Multaqa-😍 الملتقى 💖

‏دي القضيه الوحيده في العالم اللي الحق فيها واضح و الباطل معروف .♥️ محمد محمد أبو تريكة مبحبكش من فراغ ♥♥♥

فليهدمو كل المآذن فوقنا..... نحن المآذن فاسمع التهليلا ♥✌🏻

واحدة كانت بتسأل الشيخ بتقوله "انا نفسي ابدأ صفحة جديدة مع ربنا بدون اي ذنوب، ومش عارفه أعمل ايه" قالها من صور رحمة ربنا بالبشر، ان الشخص لو شرب او أكل وبعد ما خلص قال "الحمد لله" كده ربنا بيغفر ذنوبه ولو كانت مثل زبد البحر، فالرسول قال "إذا أكل العبد او شرب فقال الحمد لله الذي أطعمني هذا ورزقني من غير حول مني ولا قوة الا غفر الله ذنوبه ولو كانت مثل زبد البحر" رواه الترمذي، طب يا شيخ فيه بردو اخطاء بخاف ربنا ميمحيهاش ليا اعمل ايه، كل اللي هتعمليه انك تتصدقي حتي ولو بجنيه او طعام،دواء، ملابس، بس علي يقين، قال الرسول "الصدقة تُطفئ الخطيئة، تُطفئ غضب الرب، تدفع ميتة السوء".

ليه الاجازة الدراسية بتكون فالصيف يعني ليه متكونش فالشتا مثلا ونرجع من آخر يوم امتحانات والجو بيمطر تلج وننزل تحت البطاطين ونعمل بيات شتوي وننام براحتنا ونشرب مشروبات دافية ونقضي اليوم على كيفنا بدل ما بيكون فيه دراسة ايام الشتا ونصحى الصبح بالعافية مش هاين علينا نقوم من تحت البطانية ونفضل سقعانين ومش عاوزين ولا قادرين نذاكر ونشوف اللي ورانا وكل اللي محتاجينه أننا نشرب حاجة دافية وننام

عندي واحده صاحبتي كل مره بتشوفني بتقولي إن لبسي حلو وإن شكلي جميل بدون مبالغة كل مره وأنا بجد بحب الناس اللي تمدحني دايمًا وأحب الاهتمام الزيادة

أحيانًا بيدفعني الفراغ اسكرول في البروفايل بتاعي، وبنبهر في كُل مرة بعبقرية الآراء وخفة الدم وبتبسط إن فيه ناس بهذا القدر من العظمة عايشة معانا ع الكوكب..

تَسْجِيلُ المُكَالَمَات حَرَام؟ ج/ لا يَجوز تَسْجِيلُ كَلام شَخص بغَيرِ إذنه. الشَّيخ مَحمُود مَدَّاد

زمان لما كان حد مَيسألش عليا لمدة طويلة كنت بقوله الجملة الشهيرة ( يعني مفيش في يومك ٥ دقايق تسئل عليا فيهم ) بعدين عرفت ان ممكن بالفعل الواحد يكون عنده ٥ دقايق و اكتر كمان في يومه بس من التعب و الارهاق و مشاكل الدنيا مَيقدرش يكلم فيهم حد .. يبقى عاوز يبص فـ السقف كدا بس بدون هدف و يحاول يفصل دماغه من كل احداث اليوم. - إلتمسوا الاعذار لبعض و بادروا بالسؤال بدون عتاب و تأنيب ..

لما الفلوس الي معايا بتخلص بقرر اصرف من الفلوس الي محوشها وبعتبر اني دينت نفسي ولازم ارجعهم اكيد ، واول مقبض بسامح نفسي فيهم وخلاص لأن انا وانا واحد يعني ومفيش بينا الكلام ده ومستحيل نخسر بعض عشان شوية فلوس .

