Addis Ababa City Manager Office

በነዋሪው እና አመራሩ ትብብር እየተሰራ ያለው የኮረደር ልማት ስራችን እየሰፋ መጥቶ ዛሬ የመገናኛ ሲኤምሲ መስመርን ለህዝብ ክፍት አድርገናል። የሰፋ ነገር ማየት የሰፋ እሳቤ እንድንይዝ ስለሚያደርገን ይህ ስራችን የሚቀጥል ነው። ጠቅላይ ሚኒስትር ዐቢይ አሕመድ

አዲስ አበባን የውበት አክሊል ያጎናጸፋት ተጨማሪ ብስራት የመገናኛ - ሲኤምሲ የኮሪደር ልማት !! 24 ሰዓታት የደራች የአፍሪካ ፈርጥ የሆነች እንደስሟ ውብ አበባ ከተማን ለመገንባት የሰነቅነው ራዕይን ዕውን ለማድረግ የምንሰራው የኮሪደር ልማት ስራችን አካል የሆነው የመገናኛ - ሲኤምሲ መንገድ አጠናቅቀን ዛሬ ምሽት መርቀን ለህዝብ ግልጋሎት ክፍት አድርገናል:: የጸዳችና የተዋበች አዲስ አበባን ዕውን ለማድረግ በተለወጠ አዲስ ዕይታና የስራ ባህል የሰራናቸው ስራዎች ከተማችንን የውበት አክሊል አጎናጽፈዋታል:: በዚህ ስራ ላይ የተሳተፋችሁ ፣ የመራችሁ ፣ ያስተባበራችሁ ፣ የህዝብን ሀብት ከብክነት የታደጋችሁ ፣ የጸጥታ አካላት ፣ ይዞታዎቻችሁን ለከተማችሁ ልማት የለቀቃችሁ ባለይዞታዎች እና ከሁሉም በላይ የከተማችን ነዋሪዎችን ላመሰግናችሁ እወዳለሁ:: በላቀ ሕብረትና ወንድማማችነት ወደተለምነው ብልጽግናችን በፍጥነት እንገሰግሳለን! ፈጣሪ ኢትዮጵያን እና ህዝቦቿን ይባርክ ከንቲባ አዳነች አቤቤ

በበጀት ዓመቱ የመንግሥት እና የህዝብ አቅሞችን አስተባብረን መስራት በመቻላችን ተጨባጭ ለውጦችን ማስመዝገብ ችለናል ፦ ከንቲባ አዳነች አቤቤ ለተከታታይ ሶስት ቀናት ሲካሄድ የነበረው የአዲስ አበባ ከተማ አስተዳደር አመራሮች የ2016 አፈፃፀም ግምገማ እና የ2017 ዕቅድ አቅጣጫ ውይይት ዛሬ ተጠናቅቋል። ከንቲባ አዳነች አቤቤ በውይይቱ ማጠቃለያ ወቅት ለተነሱ ሀሳቦችና ጥያቄዎች ዙሪያ ማብራሪና የስራ አቅጣጫ ሰጥተዋል። ከንቲባዋ በማብራሪያቸው የ2016 በጀት ዓመት የህዝብ ለህዝብ ግንኙነት ያጠናከርንበት፣ በከተማዋ አስተማማኝ ሰላም እውን የሆነበት፣ የህዝቡን የልማት ጥያቄዎችን በትኩረት በማድመጥ ትላልቅ ፕሮጀክቶችን እና ሰው ተኮር ስራዎችን በማስተሳሰር የህዝባችን ተጠቃሚነት ማረጋገጥ የቻልንበት ነው ብለዋል። በአዲስ አበባ የተከናወኑ የልማት ስራዎች ማንንም ወደኋላ ያልተው ናቸው ያሉት ከንቲባ አዳነች በሁሉም የለውጥ መስኮች አሳታፊ እና አካታች የልማት አቅጣጫን በመከተል የከተማችን ነዋሪዎች አኗኗር በመሰረታዊነት የሚለውጡ ስራዎች ማከናወን ችለናል ብለዋል። ለአብነትም የትውልድ ግንባታ አካል የሆነውን የቀዳማዊ ልጅነት መርሀ ግብር በመዘርጋት የልጆች እና የእናቶች ጤናን የሚያረጋግጡ ውጤታማ ስራዎች መከናወናቸውን በመግለጽ በትምህርት ለትውልድ ንቅናቄም አካታችና ጥራት ያለውን ትምህርት ተደራሽ ለማድረግ ውጤታማ ስራዎች መሰራታቸውን ገልፀዋል። የሴቶችንና የወጣቶችን ኢኮኖሚያዊ እና ማህበራዊ ችግሮችን ለመቅረፍ ለ300 ሺህ በላይ ዜጎች የስራ ዕድል መፈጠሩን፣ ከተማን እንደ አዲስ የመገንባት ያህል ፋይዳ ያለውን የመጀመሪያ ዙር የኮደር ልማቱን ውጤታማ በሆነ አግባብ መጠናቀቁን ያነሱት ከንቲባዋ አዲስ አበባ እንደ ስሟ አዲስና አበባ እስኪትሆን ድረስ የተጀመረው የኮሪደር ልማቱ የህዝባችን ተሳትፎ ማዕከል በማድረግ ይቀጥላል ብለዋል። በማጠቃለያው ላይ ሀሳብ የሰጡት ምክትል ከንቲባ ጃንጥራር አባይ በበኩላቸው ከምንጊዜውም በላይ እየተሻሻለ የመጣው የአመራር የአስተሳሰብ እና የተግባር አንድነት በበጀት ዓመቱ ለተመዘገቡ ማህበራዊ እና ኢኮኖሚያዊ ለውጦች መሰረት ሆነዋል ብለዋል። በአዲስ አበባ ከተማ የብልፅግና ፓርቲ ቅርንጫፍ ፅ/ቤት ሀላፊ አቶ ሞገስ ባልቻ የፓርቲ እና መንግሥት ተቋማትን በማስተሳሰር ተግባር ተኮር ስምሪት መስጠት በመቻሉ እና በተለያዩ ጊዜያት ሀገራዊ እና ከተማ አቀፍ የአቅም ግንባታ ስልጠናዎች በመሰጠታቸው በከተማዋ እየተመዘገቡ ላሉ አመርቂ ለውጦች ከፍተኛ አስተዋጽኦ አበርክተዋል ብለዋል።

