Hebib Müntezir

Ərdoğan: "Ermənistan Azərbaycanla hüquqi məsələləri həll etsin və dərhal sülh bağlı müqaviləsini imzalasın. Bunu etdiyiniz anda sərhədləri, qapıları, hava, yol və dəmir yollarımızı açarıq”.

İlham Əliyev Praqa görüşlərindən sonra: "Ermənistan tərəfindən xoş məram olarsa, sülh müqaviləsi ilin sonunadək imzalana bilər. Beş prinsiplə bağlı nə erməni tərəfinin, nə də Avropa Şurasının heç bir sualı yoxdur. Mümkün sülh müqaviləsi ilə biz müharibə və düşmənçilik səhifəsini qapadacağıq".

Praqa sammitində Əliyev, Ərdoğan və Paşinyan bir yerdə görüşüb, söhbət ediblər. Arada Makron və Orban da onlara qoşulub. Oturduqları masada Əliyevin önündəki alban yazar Lea Ypi adlı professorun "Free: Coming of Age at the End of History" adlı kitabı diqqəti cəlb edib. "Azad - "Tarixin sonu və yeni dövrün başlanğıcı" kitabı Albaniyada kommunist rejimin repressiyalarından, stalinizmdən qurtulmadan bəhs edir.

"Tərtər işi" haqqında Müdafiə Nazirliyinin rütbəli vəzifəlilərini, Zakir Həsənovu, Nəcməddin Sadıqovu, Elçin Xəlilovu və digərlərini sosial şəbəkələrdə tənqid etdiyi və ittiham etdiyi üçün ehtiyatda olan polkovnik Elnur Məmmədov böhtan atma maddəsi ilə həbs olunub. Onu 2 yaxud 3 ilədək həbs cəzası gözləyir. Bu "Tərtər işi" haqda danışdığı üçün cəzalanan 4-cü şəxsdir.

Rəsmi olaraq şəhid Səbuhi Əhmədovun qardaşına "şəhid ailəsi statusu"na uyğun 11000 manat məbləğində birdəfəlik ödəmə təyin olunub.

Azərbaycan Baş Prokurorluğu: "Son sentyabr döyüşlərində erməni hərbçiləri tərəfindən işgəncələrlə öldürülən və həmin görüntüləri yayılan 6 nəfər azərbaycanlının nəşi Azərbaycan tərəfinə təhvil verilib".

Azərbaycan Sosial Demokrat Partiyasının (ASDP) sədri, siyasətçi Araz Əlizadə vəfat edib. O, ötən gün onkoloji xəstəlikdən dünyasını dəyişib. Bir neçə dəfə deputat olub, prezidentliyə namizədliyini verib.

Azərbaycan tərəfinin istehkam quran traxtoru Kəlbəcərdə silahlı hücuma məruz qalıb.

Azərbaycan tərəfinin istehkam quran traxtoru Kəlbəcərdə silahlı hücuma məruz qalıb.

Sərhəddə, yəni Kəlbəcər istiqamətində atəşkəs yenidən pozulub. Bunu həm Azərbaycan, həm də Ermənistan Müdafiə Nazirlikləri təsdiqləyiblər. İtkilər olub-olmaması barədə məlumat yoxdur.

Ermənistan İstintaq Komitəsi məlumat yayaraq bildirib ki, Azərbaycandan qayıdan hərbçilərə əsirlikdə işgəncə verilməyib. Bu arada Azərbaycan 44 günlük müharibədən sonra qarşı tərəfə 173 erməni hərbi əsir geri qaytarıb.

"Həbib bəy, məktəblər üçün direktor seçimi idi. Mən də Bakının məşhur sayılıb-seçilən bir məktəbinə direktor olmaq üçün imtahan vermişdim. Bütün mərhələləri keçdim, müsbət nəticə aldım. Axırda da komissiyadan mənə dedilər ki, işə girmək üçün "şirinlik" lazımdır. Soruşdum ki, "tas" nə qədər? Dedilər 100 min manat". Müəllimlər gününüz mübarək.

