አ/ም ሰንበት ት/ቤት ትምህርት ክፍል official channel

ሥጋ ሁሉ እንደ ሣር ክብሩም ሁሉ እንደ ሣር አበባ ነውና ። ሣሩ ይጠወልጋል አበባውም ይረግፋል ። 1ጴጥ 1:24 ለምንኩስና ለተጠሩት ቡሩካን ይህ እኛ ሥጋውያን የምንጓጓለት ሠርግ፣ ትዳር፣ ወግማዕረጉ ክብሩ እነሱ የሚሸሹት ነገር ነው ። እነዚህ ነገሮች በራሳቸው ሐጢአት ስለሆኑ ሳይሆን ምድራዊው ነገር ለአንድ ደቂቃ እንኳን ልባቸውን እንዲሰርቅባቸው ስለማይፈልጉ ነው ። ቀንም ማታም ማሰብ የሚፈልጉት ክርስቶስንና መንግስቱን ነው ። መድኃኔዓለምን የሚወዱበት ፍቅር እንዲህ ሊባል የማይቻልና በቅናት የተመላ ነው። ሽርፍራፊ ሰከንድ ልባቸው ያለክርስቶስ እንዲያስብ አይፈቅዱም ። እንደኛ ቅዳሴ ላይ ሆነው ልባቸውን አስር ቦታ የበተኑ አይደሉም ። እንደ ቅዱስ ገብረክርስቶስ እጣቢና ቆሻሻ እየተደፋባቸው ምህረት እየለመኑ የማያልፈውን መዓዛ ኢየሱስ ክርስቶስን የገለጡ ናቸው እንጂ ። 💛 የሙሽራው ገብረክርስቶስና የቅዱሳን መነኮሳት ሁሉ በረከታቸው ይደርብን ።