በ2016 በጀት ዓመት የተሻለ አፈፃፀም ላስመዘገቡ ከማዕከል እስከ ወረዳ ላሉ ተቋማት እውቅና እና ማበረታቻ ሰጥተናል:: ከሸለምናቸው መካከል ከተቋማት:- 1. ዲዛይንና ግንባታ ስራዎች ቢሮ - 1ኛ 2. ትምህርት ቢሮ - 2ኛ 3. ሠላምና ጸጥታ አስተዳደር ቢሮ - 3ኛ 4. ኮሙኒኬሽን ቢሮ - 4ኛ 5. ሲቪል ምዝገባ እና ነዋሪነት አገልግሎት - 5ኛ 6. ፍትህ ቢሮ- 6ኛ ከክፍለከተማ 1. ቦሌ ክፍለከተማ - 1ኛ 2. ቂርቆስ ክፍለከተማ - 2ኛ 3. አዲስከከተማ ክፍለከተማ - 3ኛ ከሁሉም ክፍለከተሞች ከአንድ እስከ ሶስት ለወጡ ወረዳዎችም እውቅና ሰጥተን አበረታተን ለሚቀጥለውም ዓመት አደራ ብለን ሸኝተናል:: እውቅናው በቀጣይነት ህዝብን ዝቅ ብሎ ለማገልገል እና የተሻለ አፈፃፀም ለማስመዝገብ የሚያነሳሳ ፤ በተቋማት መካከል ጤናማ የሥራ አፈጻጸም እና ውድድር እንዲዳብር የሚያደርግ እንዲሁም ዝቅ ያለ ውጤት ያስመዘገቡ ተቋማትን በቁጭት የተሻለ እንዲሰሩ የሚያደርግ እና ተቋማትን የተሻለ ውጤት እንዲያስመዘግቡ የሚያደርግ ነው:: ከንቲባ አዳነች አቤቤ

