Nazarov | Blog

Oʻzimda boʻlayotgan ayrim holatlar ma’qul kelmayotgan edi. Shifokorga koʻrindim: SSY* kasalligi tashxisini qoʻydi. Endi davolanmasam boʻlmaydi. *surunkali sayohat yetishmovchiligi

Har bir katta inson ichida bolalik bor.

Mashoyiqlar toʻgʻri aytishgan…..

Bir yarim yil oldin men sun'iy intellektga qiziqib qolgandim va Midjourney'da turli promptlar bilan tajriba o'tkazdim. Kunlardan birida men bolalar rassomligi uslubidagi promptni yaratdim va shu paytda ko'r va zaif ko'ruvchi bolalarning hikoyalari asosida yaratilgan rasmlar ko'rgazmasini tashkil qilish g'oyasi tug'ildi. Ushbu g'oyani biz uzoq vaqt hamkasblarim bilan muhokama qildik va men uni bor kuchim bilan tayyorladim. Rejani amalga oshirish yo'llari aniqlangach, bu g'oya qiziqarli bo'lishi mumkin bo'lgan hamkorlar bilan bog'landim. Va nihoyat, biroz vaqt o'tgach, biz Yoshlar ishlari agentligi va AVO Bank bilan hamkorlikda xalqaro yoshlar festivali doirasida ko'rgazmali auksion “Orzu” loyihasini tashkil qilmoqdamiz. Biz bolalar bilan ham intervyular oldik, bu jarayonda katta psixologlar va professional jurnalistlar jamoasi ishladi. Bolalarga orzulari va tushlari haqida savollar berildi. Keyin ularning so'zlari promptlarga aylantirilib, sun'iy intellekt yordamida vizuallashtirildi, undan so'ng rassomlar jamoasi qo'l mehnati orqali 20 ta suratlarni chizishga muvaffaq bo'lishdi Biz qiziqarli va foydali ishni birlashtirishga qaror qildik: ko'rgazma-auksion tashkil etish orqali yig'ilgan mablag'larni bolalar ko'z operatsiyalariga yo'naltirish edi Barchani ushbu ko'rgazmada ishtirok etishga va ushbu postni ulashishga taklif qilaman! 📆 27-28 iyun, Ko'rgazma 💰 29 iyun, 17:00 – auksion Manzil: Toshkent fotografiya uyi @pulatovkh

Yevropa ittifoqi bankida millionlab dollar sarmoya olishingiz mumkin ammo kichik ammo muhim detallarga e’tibor bermaslik holati sizni ham qiynaydimi? Nima deb oʻylaysizlar, kommunikatsiyada imloviy, ma’noviy xatolar yaxshilash uchun nima qilish lozim? Yoki imloviy, ma’noviy xatolar mijozlar uchun muhim emasmi?

Raqobatchilarni oʻrganish, tadqiqot o’tkazish eng muhim qilinadigan ishlardan biri. Jamoamiz bilan tadqiqot oʻtkazish boʻyicha 28 yillik tajribaga ega mutaxasis, bir nechta xalqaro korxonalarga tadqiqotlar oʻtkazishga yordam bergan Moreinfo agentligi rahbari, asoschisi Ayjan Kasimbekova bilan suhbat oʻtkazdik. Tomosha qiling, fikrlaringiz yozing, kerakli bilim va insaytlarni faoliyatingizda qoʻllang. Rahmat. https://youtu.be/jVxvV9lfa_o?si=0nSFuA0XBoIfomRK

Mahsulot uchun 10 km dan ortiq yoʻl bosib kelasan ammo xodimlar oʻquvsizligi, servisni bilmasligi kayfiyatingni rasvo qiladi. #qachankukaradibiznes

Кредит (қарз, насия) нархи ҳақида. Куни кеча қаердандир Ucell рекламасига кўзим тушиб қолди. Ucell сайтида насияга сотиб олиш мумкинлигини кўриб, “Узум Насия” сайтига кириб қолдим. Мен Ўзбекистондан кетишимдан аввал насия деганда пул йўғида битта сигарет ёки иккита памперс олиш тушуниларди, ҳозир анча ўзгариб кетибди. “Узум Насия” ва шунга ўхшаш сервисларни қанча титкиламасам ҳам, фоиз ставкаси қанча эканини топа олмадим. “Наҳотки фоизсиз бўлса” деб твиттер аҳлидан сўрасам, яхшилаб тушунтириб беришди. Насия деганлари кредитнинг сал бошқачароғи экан. Кредитдан фарқли ўлароқ, устама фоиз нарх ичига қўшиб юбориларкан. Лекин мени ҳайрон қолдиргани, насияга олинадиган товарларнинг нархи 40–80 фоизга ўсиб кетиши бўлди. 1 миллион сўмлик нарсани насияга олсангиз, 1,5 млн қилиб қайтараркансиз, аммо бу ҳақида ҳеч қайси сайтда аниқ маълумот берилмаган. Канада қонунчилигига кўра, сиз махсулотни кредитга олсангиз (насия ҳам кредит, фақат чалкашроғи), қўшимча неча пул тўлашингизни сотувчи албатта сизга ҳисоблаб бериши ва савдо саҳифасида кўрсатиб қўйиши керак. Айтайлик, сиз 1000 долларга телефон олмоқчисиз ва бир йил бўлиб тўламоқчисиз. Кредит ставкаси 5%. 12 ойдан сўнг телефон сизга 1000 долларга эмас, 1050 долларга айланяпти. Яъни, кредит нархи 50 доллар. Шуни сотувчи ҳар бир маҳсулот саҳифасига ёзиб қўйиши шарт. Ëки 10 млн сўмга телефон олмоқчисиз, 12 ой бўлиб тўлаш шарти билан. Бунда фоиз кўрсатилмасдан, махсулот нархига 4 млн сўм қўшиб, 14 млнга сотишяпти. Яъни, нақдга 10, насияга 14 млн сўм. Шунда насия нархи 4 млн сўмга тенг бўляпти. Мана шу рақамни ҳар бир насия олаётган пайтда аниқ-тиниқ қилиб кўрсатилиши керак. Буни қонунда белгилаб қўймаса, сотувчи ҳеч замонда буни кўрсатиб, ҳаридорни ваҳимага туширмайди. Бундан ташқари, “ойига атиги 100 минг сўм” деган жозибадор ёзувлар тагига ҳам маҳсулот неча пул экани, қарз нархи қанча экани, муддат сўнгида неча пул тўланиши кераклигини аниқ кўрсатиб қўйш керак. Акс ҳолда молиявий саводхонлиги паст бўлган аҳоли қатлами алданиб қолиши жуда осон. @zambarakning_oqi

Юз қийшиқ бўлса ойнадан ўпкаламайди, ойна тутгандан ҳам. Бугун кўпчилик ойна тутганни қоралаб жар соляпти. Ҳатто ойнани синдирса ҳам ҳақиқат жойида қолади. Юзимизга қарашни ўрганишимиз керак.

Ulug' idroklilar g'oyalarni muhokama qiladi. O'rta idroklilar xodisalarni muhokama qiladi. Sayoz idroklilar odamlarni muhokama qiladilar... Ulug'likka yetqazsin....