Hindu ဘာသာရေး အသိပညာ

အက်သ်ျှယ သ်ရ်သိယာနေ့မြတ်အကြောင်း သိကောင်းစရာများ။ ၂၀၂၆ ခုနှစ် ဧပြီလ ၂၀ရက် တနင်္လာနေ့သည် အလွန်ထူးကဲမွန်မြတ်သော အက်သ်ျှယ သ်ရ်သိယာနေ့မြတ်ဖြစ်ပါသည်။ အက်သျှယ ဆိုသည်မှာ ဘယ်သောအခါမှ မကုန်ခမ်းနိုင်သော သို့မဟုတ် ထာဝရတည်မြဲသော ဟု အဓိပ္ပာယ်ရပြီး သ်ရိသိယာ မှာ လဆန်း (၃) ရက်မြောက်နေ့ တတိယနေကိုဆိုလိုပါတယ်။ ထို့ကြောင့် ဤနေ့သည် မကုန်ခမ်းနိုင်သော ကုသိုလ်ထူးများကို ရရှိစေတဲ့ နေ့တစ်နေ့လည်း ဖြစ်ပါသည်။ ဟိန္ဒူပြက္ခဒိန်အရ ဝဲရှာခ် လ၏ လဆန်း (၃) ရက်နေ့တွင် ကျရောက်ပြီး၊ ဤနေ့တွင် စတင်လိုက်သော မည်သည့် ကောင်းမှုကုသိုလ်မဆို၊ မည်သည့် လုပ်ငန်းဆောင်တာမဆို ပျက်စီးဆုံးရှုံးမှုမရှိဘဲ အောင်မြင်ဖြစ်ထွန်းပါသည်။ ဤနေ့တွင် အဓိကအားဖြင့် လက်ရှ်မီးမယ်တော်နှင့် ကူဗေးရ်နတ်မင်းတို့ကို ပူဇော်ကြပါသည်။ ပူဇော်ရန်အချိန်မြတ်မှာ မနက် ၅နာရီ ၄၇ မိနစ်မှ နေ့လယ် ၈နာရီ ၂၇ မိနစ်အထိ ၂နာရီ ၄၀မိနစ်ကြာမြင့်မည်ဖြစ်သည်။ ဤနေ့တွင် ကူဗေးရ်နတ်မင်းသည် စည်းစိမ်ချမ်းသာတို့အား အုပ်ထိန်းသူဘဏ္ဍာထိန်းရာထူးအား ရရှိသောနေ့မြတ်ဖြစ်သည်။ စည်းစိမ်လာဘ်လာဘတိုးပွားစေရန် ဤနေ့တွင်ပင် ရွှေထည်များ ၀ယ်ယူခြင်းနှင့် လက်ရှ်မီးမယ်တော်အား ပူဇော်ခြင်းတို့ကိုပြုလုပ်ကြသည်။ ဤနေ့၌ ဝယ်ယူသော ရွှေထည်များသည် လာဘ်လာဘကို တိုးပွားစေသည်ဟု ယူဆကြသည်။ ထို့ပြင် ဤနေ့တွင် အလှူဒါနပြုခြင်း၊ ပုတီးစိပ်ခြင်းနှင့် တရားထိုင်ခြင်းတို့သည် ထာဝရတည်မြဲမည့် ကုသိုလ်ထူးများကို ရရှိစေပါတယ်။ ဤနေ့သည် မပျက်မစီးသောနေ့ ဖြစ်သဖြင့် ကုသိုလ်သာမက အကုသိုလ်သည်လည်း ထာဝရတည်မြဲသွားတတ် ပါသည်။ ထို့ကြောင့် တစ်ပါးသူအား စိတ်ညစ်အောင်လုပ်ခြင်း၊ ဒေါသထွက်ခြင်းနှင့် မကောင်းမှုပြုခြင်းတို့ကို အထူးရှောင်ကြဉ်ပြီး မေတ္တာတရားဖြင့်သာ ဖြတ်သန်းသင့်သော နေ့ထူးနေ့မြတ် ဖြစ်ပါသည်။ အက်သျှယ သ်ရိသိယာသည် ရွှေဝယ်ရန် သို့မဟုတ် ပစ္စည်းစုဆောင်းရန်သက်သက် မဟုတ်ပါ။ မိမိအတွင်းစိတ်တွင်ရှိသော မေတ္တာ၊ ကရုဏာနှင့် အသိပညာ တို့ကို မကုန်ခမ်းနိုင်အောင် ပွားများယူရမည့်နေ့ဖြစ်သည်။ ဤနေ့မြတ်၌ အပေါ်ယံ ရုပ်ဝတ္ထုများထက် စိတ်နှလုံးဖြူစင်မှုကို အရင်းတည်၍ ကောင်းမှုပြုကြရန် တိုက်တွန်းလိုပါတယ်။ ဤအက်သ်ျှယ သ်ရ်သိယာနေ့မြတ်တွင် ၁) ဂန်ဂါမယ်တော်လူ့လောကသို့ ဆင်းသက်သည်။ ၂) ဘုရားရှင် ဗိသျှဏု၏ ရူပတော်တစ်ခုဖြစ်သည့် ပရသျှုရားမ်ဘုရားပွင့်တော်မူသည်။ ၃) စားနပ်ရိက္ခာတို့အားအစိုးရသော အန္နာပူရ်ဏားမယ်တော်ပွင့်တော်မူသည်။ ၄) သ်ရေသားယုဂ်စတင်သည်။ ၅) ဗျာဆ်ရသေ့ကြီး၏ ဦးဆောင်မှုနှင့် ဘုရားရှင် ဂနေ့ရှ်မှ မဟာဘာရသ်ကျမ်းအား စတင်ရေးသားသောနေ့ဖြစ်သည်။ ၆) ကရိသ်ျှဏဘုရားရှင်နှင့် ဆုဓါမားတို့ တွေ့ဆုံသောနေ့ဖြစ်သည်။ ၇) ဒဆ်မဟာဗိဒြာထဲမှ တစ်ဆူဖြစ်တော်မူသော မာသံန်ဂီးမယ်တော်ပွင့်သောနေ့ဖြစ်သည်။ ၈) နေနတ်မင်းမှ ပဏ္ဍဗတို့အား အက်သ်ျှယ ပါသ်ရပေးတော်မူသောနေ့ဖြစ်သည်။ #HRK

