Namangan shahridagi Prezident maktabi

O‘quvchilarimiz 12 ta medal bilan peshqadamlikni qo‘lga kiritdi Buxoroda o‘tkazilgan Abu Ali ibn Sino nomidagi xalqaro biologiya olimpiadasi sovrindorlari taqdirlandi. Umumiy hisobda 60 nafar (10 ta oltin, 20 ta kumush, 30 ta bronza) ishtirokchi o‘quvchilar turli darajalardagi medallar bilan taqdirlandi. O‘zbekistonlik o‘quvchilar 12 ta (3 ta oltin, 3 ta kumush, 6 ta bronza) medal bilan xalqaro olimpiadaning yakka peshqadamiga aylandi. Vazirlikning rasmiy sahifalariga ulanish: ❤ Telegram 🌐 Facebook 🌐 Youtube 🌐 Instagram 🔎 Veb-sayt 😄 Linkedin

Dunyoni bilimlilar boshqaradi, kelajakni iste’dodlilar yaratadi. Bu haqiqatni Buxoro viloyatida bo‘lib o‘tgan Abu Ali ibn Sino nomidagi xalqaro biologiya olimpiadasi jarayonlarini kuzata turib yana bir bor teranroq his qildim. Yevropa va Osiyo qit’asidagi 18 ta davlat o‘quvchi-yoshlari ishtirok etgan ushbu bahs jarayonlari o‘tgan vaqt davomida chinakam ma’nodagi katta bilimlar bellashuviga aylanib ketdi. 120 nafarga yaqin dunyo yoshlarini bir nuqtaga jamlagan ushbu olimpiada bahslarining qizg‘in va murosasiz kechganligini ishtirokchi o‘quvchilarning taassurotlaridan ham anglash qiyin emas. Albatta, O‘rta asr sharq ilm-fani va madaniyatiga katta hissa qo‘shgan bobokalonimiz Abu Ali ibn Sino ilmiy me’rosi va katta hayot yo‘li dunyoning deyarli barcha davlatlarida hozirga qadar chuqur o‘rganib kelinadi. Va uning tabobatga doir asarlari va tavsiyalari dunyo tibbiyotida keng qo‘llaniladi. Buxoro ana shu buyuk vatandoshimiz nomi bilan ataluvchi katta bir tadbirga mezbonlik qildi. Bunda bilimlar bahs olib borsada, o‘zaro hurmat va do‘stlik yetakchilik qildi. Bu do‘stona kayfiyat ayniqsa yoshlarning Buxorodagi turli tarixiy va madaniy maskanlarga qilgan sayohatlarida yaqqol namoyon bo‘ldi, deyishimiz mumkin. Bir so‘z bilan aytganda, bugun yakunlangan ushbu xalqaro olimpiada bahslari O‘zbekiston yoshlari uchun ham bir maktab bo‘lishi qatorida, kelgusidagi muhim musobaqalar oldidan katta tayyorlov vazifasini o‘tagani aniq. Men mazkur olimpiadaning barcha ishtirokchilariga kelajakda bundanda katta omadlar tilayman. Hilola Umarova, Maktabgacha va maktab ta’limi vaziri

#hududlardan_xabarlar #kunlik_dayjest ⏺Buxoro shahridagi Prezident maktabida matematika fani boʻyicha "Quiz-Bee Competition" musobaqasi oʻtkazildi. ⏺Xiva shahridagi Prezident maktabi oʻquvchilari Xorazm viloyati Milliy gvardiya boshqarmasi bilan hamkorlikda tashkil etilgan chavandozlik mashgʻulotlarida ishtirok etdi. ⏺Namangan shahridagi Prezident maktabida "Ohanglar sehri" deb nomlangan badiiy-musiqiy kecha boʻlib oʻtdi. ⏺Jizzax shahridagi Prezident maktabi bitiruvchilari “Yangi Oʻzbekiston” universiteti professor-oʻqituvchilari bilan muloqot qildi. ⏺Samarqand shahridagi Prezident maktabi bitiruvchilari Samarqand davlat universitetining Muhandislik fizikasi instituti faoliyati bilan yaqindan tanishdi. ⏺Termiz shahridagi Prezident maktabi, Abdulla Oripov nomidagi ijod maktabida hududlarda shoshilinch yordam chaqiriqlarini qabul qilish va qayta ishlash, aholiga shoshilinch yordam ko‘rsatish faoliyatini boshqarishning yagona tizimi — “112” yagona dispetcherlik xizmati yuzasidan axborot-targʻibot tadbiri o‘tkazildi. ⏺Nurafshon shahridagi Prezident maktabi oʻquvchilari WMI - Xalqaro matematika olimpiadasining final bosqichiga yoʻllanma oldi. ⏺Andijon shahridagi Prezident maktabida “Ilhom va shijoat: qizlar kelajakni yozmoqda” mavzusida hisobot taqdimoti o‘tkazildi. ⏺Ogahiy nomidagi ijod maktabining bir guruh o‘quvchilariga Xorazm viloyati Ichki ishlar boshqarmasining maxsus esdalik sovgʻalari topshirildi. ⏺Ibroyim Yusupov nomidagi ijod maktabi tomonidan “Qoraqalpoq sheʼriyatining soʻnmas yulduzi” deb nomlangan adabiy-badiiy kecha oʻtkazildi. ⏺Muhammad al-Xorazmiy nomidagi ixtisoslashtirilgan maktabning Samarqand filiali rahbariyati ishtirokida brifing bo‘lib o‘tdi. ⏺Hazorasp tuman ixtisoslashtirilgan maktabi oʻquvchisi Dilshodbek Rajabov Eronda boʻlib oʻtadigan 54-Xalqaro fizika olimpiadasida qatnashish imkoniyatini qoʻlga kiritdi. ⏺Guliston, Jizzax shaharlari, Muzrabot, Norin, Namangan, Uchqoʻrgʻon, Chust, Kosonsoy, Shahrisabz, Olot, Qarshi tumanlari ixtisoslashtirilgan maktablari oʻquvchilari fanlarni bilish darajasi boʻyicha milliy sertifikatlarga ega boʻldi. ⏺Buxoro shahar 2-son ixtisoslashtirilgan maktabi oʻquvchilari Gulchiroy Rahmatullayeva va Goʻzal Nurulloyeva ICT4 Girls olimpiadasining Respublika bosqichiga yo‘llanma oldi. ⏺Termiz shahar 3-son ixtisoslashtirilgan maktabi hamda Muzrabot tuman ixtisoslashtirilgan maktabida "Har 10 kunda bir kitob" chellenjiga start berildi. Telegram | Facebook | Instagram | YouTube | Portal

