ក្រសួងការងារ និងបណ្តុះបណ្តាលវិជ្ជាជីវៈ

ឯកឧត្តមរដ្ឋមន្ត្រី ហេង សួរ៖ «ការណ៍ដែលរាជរដ្ឋាភិបាលបង់ថ្លៃការសិក្សាជំនាញ TVET ឱ្យយុវជនមកពីគ្រួសារក្រីក្រ និងគ្រួសារងាយរងហានិភ័យ គឺដូចជាការជួយឱ្យចេះចញ្ចឹមត្រី និងចេះស្ទួចត្រី ពោលគឺចេះទាំងជំនាញដែលអាចរកការងារបានដោយងាយ និងអាចបង្កើតមុខរបរដោយខ្លួនឯងបាន» #MLVT #HENGSour #TVET

ឯកឧត្តមរដ្ឋមន្ត្រី ហេង សួរ ឆ្លុះបញ្ចាំងភាពវិជ្ជមានមួយឱ្យឃើញថា «ការណ៍ដែលសហគ្រាស ក្រុមហ៊ុន រោងចក្រនីមួយៗផ្ដល់ឱកាសហាត់ការ កម្មសិក្សា ហ្វឹកហ្វឺនកូនជាងដល់សិស្ស-និស្សិត TVET គឺជាឱកាសចម្រាញ់យកបុគ្គលិកដែលមានគុណភាពឱ្យចូលបម្រើការនៅកន្លែងការងាររបស់ខ្លួន ហើយក៏អាចក្លាយជាទូតសុឆន្ទៈជួយផ្សព្វផ្សាយពីចំណុចល្អៗ សក្ដានុពលការងារ គុណភាពផលិតផល និងចក្ខុវិស័យត្រឹមត្រូវរបស់សហគ្រាស ក្រុមហ៊ុន រោងចក្រនីមួយៗនោះផងដែរ» #MLVT #HENGSour #TVET

ឯកឧត្តមរដ្ឋមន្ត្រី ហេង សួរ លើកឡើងពីបេសកកម្មបន្តពង្រឹងគុណភាពនៃការអប់រំបណ្ដុះបណ្ដាលជំនាញ TVET ដល់សិស្ស-និស្សិត ដើម្បីឱ្យធានាគុណភាពជូនសហគ្រាស ក្រុមហ៊ុន រោងចក្រ សិប្បកម្ម កសិដ្ឋាន យានដ្ឋាន ឬមូលដ្ឋានអាជីវកម្មដែលប្រើប្រាស់បុគ្គលិកជំនាញចេញពីសាលា TVET #MLVT #HENGSour #TVET

ឯកឧត្តម ហេង សួរ៖ «ការរៀនជំនាញ TVET ជាជម្រើសដ៏វៃឆ្លាតដែលមានភាពបត់បែន និងឆ្លើយតបតាមតម្រូវការជាក់ស្ដែងរបស់បុគ្គលម្នាក់ៗ» #MLVT #HENGSour #TVET

អបអរសាទរទិវាលោកឪពុក ២១ មិថុនា ២០២៦ #MLVT #HENGSour

អបអរសាទរទិវាលោកឪពុក ២១ មិថុនា ២០២៦ #MLVT #HENGSour

អបអរសាទរ ទិវាអតីតយុទ្ធជនកម្ពុជា ខួបលើកទី១៩ (២១ មិថុនា ២០០៧ - ២១ មិថុនា ២០២៦) #MLVT #HENGSour

សម្ដេចធិបតី ហ៊ុន ម៉ាណែត៖ «ជំនាញ TVET ក៏មានគុណតម្លៃស្មើនឹងជំនាញផ្សេងៗទៀតដែរ មិនមែនជាជំនាញទី២ដូចការយល់ច្រឡំកន្លងមកនោះទេ ដូច្នេះសូមអ្នកដែលរៀនជំនាញ TVET ទាំងនេះយល់ពីគុណតម្លៃនៃការសិក្សារបស់ខ្លួន» #MLVT #HENGSour #TVET

