د.تَيسِير الصّادِق🔻|مُمكن نصلّ على الحبيب!

قال : كنت مخنوق شوية فقُلت أنزل أتمشّى جمب البيت . وأنا ماشي لاقيت راجل سوداني بسيط في الخمسين من عُمره قاعد في رصيف الشارع وماسِك قلم رصاص وبيكتب ويردّد آيات القرآن ♡ سَلّمت عليهُ وسألته : بتعمل كده ليه ؟ قال إنه ما قادر يحفظ في البيت، وما قادر يغلِب نفسه! قام طلع في الشارع = عشان يكمّل حِفظ القرآن ويكسِر نفسه (يغلبها ويأدّبها) حكى لَي عن بركة القرآن في حياته وعن تزكية النفس 💕 وعن مدى قِصَر الدنيا وحقارتها! حكى لَي كمان عن التسويف وعن العزيمة والإصرار وعن التوكل على الله ♡ كان بيتكلَّم من قلبُه 🥹 كأنّه طالِع يقول الكلمتين ديل! حكى لَي كمان عن زوجته الحافظة لِكتاب الله وإنها علَّمَته التجويد وبتشجِّعه على حفظ القرآن الكريم حتى وهي بعيدة في بلد تاني!♡ وفي الآخر ذكّرني إنه : حفظ كتاب الله = إحتياج وضرورة وليس إختيار . وقال لَي : أنوي و أبدأ من الليلة؛ لأنه بُكرة ما مضمون! وهنا اتذكّرت حديث النبي ﷺ : «رُبَّ أشعثَ أغبَرَ مدفوعٍ بالأبواب، لو أقسَمَ على الله لَأَبَرَّه» 🥹 الحمد لله الذي يسّر لِي سماع هذا الكلام ويسّر له تذكيري به!♡ إستأذنتُه أصوّر الأوراق وأنقُلها =وافَق واتبسَط كمان 😍 #القران فاللهمّ اجعلني لكِتابِك مُتدبّرةً تالية، ثبِّتهُ في قلبي وارزُقني صُحبته واجعلني به عامِلة، أن أسِير في الدنيا مُتخلِّقةً به وأكونَ طيّبة الحُضور والأثَر، فأسعَد ما حَيِيتُ بقُربِك دائماً وأهنأ برؤياكَ في الفردوس الأعلى . ممكن نصلّ على الحبيب!♥️ #تيسير_الصادق 🌿..

ولمّن إختلفت مع زوجها لدرجة كل واحد مشى أهلُه! أصَرّ يراضِيها ويرجّعها بأيّ طريقة للبيت ♡ سألوهُ ليه بتعمَل ده كُلُّه ؟ قال ليهم : ماشاءالله عليها قوّامة = بتقِيم الليل دايماً . مِن يوم اتزوّجتها ما حصل فوّتَت الوِتر والقيام إلا بعُذر أو تكون عيّانة! #بيوت_متطمنة فاللهُم اجعلني ممّن صلّت فرضها وأطاعَت ربّها، أن أعيش بكرمِك في سِترٍ وأمانٍ وعافية، تحفّني رحمتِك في كل دربٍ ويشملُني عفوك ورِضاك. ممكن نصلّ على الحبيب!♥️ #تيسير_الصادق 🥀..

. لعلّ القادم: جَبر خاطِر وسعادة، عقد قِران وذرية صالحة، مع تحقيق الأمنيات! أبشروا ❤️..

قبل فترة ناس الشركة المُوَصّلة لينا القنوات الفضائية عملوا تقوية في الإنترنت وبقى أسرع بكتير ماشاء الله تبارك الرحمن 💕 الأغاني والأفلام والمسلسلات بتظهر ليك أول ما تفتح الشاشة! بقيت أقول : يا تيسير، ده إبتلاء (إختبار) من الله تعالى، إنه الحاجة تكون مُتاحة وتشوفي نفسك حتتصرّفي معاها كيف . فكلما راوَدتني نفسي لِمشاهدة مسلسل أو فيلم = أتذكر إنه عيوني دي حأشوف بيهم جمال وجلال ربي يوم القيامة بإذنه تعالى ♡ وكلما راوَدتني نفسي لِسماع الأغاني = أتذكر أن أُذنيّ سأسمع بهما نداء ربي في الجنة : "السلام عليكم أهل الجنة هل رضيتم"😍 فأستحي منه كيف أعصيهُ بيهُم و ألوّثهم بحاجة بتغضبه سبحانه في هذه الفانية! الجنة غالية يخوانّا وبتستحِق نجتهد ونجاهِد عشانها♡ فاللهُم أعنّي على نفسي وضاعِف بكرمِك لي أجري، أن أكون من طيّبات الأثر تقيّات النفوس، مكتوبةٌ في كتابك ليَ الجنة، وأصيلةٌ في نفسي خِصال صحابها. ممكن نصلّ على الحبيب!♥️ #تيسير_الصادق

عايني يا جميلة ♥️ الراجل ما لم يبقى زوجك ما مُكَلَّف إنه يدِّيك قروش ولا يصرُف عليك! وعلى أي أساس أصلاً بتسمحي لنفسِك تشيلي مصروف شهري ولا أسبوعي من راجل غريب ؟ لمّن أشوف جزء من البنات بشيلوا قروش ومصاريف وهدايا من رجال ما مِن المحارِم، بتحيَّر والله شديد . نحنا الوحدة قبل تتخرّج وبعد اتخرَّجَت، بنستحي نطلُب ونقول لأهلنا أدّوني إلا في الضرورة الشديدة، خلّي كمان راجل غريب! والحاجة اللي بتشيِّب الرأس إنه الوحدة بتكون زعلانة = ليه ما رسّل لَي مصاريفي ؟ وبِكل قوة العين تشتكي كمان في القروبات! ما عزَمني وما طلَّعني مطعم ولا رسّل لَي حق العطور والكريمات . هو إذا قال حيدّيك = مفروض تقولي ليهُ لأ وما ترضيها لنفسك ولا لأهلك اللي ما بيستحِقّوا منك غير ترفعي رأسهم بالإحترام والتقدير ♡ الحمدلله رب العالمين لا اتربّينا نشِيل مصروف ولا حق رصيد ولا غيرُه 💕 وقبل نعاين لأهلنا بنشوف رِضا ربنا وين ،، وهل الحاجة دي حلال ولا حتتكتِب لينا بيها سيئات وذنوب! فاللهم احفظني واستُرني وجميع المُسلمات، وفّقني لنكون التقيّات العفيفات الطّاهرات، مُزدانةً لحظات الحياة بالذكر والشُّكر وحُسن العبادة، قد ربِحنا الدنيا بمرضاتِك فننعَم في الآخرة في أعلى الجنّات . ممكن نصلّ على الحبيب!♥️ #تيسير_الصادق 🥀

رفعت الكعبة ثيابها مُعلِنةً إحرامها 😍 لبّيك ربي واجعلني بين الزحامِ مُلبّيا، لبّيك اجبُر خاطري وأسعِد قلبي، وفّقني لزيارة بيتك الحرام ووالدَيّ وأحبّتي وجميع المسلمين . ممكن نصلّ على الحبيب!♥️ #ساعة_إستجابة