Najmiddin Turon

Yomg‘ir yog‘sa, umid gulday unar bo‘lsa, Kemtik ko‘ngil xalqobdayin to‘lar bo‘lsa. Yo‘l chetida yomg‘irpo‘shsiz turgandir deb, Ketgan yoring qaytishiga ko‘nar bo‘lsa. Ko‘lob yo‘llar yag‘rinida yo‘l ko‘rsatib, Yolg‘izlikning azobini cho‘ng ko‘rsatib. Pinhon tutgan sog‘inchini etib oshkor, Boshlab kelsa ro‘molchasin ho‘l ko‘rsatib. Nigohidan yomg‘ir yuvgan so‘z taralsa, Ifor sochib barmog‘ingda soch taralsa. Peshonangga bitgan taqdir bo‘lib mulzam, Ul yor bilan bir ketgulik yo‘l yaralsa. Xovuchida gulgun gulob quyib bersa, Tag‘in yomg‘ir tinmay battar quyib bersa. Tosh ko‘chada chopsalaring qo‘l ushlashib, Oh, bu dunyo o‘z holingga qo‘yib bersa. Olib borsang, qo‘rg‘oningda issiq tancha, Ostonada oyoq ilsa rafiq kecha. Derazadan borligini etib isbot, Yomg‘ir tinmay yog‘aversa jon chiqquncha. Bir tong kelsa avvaliga o‘xshamayin, Yengillashib borsang quyosh chiqqan sayin. Yomg‘ir tingan dunyosiga etak siltab, Uchib ketsang ul yor ila bir bug‘dayin. Yomg‘ir yog‘sa... N. E. fevral, 2021

Бир ёқда суйгулинг кўзингдан ғойиб, Бир ёқда ватанинг ғарларга талош. Бир ёқда андуҳинг бормоқда бойиб, Бир ёқда қароққа тўлқин урар ёш. Бир ёқда шимолга сургун йигитлар, Бир ёқда жувонлар жамиятга қул. Бир ёқда ялоғи тиллодан итлар, Бир ёқда танглайи тешилган булбул. Бир ёқда Оролдай шўрлаган манглай, Бир ёқда адашган йўлчидай авом. Бир ёқда ёлғонни айтишар чиндай, Бир ёқда алданиш этади давом. Бир ёқда қулликни тусар кексалар, Бир ёқда ёшанглар фарқи йўқ ҳар ёқ. Бир ёқда келажак ҳиссиз ингранар, Бир ёқда қабрлар ҳайқирар узоқ. Бир ёқда бемалол қиш келаётир, Бир ёқда кўчини тўплар тийрамоҳ. Бир ёқда бемажол дил йиғлаётир, Бир ёқда самога ўрлаётир оҳ. Бир ёқда ҳаммаси ўткинчи гўё, Бир ёқда ҳар бири жон беришга тенг. Бир ёқда измидан қўймайди дунё, Бир ёқда бир ёққа кетгинг келар сен. Н. Э. ноябрь, 2021

Тақво йўлларинда мажнунтол эгик, Тераклар кеккайган азалий кофир. Аслан қўноқлиги яширин дунда Ёмғирлар муҳожир, мен-да муҳожир. Токларнинг шохида тўнглаган ёши, Беҳиштда данагин қолдирган анжир. Бизни тарошлаган норасо дунё, Ёмғирлар хабарчи, мен-да хабарчи. Оҳулар кўзидан андуҳий бода Ҳўплаган шамоллар эсида жудо. Эс бу қолганларга ўхшамак бўлса, Ёмғирлар девона, мен-да девона. Қўрғошин тусдаги ёшни симирган, Туманлар заминнинг чўнтакрўмоли. Унинг бир камига даво қидирган, Ёмғирлар сазойи, мен-да сазойи. Ҳаққуш уясига тухумин қўйиб, Каккулар минг йилки жўжа очирган. Бул мудҳиш сирларнинг гувоҳи бўлиб, Ёмғирлар осилган, мен-да осилган. Кунба-кун тусланиб бораётган бул— Замон оловбардор, замин ўтхона. Кимки ёндош бўлса, эта бошлар кул, Ёмғирлар бегона, мен-да бегона... Н.Э.