ឱកាសការងារជាង ១ម៉ឺនកន្លែងរង់ចាំបងប្អូនអតីតពលករ និងយុវជនរកការងារធ្វើក្នុងស្រុកទឹកផុស ខេត្តកំពង់ឆ្នាំង (កំពង់ឆ្នាំង)៖ ក្នុងស្មារតីយកចិត្តទុកដាក់ខ្ពស់ចំពោះជីវភាពប្រជាពលរដ្ឋ ជាពិសេសបងប្អូនអតីតពលករពីប្រទេសថៃ និងយុវជនកំពុងរកការងារធ្វើ វេទិកាការងារ សន្តិសុខសង្គម និងបណ្ដុះបណ្ដាលវិជ្ជាជីវៈ ត្រូវបានរៀបចំឡើងនៅបរិវេណសាលាស្រុកទឹកផុស ខេត្តកំពង់ឆ្នាំង ដោយនាំមកនូវឱកាសការងារជាង ១ម៉ឺនកន្លែងពីក្រុមហ៊ុន រោងចក្រ សហគ្រាស និងតំបន់សេដ្ឋកិច្ចចំនួន ៨ ដើម្បីផ្ដល់ការចុះឈ្មោះ សម្ភាស និងទទួលបានការងារភ្លាមៗជូនដល់មូលដ្ឋាន នាព្រឹកថ្ងៃសៅរ៍ ទី២០ ខែមិថុនា ឆ្នាំ២០២៦ ដែលមានអ្នកចូលរួមជិត ៥០០នាក់។ ថ្លែងក្នុងវេទិកាការងារក្រោមប្រធានបទ «ខ្មែរជួយរកការងារ និងផ្ដល់ការងារឱ្យខ្មែរ» លោកជំទាវ ម៉ៅ ធីតា រដ្ឋលេខាធិការ តំណាងដ៏ខ្ពង់ខ្ពស់របស់ ឯកឧត្តម ហេង សួរ រដ្ឋមន្ត្រីក្រសួងការងារនិងបណ្ដុះបណ្ដាលវិជ្ជាជីវៈ បានគូសបញ្ជាក់ពីកិច្ចខិតខំប្រឹងប្រែងរបស់រាជរដ្ឋាភិបាលក្នុងការទាក់ទាញគម្រោងវិនិយោគ បង្កើតការងារ និងរៀបចំវេទិកាដ៏មានប្រសិទ្ធភាពនេះឡើងជាបន្តបន្ទាប់នៅទូទាំងប្រទេសតាមរយៈក្រសួងការងារក្នុងទិសដៅនាំយកការងារពីក្រុមហ៊ុន រោងចក្រ សហគ្រាស អត្ថប្រយោជន៍ ប.ស.ស. និងកម្មវិធី TVET មកផ្សព្វផ្សាយជូនដល់មូលដ្ឋាន។ យន្តការនេះនាំយកការងារ «មកដល់ផ្ទះ» ដែលជួយកាត់បន្ថយទាំងពេលវេលា និងថវិកាដល់បងប្អូនដែលកំពុងរកការងារធ្វើ ជាពិសេសអតីតពលករ។ នាឱកាសនោះ លោកជំទាវរដ្ឋលេខាធិការបានលើកឡើងថា បច្ចុប្បន្ននៅមានឱកាសការងារក្នុងស្រុកសរុបជាង ៩ម៉ឺនកន្លែងនៅទូទាំងប្រទេស ដែលជាឱកាសដ៏មានតម្លៃសម្រាប់បងប្អូនកសាងជីវភាពនៅក្នុងស្រុក និងរួមចំណែកដោយផ្ទាល់ក្នុងការជួយលើកស្ទួយសេដ្ឋកិច្ចជាតិ។ លោកជំទាវបានពន្យល់យ៉ាងក្បោះក្បាយពីការងារក្នុងស្រុក និងការងារចំណាកស្រុកនៅប្រទេសថៃ ដោយលោកជំទាវគូសបញ្ជាក់ថា ការងារនៅថៃ ប្រឈមហានិភ័យសុវត្ថិភាព ការរើសអើង ខ្វះការគាំពារសុខភាព និងរស់នៅឆ្ងាយពីគ្រួសារ។ ផ្ទុយទៅវិញ ការងារក្នុងស្រុកគឺជាជម្រើសដ៏ប្រសើរដែលផ្ដល់ទាំងសុភមង្គលក្នុងគ្រួសារ និងអត្ថប្រយោជន៍ដ៏លើសលប់ពីបណ្ណ ប.