#xalqaro_olimpiada #taqdirlash ⚡️ Maktabgacha va maktab taʼlimi vazirligi tomonidan ilk marotaba oʻtkazilgan Abu Ali ibn Sino nomidagi xalqaro biologiya olimpiadasining taqdirlash marosimi bo’lib o’tdi. 🏆Unda Agentlik tizimidagi maktab o’quvchilari quyidagi natijalarni qayd etishdi. 🥇OLTIN MEDAL: ➖Mehrangiz Ahtamova, Navoiy shahridagi Prezident maktabi 11-sinf o‘quvchisi. 🥈KUMUSH MEDAL: ➖Sardor Qurbonboyev, Abu Ali ibn Sino nomidagi ixtisoslashtirilgan maktabi 11-sinf o‘quvchisi; ➖Abdurahmon Yokubjonov, Abu Ali ibn Sino nomidagi ixtisoslashtirilgan maktabi 10-sinf o‘quvchisi; ➖Mashhura Qudratova, Navoiy shahridagi Prezident maktabi 9-sinf o‘quvchisi. 🥉BRONZA MEDAL: ➖Rasul Nekkulov, Qarshi shahridagi 1-son ixtisoslashtirilgan maktabi 11-sinf o‘quvchisi; ➖Rayxona G‘ofurova, Abu Ali ibn Sino nomidagi ixtisoslashtirilgan maktabi 10-sinf o‘quvchisi; ➖Nursulton Ashiraliyev, Jizzax shahridagi Prezident maktabi 9-sinf o‘quvchisi. Telegram | Facebook | Instagram | YouTube | Portal

#qabul_2024 #1_iyun_20_iyun ⏰ Agentlik tizimidagi maktablarga ariza.piima.uz sayti orqali arizalar kelib tushmoqda. 📊 Ushbu arizalarning 12-iyun soat 11:00 holatidagi statistikasi bilan yuqoridagi infografikada tanishishingiz mumkin. 📺 Maktablarga onlayn ariza topshirish bo‘yicha video-qoʻllanma. ☎️ Call-markaz: 1206 Telegram | Facebook | Instagram | YouTube | Portal

#qabul_2024 #1_iyun_20_iyun ❓ Biz oilaviy xorijda yashaymiz. Farzandim ayni paytda 4-sinfni tamomladi. U Prezident maktabiga hujjat topshira oladimi? ✅O‘zbekiston Respublikasi fuqarolarining xorijiy davlatdagi ta’lim muassasasida o‘qiyotgan farzandlari Prezident maktablarining tegishli sinfiga o‘quvchilarning ota-onasi (qonuniy vakili)ning doimiy yashash joyi bo‘yicha hujjat topshirishi mumkin. Bunda o‘quvchilar ta’lim olayotgan ta’lim muassasasi tomonidan berilgan baholar tabeli (yoki shunga tenglashtirilgan rasmiy hujjat)ning davlat tiliga tarjima qilingan va tegishli tartibda notarial idora tomonidan tasdiqlangan shaklini taqdim etadi. 🪪 Hujjatlar qabuli ariza.piima.uz sayti orqali faqat ONLAYN tarzda amalga oshiriladi. 📺 Maktablarga onlayn ariza topshirish bo‘yicha video-qoʻllanma. ☎️ Call-markaz: 1206 Telegram | Facebook | Instagram | YouTube | Portal

#qabul_2024 #1_iyun_20_iyun 📣📣📣📣📣 🔔 HURMATLI OTA-ONALAR VA OʻQUVCHILAR! 🇺🇿 Prezident Shavkat Mirziyoyev “Muborak Qurbon hayitini nishonlash to‘g‘risida”gi qarorni imzoladi. 📆 Qarorga ko‘ra, 2024-yilda Qurbon hayitining birinchi kuni 16-iyun – yakshanbaga to‘g‘ri kelishi munosabati bilan yurtimizda 16-iyun Qurbon hayiti bayrami sifatida nishonlanadi.

