Salah Muse Hassan

Waxa kale ee ku gaarka ah bartan waa in isla marka farriinta la akhriyo ay tirmeyso, iyadoo aysan jirin cid kaydin karta , xataa bartan ma lahaan doonto habab ay farriimaha ku kaydiso. Si cad waxay bartan Bitchat noqon kartaa mid aad muhiim ugu ah dadka ku sugan meelaha internet-ku xaddidan yihiin, ama xaaladaha degdegga ah, amaba dadka daneeya xasillooni, sir, iyo adeeg xor ah, maaddama aan dib loo arki doonin farriimaha lagu wadaago. Mustaqbalka waxay noqonaysa bar internetka lagu xiriirin karo, balse ku gaar ah inaadan u baahnayn dadka kugu dhow inaad Internet adeegsato! Fiiro gaar ah; Ninkan wuxuu jebiyay xawaaraha fikirka maskaxdiisa, sababtoo ah waqtigan waxa loogu baahi badan yahay bar lagu wadaago farriimaha oo sir ah , la kaydin karin qoraallada sidoo kalena aan u baahnayn inaad mar kasta internet adeegsato, xilli dunidda internetka ay noqotay mid dad gaar ah u adeegta oo nolasha malaayiin qof oo aan iska war heyn xogtooda lagala socdo, kaddibna lagu dhibaateeyo.

Jack Dorsey, aasaasaha barta Twitter, oo bartaa ka iibiyay Elon Musk , ayaa dunidda kaga yaabsaday inuu soo saaray barnaamij wada sheekeysi oo lagu magacaabo Bitchat, oo aan u baahnayn internet in loo adeegsado si aad qof farriin ugu dirto, halkii bartan Internet lagu xiri lahaa farriimaha waxaa lagu wadaagaya Bluetooth — waxaana awood u yeelanaysa qof ku sugan 300 mitir meel ka fog inaad farriimo la wadaagto adigoo aan adeegsan internet, halka Bluetooth uu awood u leeyahay inuu wax ku diro masaafo kaliya boqol mitir ah, wuxuu soo kordhiyay barnaamijka xawaare sare oo aan loo baahnayn internet.

TAFSIIRKA QUR'AANKA KARIIMKA AH 👆 #SHEEKHA: SH. #NUUR_MACALIN