ဟနုမာန် ဂျယန်သီး ခေါ် ဟနုမာန်ဘုရားရှင်ပွင့်တော်မူသောနေ့မြတ်။ ၂၀၂၆ခုနှစ် ဧပြီလ ၂ရက် ကြာသပတေးနေ့ဟာ ဟနုမာန် ဂျယန်သီး ခေါ် ဟနုမာန်ဘုရားရှင်ပွင့်တော်မူသောနေ့မြတ်ဖြစ်ပါသည်။ ဟနုမာန်ဘုရားရှင်ဟာ ဘုရားရှင်ရှရီရားမ်၏ စံပြသာ၀က သံတမန်တစ်ဦးဖြစ်သလို ဘုရားရှင်သျှိဗ၏ ရူပတော်တစ်ခုလည်းဖြစ်ပါသည်။ ဟနုမာန်ဘုရားရှင်သည် ဘုရားရှင်ရှရီရားမ်၏ အနှိုင်းမဲ့သစ္စာရှိသော စံပြသာ၀က၊ ရားမ်ဒူဿ် လို့ခေါ်တဲ့ ရှရီရားမ်၏ သံတမန်တစ်ဦးဖြစ်သလို ၊စွမ်းအားသတ္တိနှင့် ခွန်အားဗလအဖြာဖြာဖြင့် ပြည့်စုံတော်မူသော ဘာဂျရန်းဘာလီ ဟုလည်း ခေါ်ဆိုကြပြီး၊ ဟနုမာန်ဘုရားရှင်သည် စိန်ကဲ့သိုပင် မာကျောလှသော ကိုယ်ခန္ဓာရှိပြီး ခွန်အားကြီးမားသူဖြစ်ပါတယ်။ ယခု ကလိယုဂ်ခေတ်တိုင်အောင် ဓမ္မတရားကို အကာအကွယ်ပေးရန် သက်တော်ထင်ရှားရှိနေသော ဘုရားရှင်မှာ ဟနုမာန်ဘုရားရှင်ပင် ဖြစ်ပါတယ် ဟနုမာန်ဘုရားရှင်သည် ပါဝန်ပုတြ လေနတ်မင်း၏ သားတော်ဖြစ်ပြီး မိဘအရင်းတို့မှာ အန်ဂျနာဒေဗီးနှင့် ကေစရီမျောက်မင်းတို့ ဖြစ်ပါတယ် ဟနုမာန်ဘုရားရှင်သည် စန်ခ်ကတ်မိုချန် ဟု ဆိုသည့်အတိုင်းကိုးကွယ်ယုံကြည်သူသာဝကတို့၏ အခက်အခဲနှင့် ဆင်းရဲဒုက္ခအပေါင်းကို ဖယ်ရှားပေးတော်မူသူဖြစ်ပါတယ်။ ထို့အပြင်ဟနုမာန်ဘုရားရှင်အား အလွန်ကြီးမြတ်သော သူရဲကောင်းဖြစ်၍ မဟာဗီရာ ဟုလည်းကောင်း၊ မျောက်အပေါင်းတို့၏ အရှင်သခင်ဖြစ်၍ ကပီရှ်ဝါရာ ဟုလည်းကောင်း၊ မယ်တော်စီသာ၏ သောကကို ဖယ်ရှားပေးခဲ့သူဖြစ်၍ စီသာရှိုးကာ ဝိနာရှာကာ အဖြစ်အမြင့်မြတ်ဆုံးဘုရားမြတ်တစ်ပါးဖြစ်ပါတယ် ဟနုမာန်ဘုရားရှင်ကို စနေနေ့တွင် ပူဇော်ခြင်းဖြင့် မိမိတို့အပေါ်တွင် သက်ရောက်နေသော စနေဂြိုဟ်၏ မကောင်းသော သက်ရောက်မှုကို လျှော့ချနိုင်ပါသည်။ ဤနေ့မြတ်တွင် သူလ်စီးဒါ့စ်ရေးသားခဲ့သော ဟနုမာန်ကျာလီဆာအားအထူးရွတ်ဖတ်ပူဇော်သင့်ပါတယ်။ ဟနုမာန်ဘုရားရှင်၏အနန္တ မေတ္တာတော်သည်သတ္တဝါအပေါင်းအပေါ်အားကျရောက်ပါစေ။ သတ္တဝါအားလုံး ဘေးအန္တရာယ်ကင်းဝေးကြပါပြီ စိတ်နှ လုံးခွန်အားများပြည့်ဝပြီး ဓမ္မလမ်းကြောင်းပေါ်၌ ခိုင်မာစွာလျှောက်လှမ်းနိုင်ကြပါစေ။ ဥုမ် ဟနုမတေး နာမဟ် ဂျဲရှရီးရာမ်း #HRK

ယခုအတွက် အလှူငွေကောက်ခံခြင်းဟာ ယနေ့ည နောက်ဆုံးဖြစ်ပါတယ်။

ယနေ့ဟာ လောကအလုံးစုံတွင် အမြင့်မြတ်ဆုံးဖြစ်တော်မူသော၊ သုံးလောက၌ အထွတ်အမြတ်ဖြစ်တော်မူသော၊ သတ္တဝါအပေါင်းအား အနန္တမေတ္တာတရား ပေးသနားတော်မူသော၊ ဓမ္မတရားအား လက်ကိုင်ထားပြီး သစ္စာတရားနှင့် ပြည့်ဝသော ဘုန်းတော်ခြောက်ပါးနှင့် ပြည့်စုံသော ဘုရားရှင်ရှရီ ရားမကျန္ဒြ ပွင့်တော်မူသော ရားမ်နဝမီးနေ့မြတ်ဖြစ်ပါတယ်။ ဘုရားရှင်ရှရီးရာမ်းဟာ လူသားတို့လိုက်နာကျင့် သုံးအပ်သည့် ကျင့်ဝတ်စည်းကမ်းနှင့် အကျင့်သီလတရားတို့ကို စောင့်ထိန်းရာ၌ အမြင့်မြတ်ဆုံးသော မရ်ယာဒါ ပုရုသျှိုးသမ်းဂုဏ်တော်နှင့် ပြည့်စုံတော်မူသော တုနှိုင်းမဲ့ဘုရားရှင်ဖြစ်ပါတယ်။ မိမိ၏ကတိကို အသက်နှင့်လဲ၍ စောင့်ထိန်းတော်မူသော၊ အလွန်တရာမှ သစ္စာရှိသော၊ ဇာတ်နိမ့်ဇာတ်မြင့်မခွဲခြားဘဲ အလုံးစုံသော သတ္တဝါတို့အပေါ် ကရုဏာမေတ္တာထားတော်မူသော၊ ဓမ္မတရားအားလက်ကိုင်ထားပြီး အဓမ္မမှုအပေါင်းကို အောင်နိုင်တော်မူသောဘုရားမြတ်ဖြစ်ပါတယ်။ ဤနေ့မြတ်မှစ၍လောကရှိသတ္တဝါအပေါင်း ဘုရားမြတ်၏ အနန္တမေတ္တာတော်အား ရရှိကြပါစေ။ ဘုရားရှင်ရှရီးရာမ်း၏ ဂုဏ်တော်များကို အစဉ်အမြဲ အောက်မေ့သတိရခြင်းဖြင့် ကျွန်ုပ်တို့၏ စိတ်နှလုံးအတွင်း၌လည်း တရားဓမ္မများ ကိန်းဝပ်စံပယ်ပါစေ။ အဓမ္မမှုများအား ဖြိုခွင်း‌ အောင်နိုင်ပြီး ဓမ္မတရားသည် နှလုံးသား၌ အစဉ်ကိန်းဝပ်နိုင်ပါစေ။ သတ္တဝါအ‌ပေါင်း၏ လောကီအပူ‌သောကများ ငြိမ်းချမ်းပြီး လောကုတ္တရာတရားဉာဏ်နှင့် ပြည့်စုံသော ဘဝလမ်းခရီးကို လျှောက်လှမ်းနိုင်ကြပါစေ။ "ရားမ်" နာမတော်ကို နှုတ်၀ယ်အစဉ်ရွတ်ဖတ်ခြင်းဖြင့် ဘုရားရှင်ရားမ်ကို အစဉ်နှလုံးသွင်းခြင်းဟာ လွတ်မြောက်ခြင်းကို ပေးနိုင်သော နည်းလမ်းတစ်ခုဖြစ်ပါတယ်။ ဂျဲ ရှရီ ရားမ်။ #HRK

