Bookerberg

📚 "1000KITOB" loyihasi doirasida "Havola" nomli ruknni yo'lga qo'ydik Ushbu ruknimizda turli soha mutaxassislari loyihamiz doirasida chop etilgan turli asarlar haqida o‘zlarining fikr-mulohazalari va tahlillarini ulashishadi. Loyihaning ilk mehmoni — Alan Pritchardning "O‘rganish yo‘llari" asari ilmiy muharriri Dilovar Rajabova. Ekspertimiz ushbu kitob haqida qiziqarli fikrlar aytib o'tdi, shuningdek, yoshlarga va pedagoglarga o'z tavsiyalarini berdi. 📹 "Havola" havola: https://youtu.be/tznLPyTDmWQ?si=R4wm63K9xPRYL6uv @Bookerberg

Hozirgacha tarjima qilgan kitoblarim ▪️ 2021-yil kuz faslidan 2022-yil yozigacha — Nassim Talebning "Qora Oqqush" ('Black Swan'); ▪️ 2023-yil qishdan 2024-yil yozigacha — Tomas Eriksonning "Atrof to'la ahmoqlar" ('Surrounded by Idiots') ["Yangi asr avlodi" nashriyoti buyurtmasiga ko'ra]; ▪️ 2024-yil avgustdan noyabrgacha — Tina Siligning "20 yoshimgacha nega bu haqda aytishmagan?" ('What I Wish When I Was 20') ["Yog'du" nashriyoti buyurtmasiga ko'ra]; ▪️ 2025-yil apreldan avgustgacha — Oriana Skaylar Mastro "Ajdarho Parvozi. Xitoy qanday qilib buyuk davlatga aylandi?" ('Upstart. How China Become A Great Power?') ["Pirnashr" buyurtmasiga ko'ra]; ▪️ 2025-yil maydan oktyabrgacha — Martin Ford "Robotlarning yuksalishi" ('Rise Of Robots'); ▪️ 2025-yil oktyabrdan dekabrgacha — Maykl Hayyat "Diqqatni jamlash erkinligi" ('Free To Focus') ["Info-Kapital Books" buyurtmasiga ko'ra]; ▪️ 2025-yil noyabrdan 2026-yil aprelgacha — Anuprita Das "Milliarder, botanik, xaloskor, qirol. Bill Geyts va uning dunyomizni o‘zgartirish yo'lidagi intilishlari" ('Billionaire, Nerd, Savior, King') ["Pirnashr" buyurtmasiga ko'ra]; ▪️ 2026-yil yanvardan martgacha — Barbara va Allan Piz "Tana tili. Mukammal qo'llanma" ('The Definitive Book Of Body Language') ["Booktopia" nashriyoti buyurtmasiga ko'ra]; ▪️ 2026-yil martdan iyungacha — Tomas Erikson "Atrof toʻla yomon rahbarlar va yalqov xodimlar" ('Surrounded by Bad Bosses and Lazy Employees') ["Yangi asr avlodi" buyurtmasiga ko'ra]; ▪️ 2026-yil apreldan maygacha — Ruslan Ismagilov "Qanday qilib 24 soatni 48 ga aylantirish mumkin?" ("Как превратить 24 часа в 48") ["Info-Kapital Books" buyurtmasiga ko'ra]; ▪️ 2026-yil maydan iyulgacha — Den Milshteyn "1-qoida: Ikkinchi boʻlma" ('Rule #1: Don't Be #2') ["Info-Kapital Books" buyurtmasiga ko'ra]; 🔠 Ayni damda Stiven Jonsonning "Yaxshi g'oyalar qayerdan paydo bo'ladi?" ("Where Good Ideas Come From") ["Info-Kapital Books" buyurtmasiga ko'ra] kitobini tarjima qilayapman. @Bookerberg

