Najmiddin Turon

Бугун ўзбек элининг икки катта шоири туғилган кун! * * * МАТНАЗАР АБДУЛҲАКИМ Бир ўлкаки... Ойбек Бир ўлкаки, қаро, тимқаро, Кўзлари оқ, оқдир тишлари. Бир омади — совқотмайди ҳеч, Терга ботиб ўтар қишлари. Шундай қизғин меҳнатга ёрдир, Бир лаҳза ҳам бекор вақти йўқ. Ҳамма-ҳамма нарсаси бордир, Бечоранинг фақат... бахти йўқ. *** МИРЗО КЕНЖАБЕК Чеккагир қаламкашларга «Мендан ижод қолар», дейди у шоир, Шеър сотиб, жимгина ейди у шоир. Талабгор сафларга аралашмаса, Улуғлар улуғлаб, алқармиш роса! Иши йўқ улуснинг фарёди билан, У зот курашармиш ижоди билан! Бир ён гар бирлик деб тирилар халқинг, Бир ён заҳар ютиб қирилар халқинг. Неча бегуноҳлар чирир қамоқда, Шеърингдан юз буриб, қизлар ёнмоқда. Қўқонда йигитлар ҳақ сўзни айтиб, Узоққа кетдилар... келмаслар қайтиб. Вужуд ўткинчидир, дунёси - турғун, Зурёд бузилмоқда, пуштингда - қирғин! Эй шоир, хонашер, майдонбағирим, «Мендан ижод қолар» деган рақибим. Наҳотки, қуёндан фарқинг бўлмаса, Ижод кимга қолур, халқинг қолмаса?! https://t.me/Najmiddin_Ermatov

Bugun Mansur Jumayev hayot bo‘lganida 35 yoshni qarshilardi. Marsiya Mansur Jumayevga Toshkentdan Qarshi qadar yomg‘ir yog‘ib borodur, O‘n bir dilpora do‘sting esdan og‘ib borodur, Kuygan ko‘kay kuydirgi ko‘zni sog‘ib borodur, Yo‘l ham bizga qo‘shilib,  zorlanib borar,  do‘stim. Qatordan kamni sanab,  kuzak hayron boqodur, Yulduzini uchirgan osmon vayron boqodur, Sen kutgan fasl* kelib,  vale giryon boqodur, Qilmishidan qismating orlanib borar,  do‘stim. Oldinda bir ulov bor,  ichida ikki murg‘ak, So‘lg‘in bitta gul bordir - sen sevgan o‘shal yurak, Kim bosh bo‘lar ularga,  kim bo‘lar endi tirgak?.. Orzular xazon yanglig‘ xorlanib borar,  do‘stim. Buncha uzun bu yo‘llar,  buncha bag‘ri yag‘irdir, O‘n bir yo‘ldosh boradur,  bari yag‘ir bag‘irdir, She'rlar qoldi shoirsiz,  nahot she'r ham sag‘irdir?.. Lek shoiri Tangriga yorlanib borar,  do‘stim. Derazadan termulsam,  otilib chiqib oting, Xayolimda siniqqan surating turar qotib, Tark etdi deb ingrasam, battar o‘rtabon yoding Borgan sari dunyoda borlanib borar,  do‘stim. *''Biz kutgan fasl'' kitobi @NajmiddinTURON

"MANSUR BOʻLIB KELDIM"

Iste'dodli shoir Mansur Jumayev xotirasiga bagʻishlangan hujjatli film.

"Mahalla" telekanalida 17-fevral, soat 20:40da. @suhrob_ziyo1

#jurnal #mundarija "Til va adabiyot ta’limi" jurnalining Najmiddin Turon ijodiga bag‘ishlangan maxsus soni mundarijasi bilan tanishing. Muqova va mundarijaning pdf fayli izohda qoldiriladi👇 🌐 Sayt  ✈️  Telegram ✅Murojaat  ♾Muhokama 🌐Instagram

#bolalar_uchun #biz_haqimizda “Bolalar uchun yozamiz: ertak-romanlar” ijodiy tanlovida “Alp Arslon” nomli ertak-roman loyihasi bilan g‘olib bo‘lgan ijodkor Najmiddin Ermatov ijodiy tanlov haqida fikrlarini bildirdi: “Kuchli-kuchli asarlar yozilsa, bolalarimizning koʻziga bir zumga boʻlsa ham uyalmay, xijolat boʻlmay qaray olsak...” 📱 Telegram | 📱 Facebook | 📱 Instagram | 📱 X