အရှ်တမီးမဟာပူဂျားနှင့် ရားမ်န၀မီးအတွက်လှူဒါန်းနိုင်ရန်။ မနက်ဖြန်နှင့် သဘက်ခါတွင်ပြုလုပ်မည့် ကျဲသ်ရန၀ရာသ်ရီး၏ အဓိကပူဂျားနှင့် ရားမ်န၀မီးပူဂျားအလှူတို့အတွက် အလှူရှင်များ လိုအပ်လျက်ရှိနေပါတယ်။ ပဲခူးတိုင်း၊ ဇီးကုန်းမြို့ဘုရားကျောင်းတွင်ပြုလုပ်မည်ဖြစ်ပြီး နည်းများမဆို ပါ၀င်လှူဒါန်းနိုင်ပါတယ်။ မနက်ဖြန်ညတွင် အလှူငွေကောက်ခံခြင်းအား ရပ်နားပါမယ်။ တစ်နေ့တာ ပူဂျားအတွက် ၅ သောင်းကျပ်၊ ကန်တော့ပွဲအတွက် ၃ သောင်းကျပ်၊ မဟာပူဂျားအတွက် ၅ သိန်းကျပ်၊ ရားမ်န၀မီး ပူဂျားအတွပ် ၅ သိန်းကျပ်ဖြင့် တစ်ဦးတည်းလှူဒါန်းနိုင်သလို ပူဂျားအတွက် နည်းများမဆိုလည်း ပါ၀င် ကုသိုလ်ယူနိုင်ပါတယ်။ ငွေလွှဲလှူဒါန်းနိုင်ရန် နံပါတ်။ 09977332895 Kaung Khant Naing

ကျဲသ်ရန၀ရာသ်ရီးနှင့် ရားမ်န၀မီးပူဂျားအလှူတို့အတွက် အလှူငွေကောက်ခံခြင်း။ ပဲခူးတိုင်း၊ ဇီးကုန်းမြို့ဘုရားကျောင်း၌ ပြုလုပ်မြဲဖြစ်သော န၀ရာသ်ရီးပူဂျား ဖြစ်မြောက်ရေးအတွက် အတွက် နည်းများမဆို ပါ၀င်လှူဒါန်းရန် နှိုးဆော်အပ်ပါတယ်။ ယခုန၀ရာသ်ရီးမှာ အလှူရှင်လိုအပ်ချက်များရှိသောကြောင့် ၆ ရက်မြောက်၊ ၈ ရက်မြောက်နှင့် ၉ ရက်မြောက် ပူဂျားတို့ကိုသာ အဓိက ပြုလုပ်သွားမှာဖြစ်ပါတယ်။ တစ်ဦးတည်း မတည်လှူဒါန်းလိုသူများဟာ တစ်နေ့တာ ပူဂျား - ၅ သောင်းကျပ်။ ကန်တော့ပွဲ - ၃ သောင်းကျပ်။ ပန်ကျမီးနေ့ လက်ရှ်မီးပူဂျား - ၄ သိန်းကျပ်။ အရှ်တမီးနေ့ မဟာပူဂျား - ၅ သိန်းကျပ်။ ရားမ်န၀မီး ပူဂျား - ၅ သိန်းကျပ်။ အစရှိသဖြင့် လှူဒါန်းနိုင်ပါတယ်။ ပူဂျားဖြစ်မြောက်ရေးအတွင် နည်းများမဆို သဒ္ဒါသ၍ ပါ၀င် ကုသိုလ်ယူနိုင်ပါတယ်။ ငွေလွှဲလှူဒါန်းနိုင်ရန် နံပါတ်။ 09977332895 Kaung Khant Naing

ယနေ့ဟာ ဟိန္ဒူဘာသာ၀င်တို့၏ ၂၀၈၃ ခုနှစ်သို့ ကူးပြောင်းသော နှစ်ကူးအခါသမယဖြစ်သလို ကျဲသ်ရန၀ရာသ်ရီးစတင်သော နေ့မြတ်လည်းဖြစ်ပါတယ်။ ယခုကဲ့သို့ မွန်မြတ်သော နေ့မြတ်မှစတင်၍ လူသားတိုင်းဟာ ဘုရားရှင်တို့ရဲ့ အနန္တမေတ္တာတော်နှင့် လောကကောင်းကျိုးကို ဆောင်ရွက်နိုင်သူများဖြစ်ကြပါစေ။ Ganapati Bapa Morya 🙏🏻 #HRK

ရတောင့်ရခဲ လှူဒါန်းခွင့်။ မနက်ဖြန် ဟိန္ဒူနှစ်ကူးအခါသမယမှာ Mumbai မြို့ရှိ အထင်ရှားဆုံး Siddhi Vinayak ဂနေ့ရှ်ဘုရားကျောင်းမှာ ဘုရားရှင်ကို မုန့်ချိုနဲ့ ၀တ်လဲတော် ဆက်ကပ်ဖို့အတွက် Request လုပ်ထားတာကို လက်ခံပေးထားတဲ့အတွက် အားလုံးပါ၀င် ကုသိုလ်ပြုနိုင်ပါတယ်။ အလားတူ Ujjain မြို့ရှိ Harsiddhi Shakti Peeth တစ်နည်း ကာလီမယ်တော်ဘုရားကျောင်းမှာ Blessings များ ရရှိနိုင်ဖို့အတွက် ပူဂျားနဲ့ ကန်တော့ပွဲ ကပ်လှူခွင့်ရရှိပါတယ်။ ယခုအလှူများအတွက် ကျသင့်ငွေမှာ ရူပီ ၃၀၀၀၀ ကျပ် ၁၅ သိန်းခန့်စီဖြစ်ပါတယ်။ အဲ့အတွက် ယခုအလှူများအတွက် အများအနေနဲ့ စုပေါင်း