انا مصري وانت مصري وكل اللي في ال CC مصريين .. ليه بقا نروح كلنا ندور في جوجل علي معاني الكلمات اللي عايزين نبعتها في ال mail بلغه تانيه؟ ايه الفرق بين Dear وشقيق؟ ايه الفرق بين I hope this mail finds you well واصطباحتك زي الفل؟ ايه الفرق بين ASAP وانجز نفسك؟ ايه الفرق بين Best Regards وابيض ع الابيض؟ شكليات كلها والعربي اشيك اصلا ياجماعه.. وفيه تعبيرات استنكار بتبقا محتاج تقولها بالعربي بجد

سلام على الأصدقاء الذين لا يتبدلون ولا يتغيرون ، وإن أخذتهم طول المسافات أو غيبتهم الأماكن والظروف ؛ السلام على الذين يكبرون معنا في الحب والمكانة في القلب كلما كبرنا في عدد السنين! السلام على الأصدقاء القلة الأوفياء، كلما كثر الصحب من حولي

«وامنُنْ على عبدك العانِي بمغفِرَةٍ ‏تمحو خطاياهُ في بَدءٍ وَمُختَتَمِ!»

اعلى ليڤل في قلة الذوق والوقاحة لما اللي حواليك يبقوا مهتمين بيك وبيسألوا عنك وبيسمعوا مشاكلك وكل ده ترميه ورا ضهرك وكل نص ساعة طالع علينا ب قد ايه الانسان لوحده ومعندوش صحاب ومحدش مهتم بيه ، حبيبي لو انت عايز الاهتمام من حد بعينه قول ولو هو كارفك دي مشكلتك مش مشكلتنا وطالما كدة لوحدك وكدة لوحدك يبقى متصدعناش بقى بمشاكلك وخلينا اندال بحق وحقيقي