Жим кетинг. Тегинманг. Қараманг, қўйинг, Кўзига мунг экиб қўйгандир уйқу. Қулочи кенг-ку деб беҳад севинманг, Йиғи довушига ўйнаяпти у. Йиғлаётган ўзи, Ўйнаган ўзи, Йиғлатган ҳам асли ўзининг насли. Ғамбода ҳолига таскин қидириб, Йиғи-ла куйлайди ҳурликнинг васфин. Ачинманг ҳам энди, Бори шу экан, Йиғи билан ювиб бўлди осмонни. Ўзи-ку кўникди мазлум ҳолига, Кўниктирмак истар энди жаҳонни. Ажаб, Ғамларига меҳр бойлаган, Ажиб ҳузурдайин туйилар қайғу. Ўзи-ку ишониб, ўзгани авраб, Йиғи довушига ўйнаяпти у. Лек умид боқийдир, Ёруғ кунлар бор! Аммо келганида кутилган фурсат, Ҳайронман, эркини қандай танийди, Йиғи довушига ўрганган миллат. Нажмиддин Эрматов 2019, октябрь

Бийлар ғолиб, ҳар доимгидай, Халқ сукутга, сукут халққа мос. Мутелиги агар кам бўлса, Тилигача кишанингни ос. Мана бўйним, сиртмоғингни сол, Косам тўлиб бўлди сабрга. Сўнгги ўтинч — фотиҳа ўқий, Сўз эркининг қабри қаерда?!.. Тириклигин кўрмадик биз-ку, Авлодлар ҳам сўрайди бир пайт. Ўшанда: ’'Биз ўлдирдик’’, — дема, ’’Ўзи қариб ўлгандир’’, — деб айт... ноябрь, 2019 https://t.me/Najmiddin_Ermatov

Ҳижрон ҳақида қўшиқ --Ўргимчак тўрига илинган шуъла, Неларни ўйладинг кунботар пайти? --Агарки фурсатинг бир умр бўлса, Кутганинг ҳеч қачон келмайди қайтиб. --Қара, уфқ қизарди, ниҳоя яқин, Ўргимчак ютмасдан кўзларимга қўн. --Менинг умрим битта, асралмоқ не наф, Ахир тонгга қадар минг умрлик йўл?.. --Ўргимчак тўрига илинмоқ нечун, Юрсанг бўлмасмиди ул шамсни қучиб? --Қисматим шу экан, ахир қуёшни, Топганим билмасдим айрилмай туриб. --Мана шам ёқяпман, оқшомдан аввал, Менинг ҳам ҳижроним ҳижронингга тенг. --Агар тонгга қадар фурсатинг бўлса, Кечада яшамоқ азобини енг. --Висол тонг бўлса гар, қисматимиз бир, Умримдан кечалар кўтармайди бош. --Бундан ҳам дахшати -- шу тунда ўлсам, Менинг кутганимни билмайди қуёш. Ўргимчак тўрига илинди шуъла... февраль, 2020 https://t.me/Najmiddin_Ermatov

''Assalomu alaykum, dorning og‘ochi...''

*** Гуллар гуллигини унитса агар, Не учун ўсишин билмаса дарахт. Осмонда қўл етмас юлдузга боқиб, —мана шу бахт деса, мана шудир бахт. Сен-чи, майса бўлсанг ушбу ўрмонда, Шамоллар шивири туюлса сирдай. Миянгда минг савол уйғонса ғужғон, Тағин ўсаверсанг кимлигинг билмай. Гулларнинг хироми сохта туюлса, Дарахтлар қулочи омонат гўё. Шабада элтгувчи ҳидга тўйинса, Бу яшаш яшашга ўхшарми, дунё?! Сен-чи, бу ҳолатга жавоб топмасанг, Ўйласанг, —бу ўрмон нимага жимдир?! Ахир бу ҳолатни кимдир яратган, Ахир бу ҳолатни билади кимдир. Саволлар жавоби кимгадир маълум, Кимдир яшаяпти чиқаролмай сас— Сенинг кимлигингни билади булбул, Ўзининг кимлигини билади қафас. октябрь, 2018 @Najmiddin_Ermatov