So'nggi yillarda kanalimga deyarli e'tibor bermayapman. Lekin yozgulik gaplar, ulashgulik yangiliklar, bilimlar anchayin yig'ilib qolgan. Misol uchun, o'tgan yilning oktyabr oyidan beri 1000KITOB loyihasida ishlayotganimni kanalimda yozmagan ekanman (garchi atrofimdagilar, shuningdek, bookbloger o'rtoqlarim uchun bu sir bo'lmasa-da). Loyiha bo'yicha savollaringiz bo'lsa, beraverasizlar. Batafsil javob berishga harakat qilaman. * * * Bundan tashqari, oxirgi yillarda turli nashriyotlar bilan ishladim, turli kitoblar tarjima qildim, bir qancha saytlarda muharrirlik qildim. Shu kunlarda qilgan ishlarim haqida yozish, yig'gan tajribalarim bilan ulashishni o'ylab yuribman. Ba'zan shaxsiy brendimga alohida e'tibor qilishim kerakmi deb o'ylab qolaman. Nima deb o'ylaysizlar, hozir bu zamon talabimi yoki indamasdan ishni qilavergan yaxshimi? @Bookerberg

Yana bir tarjimam nashrdan chiqdi. Ushbu kitobni o'tgan yili tarjima qilgan edim. Juda manfaatli kitob. Unda Xitoyning qanday qilib hozirgi darajaga chiqqani, qanday qilib shu paytgacha AQSh bilan urushdan qochib kelayotgani (yetarlicha rivojlanib olish va raqobatbardosh strukturalarga ega bo'lguncha) juda batafsil ochib berilgan. Muallif "Upstart" strategiyasi, ya'ni Xitoyning rivojlanish strategiyasida qo'llayotgan uchta usulni tushuntirib bergan. O'qishni tavsiya qilaman. @Bookerberg

1000KITOB loyihasi doirasida yana 10 ta yangi kitob nashrga tayyorlanyapti ekan. O'zi yaqinda 20 ta yangi kitob chiqqan edi. Qaysi kitoblar siz uchun ko'proq qiziq? @Bookerberg

#tez_orada “Kitob o‘qish uchun ikki asos bor: birinchisi – sen bundan rohatlanasan. Ikkinchisi esa – sen bu bilan maqtanishing mumkin”. Bertran Rassell Siz uchun rohatbaxsh tuhfalar hozirlayapmiz. Telegram | Facebook | Instagram | YouTube

Daniel Kanemanning kitobi o'zbek tiliga tarjima qilinibdi Kanemanning "Thinking Fast and Slow" ("Tez va sekin fikrlash") kitobi nihoyat o'zbek tilida nashrga tayyorlanayotgan ekan. Bu kitobning tarjima qilinishini uzoq kutdik. Juda ajoyib kitob. O'z ustida ishlaydigan, idrok qanday ishlashini bilishni xohlaydigan har bir kitobxon uchun foydali bo'ladigan kitob. "Non-Fiction" loyihasi doirasida ushbu kitob haqida video ham olib, uning asosiy g'oyalari tushuntirib bergandim. Kaneman 2002-yilda iqtisodiyot bo'yicha Nobel mukofotini qo'lga kiritgan. U xulq-atvor iqtisodiyoti sohasining otalaridan biri hisoblanadi. Bu soha qaror qabul qilish va o‘z xulq-atvorini boshqarishda insonning tavakkalchilikka bo‘lgan mantiqsiz munosabatini izohlash uchun iqtisodiyot va kognitivistikani birlashtiradi. Daniel Kaneman ikki yil oldin olamdan o'tdi. Xullas, juda kerakli kitob. Sotuvga chiqishini kutamiz. @Bookerberg

Ushbu video oxirida loyihamizning oldingi sonida e'lon qilingan tanlov g'olibini e'lon qilganmiz. Shu an'anani davom ettirib, har galgi sonning oxirida g'olibni e'lon qilib bormoqchimiz. Birinchi tanlovimizning g'olibi esa Madinabonu Sobirova ismli kuzatuvchimiz bo'ldi. Keyingi tanlovlarimizda siz ham qatnashing. Buning uchun shunchaki video ostida izoh qoldirsangiz kifoya (qanday izoh ekanligini esa videoda tushunytirib o'tganman). @Bookerberg

