Будзьма беларусамі!

🗣 Размова з Лізаветай Міхальчук 🔴 Лізавета Міхальчук, мастацтвазнаўца, куратарка зачыненай галерэі «Прасторы КХ», а цяпер — анлайн-галерэі spacekx.com, распавяла ў інтэрв’ю budzma.org, як удалося зрабіць прарыўны мастацкі праект для Берасця і якія мінусы беларускіх творцаў аказваюцца ў Германіі плюсамі.

«Мы распавядалі нямецкім слухачам пра беларускае сучаснае мастацтва. Калі расказваеш у Германіі пра яго стан, складаецца ўражанне, што вам не вераць, калі вы кажаце, што сфера сучаснага мастацтва ў Беларусі не проста бедная — а цалкам спустошаная».

Размова цалкам тут 🟥 Без VPN адкрыецца па гэтай спасылцы.

🔥 Пра перавыданне аповесцей Васіля Быкава «Афганец» і «Бліндаж» паведамляецца на сайце Kamunikat.org Прэзентацыя новай кнігі з апавяданнямі адбудзецца падчас святкавання 100-годдзя з Дня Нараджэння Васіля Быкава ў Цэнтры беларускай культуры ў Беластоку.

У кнігу класіка беларускай літаратуры ўвайшлі дзве знакавыя, але малавядомыя пакуль аповесці — «Афганец» і «Бліндаж». Тэксты былі надрукаваныя толькі пасля смерці народнага пісьменніка Беларусі.

📆 Дата: 19 чэрвеня ⏰ Час: 19:00 (час мясцовы) 📍Месца: кавярня ФАМА, Легіёнова 5, Беласток.

🆕 Ці выбіраў Ягайла між Масквой і Кракавам? Тлумачыць доктар гістарычных навук Алесь Краўцэвіч у новым відэа. 🧐 Гэтым разам гісторык адкажа на пытанні: ❓Чаму Ягайла прыняў каталіцтва? ❓Чаму князь не заключыў саюз з Масковіяй? ❓Навошта падобны саюз быў патрэбен Альгерду? ❓Якім чынам княгіня Ульяна — маці Ягайлы — уплывала на міжнародныя зносіны між ВКЛ і Масковіяй? 📱 Адказы на гэтыя пытанні ў відэа, якое можна знайсці па спасылцы: https://youtu.be/JHwk9XGqk7Y

👀 А вы - сьвядомыя беларусы? Напэўна, вы ўсе чулі гэта слова, але што ж яно азначае! 📱 Спадабалася відэа, то стаўце лайк і дзяліцеся зь сябрамі! Ну і, вядома ж, падпісвайцеся на _vytoki ў TikTok

⛪️ Касцёл Найсвяцейшай Дзевы Марыі ў Полацку Пра абвал яшчэ адной часткі мура ад руінаў касцёла Найсвяцейшай Дзевы Марыі на левым беразе Дзвіны паведамляе тэлеграм-канал «Спадчына». 😔 Нягледзячы на тое, што ўвесь барочны комплекс кляштара 1769 года пабудовы мае статус гісторыка-культурнай каштоўнасці, ніякіх захадаў па кансервацыі і аднаўленні не прадпрымаецца.

🩵 Па-беларуску і сусветнага ўзроўню 💬 «Хацелі стварыць такую праграму, на якой хацелі б вучыцца самі», — кажа адна з распрацоўшчыц новай праграмы. Плануецца, што першыя два гады навучанне будзе весціся на беларускай мове, а з трэцяга курса — цалкам па-ангельску. Такім чынам, пры пэўных намаганнях, выпускнікі змогуць паехаць у магістратуры партнёраў ЕГУ і змогуць «стаць голасам Беларусі» ў свеце. У чым унікальнасць новай праграмы навучання і якія разам з тым ёсць перасцярогі наконт яе паспяховага старту? 🗣 Паразмаўлялі пра гэта з адной з распрацоўшчыц праграмы. Размова цалкам тут 💬 Без VPN адкрыецца па гэтай спасылцы.

🔥 Асабістыя рэчы Васіля Быкава, ягоныя фотаздымкі і рукапісы можна будзе ўбачыць на юбілейнай выставе пісьменніка ў Празе Адкрыццё выставы, прысвечанай 100-годдзю Васіля Быкава, мае адбыцца ў Нацыянальнай бібліятэцы Чэхіі — Славянскай бібліятэцы 19 чэрвеня. 📌 У эскпазіцыі можна будзе пабачыць рэчы з праскай кватэры беларускага пісьменніка, ягоныя рукапісы, кнігі і фотаздымкі. У прыватнасці, экспантамі з уласнага архіву падзяліўся для праекта беларускі журналіст і палітык Сяргей Навумчык.

Сярод рэчаў з праскай кватэры Быкава — кубачкі (засталіся сьляды кавы), асадка, — падзяліўся тым, як выглядаюць экспанаты грамадскі дзеяч. — Тэлефон мой, але нейкі час Васіль Уладзімеравіч ім карыстаўся. Рукапіс нашага зь ім інтэрвью для ЛіМу ў 1990-м, тэкст выступу на III зьезьдзе БНФ зь ягонымі праўкамі, іншыя дакумэнты. А таксама — «Мёртвым не баліць» (Мюнхэн, 1965), і быкаўскія выданьні «Радыё Свабода»

Падрабязней 🔗 Па гэтай спасылцы адкрыецца без VPN.

🗣️ Сяргей Шупа: «Беларусь мае патэнцыял, каб нарэшце зажыць найлепш за ўсю сваю гісторыю» Перакладчык і літаратар Сяргей Шупа разважае ў інтэрв’ю Жыццё-Маліна пра гістарычны аптымізм Беларусі. Тэкст паводле відэа запісала «Салідарнасць».

«І вось яно не скончваецца і не скончваецца. Нібыта трошкі ўздыхнулі, як зноў прыхлопнулі. Але на фоне ўсёй гэтай гісторыі сёння мы маем найлепшы патэнцыял — сёння беларусы нарасцілі мускул, які ў спрыяльны момант дазволіць ім вельмі хутка дабудаваць усё, чаго не хапае сёння. І людзей назбіралася разумных, і агульны ўзровень жыцця падняўся фактычна ва ўсім свеце».

Падрабязней 🖥 Па гэтай спасылцы адкрыецца без VPN.

📆 Што адбылося 10 чэрвеня ў беларускай гісторыі #гісторыя #будзьмабеларусамі #усяслаўчарадзей #усяслаў #сымонбудны #нясвіж #гродна #вкл #полацк #бнф #канада #вялікабратанія #стоўбцы #рэчпаспалітая

🗣️ 100 цытат да 100-годдзя Васіля Быкава. Частка XIV 19 чэрвеня будзе адзначацца 100-годдзе народнага пісьменніка Беларусі Васіля Быкава. Штодня цягам месяца мы будзем публікаваць цытаты пісьменніка, якога сучаснікі называлі сумленнем нацыі. Бо кожная думка творцы трапна ўскрывае боль народа, ягоныя спадзяванні і страхі. Нягледзячы на тое, што ў беларускай сталіцы няма ні вуліцы Васіля Быкава, ні помніка выбітнаму пісьменніку, ягоныя словы застаюцца сімвалам неўміручасці ідэй беларускага Адраджэння. #будзьмабеларусамі #100год #васільбыкаў #100быкаву