دكتور في الجامعه متعين جديد بيقول نزلت اتمشى شويه في حرم الجامعه ، لقيت طالب بيقولي ممكن حضرتك ناخد البريك وقت الصلاة ! كان اول مرة اسمع الطلب ده ووافقت لانه قريب من وقت البريك اللى انا محدده ! مرة بعد مرة حبيت الولد ده جدًا هو واتنين صحابه ، وسننا كان لسة قريب جدًا من بعض ! عجبنى جدا روحهم الحلوه وابتسامتهم علطول ، بقيت فى البريك بنزل اصلى معاهم ونرجع المحاضره ! فى اخر الترم واحد منهم جيه قالى اطلع معانا عمره ، حبيت الفكرة وقولتله اشطا ، قالي بس هنطلع برى ! قولتله ليه مفيش طيران ! قالى في بس احنا هناخدها رحلة نستمتع بالصحبة والثواب باذن الله اكبر ! بصراحة انا مكنتش فاهم صحبة اي واحنا رايحين عمره ، اي هنقعد فى الاتوبيس نغنى ونرقص ونعمل مقالب فى بعض ونلعب افلام يعنى وننزل الماية ! المهم وافقت ركبنا الاتوبيس ؛ بعد شوية واحد مسك الميكروفون وعرفنا بنفسه بعدين قال انشوده وكان صوته تحفه ، بعدها كذا واحد يطلع يعرفنا بنفسه اللى قرأ قران واللى قال اذكار واللى هزر شويه واللى بص على الجبال وقالنا "خواطر" لما بيتأمل فى خلق الله انا كنت قاعد مش فاهم ؛ اي ده فين التسقيف والرقص طيب كنت بتفرج على اللى بيتكلم وعلى الناس اللى قاعدين كلهم كنت مستغرب نفسى وسط الناس دى ، بس مش عارف ليه كنت حاسس انى مبسوط جدًا ! وصلنا الميناء ، صاحبى خدنى يعرفنى على واحد قاعد على الارض مع سواق الاتوبيس واتنين كمان بياكلوا ، قالى ده صاحب شركة السياحة اللى طالعين معاها ! استغربت وقولتله هو مطلعش مع رحلة الطيران ! قالي لا هو بيحب يطلع البرى علشان لو الناس احتاجوا حاجة ! مش هعرف اقول حسيت ب إيه ولا الراجل ده بابتسامته وتواضعه اثر فيا ازاى ! ركبنا العباره ، لا الكباين صالحة للنوم ولا السطح ينفع حتى نفرد ضهرنا عليه لان كان فيه طبقة غريبة لزجة شوية مغطية السطح كنا بنعانى حرفيا ، بس الناس دى فى كوكب تانى ؛ بيتكلمو ويضحكو ويهزروا ! واحد منهم مره واحده بص للسما وقال بصوت عالي "احنا متبهدلين اهو، مش عارفين نمدد جسمنا حتى، كان ممكن نطلع طيارة، الثواب يارب !" انا لسه فى حالة اللاوعى اللى انا فيها ، حاجات كتير مش مستوعبها ولا شوفتها قبل كده هو بيكلم ربنا ؟ بحب كده ؟ بهزار محترم اوي كده ؟ كانت لحظة غريبة عليا جدا ! وصلنا بعد يومين معاناه تامه ، دخلنا فندق المدينة بعد نص الليل ؛ طبعاً جريت على السرير هموت وانام ؛ لقيت صاحبى بيقولى يلا ! فبقوله يلا اي ! قالي ننزل نسلم على الرسول ونصلى قيام عند الحرم ! يا عم انت مش طبيعى انا هنام شويه علشان افوق كده وبعدين اعمل كل ده ، انزلوا انتو ! فعلا نزلو هما وانا نمت ؛ كنت تقريبا بقعد في الاوضه لوحدي كل فتره وهما يرجعوا يناموا ساعة ولا اتنين وينزلو الحرم يكملو ! صاحبى ده كان نايم مره ، سمعت صوت بصيتله لقيته فى سابع نومه بيتكلم وهو نايم بيقول: لا يا " عمر"... "ابو بكر" ذهب الى ....! انت بتحلم ب إيه ياعم انت ؟ انت بتكلم مين طيب ؟ بالله عليك دخلنى معاك فى الحلم ده يا اخى ! واحنا فى الحرم قبل الصلاه واحد منهم قال النهارده اخر يوم فى المدينه والامام ده بعشق صوته ؛ يارب يقرأ سورة الرحمن ! إبتدينا الصلاه وبعد الفاتحه ؛ بدأ الامام"الرحمن علم القران.." ! انا فى اللحظة دى بكيت على نفسى جدًا ! هما ازاى الشباب دول كده ! إزاى وصلوا لكده مع ربنا ! إزاى ربنا مراضيهم كده والفرحه وابتسامة الرضا مش بتروح من على وشهم ! طب هو ليه انا مكنش صحابى زى دول؛ كانت حاجات كتير اتغيرت ! انا كنت فاكر إنى عايش كويس ومبسوط ؛ بس معاهم فهمت الفرق بين انى "اعيش" وانى "احيا" ! "مَنْ عمل صالحًا مِّن ذكَرٍ أَوْ أُنثَي وَهوَ مؤْمنٌ فَلَنُحْيِيَنهُ حياةً طيبَة وَلنجزِينهمْ أَجرهم بِأَحسنِ مَا كانوا يعملون" ! " وَمَنْ أَعرض عن ذِكْرِي فَإِنَّ لَه معِيشَةً ضَنكًا ..."❤️ السعادة لقلبك 💚