Qurbon hayitining birinchi kuni dam olish kuniga to‘g‘ri kelishi munosabati bilan ushbu dam olish kuni 17-iyun – dushanba kuniga ko‘chiriladi, 18-iyun – seshanba kuni barcha xodimlar uchun qo‘shimcha dam olish kuni bo‘ladi.

❗️DIQQAT! 📶 Qurbon hayiti munosabati bilan eʼlon qilingan dam olish kunlarida ham ariza.piima.uz sayti ish faoliyatida boʻladi. ‼️ Shuningdek, Agentlik tizimidagi maktablarda qabul yuzasidan tashkil etilgan ISHCHI GURUHLAR ham soat 09:00dan 18:00gacha tasdiqlangan grafik asosida navbat bilan faoliyat olib boradi. Telegram | Facebook | Instagram | YouTube | Portal

#qabul_2024 #1_iyun_20_iyun ⏰ Ixtisoslashtirilgan ta’lim muassasalari agentligi tizimidagi ⏺ Prezident maktablariga ⏺ ijod maktablariga, ⏺ Ixtisoslashtirilgan maktab va maktab-internatlariga 2024/2025-o‘quv yili uchun hujjat topshirish mudddati tugashiga 10 kun qoldi. 📶 ariza.piima.uz sayti arizalar qabul qilishni 20-iyun kuni soat 00:00da tugatadi. 📺 Maktablarga onlayn ariza topshirish bo‘yicha video-qoʻllanma. ☎️ Call-markaz: 1206 Telegram | Facebook | Instagram | YouTube | Portal

#qabul_2024 #1_iyun_20_iyun ❓Farzandimning hujjatlarini 20-iyun kuni ONLAYN shaklda ariza.piima.uz saytiga topshirsak, ishchi guruh tomonidan hujjatlar qayta tahrirlash uchun yuborilganda, ko‘rsatilgan kamchiliklarni bartaraf etish uchun qancha vaqt beriladi? ✅Prezident maktablariga o‘quvchilarning tug‘ilganlik to‘g‘risidagi guvohnomasi, fotosurati (oxirgi 2 oyda olingan), ota-onasi yoki uning o‘rnini bosuvchi shaxsning pasport ma’lumotlari va telefon raqamlari, baholar tabeli nusxasi (direktor tomonidan tasdiqlangan) kabi hujjatlari onlayn shaklda ariza.piima.uz sayti orqali qabul qilinadi. 🔖 O‘quvchilarning hujjatlari ishchi guruh tomonidan ko‘rib chiqilgandan so‘ng (24 soat ichida) ularga hujjatlar qabul qilinganligi, tahrirlashga yuborilganligi yoki rad etilganligi to‘g‘risida xabar yuboriladi. ❗️E’tibor bering, hujjat topshirishning oxirgi kuni – 20-iyun sanasida hujjat topshirgan talabgorlarning hujjatlari tahrir talab bo‘lsa, faqatgina o‘sha kuni tahrirlab qaytadan yuborishlari mumkin bo‘ladi. 📌 Ya’ni 20-iyun kuni tahrir uchun qaytarilgan hujjatlar shu sanadan boshqa sanalarda qabul qilinmaydi. Sababi, ariza.piima.uz sayti arizalar qabul qilishni 20-iyun soat 00:00 da tugatadi. 📺 Maktablarga onlayn ariza topshirish bo‘yicha video-qoʻllanma. ☎️ Call-markaz: 1206 Telegram | Facebook | Instagram | YouTube | Portal

#qabul_2024 #1_iyun_20_iyun 📣📣📣📣📣 🔔 HURMATLI OTA-ONALAR VA OʻQUVCHILAR! ⚡️IXTISOSLASHTIRILGAN TAʼLIM MUASSASALARI AGENTLIGI TIZIMIDAGI MAKTABLARGA HUJJATLAR QABULI EʼLON QILINDI! 🗺 Respublikamizdagi barcha Prezident, Ijod, Ixtisoslashtirilgan maktab va maktab-internatlariga hujjatlar qabuli 2024-yilning 20-iyun sanasigacha davom etadi. 🪪 Hujjatlar qabuli ariza.piima.uz sayti orqali faqat ONLAYN tarzda amalga oshiriladi. 📺 Maktablarga onlayn ariza topshirish bo‘yicha video-qoʻllanma. ☎️ Call-markaz: 1206 Telegram | Facebook | Instagram | YouTube | Portal