30 milyondan çox dövlət vəsaitinin mənimsənilməsində ittiham olunan, şərti azadlığa buraxılaraq hazırda Bakıda villasında dincələn keçmiş Sosial Müdafiə naziri Səlim Müslümovun mülkiyyətində olan əmlakların ümumi dəyəri 18,605,500 manatdır. Həmin əmlakların siyahısı: Səlim Müslümovun öz mülkiyyətində: - Bakının Binəqədi rayonu Ziya Bünyatov prospektində mənzil (140.000 manat) Oğlu Turqay Müslümlünün mülkiyyətində: - Bakının Binəqədi r-nu Z.Bünyatov prospektində mənzil və qeyri-yaşayış sahəsi (350.000 manat) Oğlu Asim Müslümlünün mülkiyyətində: - Bakının Səbail rayonu Azadlıq prospektində yerləşən qeyri-yaşayış sahəsi (450.000 manat) - Bakının Yasamal rayonu M.İbrahimov küçəsində mənzil (926.250 manat) Yaxın qohumu Mirələsgər Seyidəliyevin mülkiyyətində: - Bakının Nərimanov rayonu O.Kərimov küçəsində iki ev (5.000.000 manat) Yaxın qohumu Sadiq Seyidəliyevin mülkiyyətində olan: - Bakının Nərimanov rayonu M.Araz küçəsində ev (389.250 manat) - Bakının Nərimanov rayonu İbrahimpaşa Dadaşov küçəsində torpaq sahəsi (4.000.000 manat) - Bakının Binəqədi rayonu 6-cı mikrorayonun qərb hissəsində yerləşən 500 və 300 kv.metr torpaq sahələri (900.000 manat) Yaxın qohumu Dəyanət Seyidəliyevin (Ağsunun keçmiş icra başçısı Ənvər Seyidəliyevin oğlu) mülkiyyətində: - Ağsu şəhərində yerləşən 8 hektar ərazidə qurulmuş “Ağsu Aqrotexservis” ASC-ya aid istixana (1.500.000 manat) Qaynı Ağaxan Xasayevin mülkiyyətində: - Bakının Xətai rayonu, R.Rza küçəsində yerləşən 3 mərtəbəli sahəsi 2000 kv.m olan qeyri yaşayış sahəsi (2.300.000 manat) - Bakının Xətai rayonu, R.Rza küçəsində yerləşən 2 mərtəbəli sahəsi 1650 kv.m olan qeyri yaşayış sahəsi (2.000.000 manat) - Bakının Xətai rayonu, Rəsul Rza küçəsində yerləşən 300 kv.m olan qeyri yaşayış sahəsi (650.000 manat).

Azərbaycan 13-14 sentyabr tarixlərində əsir düşən daha 17 erməni hərbçini geri qaytarır. Onlardan 4 nəfər hərbçinin yaralı olduğu bildirilir.

Baş Prokuror yanında Korrupsiyaya qarşı Mübarizə Baş İdarəsinin Lənkəran şəhər İcra Hakimiyyətində əməliyyat keçirdiyi, saxlanılanların olduğu deyilir.

İlham Əliyev tərəfindən "Vətən uğrunda" medalı və “Vətənə xidmətə görə” ordeni ilə təltif edilən, 20 milyon manatdan çox dövlət vəsaitini mənimsəməkdə ittiham olunan MTN İstintaq Baş İdarəsinin rəisi olmuş, 12 il həbs cəzası alan general-mayor Mövlam Şıxəliyevin müsadirə olunmuş 2 milyondan çox əmlakı Azərbaycan məhkəməsinin qərarı ilə ailəsinə qaytarıldı. Onların arasında xeyli sayda mənzillər, villalar, obyektlər, torpaq sahələri var. Bakı Hərbi Məhkəməsinin bəzi əmlakların üzərindən həbsi götürməsi generalın işi üzrə zərərçəkmiş qismində tanınan şəxslərin narazılığına səbəb olub.

Xocavəndin Edilli kəndində daha bir kütləvi məzarlığın aşkarlandığı bildirilir. Məzarlıqda 12 nəfərin qalıqları üzə çıxıb. Əşyalarla birlikdə aşkarlanan skeletlərin geyimlərindən hərbçi olduqları bilinir. Bundan başqa, skeletlərin əlləri və ayaqlarının məftil və kəndirlə bağlandığı məlum olub.

Bu günə olan Azərbaycanın təhsil mənzərəsi: - 112 saylı məktəbdə şagird-şagirdi döyüb, videoya çəkib, yayıb. - Naxçıvanda 10-cu sinif şagirdi elə sinif otağında özünü asıb. - İsmayıllının Xanagah kəndində şagird digər şagirdi bıçaqlayıb. - Şəkidə müəllimlər direktoru boykot edərək dərslərə girmirlər. - Bakıda məktəblərin birinin önündə şagirdlərə "şəhid ehsanı" adlyla qəribə konfet paylanıb, DİN araşdırma aparır.