ကုသိုလ်ပါ၀င်လှူဒါန်းနိုင်ပါတယ်။ ထူးခြားသော Blessings များ ရရှိနိုင်ရန် အလှူငွေများကို ၂၀ ရက်နေ့အထိ ကောက်ခံသွားမှာဖြစ်ပါတယ်။ တစ်ဦးတည်း သီးသန့်လှူဒါန်းလိုသူများက ဂနေ့ရှ်ဘုရားကျောင်း၌ ရူပီး ၁ သောင်းကျပ် ၅ သိန်းကျပ်၊ ကာလီမားဘုရားကျောင်း၌ ရူပီး ၁၂၀၀၀ ကျပ် ၆ သိန်းကျပ်ဖြင့် လှူဒါန်းနိုင်ပါတယ်။ တစ်ဦးတည်းလှူဒါန်းလိုသူများက Messenger မှ တစ်ဆင့် ဆက်သွယ်ပေးပါ။ လှူဒါန်းရန် နံပါတ်။ 09977332895 Kaung Khant Naing

ကျဲသ်ရ န၀ရာသ်ရီးနှင့် ရားမ်န၀မီးအား ကြေညာခြင်း။ တစ်နှစ်ပတ်လုံးတွင် န၀ရာသ်ရီးမယ်တော်ပူဇော်ပွဲကို ၄ ကြိမ်တိတိ ကျင်းပတဲ့အနက် ဒုတိယအရေးပါဆုံးပူဇော်ပွဲမှာ ကျိတ်သ်ရ န၀ရာသ်ရီးဖြစ်ပါတယ်။ ပထမဆုံးနေ့သည်ဟာ မရာထီလူမျိုးတို့၏ Gudi Padwa ခေါ် နှစ်သစ်ကူးနေ့ဖြစ်သလို တေလ်ဂူလူမျိုးတို့၏ Ugadi ခေါ် နှစ်ကူးလည်း ဖြစ်ပါတယ်။ ရားမ်န၀မီး ခေါ် ရားမ်ဘုရားမြတ်ပွင့်တော်မူသော နေ့မြတ်သည် ၂၀၂၆ ခုနှစ် မတ်လ ၂၆ ရက် ကြာသပတေးနေ့ တွင် ကျရောက်မှာဖြစ်ပါတယ်။ ၂၀၂၆ ခုနှစ်အတွက် ကျဲသ်ရ န၀ရာသ်ရီးကာလဟာ မတ်လ ၁၉ ရက်နေ့ (ကြာသပတေးနေ့) မှ ၂၇ ရက်နေ့ (သောကြာနေ့) အထိ ဖြစ်ပါတယ်။ ရားမ်န၀မီးနေ့မြတ် - ၂၀၂၆ခုနှစ် မတ်လ ၂၆ ရက် ကြာသပတေးနေ့။ ထိုကာလတစ်လျှောက်မှာ ဥပုသ်စောင့်တည်ခြင်း၊ သက်သတ်လွတ်စားခြင်းနဲ့ မယ်တော်ပူဂျားတို့ကို ပြုလုပ်သင့်ပါတယ်။ > ပထမရက် မတ်လ (၁၉) ရက်နေ့တွင် ကလက်ရှ်အိုးနှင့် မငြိမ်းမီးစတင်ထွန်းညှိရမည်ဖြစ်ပြီး Shailputri Puja ပြုလုပ်ရပါမယ်။ အရောင် - အဝါရောင်။ ကလက်ရှ်အိုးစတင်ထားရှိရန် အချိန်မြတ်မှာ နံနက် ၇ နာရီ ၅၂ မိနစ်မှ ၁၀ နာရီ ၁၂ မိနစ်အထိဖြစ်ပြီး ၂ နာရီ ၂၀ မိနစ်ကြာမြင့်ပါမယ်။ မငြိမ်းမီးစတင်ထွန်းညှိရန် အချိန်မြတ်မှာ နံနက် ၁၁ နာရီ ၄၉ မိနစ်မှ နေ့လယ် ၁၂ နာရီ ၃၇ မိနစ်အထိဖြစ်ပြီး ၄၈ မိနစ်ကြာမြင့်ပါမယ်။ > ဒုတိယရက် မတ်လ (‌၂၀) ရက်နေ့တွင် Brahmacharini Puja ပြုလုပ်ရပါမယ်။ အရောင် - အစိမ်းရောင်။ > တတိယရက် မတ်လ (၂၁) ရက်နေ့တွင် Chandraghanta Puja ပြုလုပ်ရပါမယ် အရောင် - ခဲရောင်။ > စတုတ္ထရက် မတ်လ (၂၂) ရက်နေ့တွင် Kushmanda ပြုလုပ်ရပါမယ်။ အရောင် - လိမ္မော်ရောင်။ > ပဉ္စမရက် မတ်လ (၂၃) ရက်နေ့တွင် Skandamata Puja ပြုလုပ်ရပါမယ်။ အရောင် - အဖြူရောင်။ ထိုနေ့တွင် လက်ရှ်မီးပန်ကျမီး ခေါ် လက်ရ်ှမီးမယ်တော်ကို အိမ်သို့ ပင့်ဖိတ်ခြင်းအတွက် ပူဂျားပါလုပ်ရပါမယ်။ ဤနေ့တွင်ပင် မြွေမင်းပူဇော်ပွဲ (နာ့ဂ်ပူဂျား) ပြုလုပ်ရပါမယ်။ > ဆဋ္ဌမရက် မတ်လ(၂၄)ရက်နေ့တွင် Katyayani Puja ပြုလုပ်ရပါမယ်။ အရောင် - အနီရောင်။ > သတ္တမရက် မတ်လ (၂၅) ရက်နေ့ဟာ Maha Saptami နေ့ဖြစ်တဲ့အတွက် Kaalratri Puja ပြုလုပ်ရပါမယ်။ အရောင် - အပြာရင့်ရောင်။ > အဋ္ဌမရက် မတ်လ (၂၆) ရက်နေ့ဟာ အာရှ်တမီးနေ့ဖြစ်ပြီး ဒုရ်ဂါ အာရှ်တမီး၊ Mahagauri Puja ပြုလုပ်ရပါမယ်။ - ဤအာရှ်တမီးနေ့မြတ်တွင် ကျန္ဒ၊ မွန္ဒအား အောင်နိုင်တော်မူသော ကျာမွန္ဒာမယ်တော်အား ပူဇော်ရန် ဆန်ဒီးဟ်ပူဂျားအချိန်မြတ်ဟာ နေ့လည် ၁၂ နာရီ ၂၄ မိနစ်မှ နေ့လည် ၁ နာရီ ၁၂ မိနစ်အထိ ဖြစ်သည်။ အရောင် - ပန်းရောင်။ - န၀မရက်သည်လည်း မတ်လ (၂၆) ရက်နေ့တွင်ကျရောက်ပြီး Siddhidatri Puja ပြုလုပ်ရပါမယ်။ > ဥပုသ်ဆောင့်တည်သူများသည် ဒရှမီးနေ့ဖြစ်သည် မတ်လ (၂၇) ရက်နေ့ မနက် ၁၁ နာရီ ၆ မိနစ်နောက်ပိုင်းတွင် ဥပုသ်ဖြေနိုင်ပါတယ်။ အရောင် - ခရမ်းရောင်။ #HRK

