МЕНСКРАЗАМ!

🤍 Кадры з сённяшняй акцыі салідарнасьці ў Вільні. Жыве Беларусь!

Учора ў «Амбасады Вольнай і дэмакратычнай Беларусі» (Арт-праект) у Бэрліне прадоўжылася акцыя ўшанавання знакамітых беларусаў з нагоды іх дзён народзінаў і чытанне іх твораў: Вацлаў Іваноўскі (7.6.1880-7.12.1943) меў усё сваё жыццё надзею ўбачыць Беларусь вольнай краінай і рабіў дзеля гэтага усё магчымае. Яму, палітычнаму і грамадскаму дзеячу, драматургу, доктару тэхнічных навук і міністру асветы БНР ва ўрадзе А. Луцкевіча, давялося перажыць савецкую, польскую і нямецкую акупацыі бацькаўшчыны. Пасля захвату БНР саветамі, В. Іваноўскі застаўся ў Менску, спадзеючыся на стварэнне кааліцыйнага ўрада БССР з удзелам камуністаў і сацыял-дэмакратаў. Пасля арышту ў траўні 1919 саветамі - быў інтэрніраваны ў Смаленск і пераканаўся ў памылковасці арыентацыі на савецкую Расею. В. Іваноўскі ўвайшоў у Часовы беларускі нацыянальны камітэт у Менску, а ў лютым-сакавіку 1920 як упаўнаважаны рады БНР удзельнічаў у беларуска-польскіх перагаворах, імкнуўся прадухіліць падзел Беларусі, выступаў за стварэнне федэрацыі Польшчы і Беларусі. Падзел Беларусі пазбавіў В. Іваноўскага надзеі на ажыццяўленне ідэі беларускай дзяржаўнасці, ён адмовіўся ад палітычнай дзейнасці і вярнуўся да навуковай працы прафесара і кіраўніка кафедры Варшаўскай політэхнікі. Але ужо ў першыя месяцы нямецкай акупацыі В. Іваноўскі кіраваў адноўленым Беларускім нацыянальным камітэтам у Вільні і паклаў на гэты раз надзею адрадзіць беларускую дзяржаўнасць на супрацоўніцтва з нямецкімі акупацыйнымі уладамі. Адначасова ён мужна хаваў ад сьмерці ў сваём маёнтаку Лябёдка дзвюх жанчын яўрэйскага паходжання —Эму Альберг (1889—1983) і яе сястру Марыю Арнольд (1893—1995) і тайна падтрымліваў сувязь з прадстаўнікамі Арміі Краёваў. Беларуская асветніцкая дзейнасць В. Іваноўскага знайшла падтрымку генеральнага камісара Беларусі Вільгельма Кубэ: Іваноўскі быў у 1942м быў прызначаны на пасаду бургамістра Менска, а у 1943 з’яўляўся старшынём Беларускай рады даверу і ўзначальваў Беларускую народную самапомач. У 1943-м В. Іваноўскага цяжка паранілі у выніку тэрарыстычнага замаху невядомых на вуліцы, і ён загінуў на наступны дзяень ў шпіталі, пакінуты без лекарскай дапамогі. На многія гады імя В. Іваноўскага было выкрасленая з гісторыі беларускай культуры і нацыянальнага руху. Асуджэнне яго як «ворага народа» савецкімі ўладамі было выкліканае не толькі яго пазіцыяй часоў нямецкай акупацыі, яно датычылася ўсёй яго дзейнасці ўвогуле. З 1990-х г. у паглядзе на гэтую супярэчлівую фігуру пазначыліся прыкметныя карэктывы— у тым ліку дзякуючы працам гісторыка Юрыя Туронка. 16 снежня 2006 адбылося ўрачыстае адкрыццё на менскіх Кальварыйскіх могілках надмагільнага помніка В. Іваноўскаму. Разам да вызвалення Бацькаўшчыны! Жыве вольная Беларусь⚪️❤️⚪️! Слава Ўкраіне💙💛! Ізраіль пераможа🇮🇱! #МыПамятаем

