أبجديّة

"الهروب أحيان نوعٍ من أنواع النضال ‏لاوطت رجلك طريق الضياع السرمدي ‏جيت محتاجك ، وفيني كلامٍ مايقال ‏أتعزّز ، وأرفع الصوت ، وأمشي ، وأعدي ‏حطّني في وجه حضنك من صدوف الليال ‏تايهٍ لا أخطيت من ضمتك وين أغدي؟"

‏"يقدّيني ضميرٍ حي و قلبٍ يجسر الصعبات ‏يكفيني لو إني بس أنا من يكسب إعجابي"

‏عساني ارتوي شوفك بجنه عقب طول البعد ‏وقسايا دمعتي من لهفتي تصافح كفوفك ‏ ‏تراني أذرّف الدمعه بعد بعدك بليّا جهد ‏هنيك ياقبر ياللي فقيدي محتضن جوفك

‏"ما لك مع الدنيا وأهلها أجناس ‏من السماء زينك تغرفينه ‏مثل القمر كنتي ، وكانوا الناس ‏مثل الظلام.. اللي حوالينه"

‏يا عالمٍ بـ اسمي، وسرّي وفحواي ‏و اللي حصل في الليلتين الأخيره ‏ما عدْت متوجّس ولا خايف الجاي ‏مستودعك وجهي ولا فيه غيره ‏يا الله عليك ولا على غيرك رضاي ‏لا صرت غير اللي تمنّيت أصيره

وش الحب لولا طلةٍ تخطف الانظار ‏من المبسم الآسر مغيبي ومشراقي ‏أملّ الاماكن والبشر واكره التكرار ‏ومعاك اعشق صغار التفاصيل باعماقي

‏يا سيد الظبا من كل لمحه وشكل ولون ‏ياليت المشاعر معكْ ماهيب جيّاشه ‏يا طول العمر للي على بالك .. يعيشون ‏و ياقصر العمر للي معك ما بعد عاشه ‏احبك على وضح النقا والعرب يدرون ‏يوم ان اكثر العالم محبتهم " خْشاشه " ‏لو اني موّطي النور في شاشة الايفون ‏انا لا فتحت صوّرك " تنوّر الشاشه "

‏لك الغلا و التفاني و الشعر والشعور وروحٍ تشوف إن وجودك ضمن توفيقهاااا

‏أنا اللي يزهيّ المدحه ولا تزهاه ‏رغم هذا أنا أجفل لا تغنّوا بي ‏ودادي لا منحته حي ما يخفاه ‏واذا قصّرت ، ما أقصّر بماجوبي ‏ ‏تفاوت كل نظره و العيون أشباه ‏أنا أعرف ميزتي و أعرف عذروبي

مُعاناتنا لا من دعينا وقلنا آمين ‏تصير بـ فضل ربي سكون وطمأنينة ‏لك الحمد يا رحمـٰن في كل وقت، وحين ‏أعيش بـ رحابة صدر — وبـ نيّةٍ زينه

‏طلبتك، وانت غفّار الخطايا رازق النشّاد ‏تفيض برحمتك عاللي هلَك من كثرت ذنوبه ‏انا يارب احبك حب مايطري على العبّاد ‏واخافك خوف لو وزّع على اهل الأرض ماتوا به

‏" و يبني ما بيني وبين عسر الظروف سياج ‏ولا أطيح من طولي .. ولا أطيح من عيني " يا رب

‏«أنت ملّجى للسّكينه عقب ربٍّ رحوم ‏منْ يلوّذ براحة أيديك يبطي مسفْهل»

للتبادل : @iov7a https://t.me/uoo9a

‏انا شي ثاني من عرفتك وقبلك شيّ ‏لك الضحكه اللّي كل يوم اتهيّا لك ‏لا تستغرب إن بعدك تموت المحبه فِيّ ‏و انا ماعرف أنطق كلمة أحبّك إلا لك

‏« فزَّز البَال وجهك يا أوَّل أحبابي ‏وجيت من مطلع أيّامي إلى آخرها ‏أتشوَّق فضاك إن ضاقت رحابي ‏وأنت عارف ظمأ روحي ، وخابرها ‏ضحكةٍ تسرق الأحزان من بابي ! ‏كيف أبى أقنع عيوني لا تدوَّرها ؟ »

‏"كل ما وجّهت نفسي للنظر في نفسي ‏سقتها.. حتى ولو محدٍ وصل لـ أحلامه ‏الأمل لو ما عطى الإنسان دافع نفسي ‏كان قضى باقي أيّامه يعد أيّامه"

‏"تجري الأيام من دون قيد ولا رسن ‏والحظيظ اللي بـ ذكره و منزلته يفوق ‏جعلني في عين من ظن بيّ ظنٍ حسن ‏دايمٍ من عند ظنه و من ظنه و فوق "