Burnogʻi yil Qozogʻistonga borganda bir holatga havas qilgandim. Nashriyotlar, aksar tashkilotlar, metsenatlar ijodkorlarga buyurtma beradi yoki homiylik qiladi, shoir yo yozuvchi asarni yozadi va yaxshigina qalam haqi ham oladi. Oʻshanda oʻzimizdagi ijodiy sohaga aloqador idoralarning ishlarini oʻylab, atta-ang, deganman. Biz tengi aksar ijodkorlarda bir oʻy bor. Biror asarning gʻoyasini pishitsang, ozroq parcha ham yozib manfaatdor tashkilotga oborsang. Ularga maʼqul keladigan boʻlsa, bosib yozsang. Tuzukkina qalam haqi ham olsang. Har ikki taraf ham foyda koʻradi. Oʻrtada yaxshigina asar yaraladi. Shukrki, endi-endi shunday oʻylarning amaldagi jarayonlariga guvoh boʻlyapmiz. Bolalar kontentini rivojlantirish markazi ertak-romanlar yozish boʻyicha tanlov oʻtkazdi. Shunga yozilajak asar gʻoyasini va ozroq parchasini topshirgandim. Hakamlarga maqbul kelibdi. Endi yozish kerak. Yozganda ham katta masʼuliyat bilan yozish lozim. Muhimi, bolalar adabiyoti bir qator asarlarga boyishidan umidimiz bor. Yana umid shuki, Markaz boshlagan xayrli tashabbus aynan daxldor va boshqa tashkilotlarga ham yuqsa, yozarmanlar safi kengaysa, kuchli-kuchli asarlar yozilsa, bolalarimizning koʻziga bir zumga boʻlsa ham uyalmay, hijolat boʻlmay qaray olsak! https://t.me/NajmiddinTURON

* * * Аслан ёмғир эдим. Йўлин синдириб, нурни ташна этдим ёмғир бўлмоққа. Сандувоч кўзидан висол ўмариб, ёғмоққа шай бўлдик, фақат ёғмоққа. Зарафшон жисмимиз каҳкашон ичра, сочилган сомондан бир ошён ясар, ёғармиз, Исрофил суридан кейин, ёғмоққа арзирли дунё топилса. https://t.me/Najmiddin_Ermatov

Манави тарафда бир ажиб ишлар бўлиб кетибди. Нима бўлганда ҳам энди умидимиз шу болалардан. Ватаннинг, миллатнинг эртаси учун фойдали асарлар ёзишга Ўзи куч берсин!

* * * Қонялоқ тусига киради уфқ, Тоғларнинг қуёшга санчган тиғидан. Дарахт панасида мизғиган соя, Ҳуркиб туриб кетар ўрнидан. Чингиз лашкаридай ёғилар оқшом, Таслимман - аммо йўқ менда оқ байроқ. Кўнглим ўғирланган, таланган руҳим, Эгасиз кулбадай туришимга боқ. Осмонга қадагач оппоқ туғини, Зулматга юлдузлар ёғдиради шон. Кўзлари кўр бўлган умид ва ҳамда Фонуслар кўтарар кучсиз бир исён. Барча кишанларни ечади кеча, Барча кишангарга эшикбон уйқу. Кунли қувончларни бўғизлаб бунда, Оч қолган қашқирдай изғийди қайғу. Одамлик сиёҳи ўтирмас танга, Одамлик қолипи бу лаҳза жимдай. Вахший жондор каби ўкираман ва Мунис оҳу янглиғ йиғлайман тинмай. https://t.me/Najmiddin_Ermatov

Осмон, ҳолинг недур? Юлдузга талош... Турон, ҳолинг недур? Минглаб айри бош... Ҳурлик, келсанг-чи? Топ ўзинг имкон... Миллат, турсанг-чи? Қўймайди замон... Юрак урмайму? Қўрқувга эшдур... Шундай яшайму? Ўлганинг пешдур. https://t.me/Najmiddin_Ermatov

Onlayn ta‘limda nazorat qattiq bo‘lmaydi deyishadi .Yo‘q ! Men bunga chek qo‘ymoqchiman. Men bilan turk tilini o‘rganing, natijangizni kafolatlayman

May oyi yilning oxirgi imkoniyati va siz shu imtihon uchun tayyor bo‘lasiz. ⚡️Har bir dars telegram yopiq guruhida ,videochat orqali jonli tashkillanadi . ⚡️Daraja tugashi har oyda imtihon qilinadi . O‘tolmaganlar guruhdan chetlashtiriladi . ⚡️Eng yuqori ball olgan o‘quvchi , 50 %chegirmaga ega bo‘ladi. Zo‘ri bo‘lsangiz kam to‘laysiz 😊 ⚡️Kunlik mavzu taqdimotlarim va darslik kitobidan tushuntiriladi . ⚡️Tilni sevib o‘rganishingiz uchun wow atmosfera yaratiladi . ⚡️Bundan tashqari Turkiyadagi Ustozdan haftada bir kun konuşma darsi tashkillanadi . Kurs narxi chegirmada 249 000 va bu narx boshqa bo‘lmaydi 🔥l🔥v ustozdan , olov darslar sizni kutmoqda shoshiling!