🔥 ВІЛЬНЮС, УЖО СЁННЯ Рады прадставіць вам супрацу рэжысёра і актора Паўла Гарадніцкага і «Прававой ініцыятывы» — монаспектакль «Паслязаўтра будзе заўтра» пра чалавека, які прайшоў праз беларускую турму за каментары. 📍«Паслязаўтра будзе заўтра» — гэта гісторыя пра выжыванне ў няпростых умовах, пра чалавечнасць і надзею, якiя немагчыма адабраць нават у сценах турмы. На адну гадзіну гледачы атрымаюць магчымасць назіраць рэчаіснасць вачамі героя: пасмяяцца, паплакаць разам з ім i памарыць пра нешта сваё. Павел Гарадніцкі – з тых творцаў, хто ніколі не меў супольных справаў з дзяржаваю. Сутыкаўся з ёю хіба з розных бакоў міліцэйскага пратаколу. Калісьці затрымліваўся як актор Свабоднага тэатру, а ў 2021-м адсядзеў 15 дзён у Жодзінскай турме як музыка гурта «Разбітае сэрца пацана» («РСП»), дзе грае на флейце, клавішных, а таксама піша словы і музыку. Прыходзьце на спектакль і запрашайце сяброў і сябровак! БУДУЦЬ АНГЛІЙСКІЯ СУБТЫТРЫ! 📌 Калі: 30.06, 19:00 📌 Дзе: A. Jakšto g. 9 📌 Набыць квiткi

Беларусы выпусцілі цішоткі з незвычайнай выявай Асмалоўкі Праект Lizpinium https://www.instagram.com/lizpinium/ выпусціў цішоткі з беларускімі прынтамі, сярод іх: “Сваю Асмалоўку нашу з сабой” і “Саламяныя павукі”. У прынце “Сваю Асмалоўку нашу з сабой” праект стылізаваў выгляд на гэты гістарычны раён зверху. Як кажуць аўтары, гэта напамін не толькі і не столькі пра адну Асмалоўку, колькі пра кожны двор, раён, мясціну, якая блізкая нашаму сэрцу. Пра месцы, дзе мы пакінулі часцінку сябе, якія натхняюць, з якімі звязаныя дарагія ўспаміны. У прынце “Саламяныя павукі” аўтары спалучылі абрысы Беларусі з абрысамі традыцыйных беларускіх вырабаў – саламяных павукоў. Як цэлае немагчыма без кожнага асобнага элемента, так і культура ёсць вынікам мноства элементаў і спалучэнняў. Аўтары нагадваюць: “Перш за ўсё, ані Беларусь, ані беларуская культура немагчымыя без нас з вамі! То не забывайцеся, калі ласка, на гэта”.

Зварот Народных амбасадаў Беларусі да беларускіх дыпламатаў У сувязі з раптоўнай смерцю былога амбасадара Беларусі ў Германіі Дзяніса Сідарэнка, Народныя амбасады Беларусі, выказваючы спачуванні яго сваякам і блізкім, звяртаюцца да дыпламатаў, якія працягваюць служыць дзеючаму злачыннаму рэжыму Лукашэнкі. Мы заклікаем Вас крытычна пераасэнсаваць сваю пазіцыю і далучыцца да намаганняў дэмакратычных сіл, накіраваных на аднаўленне правоў і свабодаў у Беларусі. Рэжым, які Вы падтрымліваеце, не ўпершыню паказвае гатоўнасць да здрады і знішчэння не толькі сваіх супраціўнікаў, але і тых, хто дэманструе лаяльнасць, але стаў больш непатрэбным ці нязручным. Выбар на карысць дэмакратыі — гэта абарона Вашай уласнай бяспекі і імкненне да лепшай будучыні для нашай краіны. Народныя амбасады Беларусі гатовыя аказаць падтрымку і дапамогу тым, хто адважыцца зрабіць гэты прынцыповы крок, або пажадае наладзіць кантакт, застаючыся на сваіх пасадах. Кантакт для сувязі: [email protected] Народныя амбасады | Ананімны зварот | Падтрымаць нас