အရေးကြီးဆုံးအချက်မှာ အရ်ဂျုန၏ ဂုဏ်သိက္ခာနှင့် မဟာသူရဲကောင်းပုံရိပ်သည် မည်သို့မျှလျော့နည်းမသွားခဲ့ခြင်းဖြစ်ပါတယ်။ နောက်ပိုင်းတွင်လည်း အရ်ဂျုနဟာ မဟာသူရဲကောင်းတစ်ဦးအဖြစ် ဆက်လက်လေးစားခံခဲ့ရပါတယ်။ ထို့ကြောင့် ဤလီလာသည် လိင်ပုံစံကွဲပြားမှုဟာ လူတစ်ဦး၏တန်ဖိုးနှင့် ဂုဏ်သိက္ခာကို မလျော့နည်းစေကြောင်းကို ပြသနေပါတယ်။ - ထို့အပြင် မဟာဘာရသ်ထဲတွင် သျှိခဏ်ဒီးအကြောင်းလည်းပါရှိသေးပါတယ်။ သျှိခဏ်ဒီးဟာလည်း အမျိုးသမီးအဖြစ် မွေးဖွားခဲ့သော်ငှား အမျိုးသားတစ်ဦးအဖြစ်နဲ့သာ နေထိုင်ခဲ့ကြောင်း သာဓကပါရှိပါတယ်။ ထို့ကြောင့် ဟိန္ဒူဘာသာတွင် လူသားများသည် သဘာဝအရ မတူညီနိုင်ကြောင်း ဖော်ပြထားသလို လူသားတို့၏ ကိုယ်ခန္ဓာ၊ စိတ်နှင့် ဆွဲဆောင်မှုများသည် မတူကွဲပြားပြီး ထိုကွဲပြားမှုများကို သဘာဝတရား၏ အစိတ်အပိုင်းတစ်ခုအဖြစ် နားလည် သတ်မှတ်ထားပါတယ်။ လူတိုင်းဟာ အာသ်မာကို ပိုင်ဆိုင်ထားတဲ့ သတ္တဝါတစ်ဦးချင်းစီဖြစ်သည့်အတွက် အချင်းချင်း တန်းတူညီမျှ လေးစားရမည် ဟူသော သဘောတရားကိုလည်း ဓမ္မအယူအဆများတွင် အရေးကြီးစွာထောက်ပြထားပါတယ်။ - အလားတူပင် ဗဟုချရာမယ်တော်မြတ်ဟာလည်း ထိုကဲ့သို့သော လိင်စိတ်ကွဲပြားသူများအား အထူးကာကွယ်သော ရူပတော်ဖြစ်ပြီး အီရာဗန်နတ်မင်းဟာလည်း LGBT များ အထူးကိုးကွယ်သော ထင်ရှားတဲ့ နတ်မင်းတစ်ပါးဖြစ်ပါတယ်။ - ဘာသာရေးကျမ်းဂန်တချို့၌ သဘာ၀ဓမ္မတာကို ဆန့်ကျင်၍ လိင်ဆက်ဆံခြင်းနှင့် တဏှာရာဂကို တားမြစ်ထားပြီး ထိုတားမြစ်မှုဟာ LGBT အသိုင်းအ၀ိုင်းအပေါ်သာမက ယောက်ျား၊ မိန်းမအားလုံးအပေါ် သက်ရောက်မှုရှိတဲ့ အရာများဖြစ်ပါတယ်။ ထို့ကြောင့် LGBT လူများသည် သဘာဝတရားအရ သာမန်လူများသာဖြစ်ကြပြီး၊ သာမန်လူများနှင့် တန်းတူညီမျှ လေးစားဆက်ဆံရန်လိုအပ်ကြောင်း ဟိန္ဒူဓမ္မတရားအားလုံးတွင်‌ ဖော်ထားပါတယ်။ လိင်စိတ်ကွဲပြားမှု၊ လိင်စိတ်တိမ်းညွတ်မှုနှင့် လိင်စိတ်ခံယူမှုတို့သည် လူတစ်ဦး၏ တန်ဖိုး၊ ဂုဏ်သိက္ခာနှင့် အာသ်မာ၏ အခြေခံသဘောတရားများကို လျော့နည်းစေခြင်း မရှိဘဲ သဘာဝတရားအရ တည်ရှိနိုင်ပါတယ်။ စင်ကြယ်သော မေတ္တာတရားတိုင်းဟာ မွန်မြတ်ပြီး စင်ကြယ်ပါတယ်။ #HRK

ဟိန္ဒူဘာသာ၏ LGBT များအပေါ် သတ်မှတ်ချက်။ ဟိန္ဒူဘာသာ (စနားသန်းဓရ်မ) ဟာ လောက၏ အမျိုးမျိုးသော သဘာဝတရားများကို လက်ခံသော ဘာသာတရားနှင့် လောက၏သဘာဝအမျိုးမျိုးကို လက်ခံကျင့်သုံးသော ဓမ္မတရားဖြစ်ပါတယ်။ ဟိန္ဒူဘာသာအရ လူတစ်ဦး၏စစ်မှန်သောအရာသည် အာသ်မာဖြစ်ပါတယ်။ အာသ်မာသည် လိင်အမျိုးအစား၊ လိင်စိတ်တိမ်းညွတ်မှု၊ လူမျိုး၊ အသားအရောင်တို့ကို ကျော်လွန်သည့် အဆုံးမဲ့ထာဝရဝိညာဉ်ဖြစ်သည့်အတွက် ၎င်းအပေါ်မူတည်၍ လူတစ်ဦးကို သတ်မှတ်၍ မရနိုင်ပါ။ ထို့အတွက် အမျိုးသားဖြစ်စေ၊ အမျိုးသမီးဖြစ်စေ၊ ကိ(န်)နရ် မိန်းမလျာဖြစ်စေ၊ LGBT ဖြစ်စေ သတ္တဝါတိုင်းသည် အာသ်မာရှိ၍ သတ္တဝါတိုင်း၏ နှလုံးသား၌ဘုရားမြတ်ကိန်းဝပ်‌နေတဲ့အတွက် လူသားတိုင်းကို လေးစားရန်အထူးလိုအပ်ပါတယ်။ ထို့‌ကြောင့်လူသားတိုင်း၏ အာသ်မာဝိညာဉ်နှင့် လောကီဂုဏ်သိက္ခာကို