የ2016 በጀት ዓመት አፈጻጸም ግምገማችንን አጠናቅቀናል! የበጀት ዓመቱ የገቢ አሰባሰብ አቅማችንን 44 % አሳድገን ያሰበሰብንበት፣ በኮሪደር ልማት ስራዎቻችን አዲስ አበባን ከቆሻሻ በማጽዳት እንደ ስሟ ውብ አበባ ያደረግንበት፣ የነዋሪውን የኑሮ ጫና አቅልለው ተስፋ ያለመለሙ የሰው ተኮር ስራዎቻችንም የበርካቶችን ሸክም ያቀለሉበት፣ የአቅመ ደካሞችንና የሀገር ባለውለታዎችን እምባ አብሰው ማህበራዊ ፍትህን ያነገሱ ስራዎችን የሰራንበት እና በዝቅተኛ የኑሮ ደረጃ ላይ የሚገኙ የህብረተሰብ ክፍሎችን ለመደጎም 11 ቢሊዮን ብር ስራ ላይ ያዋልንበት ነበር። በጀታችንን 63 % ለልማት በማዋል የህዝብን ሀብት ከምዝበራ ታድገናል። ለህዝብ ግልጋሎት ክፍት የተደረጉት ከ18 ሺሕ በላይ ፕሮጀክቶች ማንንም ወደኋላ ያልተው፣ አካታች ልማት ሲሆኑ በመንግስት እና ህዝብ ተሳትፎ በተሰራው የአረንጓዴ አሻራ ንቅናቄም 17.5 ሚሊዮን ችግኞችን በመትከል የከተማችን የአረንጓዴ ሽፋን ማሳደግ ችለናል። ፍትሃዊና ቀልጣፋ አገልግሎት መስጠት የሚያስችሉ በ10 ተቋማት ጠንካራ ሪፎርሞች እና አሰራሮችን የዘረጋንበት እንዲሁም አቅመ ደካሞችን እና የሀገር ባለውለታዎቻችንን የደገፍንበት ነበር። ከህዝብ ጋር ባደረግናቸው በርካታ ውይይቶች የተለዩ ችግሮችን በተለይም ሌብነት፣ ጉቦኝነት፣ ብልሹ አሰራርን እንዲሁም በአገልግሎት አሰጣጥ ዙሪያ ያለውን ውስንነት በቁርጠኝነት በማስተካከል ለህዝባችን በገባነው ቃል መሰረት የምንሰራ ይሆናል። ባመጣናቸው አመርቂ ውጤቶች እና ለውጦች ሳንወሰድ ውስንነቶች ላይ አፋጣኝ እርማት እየወሰድን ፣ ጥንካሬዎቻችንን በማስቀጠል አሁንም አዳዲስ አሰራሮችን በመተግበር ለነዋሪዎች ምቹ የሆነች ከተማ መገንባታችንን እንቀጥላለን። ፈጣሪ ኢትዮጵያን እና ህዝቦቿን ይባርክ ከንቲባ አዳነች አቤቤ

በአዲስ አበባ ከተማ አስተዳደር የ2016 የፓርቲ እና የመንግስት ስራዎች አፈፃፀም የግምገማ መድረክ በቡድን ውይይቶች ተጠናክሮ ቀጥሏል!! በ2016 በጀት ዓመት የአስተሳሰብ እና የተግባር አንድነትን በመፍጠር ስኬታማ ስራዎችን ማከናወን የተቻለ ሲሆን የነበሩ ስኬቶችን ለቀጣይ አቅም እንዲሆኑ ለማድረግ እና የነበሩ ጉለቶችን ለቅመው የጋራ ተግባቦት በመፍጠር በቁጭት እና በልዩ ትኩረት ለመስራት የሚያግዝ ፣ ተደማሪ አቅም ሊፈጥር የሚችል ዉይይት እየተደረገ ሲሆን ፤ አመራሩ ህብረተሰቡን በማስተባበር በከተማዋ የተጀመረውን የብልፅግና ተምሳሌትነት ጉዞ እውን ለማድረግ እየመከረ መሆኑም ታይቷል።

በአዲስ ሪከርድ የታጀበ ድል! በጀግናው ልጃችን አትሌት ታምራት ቶላ እናመሰግናለን! በአትሌቲክስ ውድድር ወርቅ የለመደን ህዝብ ጥማት ያረካ ፣ ለጉጉቱም ምላሽ የሆነ እንዲሁም ቁጣና ቁጭቱን ያበረደ በአዲስ ሪከርድ የታጀበ ታላቅ ድል በጀግናው ልጃችን አትሌት ታምራት ቶላ በማግኘታችን በድጋሚ እንኳን ደስ ያለን! ከንቲባ አዳነች አቤቤ

የአዲስ አበባ ከተማ ስራ አስኪያጅ ጽ/ቤት " ይህ የሁላችንም ጉዳይ ነው" በሚል ርእስ ከፋና ብሮድካስቲንግ ኮርፖሬት ኤፍኤም 98. 1 ጋር በመተባበር የሚያቀርብላችሁ ሳምንታዊ የሬድዮ ፕሮግራም 4ተኛውን ክፍል እነሆ ብለናል ።