Дастан Құрманбаев

Расында, нәпсі жамандыққа бұйырушы. Аллаға бойсұнуда ол саған қарсы келсе, сен де оған күнәлі істе қарсы шық! Хасан әл-Басри ( Алла рахым етсін)

Бақытты адам — иманын сақтауға, күшейтуге көмектесетін әйелі бар адам. Хадис ғалымы Ибн Ражаб (Алла рахымына алсын)

Сиқырды қайтаруға ең жақсы көмектесетін нәрсе ол — пайғамбарымызға ﷺ Алла Тағаланың Өзі үйреткен нәрсе, яғни “Фәләқ”, “Нәс” сүрелері. Тәпсір ғалымы Ибн Касир (Алла рахымына алсын)

Арам жолмен бір дирхам алмау — жүз мың дирхам садақа бергеннен жақсы. Табиғин ғұлама Мәлик ибн Динар (Алла рахымына алсын) 📚 Әл-Мажалис уа Жауаһир әл-Ғилм 📌 Күнәні, харамды тәрк ету де ғибадат және ғибадаттың ең үлкені!

Ақылы аздың ашуы көп, Таяз судың тасуы көп. Халық даналығы

Алдыңғысы даусы дұрыс шықпай қалыпты. Жөндеп қайтадан салдық‼️

Бақыт Бір құдірет бізді өмірге жолдайды. Біз өмірді түсінбейміз, Сол — қайғы. Туа сала таудай бақыт күтеміз, Ал шынында бақыт үлкен болмайды. Лүпілдеген тамырындай шекенің Жеке сағат, Жеке тәулік, Жеке күн. Үлгермейміз түсініп те, Байқап та Кейбір сәттің нағыз бақыт екенін! Құс сияқты сезінбейтін қанатын Бақыт — сәби білмейтұғын әлі атын. Бақыт! Бақыт — ғажайып бір дәм ғана Сүйгеннен соң ерініңде қалатын! Ақындардың көмейінен жыр ақса, Кейбіреулер сөз бәйгеде жүр ақсап. Бақыт шіркін асыл болса — бір мысқал, Бақыт шіркін уақыт болса — бір-ақ сәт! Мүмкін емес бұл өмірден исіну. Болу керек ән әдемі, Күй сұлу. Бақыт деген бұлтты күні — жадырау — Бақыт деген жұмыс болса — сүйсіну! Келтіретін адам болсаң елге мін, Неге керек босқа өмірге келгенің! Бақыт егер байлық болса — бергенің, Керек болса — Отан үшін өлгенің! Өмір мына лыпып тұрған ұстара. Өлім келсе, Қай туысың түсті ара?! Бар ғұмыры басқа қонған бақыттың Көбелектің ғұмырынан қысқарақ! Бір құдірет бізді өмірге жолдайды. Біз өмірді түсінбейміз, Сол — қайғы. Бақыт үлкен болған емес шынында, Ал қайғының кішкентайы болмайды! Қадыр Мырза Әлі