ស.ស. ជាពិសេស ផ្នែកថែទាំសុខភាព ផ្នែកហានិភ័យការងារ និងផ្នែកប្រាក់សោធន។ ទន្ទឹមនេះ បងប្អូនក៏មានឱកាសចុះឈ្មោះចូលរៀនវគ្គបណ្ដុះបណ្ដាលជំនាញបច្ចេកទេសដោយឥតគិតថ្លៃពីកម្មវិធី TVET ១,៥ លាន ដែលជាការយកចិត្តទុកដាក់ខ្ពស់ពី សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ លើសពីនេះ អតីតពលករដែលមានបទពិសោធ និងជំនាញស្រាប់ តែមិនទាន់មានលិខិតបញ្ជាក់គឺមាន «ផ្លូវកាត់» មួយដែលបងប្អូនអាចដាក់ពាក្យធ្វើតេស្តទទួលស្គាល់សមត្ថភាពពីមុន (RPL) ដោយឥតគិតថ្លៃលើវិស័យសំណង់ចំនួន ៨ មុខ។ នៅពេលទទួលបានវិញ្ញាបនបត្របញ្ជាក់សមត្ថភាព បងប្អូនមានឱកាសទទួលបានប្រាក់ខែច្រើនជាងមុន។ ចំពោះបងប្អូនដែលចង់ទៅធ្វើការនៅក្រៅប្រទេស ក្រសួងខិតខំស្វែងរកទីផ្សារការងារដែលមានស្ដង់ដាខ្ពស់ លក្ខខណ្ឌការងារល្អ និងប្រាក់ខែខ្ពស់ជាងប្រទេសថៃ។ ប្រសិនបើបងប្អូនមានចម្ងល់ ឬស្វែងរកការងារ សូមទាក់ទងមកកាន់លេខទូរស័ព្ទ Hotline ១២៩៧ សម្រាប់ផ្គូផ្គងការងារ និង ១២៨៦ សម្រាប់ព័ត៌មាន ប.ស.ស.។ សូមបញ្ជាក់ថា ឱកាសការងារចំនួន ១១ ៩៧០ កន្លែង ដែលត្រូវបាននាំយកមកផ្សព្វផ្សាយក្នុងវេទិកានេះ រួមមាន រោងចក្រ វេនធូរ៉ា លេឌើវែរ អឹមអេហ្វវ៉ាយ (ស៊ីឌី) ឯ.ក, ក្រុមហ៊ុន ថាកូ អាហ្រ្គី, រោងចក្រ ស៊ិនគី អឹភែរឹល (ខេមបូឌា) ឯ.ក, រោងចក្រ យូលីអ៊ីនធើណេស៊ិនណល (ខេមបូឌា) ហ្គាមេន ខូអិលធីឌី, រោងចក្រ មីនេបៀ (ខេមបូឌា) ខេត្តពោធិ៍សាត់, និងតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ (RGPPSEZ) និងក្រុមហ៊ុន អ៊ែកស៊ល អេស៊ា យូមេន រីសសស៍, ក្រុមហ៊ុន មង្គលអេចអ ឯ.ក ដែលជ្រើសរើសពលករទៅបំពេញការងារនៅប្រទេសជប៉ុន៕ #MLVT #HENGSour