Najmiddin Turon yaqinda besh ming kishilik sahnada she’r o’qigandi. O’sha konsert Botir Tangriqut haqidagi qo’shiq bilan boshlandi. Konsert oxirida esa yuzlab kitoblar sovg’a qilindi muxlislarga. Bularning hammasini esa Alpomishmedia asoschisi O’ktam Hakimbek amalga oshirdi. Bilasizmi, nimadan g’ururlandim, nimadan quvondim, bir millat farzandi shu tarzda hech qanday qichqiriqlarsiz, hech qanday ta’malarsiz, beminnat o’zining sohasida millatga o’zligini anglatish uchun hissa qo’shayotganidan, ziyo tarqatayotganidan. Axir, mumkin edi-ku, shunchaki ko’ngil ochish uchun kelgan tomoshabinga 10 ta estrada yulduzchasini chiqarib qo’yib, pul ishlab ketaversa. Bunday qilinsa ham hech kim hech narsa demasdi — prodyusserlik ishi. Ammo, O’ktam aka xalqni, millatni yaxshi ko’radigan odam, “Alpomish” medianing o’zi esa salkam bitta universitetning ishi aslida… To’xtamasin! Xullas, o’sha konsert bugun, hozir 17:50 da “Mahalla” kanalida efirga ketadi. Shu e’lon bahonasida o’sha kun o’ylagan mulohazalarni yozib oldim. Vaqtingiz bo’lsa, konsertni ko’ring, duo qilib qo’ying ichingizda O’ktam akaning dastiga bersin, u kabi yurtni jim sevsa-da, baland sevadigan o’zbeklar ko’paysin! @FeruzaXayrullayeva

ҚОР ЁҒАЁТГАН ОҚШОМ Рауф Парфи шеърига назира Қор ёғаётган оқшом Шаҳарни кезсанг, Ғира-шира кўчаларни кезсанг, қўлларингни чўнтакка тиқиб, Қор эса эриса лабларингда жим. Ўйласанг, олисларда қолган кимнидир, Шу қорни ўйласанг, қалбинг энтикса. Айниқса, ўзинг севган қизни ўйласанг, Айниқса, ўйласанг онангни… Қор эса тинмаса, Тинмаса қадаминг. Ўзинг ҳам бир қор учқунидай Сингиб кетсанг туннинг бағрига. Кимгадир йўл берсанг, кимгадир салом, Аммо ўзинг билмасанг буни. Қор эса бўралаб ёғаверса жим, Адашсанг-да, сезмасанг адашганингни…

дерлар: баҳорни соғинган уруғ, кута-кута гуллаб кетади, ўзи айланади баҳорга. дерлар: ёмғирни соғинган дарё, кута-кута буғланиб кетар, ўзи эврилади ёмғирга. билмам: уни соғинётган мен, кута-кута яшасам, не бўлади охири?.. @Najmiddin_Ermatov

https://youtu.be/X38uPSFgiAI?si=-NLSUoyp8CVq75Ax Булбуллар бош олиб кетгандай боғдан, Фанога кўчгандай сабуҳий саслар. Боғ аҳли энтикиб қулоқ осадир, сайраётир қафаслар.

Бугун чин маънода эл суйган шоирнинг тувилди куни! У кишини қуйидаги шеър орқали таниганман: * * * Келма! Соғинчни ўлдирар сенинг ташрифинг, Дийдорга тўйишдан қўрқаман, келма. Келма! Ҳижроннинг овчиси бўлган висолга, Ўлжасин беришдан қўрқаман, келма. Келма! Туғилмаган шеърлар туғилсин ҳали, Уволга қолишдан қўрқаман, келма. Келма! Бир олам бахт билан келарсан, келсанг, Мен бахтли бўлишдан қўрқаман, келма. Келма! Мана шу дард билан, гулим, тирикман, Даводан ўлишдан қўрқаман, келма. © Нажмиддин Эрматов Шоирга узоқ умр, сиҳат-саломатлик тилаймиз! Олтин боши омон бўлсин! Тўлсин, тўкилмасин!