​​Вось ты рыхтуеш пост у падтрымку Ліды і Фаніпаля, а дзікае паляванне ўжо ў Глыбокім. І кожны дзень чуваць пра затрыманні ў розных кутках Беларусі. І ведаеце што. Шмат гадоў па Беларусі цыркулявалі нейкія недарэчныя стэрэатыпы. Пенсіянеры за луку! Дзеці і моладзь сядзяць у сацсетках, іх беларушчына не цікавіць. Як і рабочых, і медыкаў, і ўсіх, хто працуе на госпрадпрыемствах. Гэта ў Менску сустракаюцца людзі свядомыя, ну можа ў абласных цэнтрах сёе-тое, а астатняя Беларусь - яна па-за палітыкай. А зараз думаеш - і што гэта было? Мо прапаганда прафесійна працавала, ці проста беларусы ў Беларусь не верылі. І раптам уся краіна бурапеніць. Пенсіянеры і медыкі ідуць маршамі. Рабочыя крычаць "сыходзь!" Дзеці ў "сваех сацсетках" публікуюць ролікі на беларускай мове. Усе гарады выходзяць разам - і 9 жніўня, і потым. І вось зноў старая песня круціцца на новы лад: усе актыўныя з'ехалі, а хто застаўся - тыя па-за палітыкай (ці ябацькі). Зноў беларусы высвятляюць, хто правільны, а хто не. А пацукі тым часам не высвятляюць - яны ведаюць: тыя людзі нікуды не зніклі. На месцы людзі. І пенсіянеры, і моладзь. З Менска, ці Ліды, ці Фаніпаля, ці Глыбокага,  ці любога іншага горада, ці вёскі. Ці аграгарадка, дзе жывуць каровы, якіх сніць лука і пра якіх потым распавядае "элехтарату". А "элехтарата" ўжо і няма. Вораг верыць у нас, а мы чаму сумняваемся? Шмат чаго яшчэ здарыцца, але здарыцца і момант, калі мы ўзгадаем нас сучасных і падумаем: "ну і што гэта было, няўжо зноў прапаганда спрацавала?" Беларусь разам! Свабоду Беларусі! Жыве Беларусь!

🙏 Сябры! У батальёне "Волат" трывае збор сродкаў на станцыі РЭБ. 🛰 Кожны актыўны беларус разумее, як важна быць нябачным, калі вораг побач. У Беларусі, зараз, дэанамізацыя - гэта шлях за краты. Кошт высвятлення ворагам месца дыслакацыі нашых хлопцаў ва Ўкраіне -  жыццё нашых ваяроў. Большая частка сродкаў ужо сабрана. Засталася адносна невялікая сума грошаў да збору - каля дзвух тысяч еўра. Давайце разам закроем гэтую патрэбу. Прапаную, кожнаму, хто за мяжой, пералічыць столькі грошаў, колькі звычайна ён плаціць за каву ☕️ (~ 1-5€ ці 5-20zł). Можна адправіць і больш. Але давайце зробім гэта абавязкова да панядзелка. 

З рэшты чэлендж: #кавадляволата Да панядзелка, калі вы ў бяспецы, перавесці кошт аднаго куфліка кавы на рахунак "Волата" для прыдбання станцый РЭБ.

Пост на канале ваўкалака: https://t.me/URBANfront23/192 Збор: https://send.monobank.ua/jar/6zL4NtKtnF Revolute: http://revolut.me/aliaks2yin Дапаможам тым, каго сіпаты баіцца да сьмерці! ____ #навіны_паплечнікаў #акцыі_барацьбы ⚡️@bguild

26 чэрвеня 1941 года супрацоўнікі НКУС (НКВД) расстралялі 5 тысяч палітвязняў, прыгнаных з менскай і іншых турмаў ва ўрочышча Цагельня каля сучаснага Чэрвеня

Прэзідэнт элект Святлана Ціханоўская і Міністр Прэзідэнт Фландрыі Ян Янбон, разам з мастачкай Ганнай Каран, адчынілі выставу “Адзенне свабоды” у Місіі Дэмакратычнай Беларусі ў Брусэлі. Каб нагадаць еўрапейскаму грамадству пра адсутнасць свабоды на Беларусі і пра змаганне за яе. На адкрыцці выставы прысутнічалі еўрапейскія, бельгійскія і беларускія палітыкі. #МыРазам

Сёньня ў Амбасаду Вольнай і Дэмакратычнай Беларусі (Art-Project) у Бэрліне адбыліся чытаньня «экстрэмісцкага твору» Паўла Севярынца Шаноўны спадар Павал! Для антыбеларускага рэжыму, які больш за 4 гады трымае Вас за кратамі ў жудасных умовах, нават Вашыя словы «Люблю Беларусь!» — страшэнны экстрэмізм. Мы ганарымся Вамі, слаўным беларускім творцам і шчырым патрыётам! Мы чытаем і будзем чытаць Вашыя цудоўныя кнігі! Няхай беражэ Вас Бог і воіны-беларусы, якія праз вызваленне Украіны вызваляюць Беларусь! Жыве вольная Беларусь⚪️❤️⚪️! Слава Ўкраіне💙💛! Ізраіль пераможа🇮🇱! #МыРазам