សម្ដេចធិបតី ហ៊ុន ម៉ាណែត ណែនាំឱ្យក្រសួងការងារនិងបណ្ដុះបណ្ដាលវិជ្ជាជីវៈបន្តរៀបចំការបណ្ដុះបណ្ដាលជំនាញបច្ចេកទេសនិងវិជ្ជាជីវៈជូនដល់ពលករត្រឡប់មកពីប្រទេសថៃ ដើម្បីជំរុញការបំពាក់បំប៉ននិងផ្លាស់ប្ដូរជំនាញឱ្យស្របតាមតម្រូវការទីផ្សារក្នុងស្រុក ព្រមទាំងអនុវត្តការវាយតម្លៃផ្អែកលើសមត្ថភាព ការទទួលស្គាល់ជំនាញ និងការសិក្សាដែលមានពីមុនដោយឥតគិតថ្លៃ #MLVT #HENGSour #TVET

សូមថ្លែងអំណរគុណចំពោះ ក្រុមហ៊ុន វីន ស៊ុន (ខេមបូឌា) ខូអិលធីឌី ដែលបាននាំយក បារ៉ែត ចំនួន ២០០គ្រឿង មកប្រគល់ជូនដល់ទីស្តីការក្រសួង សម្រាប់ប្រើប្រាស់តាមការចាំបាច់។ ក្រសួងការងារ និងបណ្តុះបណ្តាលវិជ្ជាជីវៈ សូមគោរពកោតសរសើរចំពោះភាពសប្បុរសរបស់ ក្រុមហ៊ុន វីន ស៊ុន (ខេមបូឌា) ខូអិលធីឌី៕ #MLVT #HENGSour

សេវាជិតផ្ទះ ជួយជីវិតបានទាន់ពេល #MLVT #HENGSour #បសស

សម្ដេចមហាបវរធិបតី ហ៊ុន ម៉ាណែត គាំទ្រពេញទំហឹងចំពោះការបណ្ដុះបណ្ដាលជំនាញ TVET ចល័តទៅដល់មូលដ្ឋានប្រជាពលរដ្ឋ និងបានផ្ដល់អនុសាសន៍ឱ្យផ្ដោតលើគុណភាពជាចាំបាច់ ពីព្រោះគុណភាពគឺជាមេដែកស្រូបទាញយុវជនផ្សេងទៀតឱ្យមកទទួលការបណ្ដុះបណ្ដាលបន្ថែម #MLVT #HENGSour #TVET

សម្ដេចមហាបវរធិបតី ហ៊ុន ម៉ាណែត ជំរុញឱ្យក្រសួងអប់រំ យុវជន និងកីឡា និងក្រសួងការងារនិងបណ្ដុះបណ្ដាលវិជ្ជាជីវៈពន្លឿនការអនុវត្តកម្មវិធីអប់រំ «គន្លងវិជ្ជាជីវៈ» ដល់សិស្សនៅកម្រិតវិទ្យាល័យ ដើម្បីផ្ដល់ឱកាសដល់យុវជនដែលប្រឡងធ្លាក់សញ្ញាបត្របាក់ឌុប ឬសិក្សាមិនចប់បាក់ឌុបអាចបន្តការសិក្សាជំនាញ TVET #MLVT #HENGSour #TVET

អបអរសាទរខួបលើកទី៤៩ ទិវានៃការចងចាំ ដំណើរឆ្ពោះទៅកាន់ការផ្តួលរំលំរបបប្រល័យពូជសាសន៍ ប៉ុល ពត ២០ មិថុនា ១៩៧៧ - ២០​ មិថុនា ២០២៦ #MLVT #HENGSour

វីដេអូ៖សារពិសេសរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ពាក់ព័ន្ធនឹងជំហររបស់កម្ពុជាក្នុងការដោះស្រាយបញ្ហាព្រំដែនកម្ពុជា-ថៃ ជាមួយ ឯកឧត្តម Anutin Charnvirakul នាយករដ្ឋមន្ត្រីថៃ នៅទីក្រុងកាហ្សាន, សហព័ន្ធរុស្សី។ រាជធានីភ្នំពេញ ល្ងាចថ្ងៃសុក្រ ទី១៩ មិថុនា ២០២៦ 🌐 Hun Manet 🌐 Samdech Thipadei Hun Manet, Prime Minister of Cambodia 🌐 Telegram 🌐 Tiktok 🌐 YouTube 🌐 Instagram 😃X #ហ៊ុនម៉ាណែត #Hunmanet #កម្ពុជា #cambodia #សន្តិភាពនៅកម្ពុជា #Peaceincambodia

រាជធានីភ្នំពេញ មានឱកាសការងារជូនបងប្អូនប្រជាពលរដ្ឋ ជាពិសេសអតីតពលករដែលវិលត្រឡប់មកកម្ពុជាវិញ ចំនួន ២៣,៧៧៤ កន្លែង #MLVT #HENGSour #NEA

ខេត្តឧត្តរមានជ័យ មានឱកាសការងារជូនបងប្អូនប្រជាពលរដ្ឋ ជាពិសេសអតីតពលករដែលវិលត្រឡប់មកកម្ពុជាវិញ ចំនួន ៧៩ កន្លែង #MLVT #HENGSour #NEA