Юраги жисмидан катта шоира Нилуфар Эргашевадан ўтли икки жуфт шеър! "Катта бир театрни Қўғирчоқлар бошқарар..." t.me/Najmiddin_Ermatov

Карвон одимлайди кўзлари боғлиқ, қароқчи талайди, гоҳида довул. Йўлдаги карвонни ёғийдан эмас, ўтмишдан қўриқлар бир тўп ясовул. Карвон хориб борар тушов, жиловли, баттар оғир келар қисматнинг тоши. Бугунги кунини чақадай санаб, ўмара бошлайди ясовулбоши. Карвон чўкиб қолар эртага етмай... сабрдан сиқмаган уларни Худо: ўлмай қолганига шукурлар айтар, кейинги ясовул келгунича то. октябрь 2021 Н. Э.

Ўн олтинчи кун Нажмиддин Эрматов Бунча хотиржамсиз, кўзларингизда Ҳаттоки мамнунлик бўлмоқда зоҳир. Отилган кабутар жасадигамас Чекилган расмига қарайсиз қотиб. Руҳингиз бунчалар шодондир нечун, Сўзингиз мисоли шода-шода дур. Ранжиманг, шукуҳдан сўзлар чоғингиз Беҳос йиғлаб юбордим, узур. Эҳтимол сўрамас болангиз сиздан, Балки соғинтирмас парвоз деган ғам. Мен қандай баҳона тўқий кун келиб, Кабутар қани, деб сўраса болам?..

#rukn Узангижўлдошлар ижодидан Дадахон Муҳаммадий АЛПОМИШНИНГ СИНГЛИСИГА Тоғлар йўлин тоғ тўсди, Муштга айланди қулоч. Айвонингни қор босди, Аканг қани, Қалдирғоч? Бир мунглиғ овоз ўтди, Чалинмаган соз ўтди, Баҳор ўтди, ёз ўтди, Аканг қани, Қалдирғоч? Полвонинг даврага сол, Полвонман деб юрганлар. Суюнчига жоним ол, Алп ўғлини кўрганлар. Мардлар йиғилган майдон, Мардини кутади эл. Чоҳдан чиқар полвонга Қирқ полвонинг бошлаб кел. Қалдирғоч, эл омондир, Номини айтиб келсанг. Юрт сўраб келганларга Акам қайтади, десанг. Эшикда осиқ турар Алп отининг тақаси. Ёт элларда қолмайди Мард сингилнинг акаси? Кўнгилга ор солдими – Ёт элда оқарган соч. Кураш сенга қолдими, Аканг қани, Қалдирғоч? Ботир зоти ўлмайди! Элга меҳри сўлмайди, Сўлса – ботир бўлмайди, Аканг қани, Қалдирғоч? Етти йил – етти минг йил, Алпсиз ўтади даврон. Боботоғда занг босган Тўқсон ботмонли камон. Олис-олис йўлларда, Бирда тўқ-у бирда оч. Ёв алқаган қўлларда, Аканг қани, Қалдирғоч? Бу Ватанга шон керак, Жон бергувчи жон керак. Элга қаҳрамон керак, Аканг қани, Қалдирғоч?!

Ўн бешинчи кун Нажмиддин Эрматов Соғинчнинг суратин кўлга чизар ой, Умид-ла узалиб, бўш қайтар қўлим. Шарқираб кулар-у сўз демайди сой, Кун сайин бир ёруғ хаёлга Айланиб борурмиз, суйгулим. Шамоллар рови-ю, айтгилиги йўқ, Эскирган изларни яширар йўлим. Ахир бу йўллардан қайтгилиги йўқ, Кўк сари Ғиркўкнинг ёлига Бойланиб борурмиз, суйгулим. Сомонйўл эслатар қадимий шартни, Бунда бир дарвоза, калити—ўлим. Бу дунё кам кўрган бундайин аҳдни— Ўлимдан кейин ҳам фироққа Шайланиб борурмиз, суйгулим.