▶️ Nega tanlovni siz uchun qilib bo’lishgan? | Non-Fiction #21 Nega insonlar o‘zlari uchun foydasiz bo'lgan qarorlar qabul qilishadi? Nima uchun muhim ishlarni keyinga suramiz, o‘ylamay xaridlar qilamiz va nega har doim ham oqilona yo‘l tutolmaymiz? Ushbu videoda Richard Taler va Kass Sansteynning “Nudge. Tanlov arxitekturasi” nomli kitobini tahlil qilamiz. Siz unda atrof-muhit qarorlarimizga qanday ta’sir etishini va axborotni taqdim etish usulidagi kichik o‘zgarishlar inson xulq-atvorini qay darajada o‘zgartirishi mumkinligini bilib olasiz. Kitob psixologiya, xulq-atvor iqtisodiyoti, marketing va boshqaruvga qiziquvchi har bir kishi uchun foydali bo‘ladi.

Bu safargi sonida ham tanlov e'lon qilganmiz va unga ko'ra siz kitob yutib olishingiz mumkin.

⏺https://youtu.be/3iMIEsOndss @Bookerberg

Kitobsevarlar diqqatiga! “Tashabbuslar marafoni”ga start berilmoqda. To‘yga to‘yona degandek, 1000kitob jamoasi ham hududlarga “Kitob karvoni” bilan yo‘l oladi. Marafon doirasida “KitobFEST” tashkil etilib, “Devon” ma’rifiy muloqotlari ham o‘tkaziladi. Unda: – har bir hududda kitoblar taqdimoti; – soha ekspertlari bilan uchrashuvlar; – tarjimon va muharrirlar ishtirokida ochiq muloqotlar bo‘ladi. Tarjima, muharrirlik va ijodiy yo‘nalishlarda o‘z salohiyatini namoyon qilishni istagan yoshlar uchun bu marafon yangi imkoniyat va katta tajriba maydoniga aylanadi! Imkoniyatni qo‘ldan boy bermang. Ro‘yxatdan o‘tib, safimizga qo‘shiling! 👉 yoshlar.gov.uz Telegram | Facebook | Instagram | YouTube

Mana bu kitob o'zbek tiliga tarjima qilinib, "Tajribaga aldanganlar" nomi ostida nashr etishibdi. Qiziq kitob. "Non-Fiction"da shu kitob haqida video chiqargandim. Kitobning mazmuni va asosiy g'oyalari bilan tanishishni xohlasangiz, videoni ko'rishni tavsiya qilaman. @Bookerberg

Eng ko'p ko'rilganlari - men tarjima qilgan kitoblar haqida videolar ekan)) @Bookerberg

Bugun hammamiz uchun sifatli kitoblar ramziga aylanib ulgurgan Zabarjad Media nashriyotining 7 yilligi nishonlanayapti. Nashriyotning loyal mijozi va oddiy bir kitobxon sifatida bundan keyin ham katta yutuqlar tilaymiz. Zabarjad Medianing 10, 15, 30 yillik marralarini ham nishonlab yurish nasib qilsin. Bugun hammamizni nashriyot o'z ofisiga, ushbu kunni birgalikda nishonlash uchun chaqirgan. Kimlar allaqachon o'sha yerda va kimlar endi bormoqchi?) @Bookerberg

▶️ Gap talantda emas — rivojlanmayotganingizning asosiy sababi nimada? | Non-Fiction #21 Nihoyat, "Non-Fiction" loyihasining yangi sonini YouTube`ga joyladik. Buguni soni Kerol Dvekning “Mindset: The New Psychology of Success” kitobi haqida.

Bu safargi sonida bir tanlovcha qilishga qaror qildik va sovringa xuddi shu kitobning o'zbek tilidagi nashrini qo'ydik. Kitobni yutib olish uchun esa video ostidagi sharhlar qismiga o'tib komment qoldirishingiz kerak. U qanday komment bo'lishi kerakligini esa videoda tushuntirganman (sharti juda oddiy).

