ؟ متهيألي ده اجمل حاجه انت ممكن تلاقيها في شخص

عارفين يعني اية صحوبية نضيفة ؟ - يعني صاحبي يفضل يقولي عايز أشوفك بقاله شهرين و لحد دلوقتي مش عارف اظبط عشان اشوفه و يفضل كل مرة يقولي يلا بينا من غير زهق ولا عتاب .. ـ يعني صاحبي اللي ممكن اتشغل عنه وارجع أكلمه بعد فترة كبيرة وأول ما اكلمه يقولي يعم واحشني والله مش يقولي انت مش جدع ومبتسألش .. ـ يعني صاحبي اللي أدخله بيتي وانا مطمن عشان عارف إنه هيتعامل مع أهل بيتي كأنهم أهله بالظبط .. - يعني صاحب عمري يكلمني يقولي بقالي شهر مشوفتكش .. عايز اشوفك نتكلم شوية و نتقابل بعد كل الفترة دي عشان نتكلم في كلام مش هينفع يقوله لحد غيري .. لو معندكش صحاب من دول فانت معندكش صحاب .. انت عندك اتب علي ضهرك و مسميهم صحاب " الصحاب سند مش حمل 💙". #لقائلها .."

بستغرب من الشخص اللي ما بيغيرش صورة البروفايل بتاعته لدرجة إننا حفظناه بيها ولو دخلت تشوف تاريخها هتلاقيها من أربع أو خمس سنين كده واحتمال يكمل بيها باقي عمره إيه ما بتلاقيش كل شوية صور حلوة على بنترست وتحتار تحط أنهي فيهم؟ ما بتنطفيش وتجري تحذف الصورة زينا كده؟ طب مافيش أي رغبة في التجديد خالص؟

الحمد لله الذي خلق في هذه الدنيا لحظات فرحٍ تهوّن علينا المصائب..

كنت لابسه لينسيز وتقريبا عملتلي التهابات في عيني من اول ماخرجت من البيت وانا عيني بتدمع ركبت ميكروباص وقعدت جمب السواق لان مفيش مكان ولقيته مشغل مصطفى كامل ازيك حبيبي وانا عيني بتدمع من الهوا والسواق كل شويه يبصلي ويقول لسه في حد بيحب من قلبه كده تلاقيكي بتفتكري ايامكو مع بعض وانا من كتر الضحك مش عارفه ارد وعيني بتدمع اكتر الناس قالتلو اقفل الكاسيت يسطا البنت هتتجن من العياط

أتباهى بأهليّ ، مثلما يتباهى المرء بانتصارهِ الوحيد أمام كل خساراته✨

اليوم اللي " هتموت فيه " مش هيكون مميز ! هتصحى الصبح عادي خالص زي كل يوم تشتغل وتآكل وتشرب وتهزر وفي لحظة هتموت ! الفكرة أنه عادي خالص اليوم بيكمل وبعد ما بيدفنوك ، اللي وراه حاجه بيروح يعملها والناس بتروح تنام عشان تصحى الصبح تشتغل وتآكل وتشرب وتهزر مفيش تغيير كبير ولا صغير هيحصل بفقدك في العالم .. في البلد .. في الأسرة ، حتى البقال هيفتح تاني يوم عادي جدا بغض النظر عن العزا بتاعك ، ده إذا كان فيه عزا !! كل شئ هيستمر عادي خالص أصل مش مهم يعني والحي أبقى من الميت وكده ، ودى مش قلة وفاء أبدا ، إنما الدنيا كده وكله عايز ياكل ويشرب ويهزر زيك ويدور على إحتياجاته الطبيعية " أنت بس اللي حياتك هتتغير تغيير جذري محدش هیسند معاك اليوم الفارق ده والشيلة شيلتك لوحدك - لو سمحت كفايه غفلة ** واشتغل ليوم موتك بعد اذنك -📖 اللهم أحسن ختامنا 📖❤️

السعي حلو لأن الفراغ مُهلك، بس ما خلف الكواليس مؤلم! مؤلم لأنه بياخد مننا فِكر ووقت وعُمر وتجارب وفي الآخر لا صابت لا خابت. بناخد كل خطوة وإحنا مش عارفين إذا كانت صح ولا غلط، بنبقا نفسنا حد يقولنا أي حاجه تنور لينا خُطانا. و في نهاية المطاف عسانا إنها خُطى نؤجر عليها، ما أصاب منها سَنسعد به، و ما لم يصب سنضعه في خانة التجارب التي ينبغي أن نتعلم منها و نتشاركها مع الغير فربما يُعينهم ذلك ع خطوة يُقدمون عليها. أسأل الله أن يُسدد خُطانا ولا يُذهب منها شيئا سُدى ويرزقنا الصبر والرضا أينما حللنا. يارب اللهم آمين