လေးစားသင့်ပါတယ်။ - ဘဂ၀ဒ်ဂီစာကျမ်း၌ ဘုရားရှင် ကရိသ်ျှဏက पण्डिताः समदर्शिनः ဟု ဟောကြားထားပါတယ်။ ၎င်း၏ အဓိပ္ပာယ်မှာ ဉာဏ်ပညာရှိသူများသည် လူသားတိုင်းကို တန်းတူညီမျှစွာ မြင်ကြသည် ဟုဆိုလိုခြင်း ဖြစ်ပါတယ်။ စနားသန်းဓရ်မအရ လူတိုင်းကို တန်းတူတန်ဖိုးရှိသော အာသ်မအဖြစ်လေးစားသင့်ပြီး၊ ယောကျ်ား၊ မိန်းမ၊ Tritiya Prakriti (LGBT) ဟူ၍ ခွဲခြား၍ တန်ဖိုးချခြင်း မရှိပါ။ လူသားတိုင်း၏အာသ်မာသည် ဘုရား၏ အစိတ်အပိုင်းဖြစ်သောကြောင့် လူတိုင်းသည် တန်ဖိုးတူသော အာသ်မာဝိညာဉ်များသာ ဖြစ်ကြပါတယ်။ လူသားတစ်ဦး၏ ဖြစ်တည်မှုကိုခွဲခြား၍ စော်ကားခြင်းသည် ထိုသူ၏နှလုံးသားအတွင်းရှိ ပရ်မားသ်မားကို စော်ကားခြင်းဖြစ်ပါတယ်။ ထို့အတွက် Tritiya-Prakriti အပါအဝင် လူသားအားလုံးသည်တန်ဖိုးတူညီသော အာသ်မဝိညာဉ်များဖြစ်ကြပါတယ်။ - ဟိန္ဒူဘာသာတွင် လောကကြီးကို ဖန်တီးထိန်းသိမ်းထားသည့် အဓိကစွမ်းအင်နှစ်ခုဖြစ်တဲ့ ပုရုသျှ (အမျိုးသားစွမ်းအား) နှင့် ရှက်သီး (အမျိုးသမီးစွမ်းအား) နှစ်ခု ပေါင်းစည်းထားသည့် မြင့်မြတ်လွန်းလှသည့်အသွင်ကို အရ်ဒနာရီးသျွှရဟုခေါ်ပါတယ်။ အရ်ဒနာရီးသျွှရဟာ ဘုရားရှင် သျှီဗား နှင့် မယ်တော်မြတ် ပါရ်ဗသီးတို့ ပေါင်းစည်းထားတဲ့ အသွင်ဖြစ်ပါတယ်။ ထိုမြင့်မြတ်လှသောအသွင်မြတ်တွင် ကိုယ်ခန္ဓာ၏ တစ်ဖက်တွင် ဘုရားရှင်သျှီဗား၊ တစ်ဖက်တွင် မယ်တော်မြတ် ပါရ်ဗသီးအနေဖြင့် မြင်ရမှာဖြစ်ပါတယ်။ ထိုအသွင်မြတ်ဟာ လောကအတွင်းစွမ်းအားနှစ်ခုဟာ ယောက်ျားနှင့် မိန်းမအဖြစ်သာ မကွဲဘဲ ခန္ဓာတစ်ကိုယ်တည်းတွင် ပေါင်းစည်းနိုင်ကြောင်းပြသထားပြီး လူတစ်ဦးအနေဖြင့်လည်း ယောကျာ်းစွမ်းအားနှင့် မိန်းမစွမ်းအားကို စိတ်နှင့် ဝိညာဉ်အတွင်းပေါင်းစည်းနိုင်ကြောင်းဖော်ပြထားခြင်းဖြစ်ပါတယ်။ လောက၏ စွမ်းအင်များသည် ယောကျ်ားနှင့် မိန်းမအဖြစ်သာ မကွဲပြားဘဲ တစ်ကိုယ်တည်းတွင်ပင်ပေါင်းစည်းနိုင်ကြောင်းကို တွေ့မြင်နိုင်ပါတယ်။ - ထို လိင်စိတ်ခံယူမှုကွဲပြားသူများကို လေးစားရန် ရာမာယဏကျမ်းမှာ ထင်ရှားစွာ ပါ၀င်ပါတယ်။ ဘုရားရှင်ရားမ်ဟာ ၁၄ နှစ်တိတိ တောထွက်ချိန်တွင် အယိုးဓယားမြို့တွင် နေထိုင်သူအားလုံးဟာ မြို့အပြင် တောအုပ်ထဲသို့ လိုက်လံပို့ဆောင်ခဲ့ပါတယ်။ ထိုအချိန်မှာ ဘုရားရှင်ဟာ "အမျိုးသား၊ အမျိုးသမီး၊ တိရစ္ဆာန် အားလုံး ကျွန်ုပ်အား ဤနေရာအထိသာ လိုက်လံပို့ဆောင်၍ ပြန်ကြပါလော့" ဟုဆို၍ ပြန်စေခဲ့ပါတယ်။ ထိုအချိန်မှာ လိင်စိတ်ပြောင်းလဲသူ ကိ(န်)နရ်တို့ဟာ အမျိုးသားမဟုတ် အမျိုးသမီးမဟုတ်သည့်အတွက် ထိူနေရာမှာပင် ၁၄ နှစ်တိတိ စောင့်ဆိုင်းခဲ့ပါတယ်။ ၁၄ နှစ်အပြီး ဘုရားရှင် ပြန်လာသောအခါ ဘုရားရှင်မှ ထို ကိ(န်)နရ် မိန်းမလျာများအား တွေ့သောအခါ။အဘယ်ကြောင့် မပြန်သလဲလို့ မေးတဲ့အခါမှာ ၎င်းတို့ဟာ အမျိုးသားမဟုတ် အမျိုးသမီးမဟုတ်သည့်အတွက် ဘုရားရှင် ပြန်ခိုင်းတဲ့အထဲမပါတဲ့အတွက် စောင့်ဆိုင်းနေခြင်းဖြစ်ကြောင်း လျှောက်တင်ခဲ့ပါတယ်။ ထိုအခါ ဘုရားရှင်မှ ၎င်းတို့အား သူကိုယ်တိုင် မြို့ထဲသို့ ပြန်လည်ခေါ်ဆောင်ခဲ့ပြီး သူတို့ရဲ့ မွန်မြတ်တဲ့ စိတ်ထားကြောင့် ဘာရသ်မြေမြတ်တွင် အစဉ်တည်မြဲပြီး ၎င်းတို့မှာ ကောင်းခြင်း မင်္ဂလာကို ဖြစ်ထွန်းစေသော ကောင်းချီးရှိသလို ကျိန်စာတိုက်ရာမှာလည်း