2 895
مشترکین
+124 ساعت
+497 روز
+530 روز
آرشیو پست ها
Jáne bir qaharmanımız Baymuratova Ziywar Nókis qalası 37-sanlı mektep baslıwısh klass oqıtıwshı, óz sabaq processinde IKT imkaniyatlarınan keń paydalanıp kelmekte, bul dóretiwshi ustazımız biziń milliy oraymızǵa kelip kurstı ózlestiriw dawamında oqıtıwshılar menen birgelikte ámeliy sabaqlarımızda úyrengen platformalardan paydalanıp kiyatırǵanlıǵın, jaqsı nátiyjelerge erisip atırǵanlıǵın, oqıwshılar ushın oǵada qızıq ekenligin aytıp óziniń nátiyjeleri menen bólisip otıradı.
Mine usı sabaq processindegi joqarıdaǵı kórinislerden kórgenińizdey, oqıtıwshımızdıń oqıwshılarında informaciyalıq kommunikaciya texnologiyalar menen paydalanıw kónlikpeleri artqanlıǵınıń guwası boldıq
Pidayı, hár bir sabaǵı ushın kreativ, innovacion ideyalar izleytuǵın, Ustazǵa tabıslar tilep qalamız, bunnanda jaqsı nátiyjelerge erise beriwin, jas áwladtı tárbiyalawda sharshamawına tileklespiz.
Eger sizde usınday oqıwshılarıńızdıń bilimin bahalawda usı platformadan paydalanıwdı qáleseńiz kanalǵa jaylasqan video arqalı úyrenip alıwıńız hám paydalanıwıńız múmkin.
Búgingi qaharmanımız Qonırat rayonı 41-sanlı mektep baslawısh klass oqıtıwshısı Urazbaeva Gulbanu, óz sabaq processinde IKT lardan keń paydalanadı, erisip atırǵan nátiyjeleri menen bólisip turadı. Oqıtıwshımız óz qánigeligin arttırıwǵa kelgende óziniń dóretiwshiligi, kreativligi, jańalıqlardı qabıl etiwge tayarlıǵı menen ajıralıp turatuǵın edi. Mine bul oqıtıwshımız óz sabaq processinde oqıwshılarınıń baslawısh klass oqıwshıları bolıwına qaramastan sabaq processinde paydalanıp, búgingi kúnde sabaqların hátteki mektebiniń komp’yuter klassında da jańa sabaq formaların shólkemlestirip sabaq ótip atırǵanlıǵınıń guwasımız. Ustazımızdıń learningapps.org platformasında qaraqalpaq tilinde baslawısh klasslardıń ana tili hám tábiiy pánleri ushın jaratqan shınıǵıwları oǵada kóp hám júdá ájayıp.
Oqıtıwshımız kurs dawamında alǵan bilimlerin ámeliyatta nátiyjeli paydalanıp atırǵanlıǵınıń guwası bolıp, milliy orayımızǵa kelgen oqıtıwshılarǵa bilim beriwde, elede olar ushın paydalı maǵlıwmatlar beriwge bizlerdi ilhamlantıradı.
Tınıp tınshımas, hár bir sabaǵı ushın jańalıq alıp kiriwge tırısatuǵın Ustazǵa tabıslar tilep qalamız, bunnanda jaqsı nátiyjelerge erise beriwin, jas áwladtı tárbiyalawda sharshamawına tileklespiz.
Eger sizde óz pedagogikalıq iskerligińizde usı platformadan paydalanıwdı qáleseńiz kanalǵa jaylasqan video arqalı úyrenip alıwıńız hám paydalanıwıńız múmkin.
Assalawma aleykum Ustazlar.
Ózlerińizdiń xabarıńız bar, QR Pedagoglardı jańa metodikalarǵa úyretiw milliy orayında 2022-jılı yanvar ayınan baslap 1 hápte dawamında óz qánigeliklerińizdi arttırıp hám tájriybe almastıńızlar .
Bir hápte dawamında 36 saatlıq kurslardı ózlestirdińiz. Sonıń ishinde «IKT hám mediasawatlılıq» moduli ushın 2 para, birinshi parada lekciya hám ekinshi para bolsa ámeliy saatlar ushın ajıratılǵan.
📌Usı eki para dawamında ustazlarımızdıń óz pedagogikalıq iskerliginde IKT lardan paydalanıw kónlikpelerin elede qáliplestiriw, bilimlerin rawajlandırıw maqsetinde kóplegen paydalı maǵlıwmatlar berildi, sonıń menen birge kurstan keyingi baylanıs ornatıw maqsetinde bul kanal ashılǵan edi.
📎Mine jıl juwmaqlanıw aldında tur, demek biz bergen maǵlıwmatlardı ózlestirgen, ámeliy sabaqlarımızda alǵan bilimlerin ámeliyatta qollap nátiyjege erisip atırǵan ustazlarımızdı tanıstırmaqshıman. 🔍
IKT hám mediyasawatlılıq
