2 895
مشترکین
+124 ساعت
+497 روز
+530 روز
آرشیو پست ها
Repost from QR PEDAGOGIKALÍQ SHEBERLIK ORAYÍ
ҲҮРМЕТЛИ КӘСИПЛЕСЛЕР!
🎄 Қарақалпақстан Республикасы педагогларды жаңа методикаларға үйретиў миллий орайы жәмәәти бәршеңизди өзгеше қуўаныш ҳәм үмит бағышлап, үлкен дөретиўшилик ислерге руўхландырып атырған Жаңа жыл байрамы менен қызғын қутлықлайды.
🎄 Өзиниң умытылмас мәўритлери менен ажыралып туратуғын 2022-жылға нәзер таслар екенбиз, «Инсан қәдирин улығлаў ҳәм белсенди мәҳәлле жылы"нда турмысымыздың барлық тараўларында, әсиресе, билимлендириў тараўында да өзгерислерге, жаңаланыўларға бай жыл болды, деўге толық тийкарлар бар.
🎄Солай екен, басланажақ 2023-жыл да елимиз тарийхында, әсиресе, билимлендириӯ тараӯындағы пидайы хызметкерлер ушын көплеген жетискенликлер ҳәм жаңаланыӯларға толы жыл болсын!
🎄Бәршеӊизди кирип киятырған Жаӊа жыл байрамыңыз бенен және бир мәрте шын жүректен қутлықлап, бәршеңизге саў-саламатлық, бахыт-ығбал, жуўапкершиликли ҳәм мәртебели жумысларыңызда табыслар, шаңарақларыңызға қут-берекет тилеймиз.
+2Jáne bir tınıp tınshımas, óz kásbiniń pidaysı bolǵan ustazlarımızdıń biri Nókis rayonı 6-sanlı orta mekteptiń qaraqalpaq tili hám ádebiyatı páni oqıtıwshısı Ayımxan Tursınbaevanıń is tájriybesinen kórinisler. Bul ustaz óziniń ashıq sabaǵında paydalanǵan.
Kópshilik jaǵdayda ustazlarımızdan «proektor jetispeydi, biziń klassımızda internet tezligi tómen, telefonnan paydalanıwǵa ruxsat joq, komp’yuter klasslar bosamaydı» degen juwaplardı alamız.
Izlegen imkan tabadı degendey, oqıtıwshımız eksperiment qılıp kóriwden qorqpastan qaraqalpaq tili sabaǵında kompyuter klassta sabaq ótkenliginiń guwasımız.
Tınıp tınshımas, hár bir sabaǵı ushın jańalıq alıp kiriwge tırısatuǵın bul Ustazǵa tabıslar tilep qalamız, bunnanda jaqsı nátiyjelerge erise beriwin, jas áwladtı tárbiyalawda sharshamawına tileklespiz.
+2Taqıyatas rayonı 7-sanlı ulıwma bilim beriw mektebiniń informatika páni oqıtıwshısı Utemuratova Gulnaz ustazımızdıń sabaqta ótilgen temanı bekkemlewde , sonday-aq oqıwshılardıń qızıǵıwshılıǵın arttırıwda quizizz platformasınan paydalanıp jaqsı nátiyjelerge erisip atırǵanlıǵın, oqıwshılarınıń joqarı klass oqıwshıları bolıwına qaramastan, olardıń da sabaqqa belsendi qatnasqanlıǵın, bul platforma járdeminde tayarlanǵan testlerdi sheshiw arqalı ótilgen temanı ózlestiriwdiń anaǵurlım jeńil bolǵanlıǵın aytıp óz nátiyjeleri menen bólisip atır.
Pidayı, hár bir sabaǵı ushın kreativ, innovacion ideyalar izleytuǵın Ustazǵa tabıslar tilep qalamız, bunnanda jaqsı nátiyjelerge erise beriwin, jas áwladtı tárbiyalawda sharshamawına tileklespiz.
Eger sizde usınday oqıwshılarıńızdıń bilimin bahalawda usı platformadan paydalanıwdı qáleseńiz kanalǵa jaylasqan video arqalı úyrenip alıwıńız hám paydalanıwıńız múmkin.
Assalauma aleykum ustazlar. Óz kásibiniń mamanları, jas áwladqa tálim tárbiya beriwde bar jigerin ayamay, pidayılıq penen óz iskerligin dawam etip atırǵan áziyz insanlar. Jumıslar menen harmańlar.