#tez_kunda #yangi_kitob ...Zulfiqor ruh kerak, kerak chin yog‘du, chin ishq yolqinlari bag‘rimga to‘lsin, jismimni toblasin faqat chin og‘riq, chechaklar qop-qora bo‘lsa-da bo‘lsin. Bag‘rikeng Xudoyim kechirib qo‘yar, yiqilsam yetmay ul haqiqatimga, ko‘milsam, ko‘milay o‘limi go‘zal — jo‘mardlar ko‘milgan tariqatimga. © Shavkat Rahmon Sahifalarimiz👇 Telegram | Facebook | Instagram

*** Qovogʻingga kimdir don sepgan, Kiprigingga qushlar qoʻnibdi. Dil yedirib boqdingmi, gulim, Bo'ldi uchir... ular toʻyibdi. Oʻzing tusab, axir dilingni tutaversang qushlar ketmaydi. Seni yolgʻiz bu ogʻriqlardan qutqarishga kuchim yetmaydi. @Najmiddin_Ermatov

Ўн иккинчи кун Нажмиддин Эрматов Olti oymas, oʻn asrlik yo'l tortib keldim, Oʻlik qumli sahro uzra toʻlgʻonib keldim, Eshitganni uygʻotguvchi soʻz olib keldim, Panjasida xabar tutib uchgan gʻoz mana: "Alpomish zindonda yotibdi". Alp yigit bir noma bitti, joyi chox edi, Bitgunicha koʻzi namli, boʻgʻzi OH edi, Ming yildirki bandi ekan, kim ogoh edi, Yolgʻon emas HAQ yozilgan bir qogʻoz mana: "Alpomish zindonda yotibdi". Yoʻl toʻsarlar oʻq otishdi oʻt ketdi yondim, Ming yildirki, oyoq osti yerlarda qoldim, Zindondagi bandi oʻgʻlon qayta jo'natdi, Chanqovuzdan sado bo'lib yana taraldim, Oh, boʻxchada qolib ketgan mungli soz mana: "Alpomish zindonda yotibdi". Oʻn ming uyli eling Oʻzdan ko'chib ketibdi, Koʻk ruhini asrolmabdi, oʻchib ketibdi, oybarchining ultontozni quchib ketibdi, Meni hatto tanimadi kuntugʻmish checha, Bugun hech kim eshitmagan bir ovoz mana: "Alpomish zindonda yotibdi". Xabaringdan hech kim seni olmadi tanib, Zindoningda yotarsan-a endi oʻrtanib, Senku ruhan ozod eding, ammo bilmaysan, Oʻz tanidan zindon yasab, qoʻrqib, berkinib, Boychiborning chilbir dumin kesib "mardona", Odamlar zindonda yotibdi. Oʻn asrlik yo'ldan keldim, ortga kuchim qolmaydi, Isyonini koʻmgan eling seni taniy olmaydi, Boychiborning dumin uzgan bovuringdan umid uz, Seni izlab qutqargani endi hech kim bormaydi, Asrlarning orasida qolgan sas mana: "Odamlar zindonda yotibdi".

Ўнинчи кун Нажмиддин Эрматов Шимолдан ховури яхлаб қайтди ел, Умидвор чечаклар топмоқда завол. Менинг дардим оғир, Оғринмасдан кел, Кузакдан кўнглини узмаган аёл. Кафтимдан дон еган қушларим учди, Илонлар шайланди этмоққа жоду. Лек кўнгил дардисар, Ҳамон саросар, Ҳамон кафтим очиқ, Қўлларинг қушку?.. Эртанга хотирдан тўн тўқиб сотган Умидни зафтига олмоқда кузак. Қўлларим қировга ботмасдан аввал, Юрагим тинмасдан Қўлингни узат. Кузакдан кўнглини узмаган аёл.