Şəhidlərimizi Tanıyaq

Vətən sağ olsun deyirik. Bəs bu vətəni sağ edənlər hanı?🥺

Şanlı Tovuz döyüşlərindən 4 il ötür. 12 iyul 2020-ci il tarixində Tovuz döyüşləri zamanı şəhid olanların xatirəsini ehtiramla yad edirik!

🇦🇿Şanlı Tovuz döyüşlərindən 4 il ötür. Şəhidlərimizi dərin hüzn və hörmətlə anırıq! Allah rəhmət eləsin.

🇦🇿Elməddin Abdullayev 13 fevral 2001-ci ildə Quba rayonunun Qam-qam kəndində dünyaya göz açmışdır. 2018-ci ildə şəhid Mübariz Abdullayev adına Qam-qam kənd tam orta məktəbini bitirmişdir. 2019-cu ilin aprel ayında isə hərbi xidmətə yollanmışdır. Azərbaycan Ordusunun əsgəri olan Elməddin Abdullayev İkinci Qarabağ müharibəsində iştirak etmişdir. 27 sentyabr 2020-ci ildə Suqovuşanın azadlığı uğrunda gedən döyüşlərdə döyüş tapşırığının yerinə yetirilməsi zamanı şəhid olmuşdur.🥀

🇦🇿Elməddin Xasayev 1980-ci il fevralın 12-də Beyləqan rayonunun Mil qəsəbəsində anadan olub. Elməddin Xasayev 2014-cü ildən hərbi sanitar vəzifəsində xidmət edirdi. Bir müddət Beyləqan rayonunda və Gəncə şəhərində yerləşən "N" saylı hərbi hissələrdə xidmət edəndən sonra o, Füzuli rayonunda yerləşən "N" saylı hərbi hissədə xidmətini davam eləyib. Azərbaycan Ordusunun çavuşu olan Elməddin Xasayev İkinci Qarabağ müharibəsi zamanı Füzulinin azadlığı uğrunda gedən döyüşlərdə yaralı hərbçiləri döyüş meydanından çıxarıb. Elməddin Xasayev sentyabrın 27-də müharibənin birinci saatlarında Füzulinin azad edilməsi zamanı Qaraxanbəyli istiqamətində gedən şiddətli döyüşlər nəticəsində şəhid olub. Uzun müddət nəşi tapıla bilməyib. 31 dekabr 2020-ci il tarixində nəşi tapılaraq ailəsinə təhvil verilib.🥀

Hər zaman qəlbimizdəsən ulu öndər!🇦🇿