ထက်မြတ်သော အစွမ်းရှိစေရန် ကောင်းချီးပေးသနားခဲ့ပါတယ်။ - ဟိန္ဒူဘာသာ၏ကျမ်းမြတ်ကြီးဖြစ်သော မဟာဘာရသ်ကျမ်းထဲတွင် အရ်ဂျုန၏ အထူး လီလာတစ်ခုပါရှိတယ်။ တစ်နေ့တွင် ဥဗရ်သျှီးဟုခေါ်သော နတ်သမီးဟာ အရ်ဂျုနကို ချစ်ကြိုက်လာခဲ့ပါတယ်။ သို့သော် အရ်ဂျုနဟာ သူမကို မိခင်တစ်ဦးကဲ့သို့ လေးစားကြောင်း ပြောကာ ငြင်းဆိုခဲ့ပါတယ်။ ထိုကြောင့် ဥဗရ်သျှီးသည် အာရ်ဂျုနာအား အမျိုးသမီးဘဝဖြင့် နေထိုင်ရမဲ့ ကျိန်စာအားပေးခဲ့ပါတယ်။ အချိန်ကြာပြီးနောက် အရ်ဂျုနဟာ တောထွက်ရချိန်တွင် ဘရိဟန်နလားဟုခေါ်သော အမျိုးသမီးပုံစံဖြင့် နေထိုင်ခဲ့ရပါတယ်။ ထိုကာလအတွင်း အရ်ဂျုနဟာ မင်းသမီးများအား အကနှင့် အနုပညာများ သင်ကြားပေးသော ဆရာမတစ်ဦးအဖြစ် နေထိုင်ခဲ့ရပါတယ်။ ဤအဖြစ်အပျက်ဟာ ဟိန္ဒူကျမ်းများထဲတွင် လိင်ပုံစံပြောင်းလဲမှုကို သဘာဝကျစွာ ဖော်ပြထားသော ဥပမာတစ်ခုဖြစ်ပါတယ်။

Shivaji Maharaj ၏ အောင်ပွဲများနှင့် စွမ်းအားများမှာ သူ၏ဘက်က်သီးနှင့် ဓမ္မတရားအားကာကွယ်စောင့်ရှောက်လျှင် ထိုဓမ္မကပြန်လည်စောင့်ရှောက်ခြင်းနှင့် Bhawani Durga မယ်တော်၏ ကာကွယ်‌စောင့်ရှောက်မှုနှင့် မယ်တော်ဘုရား၏ Shakti နှင့်သူ၏တိုက်ပွဲတိုင်းသည်အနိုင်ရခဲ့ပါတယ်။ Shivaji Maharaj ၏ ဟိန္ဒူဓမ္မအားကာကွယ်‌သည့် ရဲရင့်မှု၊ သတ္တိ၊ဉာဏ်ပညာကြောင့် ယနေ့ထိ ဟိန္ဒူဘာသာဝင်များအတွက် ဂုဏ်ယူစံထားရာဘုရင်မြတ်ဖြစ်နေပြီး၊ အလွန်လေးစားထိုက်သော ဘုရင်တစ်ပါးဖြစ်ပါတယ်။ Jai Bhawani Jai Shivaji #HRK

ယနေ့ဟာ ၃‌၉၆ ကြိမ်မြောက် Chhatrapati Shivaji Maharaj Jayanti နေ့မြတ်ဖြစ်ပါတယ်။ Shivaji Maharaj ဟာ Maharashtra ပြည်နယ်မှာ ဟိန္ဒူသာသနာကို အစ္စလာမ်အစွန်းရောက် မဂိုဘုရင်များလက်ထဲမှ ကာကွယ်ခဲ့တဲ့ ဘုရင်တစ်ပါးဖြစ်ပါတယ်။ မယ်တော်မြတ် Tulja Bhavani ထံမှ ဓားကို ရရှိထားပြီး ဘုရားရှင် Shiva ရဲ့ အစိတ်အပိုင်းလို့ သတ်မှတ်ခံရသူလည်းဖြစ်ပါတယ်။ Shivaji Maharaj ကို 1630 ခုနှစ် တွင် Shivneri Fort တွင် မွေးဖွားခဲ့ပါတယ်။ သူ၏ဖခင် Shahaji Bhonsle သည် Bijapur တွင်အုပ်ချုပ်သည့် စစ်ဗိုလ်ချုပ်တစ်ဦးဖြစ်ခဲ့ပါတယ်။ မိခင် Jijabai ဟာ ဟိန္ဒူယဉ်ကျေးမှုနှင့် ဓမ္မတရားကိုသင်ကြားလမ်းညွှန်ခဲ့ပြီး Shivaji Maharaj ၏ ဘဝလမ်းကို စတင်စေခဲ့ပါတယ်။ Jijabai သည် Shree Rama နှင့် Arjuna အစရှိသူတို့၏ ရဲရင့်ခြင်း၊ သတ္တိရှိခြင်း သမိုင်းများကိုပြောပြ၍ Shivaji ကိုဓ ရ်မ (ဓမ္မတရားအား) ကာကွယ်သူ ဖြစ်လာအောင်လမ်းညွှန်ခဲ့ပါတယ်။ Shivaji Mahaj သည် တောင်တန်းများကို အခြေခံ‌၍ တိုက်ခိုက်ပြီးလျင်မြန်စွာ တပ်အားပြန်ဆုတ်ခြင်းကို အခြေခံပြီး Mughal အင်ပါယာ၏ အကြီးမားဆုံး စစ်တပ်များကို အနိုင်ယူခဲ့ပါတယ် မဂိုအင်ပါယာ၏ ရက်စက်မှုကြမ်းကြုတ်မှုများကြောင့် Shivaji Maharaj သည် Maratha Empire မာရထအင်ပါယာကို တည်ထောင်ပြီး Mughal Empire ၏ ရက်စက်မှုကို တားဆီးရန် ကြိုးပမ်းခဲ့ပါတယ်။ Aurangzeb အုပ်ချုပ်ချိန် (1658–1707) တွင် Mughal Empire သည် ဟိန္ဒူဓမ္မတရား၊ ဟိန္ဒူ ဘာသာ၊ ဟိန္ဒူတို့၏ စီးပွားရေးအား အကြမ်းဖက်စွာဖိနှိပ်ခဲ့ပါတယ်။ အဓိကရက်စက်မှုများက ဟိန္ဒူဘုရားကျောင်းများကို ဖျက်စီးခြင်း၊ ဟိန္ဒူဘုရားကျောင်းများကို ဖျက်ပြီး Mosque (ဗလီအဆောက်အအုံ)များတည်ဆောက်ခြင်း၊ ဘာသာရေးလွတ်လပ်မှုကို ကန့်သတ်ပိတ်ပင်ခြင်း၊ အခွန်နှင့် စီးပွားရေးအားဖိနှိပ်ခြင်း၊ အခွန်များအားအလွန်အမင်း ကောက်ခံခြင်း၊ ပြည်သူများ ဟိန္ဒူများအပေါ် အကြမ်းဖက်မှုများပြုလုပ်ခြင်း။ အိမ်ခြံမြေများအား ဖျက်စီးခြင်း၊ ကျေးရွာများကို မီးရှို့ခြင်း၊ ဟိန္ဒူများအား သတ်ဖြတ်ခြင်းအစရှိသောရက်စက်ကြမ်းကြုတ်မှုများအားလုပ်ဆောင်ခဲ့ပါတယ်။ ထိုရက်စက်ကြမ်းကြုတ်မှုများကြောင့် Mughal Empire အုပ်ချုပ်မှုအောက်ရှိ ဟိန္ဒူပြည်သူလူမျိုးများအတွက် အန္တရာယ်ရှိစွာဘာသာရေး ဖိနှိပ်မှုများ ကြုံ တွေ့ခဲ့ရသည်။ Shivaji Maharaj သည် Torna, Raigad, Sinhagad Forts စသည့် အရေးကြီး ခံတပ်များကို သိမ်းပိုက်ကာ Maratha Empire ကို တည်ထောင်ခဲ့ပါတယ်။ Shivaji Maharaj ကို Agra တွင် ဖမ်းဆီးထားခဲ့သော်လည်း သူ၏ဉာဏ်ပညာဖြင့် လွတ်မြောက်ခဲ့ပါတယ်။ ဒီလွတ်မြောက်မှုက Mughal Empire အပေါ် စိတ်ပိုင်းဆိုင်ရာဖြင့် အနိုင်ရခဲ့ပါတယ်။ ဒီနည်းလမ်းက Shivaji Maharaj ၏ ဉာဏ်ပညာ၊ သတ္တိနှင့် စွမ်းအားကို ပြသပြီး Maratha Empire အား ပိုမိုခိုင်မာစေခဲ့ပါတယ်။ Shivaji Maharaj သည် Mughal Empire ရဲ့ ရက်စက်မှုကို တားဆီးနိုင်သူ၊ ရဲရင့်မှု၊ ဉာဏ်ပညာ၊ သတ္တိ၊ စစ်ရေးရာကြွယ်ဝသူ၊ Maratha Empire အား တည်ထောင်နိုင်ခဲ့သူအိန္ဒိယသမိုင်းအတွင်း Hindu Swarajya ဟိန္ဒူဘာသာမြို့တော်ကို တည်ထောင်နိုင်ခဲ့သူဖြစ်ပါတယ်။ 1674 ခုနှစ် တွင် Shivaji ကို Raigad Fort တွင် Chatrapati အဖြစ် တရားဝင်နန်းတင်ခဲ့ပါတယ်။ သူ၏ အုပ်ချုပ်မှုတွင် လူမျိုးဘာသာမရွေး တန်းတူအခွင့်အရေး၊ ဘာသာရေးလွတ်လပ်မှု၊ စစ်တပ်နှင့် ပြည်သူ့ကာကွယ်ရေးခိုင်မာမှုတို့ကို အလွန်အရေးထားခဲ့ပါတယ်။ Chhatrapati Shivaji Maharaj သည် သူ၏ရဲရင့်မှု၊ ဉာဏ်ပညာ၊ ဓရ်မကို ကာကွယ်လိုသည့် စိတ်ဓာတ်တို့ဖြင့် Mughal Empire ၏ အာဏာကို တားဆီးနိုင်ခဲ့သော အိန္ဒိယသမိုင်း၏ အကြီးမားဆုံး ဘုရင်တစ်ဦးဖြစ်ပါတယ်။ Shivaji Maharaj သည် Maratha Empire တည်ထောင်ရာတွင် Bhawani Durga မယ်တော်၏ Shakti စွမ်းအားဖြင့် သူ၏ယုံကြည်သက်ဝင်ခြင်းဖြင့် တိုက်ပွဲများအားတိုက်ခိုက်အနိုင်ယူခဲ့ပါတယ်။ တိုက်ပွဲများအတွက် စိတ်ဓာတ်ခွန်အားပေးခြင်း Jai Bhawani ဟူ၍ ရွတ်ဆိုခြင်းဖြင့် တိုက်ပွဲအား တိုက်စဉ်တွင် စိတ်ဓာတ်ခွန်အားများနှင့်စစ်ထိုးခဲ့ပါတယ််။ ရဲရင့်မှုနဲ့ သတ္တိ ခွန်အားများရရှိပြီး Bhawani Durga မယ်တော်၏ ကာကွယ်ခြင်းဖြင့် Mughal Empire အပေါ် အနိုင်ရပြီး ဟိန္ဒူဘုရားကျောင်းများအားပြန်လည်တည်ဆောက်ခဲ့သည်။ ဓမ္မတရားအား ပြည်လည်တည်‌ဆောက်နိုင်ခဲ့ပါတယ်။ Jai Bhawani ဆိုတဲ့ ရွတ်ဆိုသံဟာ Shivaji Maharaj နှင့် သူ၏ စစ်တပ်၏ စိတ်ဓာတ်၊ ခွန်အား၊အားအင်ရှိမှု၊ ရဲရင့်မှုရှိခြင်းတို့၏‌အဓိက သော့ချက်ဖြစ်ပါတယ်။ Jai Bhawani ဆိုသည်မှာ Bhawani မယ်တော်ဘုရား အောင်ပွဲရပါစေ ဆိုတဲ့ အဓိပ္ပါယ်ဖြစ်ပါတယ်။ Shivaji Maharaj ဟာ စစ်တိုက်ချိန်နှင့် အရေးကြီးစိတ်ဓာတ်‌ပိုင်းဆိုင်ရာ ခေါင်းဆောင်ရသည့်အချိန်တွင် တပ်သားများကို စိတ်ဓာတ်မြှင့်ရန်ရွတ်ဆိုခဲ့ပါတယ်။ ထို့‌ကြောင့်သူ၏ဘဝတစ်လျှောက်လုံး ရဲရင့်မှု၊ သတ္တိ၊ စွမ်းအားကိုရရှိ‌ခဲ့ပါတယ်။