وأنا راجع النهاردة من القاهرة للمنصورة في الميكروباص واخد الكرسي القدماني ليا لوحدي ، وقاعد أكلم السواق وطلع مثقف ومحترم أوي.. وقعدنا نتكلم فكان ضمن الكلام إني بقوله.. انا وانت دلوقتي اتنين.. لكن في الحقيقة احنا ستة.. قالي ازاي؟ قلتله انا زي مانت شايفني.. وانا زي ما شايف نفسي.. وأنا الحقيقي غير اللي انت شايفه ولا أنا شايفه.. وانت كمان.. زي مانا شايفك.. وزي مانت شايف نفسك.. وحقيقتك اللي ماحدش شايفها.. يبقي كل واحد 3 شخصيات.. المهم لقيت الراجل محترم وقعد يتكلم معايا شويا كدا وطلع عارف فرويد وعلم النفس وراجل سكره.. اديته 200 جنية والأجرة أربعين ولأني واخد الكرسيين اللي قدام فأجرتي 80 جنية.. المفروض يرجعلي 120 جنية.. لقيته مرجعلي بس 40 جنية.. قلت عادي شويا ويديني الباقي.. لما قربنا ننزل بقوله لسه فيه باقي.. قالي لا كدا مظبوطه.. قلتله ازاي اجرتي 80 جنية قالي أيوا مانا عارف.. قلتله انت مرجلعي 40 من 200 لسه فيه 80 جنية.. قالي ماهي دي أجرة الاتنين اللي انت قلت عليهم.. انت مش قلت ان كل واحد تلاتة.. ولا هترجع في كلامك.. فأنا بحسبه بيهزر.. قالي عليا الطلاق لو رجعت في كلامك هتبقي راجل ***.. يا ترجع في كلامك وتاخد فلوسك.. يا تبقى قده وتدفع للإتنين اللي معاك.. افتكرت وقتها المتنبي لما قالوا انه قُتل في سبيل بيت شعر بتاع الخيل والليل والبيداء تعرفني.. والسيف والرمح والقرطاس والقلمُ.. لما طلع عليه بعض قطاع الطرق وهرب منهم والمرافق بتاعه قاله أليس أنت القائل هذا البيت فلماذا تخاف منهم وتهرب.. فرجع المتنبي وقتلوه.. وبعيدا يعني عن صدق المقوله بس افتكرته.. وافتكرت كل الشعراء اللي في كتاب "قتلهم شعرهم".. وقلت خلاص خليني قد كلمتي.. بحكي بقى لأمي الحكاية.. قالتلي وسبتله الفلوس يا موكوس.. وفضحاني ومدللة عليا ..ومش سيباني تقطيم.. بقولها عيزاني يعني أطلع عيل، قالتلي ده هي دي المعيلة بعينها.. انت لو راجل ما يضحكش عليك.. ده اللي قدك معاهم رجالة طولهم.. تروح دلوقتي تجبلي ال80 جنية منه.. فاضطريت انزل وامي خدت محفظتي فيها الفلوس والفيزا وقالتلي ترجعلي وجايب 80 منه.. فاضطريت أحول انستا باي لفوادفون كاش واسحبهم من المكنة.. ورجعت قلتلها اتفضلي وعملت إني زعلان.. لما هديت وفكرت.. الموقف ده علمني إني ما اخدش الكرسي اللي جنب السواق تاني أبدا..

كل حاجة بتيجي في وقتها المناسب بالثانية ، ربنا جميل وعالم باللي فيه الخير لينا !❤️🌸.

إيه الخطوات إللي مفروض أبدء بيها لو عايز أبقي قريب من ربنا و ملتزم نوعا ما .

عاملين option رهيب عندنا في الجامعة ، بدل ما تقرأ انت ال pdf لوحدك في البيت تقدر تروح الجامعة تحضر مخصوص عشان تسمع حد بيقرأه

‏النهاردة شوفت بنت معرفهاش كانت مكحلة عينيها بطريقة حلوة اوي كان شكلها تحفة بجد روحت قولتلها ان عينيها شكلها جميل والكحل قمر قالتلي انا كنت جاية اقولك ان انتي عسل على فكرة وحضنتني بتلقائية خضيتني بجد وضحكنا بعدها وكل واحد مشي في طريقه ع طول عادي❤️

معنى أن تكوني أماً.. أماً لملثم أماً لصاحب بنطال الاديداس أماً لصاحب كاميرا حق.. مجهولة عند أهل الأرض معروفة عند رب السماء.. فرصة لتجديد النية.. #أدبونا_بيقينهم ..