Nega ba'zi odamlar muvaffaqiyatsizliklardan keyin o'sishadi, boshqalar esa — hatto harakat qilsalar ham — bir joyda qotib qolishadi? Mana shu savollarga bugun ushbu kitobni tahlil qilgan holda javob topamiz. ⏺https://youtube.com/watch?v=i_ofTfvZP4Q&feature=youtu.be @Bookerberg

O'tgan hafta bo'lib o'tgan tadbirning yozib olingan videosi tez kunlarda YouTube'ga joylanadi. @Bookerberg

“Sun‘iy intellekt 100 yilda ham insonning o‘rnini bosolmaydi”

#tez_kunda

18-aprel, shanba kuni Sun'iy intellekt nazorati haqida yuqoridagi kabi muammolarga bag'ishlangan muhokama (debat) tadbiri bo'lib o'tadi. Muhokama davomida Styuart Rasselning "Insonga mos sun'iy intellekt va nazorat muammosi" kitobida keltirilgan masalalar, insoniyat kelajagi, hamda super ong mavjud dunyoga qanday tayyor bo'lish kerakligi haqida bahslar bo'ladi. Aytishlaricha, tadbirda Davronbek Turdiyev, Hamid Sodiq, Alisher Tojiyev ham qatnashar ekan. Tadbir debat ko'rinishida bo'larkan, ya'ni ekspertlar sun'iy intellekt va uning muammolarini muhokama qilishadi. Xullas, qiziqarli fikrlar eshitamiz deb o'ylayapman. Chunki mavzu ham, kitobning o'zi ham juda qiziqarli. O'sha kuni Toshkentda bo'lsangizlar, albatta kelinglar. Kirish bepul. @Bookerberg

Shoh Midas haqidagi afsona haqida eshitgan bo'lsangiz kerak? Unga ko'ra, Midas Silena va iloh Dionisga qilgan yaxshiligi uchun taqdirlangan va o'zi tekkan hamma narsani oltinga aylantira olish qobiliyati bilan siylangan. Ammo biroz vaqt o'tgach, bu "mukofot" aslida "qarg'ish" ekanligini tushuna boshlagan: ovqat, suv, uning yaqinlari — hamma narsa oltinga aylanib qolaverardi. Midas Dionisdan bu mukofotni qaytarib olishni iltimos qiladi... Insoniyat sun'iy intellekt yaratib, unga ma'lum bir topshiriqni bergach, xuddi Midasniki kabi muammoga duch kelishimiz mumkin. Biz o'ylayotgan sun'iy idrok, biz o'ylagandek "yovuz" yoki "insonga qarshi" bo'lmasligi mumkin, lekin biz uni nazorat qila olmay qolishimiz ehtimoli kattda. Muammo shundaki, misol uchun sun'iy intellekt oldiga skrepkalar (paper clips) yaratish vazifasi qo'yilsa — u bu vazifani o'z mavjudligining mazmuni deb qabul qilishi va hamma narsadan skrepka yasay boshlashi mumkin. Va unga mutlaqo farqi bo'lmaydi, uning "cheksiz skrepkalar" yasashi insoniyatga, tabiatga zarar yetkazadimi, resurslarni cheklab qo'yadimi — u bitta ishni bajarishi kerak — u ham bo'lsa skrepka yasash... Bu analogiya haqida Styuart Rasselning "Insonga mos sun'iy intellekt va nazorat muammosi" kitobida o'qigandim. Ushbu kitobda shunga o'xshash turli muammolar va keyslar keltirilgan. O'qishni tavsiya qilaman. @Bookerberg

😁😆😁 tadbirga kimlar kelyapti ertaga?

Korrupsiya haqida gaplashamiz Ertaga, 11-aprel, soat 11:00 da "Founders Cafe"da (eski Shakespeare kafesi) 1000KITOB loyihasi doirasida chop etilgan "Korrupsiya: Buni hamma bilishi kerak" kitobining taqdimoti va ochiq muloqot bo'lib o'tadi. Taklifnomani sizlarga ham tashlab qo'yayapman, boshqalarga ko'rsatmanglar, "pora" deb o'ylashlari mumkin)) Agar kitob bilan oldindan tanishaman desangizlar, kitobning elektron varianti Mutolaa platformasida bor. Xullas, ertaga o'zim ham shu yerda bo'laman. Bir qator bookblogerlar ham tashrif buyurishadi. Yengil muhitda, bir piyola choy ustida o'tirib, suhbat quramiz. Kelaverasizlar. @Bookerberg